مرتك كان قالت ليك أطلع الجبل! ما تحرر الواطة!!!؟؟؟

ومعني المثل ده شنو؟
يعني كدة كدة راح تطلعو وتطلعو الواطة حارة كمان.. عشان كدة أحسن ليك عشان ما تتردد تطلعو من الصباح ...
شايفين الحكومات المنصورية القديمة دي كانت حكومات كاربة كيف؟ زي بوابير لستر ماركنتاير الزمان ديك.ز هسي دي الحكومات المنصورية الجديدة المستولده بقت ما صاح!
فيها نكهة من حكومة أمهاتهن وحبوباتن، لكن فيها زغلة شوية .. مزغولة.. طيلسان..
..........
ياخي والله أماتنا ديل.. كنا نحسبهن آلهة مصغرة.. ما كنا نحسبهن حريم ابداً..
اي شئ بيدهن.. من الصغيرة للكبيرة
حاجة محيرة تماماً
هو صاح الرجل المنصوري له مكانتو وليهو وضعو واحترامو عندهن
لكن هن شيالات التقلية شديد عشان كدة الرجل المنصوري القديم مقتنع عملياً إنو ما عندو ملاج غير مرتو

من طرف **علي الكليس** السبت 03 سبتمبر 2011, 4:41 pm

العزيز صديق العيد الجاب الناس لينا ماجابك وانشاء الله الضحيه معانا وقد اثريت المنتدي خلال عطلة العيد وسديت الفرقه وياها المحريه فيك
الحكمه او المقوله اياها . انا كان قال لي مره ذكرها لي عمر الحسن والد اخونا مصطفي وقد ذكر لي قائلها وهو واحد من اسرتهم الكبيره نسيت اسمه والمقوله فيها تصحيح صغير ليستعمل الانسان ذكاؤه في النتيجه المتوقعه اذا لم يسمع الكلام. وهي اكان مرتك قالت ليك اطلع الجبل الصباح ماتحرر الواطه ..وكلنا ياصديق قاعدين نطلع الجبل الصباح بدري.لك تحياتي