المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

استعرض الموضوع السابق استعرض الموضوع التالي اذهب الى الأسفل

لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في السبت 17 يوليو 2010, 1:42 am

1 علي حسن علي صديق..... من قرية (بهيي
2 عبد الله صديق عمر من قرية عصمة
3 محمد الحسن عبادي من المهوة
4 إبراهيم أحمد علي العقيد من شري
5 محمد أحمد محمد الأمين محمد بروي..شري
6 صديق عبد الله علي أبوحنة قرية الحنانين قبالة شري
7 جعفر نعمان عثمان قرية السلمات
8خليفة النعيم حسين قرية المترة
9 أحمد الحسن أحمد كحيل قرية الكحولة
10 سليمان عدلان قرية الحموداب
11 حمد عثمان حمد أبوروفة قرية الدغفيلي
12 ابراهيم أحمد حبيب الله المهوة
13بخيت بشير الماحي المهوة

14 خليفة عمر على بابكر المهوة
15 عيسى صديق محمد فضيلي قرية التولاب
16 الطيب مصطفى الكواري ولاد الكواري قرية السنودة
17 غالب عبد العزيز حماد قرية الهجيليج
18 سليمان حامد سليمان ود أم قزاز قرية العمارين
19 خليفة يوسف محمد عقيلابي قرية العمارين
20حامد علي محمد الإمامي شري راس الجزيري
21 عمر الدمري شري فقاعة
22سليمان الأمين الحاج شري فقاعة
23 حسن محمد سعيد شري
24 عبد الله علي عبد الله ود عمورة شري المتيرة
25سليمان محمد أحمد الشمباني شري
26 السر سليمان محمد أحمد الشمباني شري
27 سليمان المنصور شري أم لقاديب
28 عبد الله سليم علي الشاعر شري أم لقاديب
29 مكي عبد الرحيم جزيرة أوس
30 عبد الرحمن حامدابي.. كمساب
31 عمر سعد.. من العتمور من ساني
32 نور الهادي على العطا جزيرة سور
33عبد القادر الأمين الحسن قرية شري
34حسن محمد علي القاضي قرية النعوفاب
35 سر الختم محمد علي بلل قرية البللاب
36 محمود تاج السر البشير جزيرة شرري
37 سليمان الفكي محمد أحمد جزيرة شرري
38محمد علي ابو زيد قرية دربي
39يوسف عثمان مصطفى الجزيرة شري
40الفكي محمد جيب الله الجزيرة شري
41 ابراهيم الفكي جيب الله الجزيرة شري
42 عبد القادر محمد أحمد الصادق الجزيرة شري
هنا بصدد ذكراهم وذكراهم لم تغرق.. نترحم على من مات منهم.. وطول العمر للحيين ومزيداً من العطاء

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف محمد حبيب بشير هبرم في السبت 17 يوليو 2010, 2:30 am

يا ناس انتو عجايز ضما الله يمد في ايامكن

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف م بروي في السبت 17 يوليو 2010, 5:16 am

عرفتو كيف نحنا لينا زمن ننادي بانضمام هذا المبدع
والله أنا لو نحت مخي سنة كاملة ما أحسب أكتر من عشرة فعلا موسوعة ياهندسه
لكن خليفه عمر علي (الله يرحمه من العوناب)
شكري والمحبة
ياهبرم في ناس معانا لكن دخلوا المدرسة بي شنباتن نحنا دابنا وليدات قول بسم الله

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19007
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف خالد عابدين في السبت 17 يوليو 2010, 5:24 am

والله ياهبرم صديق اب حنة دا انا لمن قريتلو في سودانيز اون لاين وحكايات زمان والشدة البي يلبسوها وحاجات كتيرة من قصص زمان قلت في نفسي الزول ده يكون من الرعيل الاول المثقفين من المناصير
لكن اليوم لمن قريت دفعتو ادركت انه مازال شباب وماكبير الكبر الاتخيلتو ومن دفعته درسونا في الثانوي ابوحمد الاساتذة ابراهيم العقيد وعلي حسن علي صديق (علي كيمياء ، زول كان صعب لايضحك ابدا ) وكان ضحكت وللا اتلفت في حصتو عاد الكفيت يلم فيك
التحية جميعا لهم ولاستاذتنا صديق ومحمد بروي




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19013
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في السبت 17 يوليو 2010, 12:51 pm

المتداخلون سلام... محمد بروي وخالد وشيخ الهبارمة.. ناس الجماميع..على عوض الكريم وعلي محمد عثمان علي حبيب هبرم وغيرهم.. وواحد من الهبارمة ثري كان عندو دكان في الكاب.. من ناسكم برضو يا هبرم... شكرا ليكم جميعاً...
زي ما قال ليك محمد بروي في ناس كان بيدخلوهم المدرسة بي شنباتهن.. بعيدن أنا ومحمد بروي محافظين خالص حاجة كدة من الله هبة.. لأننا ماني شايلنها تقيلة.. الفلس والقروش عندنا واحد .. بس نضحك.. وناس مخلنها على الله.. عشان كدة الحياة عندنا تمديد اللحظات السعيدة، وتقليص اللحظات الغير سعيدة، لأنو هي إسمها الدنيا لايتم ليك كل ما تريد فيها، الله صنع دار أخرى بي هناك سوف يتم ليك كل ماتريد فيها بلا شقاء، إن صلح عملك، عشان كدة نحن في هذه الدنيا زي الطالب الذي يجلس على درج يحل في إمتحان، بعد شوية يسلم ورقة الإمتحان ويطلع، لذلك أنا ومحمد بروي من النوع الما شايلها تقيلة، برضو ربنا أكرمنا أنا وهو بمعايش ممكن تقول ساهلة بدون مجابدة( أبداً عيشتو ماها كفت.... وفي الصلاة ما بيفوتو وكت)
لذلك العيشة الساهلة لاتطبع على الجسد تضاريس الأيام..
والزول لمان يكون متسامح سامي الضمير لايخزن، بيكون محافظ

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف محمد حبيب بشير هبرم في السبت 17 يوليو 2010, 4:48 pm

والله ايها الرائعون صديق وبروي وخالد ماكن طالبني حليفي لمان قريت تعليقكم دمعتي جرت وطبعاعلي كيمياءوابراهيم الصقر درسونا في ابوحمد وكانوافعلا جادين شديد ماهن زي القسيم البغني في مسرح المدرسه (يا البنيي الشاغلي الفكر)وهو استاذجغرافيا ممتازوالصقر يدرس التاريخ وعلي يدرس الكيمياء واخوهو حاتم دفعتنا كان العصر يمشي يبني الطين في القوز وتايتو كلها من الطلبه ناس عبد الواحد احمد كحيل وطبعا نحن عاصرنا القامه الفنيه الرائعه عيسي حامد كان الدفعه القدامنا وساكن معانا في العنبرعنقريبه جنب عنقريبي__ يا هندسه ما شاالله الرجل الثري هو جدنا مصطفي ود حبيب ود هبرم خال الوالد وعم الوالده والسيد محمد عثمان المرغني لما زار البلدسنه86 جاء بي هلكوبتر نزلت في برود_بفتح الباء و الراء وكسر الواو_ جدنا مصطفي وكانت الضيافه كلها قامبها براهووكان خليفته هناك ولما سأله أها البلد كيف والانتخابات علي الابواب وكنا نحن صغارا نناصبهم العداءقاله( يا مولانا البلد اطلقوا فيها وليدات زي الفأر اللغيبش)وكان رجلا مهابا حتي من ابناء عمومته وجدنا عمر الهبيرمي يجي بي حمارته جنب دكانه ويقول كدي ينصري لا غادي ويقوله يا مصطفي انت زي الجبل المسكون كل ما اجي بي جنبك شعره جلدي تكلب وحماره مشهور جدا وفي المناسبات من بعيد الناس يقولو الجماعه ديل الهبارمه لانه فيهم حمار مصطفي ود حبيب وحمار في غايه الجمال والهدام الفروه والمخلايه ابشعر واللجام الغريبه مره رسل ولده مساعد الاسنان علي مصطفي لي مناسبه بدلا عنه والحمير جات شربت في جدول وصاحب الزراعه عرف الناس كلهن الا علي فقد كان لا ياتي البلد الا في الاجازات قالهن يا اخوانا الولد دا ما عرفته لكن الحمار عرفته فما رضي علي هذا الكلام فضرب الحمار مسرعا وقاله اصلن الحمير بعرفن بعضن.فقد كان مصطفي ود حبيب رجلا جسيما مره مشي لي بكاء عند الرجيلاب وطبعا الهبارمه اخوال الرجيلاب وخاصه اولاد جبرين ود رجيل فامهم جني بت الهبيرمي وعاده اهلنا الهبارمه يسموا الولد بي بتهن فيقولوا ولاد جني وحتي الان اذا لم تقل ابراهيم ود جني لا يعرفونه الشاعر المعروف وطبعا يا هندسه المناصير يقولو (الشعر رجيلاب والظهره عمارين والصفقه بوناب)أها لمان نزل حماره طوالي جابولو الكوريي الكبيري ملاني موية قربي قطعها كلها وقال الحمد لله يا جبيرين وكان قاعد جنبواالمويه الباردي رشد قاله يا حاج مصطفي رشد ليكن انتو نحنا حرم تكتلنا(يعني انها تحتاج لي فرشه ؟؟؟؟اما الاساتذه علي عوض الكريم وعلي محمد عثمان فمازالا في المهنهلك شكري وتقبل مروري

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف م بروي في الأحد 18 يوليو 2010, 1:04 am

أخي هبرم سردك لهذه التفاصيل في غاية الأهمية فبه يتم تعارفنا بالأهل لذلك كنا نطالب بانضمامصديق لأنه موسوعة ويسرد بالتفاصيل الجميلة
والتي نحن في أمس الحاجة لها.
تخريمه:
نحنا نتس شبعنا كبر والدليل دفعتنا درسوكم
وأنا ولدي الكبير في سنة خامسة بجامعة الرباط
في كبر أكتر من كده لكن محافظين كما قال المهندس
نشكر الأستاذ خالد الذي جمعنا بكم وبه.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19007
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف محمد حبيب بشير هبرم في الأحد 18 يوليو 2010, 7:34 am

طبعا يا بر وي الهبارمه ديل من زمن المهديه لمان عبد الرحمن النجومي قال ناخد من اي بيت ولدكانوا تلاته اخوان محمد وحبيب وعمر اها أدوهو عمر واستشهد في توشكي بعدها حبيب قال لي اخوهو ما نقعدفي الجماميع سوا انت تطلع الخلا مع البهايم وانا بزرع وفعلا اهتم محمد بالبهايم وخاصه الابل ومن كترتها كان يوردها في مشرع الجماميع ويحلب المدور(وحليب المدور يعني لما يصل لي اخر وحده اللولانيي عتمتها تجي )وقال لي المرحوم محمد سعيد بانقا ما عرفنا اي زول في الزمن داك كان يحلب المدور غير الهبارمه والناس كانت تجي من وين ووين يوم الضمي لللبن وعشان كدي مشي سرح بها حتي الرباطاب اول ما بدأ أحمد عمر الرباطابي كان شيالينه مناصير هم جدنا محمد صالح هبرم الهسع حي وموجود في ام القري ببحري وسليمان حسن هبرم الموجود بالجماميع وهذه المعلومه في غاية الاهميه وأنا ازعم ان الرباطاب لولا المناصير لما كان لهم ادب وغناء وحبيب اهتم بالزراعه تمت منازعه في الساقيه بينه وود ابرماد انتهت بالحكم له بحق القصاد وهي السابقه القانونيه التي تدرس في كليات القانون اليوم وتعرف بسابقه حبيب هبرم- اها من وقتها اهتما بالسلاح فقد سافر محمد لدراو لشراء رمنتقون(ربنطول) لحراسه ابله من البقاره وقد كان احدث سلاح في ذلك الوقت سلاح الجيش الانجليزي عند محاربته للمهديه فقد قال قائلهم
اللات الهبارمه الفوقن القول
الفي الزمن الكعب صبحها بالربنطول
اما حبيب فقد اشتهر بالانفاق من زراعته علي المساكين وحراسة زراعته من البقاره فقد قال القائل
حبيب حجر ابدويمي الكسر البوبيي
تمساح ناوي البيغادي للشايقيي
حجر ضفه البحر البر الشرقيي
وتقبل مروري ولك شكري

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف النفر في الإثنين 19 يوليو 2010, 7:21 pm

الأخ النابغة /صديق عبدالله :-حياك الله وأبقاك 00ما شاء الله على ذاكرتك الحديدية أنا القدام ده ما بقدر أعدلى عشرة من دفعتى بمدرجات الجامعة القريبه دى خليك من الابتدائى 00رجعتنا لذكريات قديمه الظاهر أنا الدفعة الوراكم طوالى لأنوا فى بعض من دفعتك دى لحقتهم فى رابعة وبرضو دفعنتا امتحنت بأبوحمد وما كنا نذاكر بأبوحمد نقضى وقتنا كله لعب بمواسير المويه بمحطة السكة حديد أو طلوع ونزول من الكارو00

شكرا لك على تجديد وتنشيط ذاكرتنا ،،،
وتقبل مرورى--

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20482
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الإثنين 19 يوليو 2010, 8:29 pm

أيوة... ايوة يا النفر... أتذكرك زي عشاي بتاع البارح ده... ايوة إنتو الدفعة الورانا طوالي.. بتذكرك إفتكر بعدكم طوالي فتحت مدرسة شري المتوسطة الثانوية العامة على ما أظن.. وفيها ناس هاشم الشيخ وناس توم...لمان جابوا الفنان صديق أحمد في مدرسة شري الثانوية العامة.. إنت كنتا وين... ولمان جات أوكسترا الإذاعة والتلفزيون والشايقي عازف السيكسفون وعبد العزيز محمد داوود ومنى الخير والبعيو.. إنت كنت وين.. اكيد حضرت الحفلة دي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف حازم في الإثنين 19 يوليو 2010, 8:57 pm

سلام ياناس وتاني سلام ...علي بالطلاد البلد جبتوها لينا هنا .. وذكرتونا بأيام نبكي مجرد ذكراها . انا اطالع مجادعاتكم والله غلبني اكمل ..... لانو فجئاه دموعي نزلت فبللت ..... اه . كلامكم فيه اصالة الماضي ..متوشح بعبق الجريد ..وريحه التراب وونسه المغيرب ونقرشه طنيور في القمراء وصوت رعاوي حاقب قشيشه سادر .....التحيه ليكم اخوانا صديق عبدالله وودبروي واخونا محمد حبيب بشير محمد هبرم مجادعاتكم اتحفتنا ...ياسلام ياسلام ناس حلوين كلامكم عطر يرد الروح ...... اه لولا بعد المكان و ثقل الميزان والله كنت جيتكم وقلدتكم فردا فردا فلكم مني خالص التحايا الي ان نلتقي منتظرين منتظرينكم حتي نشم ريحه البلد علي صفحات مواضيعكم

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14089
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الثلاثاء 20 يوليو 2010, 12:42 am

حازم إنت ذاتو ظاهر عليك منصورياً ما ساهل... يديك العافية..
برضو نحن نكتب في البوستات ونتعرف على الناس الحنينة زيكم.. والبوست جاب لينا ناس أدباء وعندهم حكاوي بلد زي ود الهبارمة.. شعرتا إنو زول متمكن من ثقافة بلدو برضو.....خليك قرييب..تكسب..
سلم على المناير المناصير المعاك من طرف

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف النفر في الثلاثاء 20 يوليو 2010, 1:52 am

الأخ /صديق عبدالله :-لك التحايا والود 00نعم نحنا أول دفعة بمدرسة شرى الأميرية الوسطى ونحن قرينا المتوسط خمسة سنوات وكان الزمن داك فصلنا واحد وأستاذنا واحد يدرسنا كل المواد وهو الأستاذ والمربى الفاضل (موسى حسن موسى ) وأذكر جيدا الفنانة منى الخير والفنان عبد العزيز محمد داود والبعيو ولا أنسى نقيز الدمكى ورحمة00

لك تحياتى وودى وأنت تعيد لنا شريط الذكريات الجميلة،،،
وتقبل مرورى ---

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20482
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف هاشم علي الجزولي في الثلاثاء 20 يوليو 2010, 2:06 am

الشايقي عازف الساكسفون هو منصوري وهو محمد الحسن بابكر اخو العدرقاوي من سور هذا للتنويه فقط اكيد يا صديق انت عارف المعلومه ولكن للاخرين

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17433
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف حازم في الثلاثاء 20 يوليو 2010, 5:16 pm

الاخ صديق لك تحياتي . لاأنكر انني احببت هذا الموقع بفضلكم ووجدت ضالتي عندكم واصبحت ابدا به صفحاتي وجعلته مفضلا بين المواقع .. .بأختصار اخي صديق... وجدت فيه ناس ايييي وكلام اييي لانو انا من اييي وبريد اييي وبريد أي زول يقول أييييي ..عندي اقتراح أنشاء الله يعجبك . أولا عزت اللقيا والتواصل في هذا الزمن المسرع وتباعدت المسافات وكادت ان تندثر المعاني السمحه .. اصدقك القول واضم صوتي اليك حين ذكرت في مجادعاتك اعلاه (ماني شايلنها تقيلة..) ضحكت نامن خشيت في غيبوبه . أقترح ان ندعوا كل أخوانا المناصير من برتي حتي العار بان يجعلوا هذا الموقع الديوان الكبير وكل يدلوا لنا بدلوه لنتعارف ونتكاتف ونتسامر ونتجادع ونعرف احوال بعضا حتي ادق التفاصيل عن احوالنا حتي العنده سمايه يورينا ... اقلاها تنفرج اساريرنا وكذلك تزيد ارزاقنا وينسي الله في اعمارنا ذلك ماحث به رسولنا ..وانت ياصديق تكون صاحب الديوان وياريت نسميه ديوان ابوحنه ... تنظم الناس ناس بيرتي بيجاي وناس بوني جنبهم وناس شرري بيغادي وناس فقاعه بيفوق ومعاهم ناس ام لقاديب وناس العمارين و العجوله فوق وناس شري بيغادي وناس ثور برااهم وناس ايششي وكل الجزاير مع بعضهم . اما ناس كبنه وناس الحيبه والقناويت والكاب وحجر البيضاء وناس الجماميع أهم شىء الهبارمه مع بعضهم اما ناس ام سفايه بيرجوا القعيده لأنو أبوحنه حلف عليهم .... اخي صديق الذي اشتم رائحته ألقا ووطا كتاباته دفئا وملاذا بهذا تكون قد أحييت ابوحنه الكبير ونثرت علي قبره الطاهر حسنات .. ورفعت من اسمحه الظاهر درجات هذا في الدنيا وندعوا كلما جئنا الي ديوانكم بالصلوات والسلام اخي صديق ومنتظر ردك ... ومابقول الموقع دا خرب شغلتي .. زمان بيقولوا لينا الكوره دي خربت شغلتنا .... تحياتي للشاب خالد عابدين رايع والله كأعمامك صديق وود بروي وتحياتي للاستاذ عيسي .. والله ياصديق الرساله انتهت من قبيييييييل لكن الكلام معاكم لاينتهي لأننكم رائعووووون

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14089
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الثلاثاء 20 يوليو 2010, 7:13 pm

حازم والله إنت الرائع... ياخي شكرا ليك للشعور الجميل جداً.. تعرف تراهو مرة مرة نلقا فرة من الشغل وكدة.. لكن الحريم قاعدات يقولن الكمبيوتر ده ضرتن التانية.. الحكومة المحلية الحكومات المحلية بتاعات الناس هنا مرات تعترض على القعدة الطويلة قدام الكمبيوتر.. لكن ترانا نباصر بي جاي وبي جاي.ز
إنتا يا حازم قايل أنا المناصير ديل بقدر عليهم.. ياخي المناصير الحكومة ما قدرت عليهم أقدر عليهم أنا نحن هسه تراهو جووك في هذا المنتدى حتى الآن أجود ابناء المناصير العندهم حس وطني خالص ومتعلمين وناس يملواا العين لامن تفضل، لكن بعد شوية ينطلقوا فيها ناس وياما تسمع. قلت لي كدة لية؟ مين قالك كدي؟ لية تقول في فلان كدي؟لو الناس تتصافى كل شي ليهو حلول، ياما حلينا مشاكل في الغربة مع جنسيات مختلفة... لكن خلينا نتفاءل ونقول الناس البي تجينا هنا كلها خيرة.. ونحنا في خلوة حاج عبد الله ماني قاعدين نطرد ضيف ولافي خلاوي المناصير عامة. ممكن تعدد الخلاوي العتيقة في المناصير كلها موش برانا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف حازم في الأربعاء 21 يوليو 2010, 6:04 pm

الخ الغالي صديق سلام هذه الرساله ليست ردا علي عدم قبولك الاقتراح اعلاه ولكن سالت منك احد الاصدقاء واخبرته مادار بيني وبينك ....قصر الكلام (يعني شدينا فوقك) سوف انقل لك بعض مادار ...( دا ما آخر الزمن نشد فوق الزول ونجي نوريه منشار بس حسنات تتحت حت مووووت وربنا يسهل ) بعدين ماتزرني وتقول لي جيب قوالك .. اصلنا نحن المناصير قبيله متفرده في الكعب والعديل ... المهم اخي صديق بمجرد ما ذكرت له اسمك فال لي دا زول فنان لفيتو وين ؟ دا زمان كنا نسميه احمد القرشي زول رسام ومنظم .... المهم الظاهر صاحبي هذا كان معجبا بك وبأيام شبابك الرائعه قطع حديثنا او قل نميمتنا نفر من تلك الاسماء المعبقه بريحة المغمول كما اسميت وقف كثيرا عند المراحيم ومع زحمة العمل عاهدني ان نلتقي علي صفحات المناصير بلدي .... حتما سأعود اليك وللاقتراح حتي ولو طلبنا نيران مساعده من الحكومات المحليه لتتقبل هذا الاقتراح

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14089
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الأربعاء 21 يوليو 2010, 6:47 pm

أخونا حازم سلامات... ياخي دي ما قطعية دي ونسة إعجاب وأنا شاكر..
أصلوا أنا معجون من طين الجروف بتاع البلد( الكركجيي9 حتى لمان أمشي البلد قاعد أمشي خور الحنانين أشم ريحة كركجيتو كان جيت بعد البحر يشرد.. وكان جيت في الدميري معجب بي حفر ( التمد) التمدي في بطن الخور.ز بشرب منها وبغسل هدومي منها..
...............
من ضمن دبلوماتي بعد بكالريوس الهندسة بعد الترفيع.. عندي دبلوم سنتين شبكات.. اي شبكات الكمبيوتر والنت.. ودبلومات أخرى في مجالات ليس هذا مجال ذكرها.. أعرف إنه الموقع بعد يترسم.. وتتحدد مواقعو يصعب من جديد تفصيل تقنية أو باب منفصل أو بند إلا بإجراءات دقيقة أخرى وطلب من الجهة المستضيفة.. زمان الاستضافة للمواقع الأثيرية على صفحات الشبكة العنكبوتية كانت مكلفة وباهظة.. هسه بقت بمبلغ رمزي.. وبعضها بمواصفات بسيطة للموقع يكون مجاني يعني إنت تقصد خالد يفرد لينا مساحة هنا ياخالد نسميها ديوان أب حنة!!!! ما هناك منتدي بنفس هذه المواصفات.. التراث الفيديو الأخبار المواضيع المنقولة.ز الصور .ز المنتدي العام.. أنا شايف ممكن نلتقي في واحدة من ديل بدون تفصيل أو تحديد أو مسمى جديد... بعدين الموقع ده أنا شايف تقسيماتو رائعة من أحسن ما رايت ما يحتاج لأي إضافة..
تراي معاكم بي راي وكدة
إنت قايل يا حازم أنا ومحمد بروي فضل فينا حاجة؟؟؟ لما نرجع السودان.. أنا غايتو ما عايز اي وظيفة تاني.. يكفي أنني اشتغلت في مجال الهندسة حوالي33 سنة عمل.. بس نكبر عمتنا أنا ومحمد بروي ونقعد ليكم لمجالس العقد لتزويج بناتنا وولادنا.. والعروسات والبكيات ونصلي الصلاة حاضرة في الجامع.. ونعمل لكم كل يوم شاي مغرب صاموتي في بيوتنا بي محريب وحرجل ومرات ربل ولقيمات وكدة.. أنا غايتو لو ربنا مد في العمر لا أحب اي وظيفة تشريفية أو قيادية أو عملية كفاية كفاية....

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الأربعاء 21 يوليو 2010, 8:52 pm

إنت عارف يا حازم.. الله يمد في العمر.. لكن خطتي وهي مدروسة ومتروكة للجميع ما عندي شئ سر يعني لما أرجع السودان..لو العمر فيهو باقي حتى لو أسرتي إستقرت في العاصمة.. لكن أنا ناوي أعمر قريتنا الحنانين.. وحتى بعض المواسم تجي معاي أسرتي... أعمل لنش كبير أصلنا ناس لناشي.. أعمل لنش على طراز حديث مكندش أضوق بنات بلدي وولاد بلدي الكندشة.. لنش في البحيرة يأخذ الركاب من المناصير لغاية قريب الخزان.. هناك يتلقاهم بص تابع لنا بإذن الله أو حافلة يأخذهم من اللنش طوالي.بعدين العايز كريمة العاوز مروي العايز عطبرة العايز الخرطوم... بعدين أعمل حاجة إسمها هنا في الخليج غواصة لنش ده للحالات الطارئة مرة تعسرت في الولادة زول اتعوق.. عملية زايدة عايزة تنفجر لاقدر الله.... تذكر يا حازم كم عانت المنطقة وكم نسوان ماتن ورجال ماتوا والزايدة تنفجر لامن يصلوا...قبل اربعة سنوات عندنا في باشي في اللعب في شري خرطوش طارن منو طلقات واحدي اتعوقت واحدي ماتت.. وقتها كنت في إجازة في البلد شالوهم بي عربية فنان لكن الطريق طويل بالبر 6 ساعات تقريبا.. غواصة لنش ده يقطع المسافة من شري لغاية الخزان ممكن45 دقيقة أو اقل... أنا ما عندي شئ سر لمنفعة بلدي حتى لو واحد التقط المشروع برضو زيادة خير ماهو كعب..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف حازم في الأربعاء 21 يوليو 2010, 10:29 pm

الاخ صديق سلامات .. كنت اجهل تلك المعلومات ولكن قلبي كان يحدثني ان المناصير مااصابها كان بانفراط عقد اوقل جيل كان من المفترض ان يعكس صورة تلك المنطقه وانسانها لمتخذي القرار لا لطلب الاستخدام أوعلي اجساد اؤلائك الممشوقين ليأطأؤا ؟؟؟ الباشمهندس صديق سأحكي لك قصه لتزيل لبس ماذكرته لك أنفا ..هي قريه من احدي قري المناصير الممتده علي ضفاف النيل عشت فيها اجمل ايام صباي ( الجري .. الكوره. العوم .. الكاك.. الرعيه . الغنم والبرم .. الحدريبه والقطسيبه .. الطنابير وشليل وكنا اسره واحده بيتك وبيت صاحبك ياهو بيتك في ايهما يكون زمن الوجبه تاكل .. كل الحله امك وكلها ابوك وكلها اخواتك واخوانك. حياه تعجزه الكلمات عن وصفها لما فيها من الصفاء والنقاء والطهر لم ادري مااسم اخواني ولااسم اخواتي ولاحتي والدي الا عندما غادرت تلك البقعه النادره (ليتك اخي صديق تكون فهمت ... فقد عجزت عن ايصال مايحمله قلبي و اظنك فهمت لأنك من تلك التربه رضعت .. من وذاك النبع شربت ) كنت علي تواصل مع تلك القريه بالجوابات زمنا. والكراتين زمنا آخر حتي جاءت ثوره الاتصالات .. ظروف الحياه باعدت بيننا واصبحت الزيارات قد تمتد لسنوات ولانعرف اخبار تلك القريه واحوالها تعاقبت الاجيال وتبدلت الاحوال وماعادت القيردونه تغرد كما كانت عرفت ذلك لما اذداد شوقي وتناثرت خلايا جسدي الذي اصبح لايقوي علي العوم كما كان ولأضمد جراح شوقي نزلت البلد .. ليتني لم انزل اخي صديق؟؟ وليتني لم ار البيوت القديمه.. شاط النخيل .. توقف شليل تماما ..يبكي الطاب لانه افتقد احبابه ..التمر اه فقط اصبح ايادي تمتد وتهتف ماذا جنيت وخيري حسنات تتري علي قبور ابائكم؟ لم اجد النوريك والاطفال وجدته وحيدا يغني ظلموني الحبايب .. الناس اجساد شاحبه نظراتهم تحكي عن اصالة مدفونه شابها الضمور والفتور .. امهات تعرف جيدا جيدا ابنائها؟؟؟ البيوت اصبحت لها اقفال وكتب عليها حضرنا ولم نجدكم خالكم .........؟الآباء كالدمي يحركها اصحاب السراوريل الطويله والعمامه المعكوفه ( ثقافة العبابدة حلفا) الجروف ناشفه لان هنالك امر ايقاف لم يصدر الحكم بها حتي الان بين ابناء العمومه .. ذهبت لدكان التعاون فوجدته مسكرا وسكن الزرزور فيه؟باختصار اخي صديق عرفتهم ولكني لم اعرفهم؟؟ فسالت مجموعه منهم مالكم تباعدتم ؟ فصمتوا؟؟؟سألت دفعتي وقد اصبح كمنزلة الاباء منهم الحله مالها؟ دنقر وصنقر واحسست انه سيحكي لي جداولا؟ قال علي بالطلاق نحن هني القيامه قايمه بس) اصدقك القول اخي صديقي ذهبت الي حيث كنت زمان وفي ذلك المنزل العتيق جلست .. المنزل فارغا لان اصحابه عصف بهم الزمن منهم من رحل الي الاخره ومنهم من ساقته الاقدار الي دار عامره لاام ولااب ولااخ ولااخت ولاحبوبه سافروا منهم السفر القريب ومنهم السفر الابدي . تذكرت تذكرت ايام غضه سهله ..تساءلت لماذا هذا التناحر لماذا هذا التباغض اين فلان كبير القريه؟ وجدته كبيرا ولكنه صغيرا جدا؟ ذهب ذلك الكبرياء الذي نراه فيه واصبح لااحد يسمع له؟؟؟ اخي صديق عذرا سأتوقف هنا ووعدي سأكمل لك غدا باذن الله ؟؟ السلام

حازم
V.i.P
V.i.P

احترام قوانين المنتدى : 100

عدد المساهمات : 862
نقاط : 14089
تاريخ التسجيل : 19/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف النفر في الخميس 22 يوليو 2010, 4:23 am

الأخوان / صديق وحازم :-لكما تحياتى وودى000 ما أجمل هذه الخواطروالذكريات وهذه المشاعر الحساسة تجاه البلد00الأخ /صديق عبدالله ربنا يوفقك فى مشاريعك المقترحة ،بس أنا أخاف يسمع بها ناس الضرائب والزاكاة والجبايات ويقوموا يدرجوها ضمن ميزانياتهم المقترحة للأعوام القادمة وأنا أقترح عليك بدل غواصة اللنش التى يمكن أن تصدم بالتروس والجكانيق الجوه البحر ،ان تجيب أسعاف برى مائى00
كما أحيّ فى الأخ /حازم هذه الخواطر والمشاعر المتوهجة تجاه البلد وقد أشاد بقريته كثيرا وكنت أتمنى أن يذكر أسم قريته حتى أتمكن من معرفته 00

تقبلوا مرورى----------

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20482
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الخميس 22 يوليو 2010, 2:10 pm

الأخ عثمان محمد حامد النفر..شكرا شكرا.. ها ها ها .. الله يحفظنا من ناس الضرائب.. هي ليست غواصة بالمعنى المعروف لهو لنش يشيل خمسة أشخاص.. وسريع للغاية يمشى لغاية سرعة200 كيلو في الساعة من شدة ما يمشي تشعر بأنو غواصة كلو مغطى بالمياه ولكنه لايغوص إلا منافذ الهواء العالية في شكل ماسورة تشبه ماسورة الغواصة.. يعني يسير على السطح ومزود بأنوار ضباب تعمل تحت المياه للرؤية وهنا الناس يسمونه لنش غواصة ولكنه موش غواصة... بعدين هو أسرع من الإسعاف حتى إذا عملوا الطريق زلط.. ووسيلة السير في البحيرة آمن من الطريق البري الآن.. في الطريق البري تعمل حساب السرعة من العربات المارة والناس والأطفال الغير معتادين على الزلط.. والعربات الجاية في الإتجاه المعاكس في نفس الشارع يعني شوارعنا كلها موش زي شوارع السعودية والإمارات مسارين متعاكسين منفصلين.. ويفصل بينهما نخيل وأشجار...
الآن البحيرة صارت آمنه في سباحة القوارب يعني تمشي وفي بطنك بطيخة صيفي( مرة كاسح ومرة منجر لاغراق لادقشة حجر) ياخي نحن زمان زمن اللنش جنس حجار، لولا الوالد كان خبير مراكب زمان ما استطاع أن يقود لنش بين هذه الحجار المرجانية وغير المرجانية والشلالات ، لعلك تذكر ذلك يا النفر.. يعني بعض المناطق اللنش ما بيقدر يمشيها.. يركز في مشرعين بس في شري ( مشرع الحليي) ومشرع المدارس.. الكير ما بيقدر يمشيها عشان شلال ود عينة... هنالك مشكلة حجار جنب( الكبشيي) شيمة راس الجزيري مقابل السلمات.. الشلال ما بيقدر يفوتا غادي.. هنالك شيمة شلال أب عوة.... مقابل جزيرة( كيوت) هنالك حجار في الدميري والله غيرها لازم تنصرف عنهم شرقاً لغاية ما تقرب حجييرة البحر.. هناك شيمة الحيبي.. الحيبة مقابل الحيبي غرب هناك شيمي الله لا وراك ليها لو ما شديت بيدك طلمبة الجاز لللنش ما تقدر تتجاوزها.. محل ناس ود فرح في الحيبي الشرقيي قصاد هذه الشيمي كان زارع تمر كتيييير.. تطلع منها شوية لى قدام تلقى( حجار الحمر) مقابل الحيبي شرق دي سلسلة حجار زي الموس لونا أحمر مافي طريقة تفوتا إلا منفذ صغير كان ما استعدلت اللنش فيهو صاح حقك راح ومرة نحن وكرنا فوقها ثلاثة أيام نجر في اللنش، إلا جاء قمر عيسي من ناس الحيبي خال دكتور عبد الله محمد سليمان صبي قريبنا رحمو الله.. قمر عيسي كان عندو لوري يعمل به في بورتسودان لحظنا جاء تلك الأيام هناك ربط اللوري بي سلبة تيل في اللنش واللنش كبير وجسمو تقيل.. وبرضو هزهز اللنش وما قدر يطلعو.. دقينا الفزع من الحيبي والنقعة وكبنة وأم دييمي والقناوييت.. جوا ساعدوا اللوري عشان يجر.. واحد من ناس أم دييمي دخل كراهو بي تحت الريشة بتاعة اللنش جرحتو جرح غاير لغاية الآن يعاني من رجلو.. الوالد ساعدوا كثثير في مقبل حياتو.... الآن البحر اصبح آمن يا النفر
...............................
أخونا حازم
نتناقش معاك ولك الحرية.. ولكن لسه ما عرفناك بالكامل... لاضير ولكنك منصوري أصيل
كلامك القلتو أظن قبل التهجير وكلو صاح.. سوف يكون عندي موضوع قريباً يتناول هجرة المناصير وفائدتها وضررها.. ولكنى اقول لك فعلاً المسألة وصلت كان عنق الزجاجة.. وإتخجت عشان تصفى وتروق لصالح المناصير.. إن الله لايعذب مرتين.. في الدنيا والأخري.. ومن وراء هؤلاء الناس يد خفية هي يد القدرة الإلهية( يد الله فوق أيديهم) هذه اليد الخفية لايخفى عليها شئ ولا تظلم أحد.. ينبغي للعاقل أن يوزن الأمور.. لاينظر للشريعة والشي الجاري على الظاهر فقط.. ولا ينظر للبواطن والشئ الجاري بي هناك فقط.. يوزن الشريعة والحقيقة ويأخذ الحكمة من بينهما.. نحن وأهلنا كنا في حالة ثورة عارمة والثورة العارمة لاتملك أن تعتدل... طرف في الإفراط وطرف في التفريط.. شطط.. ولكن بين هذه الثورة برز الآن صوت العقل وصوت الفكر.. وهو كلنا نعمل بالفكر من غير عاطفة شديدة تجاه موطن صبانا.. المسألة عاوزة ليها خجة وقد حصلت الخجة والآن الرواقة تصفي.. تصفي لامن تروق الموية.. خلال هذه المرحلة قد يكون هنالك ضحايا.. قهر.. ألم... كرامة.. جوع.. فقر... موت بإسهالات .. بطن.. أمراض غيرو.. لكن الله كافي .. الله شافي.. ربنا يعجل بالحل.. البشاير تلوح في الافق ماها كعبي شديد... شوية صبرة... أولادنا الفي المؤسسات العليا.. عارفين وما عايزين زول يلزهم عشان ما يفهموا بأنهم منحازين وذلك يؤثر على وضعهم الما بيقدروا يسيبوهو.. أو يستحملوا الحكاية بدونه.. هم عايزين يعملوا في صمت تحت تحت.. الشئ المعروف عن المناصير أنهم موظفين مؤسسية.. يعني يعملوا من خلال الوظيفة وينسوا إنتماءهم الضيق.. ولكن لايعني أن هنالك تفلتات وقد قلت أن تلك كانت ثورة ولا تملك الثورة إلا أن تعتدل

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف ابو مصطفى في الخميس 22 يوليو 2010, 3:54 pm

الحقيقة انتو ما فى غربة من خلال مداخلاتكم وحكاياتكم وسردكم للبلد وتواريخ الصبا والله انا قاعد فى الخرطوم وكل مرة امشى الى امى ابوى وحتى لو مات زول او فى مناسبة اقوم لكن من خلال ملتقياتكم ياحازم وابحنة والنفر بقيت احس بانى انا البعيد من اهلى ومشتاق لى اهلى وصدقونى لهذه ليست مبالغة وكل زمن له رجالة والله يحفظكم ويرد غربتكم وتعالوا الى البلد يا ابحنة وسوا لينا انشاء الله مركب خشب الكبير( بكسر الراء)من سوق ابوروف للمراكب وما شرط غواصةما اصلوا نحنا زمان من الجزائر لى سوق السلمات نعانى والان انا بقيت بى مركب حديد ومكنة يامها اربعين حصان من مشيرع الحمير ولى سوق السلمات اصل فى خمسة واربعين دقيقة واقضى غرضاتى وارجع الى الجزيرة دماج القى امى يادوب ولعت نار الفطوروتقول ياحاج الطيب البطاطس جات من وين اقولها جابها لورى الحلب من عطبرة ومرات من سوق الدامر وتقبلوا تحياتى على هذه المداخلة وانشاء الله تجونا عايدين يالله ؟؟

ابو مصطفى
الطيب محمد عبد الرحيم
الجزيرة دماج

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18284
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الخميس 22 يوليو 2010, 5:50 pm

صديق عبدالله علي أبوحنة كتب:الأخ عثمان محمد حامد النفر..شكرا شكرا.. ها ها ها .. الله يحفظنا من ناس الضرائب.. هي ليست غواصة بالمعنى المعروف لهو لنش يشيل خمسة أشخاص.. وسريع للغاية يمشى لغاية سرعة200 كيلو في الساعة من شدة ما يمشي تشعر بأنو غواصة كلو مغطى بالمياه ولكنه لايغوص إلا منافذ الهواء العالية في شكل ماسورة تشبه ماسورة الغواصة.. يعني يسير على السطح ومزود بأنوار ضباب تعمل تحت المياه للرؤية وهنا الناس يسمونه لنش غواصة ولكنه موش غواصة... بعدين هو أسرع من الإسعاف حتى إذا عملوا الطريق زلط.. ووسيلة السير في البحيرة آمن من الطريق البري الآن.. في الطريق البري تعمل حساب السرعة من العربات المارة والناس والأطفال الغير معتادين على الزلط.. والعربات الجاية في الإتجاه المعاكس في نفس الشارع يعني شوارعنا كلها موش زي شوارع السعودية والإمارات مسارين متعاكسين منفصلين.. ويفصل بينهما نخيل وأشجار...
الآن البحيرة صارت آمنه في سباحة القوارب يعني تمشي وفي بطنك بطيخة صيفي( مرة كاسح ومرة منجر لاغراق لادقشة حجر) ياخي نحن زمان زمن اللنش جنس حجار، لولا الوالد كان خبير مراكب زمان ما استطاع أن يقود لنش بين هذه الحجار المرجانية وغير المرجانية والشلالات ، لعلك تذكر ذلك يا النفر.. يعني بعض المناطق اللنش ما بيقدر يمشيها.. يركز في مشرعين بس في شري ( مشرع الحليي) ومشرع المدارس.. الكير ما بيقدر يمشيها عشان شلال ود عينة... هنالك مشكلة حجار جنب( الكبشيي) شيمة راس الجزيري مقابل السلمات.. الشلال ما بيقدر يفوتا غادي.. هنالك شيمة شلال أب عوة.... مقابل جزيرة( كيوت) هنالك حجار في الدميري والله غيرها لازم تنصرف عنهم شرقاً لغاية ما تقرب حجييرة البحر.. هناك شيمة الحيبي.. الحيبة مقابل الحيبي غرب هناك شيمي الله لا وراك ليها لو ما شديت بيدك طلمبة الجاز لللنش ما تقدر تتجاوزها.. محل ناس ود فرح في الحيبي الغربيي ومحل ناس سليمان حرجولي قصاد هذه الشيمي كان زارع تمر كتيييير.. تطلع منها شوية لى قدام تلقى( حجار الحمر) مقابل الحيبي شرق دي سلسلة حجار زي الموس لونا أحمر مافي طريقة تفوتا إلا منفذ صغير كان ما استعدلت اللنش فيهو صاح حقك راح ومرة نحن وكرنا فوقها ثلاثة أيام نجر في اللنش، إلا جاء قمر عيسي من ناس الحيبي خال دكتور عبد الله محمد سليمان صبي قريبنا رحمو الله.. قمر عيسي كان عندو لوري يعمل به في بورتسودان لحظنا جاء تلك الأيام هناك ربط اللوري بي سلبة تيل في اللنش واللنش كبير وجسمو تقيل.. وبرضو هزهز اللنش وما قدر يطلعو.. دقينا الفزع من الحيبي والنقعة وكبنة وأم دييمي والقناوييت.. جوا ساعدوا اللوري عشان يجر.. واحد من ناس أم دييمي دخل كراهو بي تحت الريشة بتاعة اللنش جرحتو جرح غاير لغاية الآن يعاني من رجلو.. الوالد ساعدوا كثثير في مقبل حياتو..تمشي لى قدام قصاد القناوييت تلقى شيمة ود معشابي قصاد بيوت ناس محمود ود معشابي سواق اللنش الصغير البي يوزع الجاز وصاحبو سعد أحمد سعد وما تنسى شيمة التكارنة هناك ناس عمك إدريس جنب الخوي.. تمشي لى قدام شيمة السادي قصاد مشرع الكاب جنس حجار مرات اللنش ما يلقى يركز.. إلا نركزوا في مشرع الدونكي.. وعندنا أهل في الكييب مرات نمشي نبيت معاهم ديل أهل أبوي ابوي حبوبتو أم أمو ماها من الحنانين، هي من الكييب إسمها زينب بت فرحين بت حمدين.ز أهلها ناس سليمان السنقوري وناس عطا الله وناس التاجر حسوني ومن هنا جاءت علاقتنا بي دكتور عبد الله محمد سليمان صبي رحمو الله وعبد الله ذاتو مسمنو على ابوي عبد الله وكل ناس السادي ناس سنقوري تربطنا معهم علاقة بي حبوبتنا فرحين بت حمدين.... الآن البحر اصبح آمن يا النفر
...............................
أخونا حازم
نتناقش معاك ولك الحرية.. ولكن لسه ما عرفناك بالكامل... لاضير ولكنك منصوري أصيل
كلامك القلتو أظن قبل التهجير وكلو صاح.. سوف يكون عندي موضوع قريباً يتناول هجرة المناصير وفائدتها وضررها.. ولكنى اقول لك فعلاً المسألة وصلت كان عنق الزجاجة.. وإتخجت عشان تصفى وتروق لصالح المناصير.. إن الله لايعذب مرتين.. في الدنيا والأخري.. ومن وراء هؤلاء الناس يد خفية هي يد القدرة الإلهية( يد الله فوق أيديهم) هذه اليد الخفية لايخفى عليها شئ ولا تظلم أحد.. ينبغي للعاقل أن يوزن الأمور.. لاينظر للشريعة والشي الجاري على الظاهر فقط.. ولا ينظر للبواطن والشئ الجاري بي هناك فقط.. يوزن الشريعة والحقيقة ويأخذ الحكمة من بينهما.. نحن وأهلنا كنا في حالة ثورة عارمة والثورة العارمة لاتملك أن تعتدل... طرف في الإفراط وطرف في التفريط.. شطط.. ولكن بين هذه الثورة برز الآن صوت العقل وصوت الفكر.. وهو كلنا نعمل بالفكر من غير عاطفة شديدة تجاه موطن صبانا.. المسألة عاوزة ليها خجة وقد حصلت الخجة والآن الرواقة تصفي.. تصفي لامن تروق الموية.. خلال هذه المرحلة قد يكون هنالك ضحايا.. قهر.. ألم... كرامة.. جوع.. فقر... موت بإسهالات .. بطن.. أمراض غيرو.. لكن الله كافي .. الله شافي.. ربنا يعجل بالحل.. البشاير تلوح في الافق ماها كعبي شديد... شوية صبرة... أولادنا الفي المؤسسات العليا.. عارفين وما عايزين زول يلزهم عشان ما يفهموا بأنهم منحازين وذلك يؤثر على وضعهم الما بيقدروا يسيبوهو.. أو يستحملوا الحكاية بدونه.. هم عايزين يعملوا في صمت تحت تحت.. الشئ المعروف عن المناصير أنهم موظفين مؤسسية.. يعني يعملوا من خلال الوظيفة وينسوا إنتماءهم الضيق.. ولكن لايعني أن هنالك تفلتات وقد قلت أن تلك كانت ثورة ولا تملك الثورة إلا أن تعتدل

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الخميس 22 يوليو 2010, 6:22 pm

أبو مصطفى.. الطيب محمد عبد الرحيم ياخي أشكرك على المداخلة إنت راجل ذوقاني شديد ، يديك العافية..
إزيكم يا ناس دماج.. ياخي مرة ناس دماج ديل عملوا في جنس عملية، لكن غفرت ليهم... مرة سنة1986 أنا جيت من كريمة وصبحان العيد.. جيت بي لوري قمر كرار الحسن أهلهم قريب لى دار تور.. وقريب من برتي الجروف.. دار قمرة.. أها جينا في الحراز.. ومعاي كورجة.. اسرتي وبنات في الجامعات من مناصير وقر وكسلا وأروما وهداليا.. ودرديب. والسواقي قالوا ماشين يضوقوا ضحية البلد وخرفان البلد.. وصبحان عيد، ومعاي حريم مسكينات راقدات عيانات في مستشفى كريمة لمان سمعن بي قالن ما عندهن حق اللوري، وكرهن المستشفى بي الله واحد ماشات يضوقن طعم العيد ويجن راجعات تاني يرقدن في مستشفى كريمة.. شلتهن معاي ودفعت ليهن ربنا يعظم الأجر ولكل الناس الفي اللوري.. أما الحريم العيانات، وهن أربعة أديت لى كل واحدة توب وفتيلة ريحة وكيس حلاوة.. لليلة يفتشن في ما عارفاتني وين!!! أها عايزين نقطع بحير الحارة، قالوا المركب عند الخواجة، في الحراز، أها مشيت دقيت للخواجة الباب، يكورك من جوة أبا يفتح وابا يتكلم، بعدين جات بتو، قالت لى قال لك ابوي أنا ممسح ومدلك للعيد وما بقدر اقوم هسه الساعة تسعة بالليل خلاص الناس رقدت؟ دار بخاطري خاطر ... قلتا الليلة عاد فارجني عيد الجزاير، ومعاي بنوت أسوي كيفن؟ يا الله تعدلا.. قلتا أكورك شديد للخواجة ده وأعرفوا بنفسي؟ عسى يستجيب.. كوركتا شديد.. الوكت داك شغال مهندس فس هلتون الخرطوم.. كوركتا شديد... هووويي يا الخواجة أنا ولد عبد الله الحنوني من شري مشرع شري عبد الله سيد الخلوة... ضحك ورد على قال لى عبد الله كان مرادي أعزو وفي زول ما بيعرف عبد الله الحنوني لكن يا ولدي أنا متمسح.. قلتا مافي فايدة واللوري راح مننا بقيت في الرملة.. قلتا أكورك لى ناس الجزيري دماج.. عندي ود عمتى ساكن معاكم في الجزيرة دماج وعندي ناس في الجزيرة دنكو لا غادي.. أها كوركت هوييي يا حماد ود كلس.. هويي يا منصور ود كلس، هويي يا بت باسعيد... رد على وقال لى أنا حماد... مالك يازول تكورك بالليل لدغتك عقرب؟ إنتا منو... قلت له أنا ود خالك عبد الله الحنوني مقطوع ومعاي حريم وبنوت ومحصلين العيد في الحنانين، ضحك، قال لى عاد بجيك يا يا ود خالي؟ صديق والله منو الزول؟ قلتا ليهو نعم .. قال لى متين في البلد قلتا ليهو يادوب جاي من كريمة... دقيقتين جاب المركب والمعاي كلهن حروم وبنات صعيد ما بيعرفوا يعدوا المركب.. أها أنا مسكت معدايي مع حماد.. وأنا عاد أعجبك في العدا.. ما ود مركابي.. عدينا مركب الحديد دي وقطعنا بحير الحارة وأوس الجزيري لامن ركزنا المركب.. في أم جغور عند ناس مبارك حسن مبارك قعدنا عندو في حوش تمر كدة عاد يعجبك ود مبارك تمرو كتير الموسم موسم تمر مقطع التمر بي صبايتو في الحوش ..وود مبارك يعرفني حق المعرفة.. مسكتا لى شطر تمر قلت ليهن هاكن يا بنوت الصعيد أكلن كان جعانات الراجل ده حريمو نامن وما بنقدر نقول ليهو جعانين عوس لنا قراصة؟؟؟.قطعتا من الصبيطي كل واحدة شخلوبين شخلوبين رميتن ليها فوق حزتا... أها قال لى يا ود عبد الله عندي ليكم اربعة حمير تعال شد معاي الحمير.. شديتن معاهو واتردفنا فوقن.. مرتي وولادي وبنوت.. هيلمانة.. قلتا ليهو الحمير ديل أسوي بيهن كيفن.. قال لى بعد تصل الحنانين كل واحدي أدها سوطين فوق ضهرا.. عارفات الدرب.. وكلهن فاردات بي يصلن يجن يجرن على جناهن.. هذه قصتي مع ناس ارج يا ود مصطفى...وقريبي حماد ود كلس عاد قدر ما أقدر شلتا من جيبي أخمش أديوهو لامن إتبسط.. عاد ما حلاني من ورطة عليك الله في واحدي من ارج مرة خدرة كدة وكباريي وطويلي نسيت إسمها طيبي خلاص سلم عليها.. عندها علاقة مع عرب الخلاء لكن ساكنين دماج وكذلك عندها علاقة مع ناس العيتنوب ( يا قشيش هبج العيتنوب.. فوق دريبن سافي الجنوب... يا كتل يا جيتا مرقوب)وهي مرة متحضرة كدة..جزاها الله خير قدمت لنا يد المساعدة.أظنك إندهشت إنو لى علاقة مع ناس ارج... حماد ود كلس ومنصور ود كلس وزينب بت كلس ديل أمهم زينب بت باسعيد من قرية الصفيحة.. زينب بت باسعيد أم حماد أمها الحرم بت أب حنة عمة ابوي لزم... زينب بت كلس دي مرة شاطري قالوا زمان تدق الطمبور تنقرشوا نقريش... سلام مربع لى ناس الجزيري كلس تحت لجة مياه بحيرة سد مروي


عدل سابقا من قبل صديق عبدالله علي أبوحنة في الخميس 22 يوليو 2010, 6:48 pm عدل 2 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الخميس 22 يوليو 2010, 6:41 pm

أبو مصطفى ... الطيب تقبل سلامي الخاص.. لامن نتلاقى

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف ابو مصطفى في الخميس 22 يوليو 2010, 7:53 pm

والله يا خال وطلعت بالجد خال حقيقة ما خيال بكيت عندما قريت ردك على الرغم من انى موجود فى البلد والخرطوم وصلة العلاقة مع الحاجة بت باسعيد وناس عمى منصور ودكلس وحماد ودكلس ومحمد خير ودكلس رحم الله محمد خير اتوفى السنة دى وحماد برضو السنة دىورحمهم الله المهم فى الموضوع ديل هم ناس دماج حيث مسقط راسى وكمان يا صديق عديت بى بحير الحارةوالله زمن وموضوع الخواجة دا اتلوم انا ما بخلى؟؟ لانه مازال موجود لكن يا صديق انت قلت الزول دا قال انا ممسح ما بتعرفى لى مركبو نوعها شنو ؟؟؟ اذا بقت مركب الخشب الكبيروالله يا صديق مابتتعد وانت عارف مركب الخشب اقل حاجة تزلقك وانا ما بعمل معاه مشكلة وام بقت مركب حديد اوغيره كمان اللوم حاصل وانا اشوف الموضودع دا مع الخواجة حتى نزيل اللوم منا نحن ناس الحراز او دماج او ارجوبمناسبة ام جقور وتمر ودعميرى حسن مبارك بالطبع اسرة حسن مبارك رحلت الى المكابراب والتمر الشافتو عينك تحت الموية ولا اثر له ومن القراعة بى فوق فى محل درب اللورى بى فوق مرقوا ناس دماج وبنوا بعد الغراق يعنى ان اصل الحنانيين فى 45 دقيقة بى مركب 40 حصان ومكنة يا مها يابانية مية المية والدرب لوجابك يا صديق بى كريمة لازم تصلنا ليل على نهار ام المراة الكبارية التى وجدتها فى العيتنوب هى حبوبتنا زينب العمرية وعندها حق فى دماج وفى ارج وفى الخلاءوهى ما زالت حية الحى الله لكن الكبر حصلوبعدين بنات محمد ودكلس مازلن متزوجات وقاعدات فى الصفيحة ونحن ناس دماج قريب ما بعيد كان عندهم عرس وتورنا لورى الى الصفيحة ونزلونا ناس الصفيحة فى بيت وقالوا انتو الاخوال وعاد لحم وكرم ولكن دفعنا والقروش ماها كتيرة وبعد الحفلة والقعيدة جاء دور ناس الجزائر والشى الوحيد البى نغلب ناس الصعيدية فيه هو البرجى والصقرية والله يا خال برجنا برجى وسيوفنا معانا حيرنا ليك ودالعقبة وجماعته والعمد وجماعدتهم مرة واحدة

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18284
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: لغاية ما نلاقيكم شان تعرفونا دفعتنا في مدرسة شري الأولية تراهم ديل(توجد أسماء معبقة بريحة المغمول)

مُساهمة من طرف صديق عبدالله علي أبوحنة في الإثنين 13 يونيو 2011, 10:39 pm

كانت لنا أيام في قلبي ذكراها

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى