عذراً سيدتي. لست أراك امرأة!

بسم الله الرحمن الرحيم
صديق ده عنوان شنو!!!!
ولا داير تجاري بوست انتصار؟؟؟
لو بدينا في المجاراه ما حا نقيف
لان دكتور عبد الواحد... عندو بوست لو اقتبسنا عنوانه لقامت الدنيا في المنتدي وقعدت وهو
المراه كالحذاء...

[quote="صديق عبدالله علي أبوحنة"]دي المرأة التى تسجر السجاير روثمان بحاري. بينسون. أبو نخلة.. او تشرب الشيشة![/qu
دي اصلا ما بنطلق عليها امراه

قايتو انا عندي راي في الرجال البيتعاطو الحاجات دي وبعتبرهم فارغين.

كمان جبت فيها نسوان الله يهون!!!!!

ها ها ها تسلمي نجلاء
مرة اميرة علي قالت: كنا طالعين في حدائق كدة أظن والله حاجة زي دي، يوم عطلة.
قالت قعدتا أحشي في السندوتشات للعيال وابوهم.
قالت فجأة اشوف ليك كوم نساوين جنبي مدورات الشيشة الدخاخين تسوي في البق. والأطفال يحوموا تحت كرعيهن.
قالت قلت اسوي لى كلمة حق. عسي ربي يأجرني بيها
لكن كان اتكلمت معاهن النساوين ديل
ممكن بكل بساطة يهرشني، ويشبن في حلقي
ويقولن لى. شنو الدخلك إنت، ويقلبن الدنيا عليا!
قالت قلت يا زولة هي
كلمة حق وكبرت في راسي لازم اقولا ليهن
قالت بس بدل الكلام
كتبت لى وريقة كدي ولزيتا على طرف وحدي فيهن
كتبت فيها( خافن الله في الاولاد ديل البي يحوموا تحت كرعيكن)
عاد ما بعرفا مسكنها الوريقة وخنسن والله قالن لى اميرة علي شئ
المهم قالت كلمة حق في حق نسوان يدخنن

ولا داير تجاري بوست انتصار؟؟؟

والله قلت اجاري بوست انتصار يا نجلاء. لكن انتصار سخت الرجالة سخة جامدة ما بقدر أجاريها. لأنو انا واقف في صف المرأة السوية
لكن بتاعات السجاير ديل أظن أنتصار ذاتها توافقني في رأيي ده! والله شنو!

صديق عبدالله علي أبوحنة كتب:

ولا داير تجاري بوست انتصار؟؟؟

والله قلت اجاري بوست انتصار يا نجلاء. لكن انتصار سخت الرجالة سخة جامدة ما بقدر أجاريها. لأنو انا واقف في صف المرأة السوية
لكن بتاعات السجاير ديل أظن أنتصار ذاتها توافقني في رأيي ده! والله شنو!

طبعا يا صديق بتاعت السجائر ديل لا عاداتنا ولا شبهنا ولا تقاليدنا ولا ديننا...والمراه السويه المتحضره هي المتمسكه بشرع الله وسنه رسوله الكريم
عافانا الله وجعلنا مستورين في الدنيا والاخره



انتصار سخت نوعيه معينه من الرجال وهم اشباه الرجال ويستاهلو الضبح ما السخ ...

وازيدك من الشعر بيت شفت الرجل الشامي يهب ويصلح في نار الشيشة لزوجته وهي تشطف فيها وفي مكان عاااام

البهب لى زوجتو الشيشة يا اميرة ده نوع الرجال القاصداهم انتصار وهو لم يذكروه في بوست انتصار

يعني دورتي وجيتي للرجال تاني يا انتصار، حتى المرأة البي تسجر حسبتيها على الرجال!
عاد الرجال الله يكون في عونهم!
طيب واصلى السخ.

ها هاها يا ريس والله إنت ما بتريح!
معقول السماحي دي تسف!
مع إننا شفنا ضهرا بس!
وما شفنا وشيها
لكن هي متحجبة يا ريس!
بيكون مرسلاها حبوبتا لى كيس سعوط!
.....................
قالوا في واحد كان في جامعة الخرطوم! بعدين بيكون قاعد مع( الجكس) في البركس ومرات عند مقهى النشاط..
اها في واحد صاحبو مجننو! اول ما يلقاهو قاعد جنب( الجكس) يجي يقول ليهو هيثم بالله اديني سفه!
قام يوم ساقو براهو غادي وقال ليهو: ياخي عليك الله يا حسن ما تشيل حالنا وتطيير منى الجكس! ممكن تقول لى هيثم لو سمحت أديني موبايلك اضرب منو مكالمة! انا كدة بفهما..
قام يوم جاهو ولقاهو قاعد مع الجكس! قال ليهو: هيثم لوسمحت أديني موبايلك!
هيثم قال ليهو: ما عندي رصيد!
حسن قال ليهو: طيب الشانقا في شفتك بي فوق دي شنو!
هيثم قال ليهو: دي آخر مكالمه!

والله عاد خالد عابدين بالغ

جاب الصورة دى من وين

لو شنو داك حبوبتا ولا غيروا محل عمارى ممنوووع الاقتراب منه



ويا صديق ابو حنه

شايف الاخت مندمجه تعاين ساااي

يا خوفي تكون بتسف

هاهاها كمان أثبات بالصور والله الريس يأنتصار جابه من الاخر وكمان سودانيه لكن أكيد لماهي محجبه يكون دا مكان ابوها عايزه مصاريف الجامعه او تكون عايزه تسأل من وصف مكان وماوجدت غير هذا الموقع اوتكون حبوبتها مرسلاها ذي ماقال الحنوني لكن استبعد هذا الرأي لان الجبوبه ترسل الصغار مره قدر دي ماأظن ترسله حتي أذا احتاجت لعلاج .

يا خالد عابدين بالغت فيها دي ...احسنوا الظن....يمكن تكون بتاعت النفايات!!!!!

ايواااا بتاعة النفايات والجنبها دي مساعدة ضابطة النفايات

شكلها كدا هذة بتلك ياانتصار زى ماقالت اميرة

لك التحية الاستاذ ابو حنة

درست فى احدى الجامعات المتحررة ورايت فيها العجب العجاب

المهم فى احدى المرات بينما نحن مجموعة من الصديقات مع بعضنا

اتت احدى الطالبات وهى تحمل سيجارة من نوع كدا مابعرفو

وجلست وكانت اقرب من ناحيتى وهى تسجر

وماكان منى الا وانا اقوم بطردها واقول لها قومى بفعل هذا الشئ بعيدا

من هنا من حقنا ان نستنشق هواءا نقيا





لكن صورة الريس دى حقو نحسن الظن فيها

حتل العيش عايز ليهو مركب يا علي. والايامات دي مركبي مافي.. بعدين العيش البي يحتلوا فيهو ده مافيهو قندول! يبقى خصارة ويا خصارة عصفوري من أيدي طارا

علي الكليس..هندسه كيفك شنو الحكايه ضارب الضري ومابتجي فزع حتيل العيش مالك وله خايف من الكف والكع.

إقبال كتبت وماكان منى الا وانا اقوم بطردها واقول لها قومى بفعل هذا الشئ بعيدا

من هنا من حقنا ان نستنشق هواءا نقيا

بكلامتك هذه يا إقبال تكتب لك حسنة.. من رأي منكم منكراً دونك الحديث يا إقبال.. بعدين أنت درست في إحدى الجامعات المتحررة ، لكن بسلوكك هذا والقدوة والكلمة الحسنة .. كأنها صارت جامعة متزنة . الجامعة هي مما يلك وليس من الأخريات

قريبى صديق أنت عارف أخير المرأة التشرب السجائر من الصعوت

يمكن يا ود حاج

انتصار كتبت فما كان من صديقتى الا ان قالت لى المشكلة ما فيها المشكلة فى الطرطور المباريها دا كيف يرضى ليها تجى معه كدا

لفيتي وقلبتيها على الرجال يا انتصار.. مرات الرجال يكونوا مغلوبين على أمرهم .الواحد تزوج وتورط في مرأة جامحة النزوات.. وتبقى الحكاية في السترة والاستمرارية وتربية الأولاد بين أمهم وأبوهم. وكدة أرحم من الطلاق الذي يهتز له عرش الرحمن أو ابغض الحلال الى الله الطلاق

ما شاهدت الظواهر الزي دي في زيارتي للسودان
يمكن اختفت..
الحياة والجري وراء المعايش عند ناس السودان
................