المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الدحيش أكل العيش

استعرض الموضوع السابق استعرض الموضوع التالي اذهب الى الأسفل

الدحيش أكل العيش

مُساهمة من طرف صديق عبدالله علي أبوحنة في الثلاثاء 21 فبراير 2012, 11:05 am

الدحيش أكل العيش.. مثل منصوري بحت.. رائع.. من البيئة والبلد كلها مليانة حمير زمان. جزاها الله خير خدمتنا كتير بس عضو المنتدى اختنا أميرة علي مسمي الحمارة ( مقطوعة الطرى)..
اها الحمار والله الحمارة والله الدحش لما ينطلق في بوغة الناس بالليل والله عيش الناس المسيوق. يصبحها صعيداً زلقاً.. عشان كدة أن ينطلق دحش في قش ناس دي كانت جريمة لاتغتفر في المناصير، وقد يحصل فيها ضرب.. خاصة إذا سرى الدحش بالليل في بوغة والعيش دابو مهبهب فوق الحفر..! يلم في البوغة يوصلا حدها..
ممكن تتخيل بوغة واسوها وحفروها وعملوا ليها فزع وجوا سقوها وفجأة ينطلق فيها دحش ياكلا كلها!
أليست جريمة!
عشان كدة المناصير أهم حاجة عندهم ينصحوا حبل الحمار وعندهم ليهو نظام موش مجرد حبل...( تميمي... وعصاه) وكل واحد في ديل عندو مهمة معينة..
وكمان الرجال الكبار والحريم الكبار قبل صلاة الصبح عندهم قومة كدي بدري، يتفقدوا الحمير بتاعتهم لو في حمارة انطلقت في عيش الناس.. يربطوها بدري قبل ما الناس يصحوا. طبعا في ناس متخصصين في درب الحمير يعرفوا ده درب حمارة منو الفي البوغة.. لو انطلق حمارك هم كدة كدة راح يعرفوك . لكن سوف تكون الحكاية خفيفة لمان بدري قبل الناس ما يجواا تلم دحشك عليك..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف صديق عبدالله علي أبوحنة في الثلاثاء 21 فبراير 2012, 11:12 am

قصة المثل وأين يضرب المثل:-
مثلا في قضية المناصير يكون فيها خبر كدة داسنوا منك.. عشان خايفين منك مثلا أن تكون عدو للجنة والله زولاً تشنفر الكلام.. بعدين في الآخر جوا يكلموك تحصيل حاصل ساكت.. تقوم تقول ليهم( بعد ما الدحيش أكل العيش؟؟!!)
أو تكون عندك أخت في الجامعة وهي متكتكة مع واحد زميلا.. بعد التخرج يتزوجوا.. وحتى كان ما الاسرة وافقت يتزوجوا عن طريق القاضي..
وأنت شايف وسامع والخبر فايت قعر أضانك بي غادي.. وهي خايفي منك ما عايزة تكلمك من زمان.. عشان عارفاك الزول البي تحبوا هي ده! إنت قاعد تكرهوا وما عايزوا يناسبكم!
وهي تحصيل حاصل ساكت بعد ما الحكاية نجضت عايزه تكلمك
إنت بمغصة شديدة تقول ليها تكلموني بعد شنو! بعد( ما الدحيش اكل العيش؟؟!!)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف صديق عبدالله علي أبوحنة في الثلاثاء 21 فبراير 2012, 11:18 am

لأنو الدحيش بعد ياكل العيش، خلاص تاني الحكايي ما بتتعالج ابداً

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف مصباح محمد مصباح في الثلاثاء 21 فبراير 2012, 12:35 pm

الأخ صديق لك التحية أظنه الدحيش أكل عيش المناصير وربنا يستر وإن شاء يكون الدحيش عار على الخلاء أو راح يفتش دريبات أخر إذا كان دحيشا كبيرا.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16261
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف صديق عبدالله علي أبوحنة في الجمعة 24 فبراير 2012, 1:49 am

يوم داك بي هناك لما قلنا(على المناصير ترشيد إستهلاك الكهرباء)
قام الريس خالد عابدين جاب مثل منصوري بليغ قال: ( ما تكجبروا الدحيشي)
ما تكجبروا يعني تركبوا فوقو وهو صغير يتعوج وكرعيهو يتلولون
.........
خالد جاب المثل ده من وين!
زمان في المناصير لما الحمارة تولد تجيب لها دحيشي صغييرة كدة. تكون دابا والدنها وشعرا سمح ونااااعم وعيونا زرقااااء وكعادة جنا الحمارة يلدوه طوالي يقوم يمشى. والولاد الابوهم حمارتو ولدت تلقاهم فرحانين ويكلموا زول زول. حتى الناس يباركوا ليهم! وتلقى الشفع خمسة سنوات وسبعة سنوات ساكنها في الشارع يجروا فوقا ويركبوا فوقا وهي تقع وتقوم بيهم مسكيني. فجاة يجي زول كبير ينهرهم يقول ليهم( يا ولاد هييي ما تكجبروا الدحيشي) اي لاتركبوا فوقا قبل ما تبقى للركوب..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف صديق عبدالله علي أبوحنة في السبت 25 فبراير 2012, 5:32 am

[size=24]عـَلـُوقْ الشـَدَّه: مثل منصوري رائع
يقول ليك ده علوق شده ساكت. يعني ما نافع
قصة المثل:- في نفس اللحظة العايز تشد حماره تمشي بيها باشي والله بكاا.. تقوم تديها عيش حب في قدح.. يعني العلوق ده ما راح ينفعا عشان تمشي ليك كويس وتستحمل المشوار الطويل... مفروض من زمااان بشكل روتيني تديها علوق كل يوم الصباح. عشان كدة العلوق المتواصل بيكون شد من أزرها وساعدها. اما العلوق في ساعتو غير نافع
اقول ليك فلان قال كدة.. تقول لى ده علوق شده ساكت[.. اي رايه جاء متأخراً
ويشد الحمارة يعني يضع عليها السرج ويكرب( البطان) ويشد ( الضناب) ويضع البردعة أو البردحة على السرج ويضع اللجام في خشم الحمارة/size]

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف نجلاء زمراوي في السبت 25 فبراير 2012, 7:15 am

ايضا يضرب المثل عندما تذاكر ليله الامتحان او عندما لا تكون مستعدا للامتحان منذ وقت كافي وتبتدي تذاكر في اللحظات الاخيره

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15919
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: الدحيش أكل العيش

مُساهمة من طرف صديق عبدالله علي أبوحنة في السبت 25 فبراير 2012, 7:30 am

نعم يا نجلاء. علوق الشدة برضو الزول لما يذاكر بس قريب الإمتحانات ومن زمان مهمل مذاكرتو

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى