عرجون تميرة ... عشان ود ابو حنة

نأسف للتأخير الأخ صديق ... فالمعالجة للأغنية كانت صعبة خاصة وأن الشريط ليس ماستر والتسجيل ما نضف

ولكن عشمنا أن تفي بامطلوب ...

فلك العذر

والتحية لكل كبنة الوادعة ... ولأهلها اصل الروعة

عفوا فقد إستلفنا صوركم لتكمل معنا اللوحة الجميلة .. وما أجملها من صور

ياااااااه
ود المناصير
تأكد من قولتي هذه يوما ما..
سوف اكافئك يوما ما حتى تقول بس!
سوف تجدنى عندك!

كلمات حسن الدابي
بالمناسبة حسن الدابي حبوبتو من كبنة
هو أعلن عن ذلك
لكن بعض الجماعة عفا الل عنهم محاولين يفطسوا هذه المعلومة
مع أن عبد الرحمن بلاص قال من شعرنا
ود اللريل الفي وادي كبنة
نجري ونجري لامن سال عرقنا
والناس عزّلوا الحلو في قصبنا
.................
اها ود اللريل ده في كبنة!
كبنة دي وين عاد!
واحد منهم صاحبي وواقف معانا قال لى
كبنة دي الاصل عندنا هناك
وكبنة بتاعتكم مسمنها على كبنة بتاعتناوهي فرع!
قلت ليهو والله عاد ما سمعنا بي كبنة بتاعتكم دي
كبنة دي بس خلقوها واحدي في السودان مافي غيرا في خريطة السودان

صديق عبدالله علي أبوحنة كتب:ياااااااه
ود المناصير
تأكد من قولتي هذه يوما ما..
سوف اكافئك يوما ما حتى تقول بس!
سوف تجدنى عندك!

ود ابو حنة .... الرجل الوافر ... قصة إبداعنا وتميزنا ...سلام يا معتق

وانا عارف غيرك يا أصيل ما في زول حا يجي بي جاي ... اصلو الناس ماسكة تنقير بي غادي ومنفدغين فدغ ..

ربنا يسهل علينا وعليهم ... بكرة تحل القضية ويعود ذلك الألق القديم ...

ولكني أخشى من تعفن الجروح ... وقيح يلازمها مدى الدهر ...

ربنا يهون

شكرا يا راقي

عينا سياف الشهيرة
يا حسن وصف ضميرا
زي جنا التفاح صديرا
( كلام يا عوض دكام)
دي يأولوها كيف دي عاد. معنى مباشر
لكن عشان نؤجر نأول ليها معنى في بحيرتنا
عينا سياف الشهيره: عيون الموية والبحيرة لها وضاءة ونور في أول الصباح حينما تنزل بمسواكك وماشي على البحيرة
يا حسن وصف ضميرا: يعني محل زرة البحر والبحيرة عند الكبشية قرب العمارين هناك
...........
زي جنا التفاح صديرا دي غلبني القى ليها تأويل!
والله ممكن نقول
زي جنا التفاح صديرا.. يعني حلاة الفواكه المزروعة على صدر البحيرة من جوافة المناصير الشهيرة.

رمّت الجدلات حريرة.... دي تأويلها
دي عيش الريف( البوش) المزروع في الجروف لما البحيرة تنحسر مياهها
موش البوشايي من فوق كدة عندها شعر زي الحرير زي شعر البت قبل ما تنقرشا وتسلتا فوق النار!
عشان نؤجر وكدة نغير الكلمات للأحسن دائماً

لما الموية غمرت الجزيرة شري. الناس كانوا متابعين لحظة الغمر والإغراق لحظة بلحظة بالليل الموية وصلت كدة. غمرت كدة.. وصلت المحل الفلاني. عيسى بروي متابع بي تلفونو.
قالوا الناس الكانوا قاعدين مع عيسى في البيت لحظتها قالوا عيسى ده يجعر زي الطفل الصغير وينوح ويبكي..

صديق عبدالله علي أبوحنة كتب:لما الموية غمرت الجزيرة شري. الناس كانوا متابعين لحظة الغمر والإغراق لحظة بلحظة بالليل الموية وصلت كدة. غمرت كدة.. وصلت المحل الفلاني. عيسى بروي متابع بي تلفونو.
قالوا الناس الكانوا قاعدين مع عيسى في البيت لحظتها قالوا عيسى ده يجعر زي الطفل الصغير وينوح ويبكي..

وهكذا هي القلوب الحية

عيسى بروي إنسان مرهف رقيق حساس

ومواقفوا الإنسانية كثيرة

وإنت قبل كدا يا صديق وعدتنا ببدء الكتابة عنه ونحن وعدنا برفع الأغاني ...

وين كتاباتك ؟؟؟؟؟ راجنك

الحقيقة يا ود المناصير
عيسى ليس لنا وحدنا المناصير
والكتابة عن العظماء شديد قاعدة تخوفني لكن لم اخلى رغبتي في الكتابة عنه.. كل مرة ابدا وأتراجع الى أن يجي اليوم البغمض فيهو وأكتب مهما كان والباقين يتموا مجهودي من أمثالكم.

صديق عبدالله علي أبوحنة كتب:الحقيقة يا ود المناصير
عيسى ليس لنا وحدنا المناصير
والكتابة عن العظماء شديد قاعدة تخوفني لكن لم اخلى رغبتي في الكتابة عنه.. كل مرة ابدا وأتراجع الى أن يجي اليوم البغمض فيهو وأكتب مهما كان والباقين يتموا مجهودي من أمثالكم.

انا ما عندي مانع يا صديق ... إنت أبدأ ونحن معاك

وكمان نحن شتتنا غنا عيسى في المنتدى بعد ما تكتب نقوم نلموا كلوا ونخليهو في مكان واحد يكون سبيل للكل الغاشي الماشي النوخ دابو ودل الشيل

صديق عبدالله علي أبوحنة كتب:الحقيقة يا ود المناصير
عيسى ليس لنا وحدنا المناصير
.

بمناسبة الكلام دا ... عبد الرحيم أرقي قال لي إنو ناس بيتو يسمعو عيسى بروي وهو فنانهم الأول وما بيجاملو فيهو ابدا

ما رديت على سؤالي الزمان يا ود المناصير
من وين جاب عيسى كلمات حسن الدابي دي!
هل أداها ليهو مباشرة!
هل اللحن ده حق عيسى!
..............
بعدين برضو قصيدة كدكي هي في الفيديو الصوروهو في المزرعة( جاتني بت وأنا متوقعا.. شايلا من أمي طبايعا.. دي ابدع فيها عيسى قال كدكي:-
عجوة بي أيدي أنا زارعا!
في كريمة يدور مصنعا
يشكر في بتو! الولدوها ليهو( عجوة بي ايدي انا زارعا!؟)

الاخ ود المناصير
دائما تجيب الجديد المفيد
احب انوه واوضح للجميع بان
الاغنية من كلمات الاستاذ
حمد سعيد دفع الله
وليس من كلمات حسن الدابي كماذكر
وللاهميه جري التنويه
وسوف اوافيك بالمناسبه التي قيلت القصيده

أبوسفيان خلف الله كتب:

الاغنية من كلمات الاستاذ
حمد سعيد دفع الله

شكرا سفيان على هذا التنويه ...

فعلا أنا وجدتها ضمن باقة من أشعار حمد سعيد في أحد المواقع المجاورة

ننتظرك بما وعدت

وننتظر المرجع اللغوي ود ابو حنة يفند ويشرح

ودمتم

والله ما عارف.ز انا زول لما القى المعلومة ترسخ في ذهني شديد. وبعتمد على صاحب المعلومة التى ذكرها.ز انا هذه الأغنية مسجة عندي في شريط مطبوع في صوتيات أم درمان.ز المكتبات الفنية دي البي تطبع الاشرطة وكل اغنية كاتبين تحتا إسم شاعرا..
هم كاتبين تحت الاغنية دي.. عرجون تميرة كلمات حسن الدابي.. لا أدري! ربما يكون محمد سعيد دفع الله لا ادري. معلوماتي معتمدة على طباعة الشريط. لكن القول الفصل ممكن يكون عند عيسى نفسه أو محمد بروي لا ادري والله.. كما وجدتها قلتها..

الاخ صديق
احب ان احيطك علما بان الاستاذ عادل عتمان الطيب معي
وهو ابن اخت الشاعر حمدسعيددفع الله وحسن الدابي برضو خاله في الحساب
وديوان حمد سعيد دفع الله موجودمعانا
اتبقي ارسل لك نسخه مافي مانع
وذلك جري التنويه للحصحصه والتاكيد

لا كان كدة خلاص يا ابو سفيان يبقى كلامك صاح. دي ما دايرة جدال.

كبنة الحنان منساب وشارباها عصمة شراب
ودالمناصيير
الباشمهندس صديق
ابوسفيان خلف الله

لاتعليق

عباس محمد كتب:كبنة الحنان منساب وشارباها عصمة شراب
ودالمناصيير
الباشمهندس صديق
ابوسفيان خلف الله

لاتعليق

طلتك بي جاي ـ نعم التعليق

وجودك بي جاي ـ نعم التشريف

مرورك بي جاي نعم الخطى

جر واسوقك ـ وترنم ـ وهات سحر القوافي

مين زيك يا عباس ؟

نجدك دائما مكان الخير كلو غاشي

مكان زولي مكان ناسي ـ مكان الكرم الوراثي

مكان لا قلنا لا قالو ولا هماز ولا واشي

تسلم يا اصيل ـ فهنا مهبط الطيبة والطيبين ـ

تسلم يا طيب

ميسره موسي الاحمر كتب:نحنا نتاوق من قبيل ومنتظرنكم فانتم منبع نريد ان ننهل منه

تسلم ميسرة ـ رمز ـ الإبداع والتفرد

غيابك كتر ـ

لا تقطع إبداعاتك يا رائع ـ منكم نزداد كيلا ـ ونعبر بالحظ و(البخت ) الجميل

تشكر ـ بلا حدود