المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

زرايب الحطب عند المناصير، حطب، فحم، طلح، شاف، كـِـلـيت، تمر

استعرض الموضوع السابق استعرض الموضوع التالي اذهب الى الأسفل

زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في الخميس 02 فبراير 2012, 6:48 pm

ده أقصر موضوع اكتبو! صاح!. عنوانو اطول منو. اللهم إلا بوست ( آه) داك الزمان كان قصير شديد وكده
.........
تخريمه-
المهم خلاصة الموضوع ظهرت في العنوان. يعني ما بحتاج اكتب هنا وكده

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف هاشم علي الجزولي في الخميس 02 فبراير 2012, 7:26 pm

الاخ صديق هذه مهنه ولي زمنها باالنسبه للمناصير الان والحمد الله اولادنا لو شفتهم في الميدان ماسكين الكمبوترات ومع الاتصال الاسفيري ايضا الان وما شأ الله في العمل في الحقل السمكي يعجبوك في السوق المركزي ماشأالله امتلكوا العربات الخاصه باالترحيل وفيها الثلاجات وهم ناس عمل معروفين وهناك قسم يعمل في الذهب ومنهم من امتلك اليات هذه المهنه وما شأ الله ماشين كويس والحمد الله ماشين تمام التمام في امتلاك عناصر الثروه الاساسيه الا وهي الارض والمياه لقد كنت شاهد علي عصر الطيانه كانوا يحضروا لنا في المنزل في الثوره وانا طالب في المراحل الدراسيه كانت المهنه الاساسيه هي العمل في بناء المنازل وأذكر والدي الله يرحمه حكي لي قصه انه حاول عمي الله يرحمه ود حميد حاول ان يقنعه باالعمل معه في الحقل التجاري ولقد كانت البدايه للوالد في بدايه الستينات الا ان عمي وبعد كم يوم رفض العرض وغادر الي العمل في حقل الطين حيث الحريه والعمل بي مزاج

أذكر ايضا في يوم والساعه تقترب الرابعه عصرا طلب مني الوالد ان اضع بعض الاغراض التي تخص اهلنا والتي اشتروها بغرض تسفيرها للمناصير وبعد ان انتهيت طلب مني ان اركب العربيه بصحبته ومعنا أصحاب البضاعه ولقد كانوا أربعه من سور تحركت العربه الي منطقه اب روف وهناك وباالقرب من شاطيء النيل كان هناك مشرع به مراكب توجهنا الي احد المراكب ووضعنا الاغراض فيها ولقد سالت احد الاعمام وهو عمنا الشيكي أمد الله في عمره وذكر لي انه اشتري المركب وسوف يغادر الي المناصير طبعا استغربت وشوف ياصديق فعلا بعد زمن سافرت الي البلد ووجدت المركب ايضا بعد عام حضر الينا المرحوم ودبشاره وهو عم زين العابدين وعم عثمان الحسن وقام بشراء مركب وتكرر نفس المشهد

لقد كان اهلنا يعتمدون علي العمل الجسدي فقط اما الان بدأ عهد استخدام العقل عند المناصير وهم ماشاالله معروفين باالذكاء بس دايرين شويه تكتيك واعداد خاصه في طوله البال والصبر واهو الاعتصام ده واحده من فوائده صب في هذا الاتجاه

نحن ياصديق دايرين وفي خلال الخمسه سنوات القادمه يكون عندنا وجود مؤثر في الاقتصاد السوداني بشقيه التجاري والزراعي وانشاالله الصناعي واذكرك الان ايضا ماشا الله مصانع الثلج التي تعمل في المناصير هي ملك لمناصير

اما عن العمل في مجال البناء يجب ان يكون الاتجاه في امتلاك مصانع الطوب الحراري والخام مالي البلد وهناك عيون عليه الخام متمثل في الطين الذي تخلفه البحيره كل سنه وهو خام متجدد من الان فكر في هذا الموضوع ياصديق وده مشروع يجيب ذهب هذا غير نوعيه الزراعه التي بدات البوادر ولقد تحدثت مع البعض في هذا الخصوص زراعه عباد الشمس الذي اثبتت التجربه انه ناجح جدا

الان تغير سبل كسب العيش في المناصير وأمل ان تفرد بوست بهذا العنوان وانا مستعد ان اساهم معاك

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في الخميس 02 فبراير 2012, 7:55 pm

الله الله يا هاشم
ده الخبر المفرح
بالله العندو مصنع تلج منو في المناصير!
وكم مصنع هن!
بالله زمان التلج ده ما نحلم بيهو حلم.. نعتبروا شغل صعيد وبتاع ناس مايعين وكده
تلج في المناصير!
الله يبشرك بالخير يا هاشم
طيب الاخبار الزي دي لما تجوا من البلد ماكم ما بتحكوها لينا هسي دي لولا البوست ده! ما كان عرفتها.
ايوه ايوه يا هاشم لازم يكون عندنا بزنس في البلد..
كدي اول حاجة وريني مصنع التلج ده وين في البلد! بعدين نتم الباقي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في الخميس 02 فبراير 2012, 8:04 pm

الطيانة طبعا زمان يا هاشم بيتكم كان شئ اساسي ليهم، محل ما يعسكروا..
اذكر تماماً وانت لاتتذكر ذلك.. جينا في بيتكم وانا وقتها في المتوسطة في ابوحمد.. وإنت طبعا بقيت ولد صعيد.. ومعاى ناس بلد. طبعا اللبس في المناصير عراقي وسروال.وانت بقيت زول مدينة ومستمتع بي خيرات المدينة.. وانا معاي ولد جايبو للتسنين إنت جبت لينا ثلاثة كبابي عصير.. ومشيت
بعد مشيت الولد المعاي 10 سنوات جاي من البلد منصوري قح، همس في اضاني قال لى:-
واااااا ولد الصعيد ده! لابس لو قميص مره!
وقتها انت لابس بجامة أم يدين قصار ديك ورقبتا مثلثة كدة، فاستغرب فيها.. وإنت طبعا بقيت زول مدينة من زمان
شوف المناصير كانوا وين وهسي دي وين
بس لسه الناس في البلد البجامة دي ما داخلة ليهم في راسهم
أنا ذاتي هنا مرات الحكومة حقتي بعد طول ممارسة حتى قبلتا في البيت مرة مرة
جلاليب وعراريق وسراويل بي تكة وكدة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف هاشم علي الجزولي في الجمعة 03 فبراير 2012, 4:00 am

مساله اللبس ياصديق الوقت اتاخر كان اقول ليك نشوف لينا من الصعيد ............

اما موضوع مصانع الثلج الان مصنعين والثالث في الطريق المصنع الاول هو ملك للهجانه عيسي واخوانه والثاني بواسطه ديوان الزكاه لاداره منظمه خيريه مديرها التنفيذي محمد خير ومعه النذير عمر الطاهر اما الثالث والذي تحت الدراسه لابراهيم شلبي وهناك دراسه معده لتوسعه مصنع الثلج الثاني تمويل البنك الزراعي مدير البنك هو العمده فنان ايضا هناك دراسات في الجانب الزراعي وجانب تحسين صيد السمك وذلك بمد الصيادين بمعينات مثل الشباك وقوارب الصيد باالاضافه للبنك الزراعي هناك منظمه الفاو والتي رصدت ثلاثه مليون دولار لتحسين ورفع مستوي الدحل

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في السبت 04 فبراير 2012, 8:57 pm

أول زريبة فحم وحطب كبيييرة مشهورة في العاصمة لمنصوري ، كانت على جيهة أركويت كدة، مناصير من القبلية دي، لكن نسيت إسمهم. كان ذلك حوالي عام 1971 بعد كدة انتشرت زرايب الثورة ومرزوق وأم بده
.........
أنا كل شئ اشتغلوا بي يدي تمام التمام، لما دخلت حكاية الزواج دي في راسي
قمت جبتا معدات ورشة نجارة وميكانيكا من الهلتون، ووضعتها في زريبة بروى ود اب روفة في الزرايب لما كانت فاتحة على الثورة الحارة السابعة.. وجبتا خشب من المنطقة الصناعية أم درمان عملت أوضة نوم كأحسن ما يكون.. وجبتا مواسير واحد بوصة قلفنايز.. وبي ماكينة القلووز عملت سراير.. من الحديد مليت البيت كلو سراير بعدين والنساجين كان يحوموا في الزرايب جبت نساج نسجها لى بالنايلو مشكل أخضر في اصفر .احمر في أزرق.. قمة الروعة، شافوها مناصير الزرايب ، كل واحد قال لازم اعمل ليهو سرير بي حقو.. عملت ليهم سراير اتكيفو منها شديد..
كانت زرايب ناس المهوة
وزرايب ناس شري
وزريبة محمد سليمان نصر الدين
وزريبة ود محوماااد ود عبد السيد
وزريبة محمود احمد علي من الكحيلة
وزريبة أبراهيم الفكي جيب الله..
أبراهيم دفعتي ساعدنى قال لى أعملن وختهن عندي في الزرايب ببيعن ليك! وفعلاً ربحت منهن شديد.. وإقترح عليا ابراهيم أن أعمل سبلوقات الحديد بتاعة البيوت من حديد الزنك ، بقيت أعملن بالمئات وإبراهيم الفكي يبيعن لى وياخد نسبة منهن
المناصير طالما قرش حلال
ابدا ما بيخافوا من المرمطة
كنت ساكن في الثورة الحارة الاولى. ابراهيم الفكي كان موظف في البريد والبرق بتاع أم درمان.. يوم الجمعة بي كارو حمار مليان طلح وشاف وفحم يوزع وبعدين يجي يشرب شاي عندي في الثورة الحارة الاولى
قال لى ياخي جارتكم السمحة دي وزميلتي أحرجتني. لكن ما سائل فيها
قلت ليهو ليه!
قال لى أنا أكورك بالشارع
فحاااام
حطاااب
طليييح
شاااااف
قال
أتاريهو دا بيتا وأنا ما عارفو وهي زميلتنا في البريد وأنا موظف اكبر منها
رسلت ولدا
قالت ليهو
أجرررري يا ولد حصل بتاع الحمار ده!
خليهو ينزل لينا شوال فحم!
طبعا عندهم عادة بتاعين الزرايب
لما يحب ينزل شوال فحم من الكارو
أول حاجة يضع شوال فاضي نضيف كده على ضهرو
بعدين يسند عليهو شوال الفحم عشان ما يوسخ قميصو
قال لى
الولد قال لي نزلو لينا في ضراا المطبخ بي غادي
قال نزلتو واستلمت منو القروش
قال زميلتنا دي أتاريها اليوم جمعة تكوي في هدوما في البرندة كدة بالنملية لمحتني شافتني أبراهيم!!!!!؟؟؟؟
قال جات جاري عليا مندهشة وقالت
سجمي.. وووب عليا. معقولة إبراهيم الفكي!
واسجمي يا بنات أمي!
قال بكل هدوء قلت ليها
يا بت.. شنو ! سجمك شنو!
حلال والله حرام!
موش شغلة بتاعة رجال
هسي دي لو اتسلفتا منك قروش وما رجعتهن ليك!
موش حا تطارديني كل يوم!
موش أحسن اكفي حاجاتي بالحلال!
والموظفة تشيل وتعتذر
والله ما قايلاك ابراهيم قلتا ولد ساكت!
زمان كان غير
لكن الآن تبدو غريبة
هسي دي ما اظن إبراهيم بيكررها
المناصير لايتعففون عن الرزق الحلال
قلت ليهو يا ابراهيم ما غريبة عليك
اصلك من زمنا الكنا طلبة قاعد تقاول دكاكين سوق النعوفاب زبالة في الإجازة الصيفية وتبلطن..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في السبت 04 فبراير 2012, 9:15 pm

زمان في العاصمة، ظهرت حكاي البنابر كرعيهن مخروطات بالمخرطة في شكل خرز سبحة وبي يضربوهن بوهية.. معمولات من خشب السنط والمهوقني والحراز.. وكان مصنعهن في مدينة سنجة.. كم مرة مشيت سنجة في الخمايس والجمع اقاول مصنع شحنة لوري.خام كرعين بس مخروطات واجي في الزرايب اصلحهن. واجيبهن أختهن في زرايب المناصير جنبنا.. واجيب بوهية ألوان نوع خاص مستورد من البوهية عندو لمعة شديدة أجيب منو من الهلتون ، العلب الفيها شوية استخدومها وفضل باقي أجيبا.. أعمل منها تشكيلات بالألوان واختها في زريبة بروي وزريبة أبراهيم الفكي وزريبة محمد سليمان نصر الدين..
من سماحتن البنابر دي كان يختوهن في أوض النوم منسوجات بالنايلو وناس يعملوا منهن طقم جلوس في الصالون جنب الطقم الكبير. كان طقم الصالون فيهو رجال الحريم الجايات معاهم يقعدن فيهم ومعمولة معاهن طربيزة نص كدة زيهن.. حاجة قمة الروعة . كان سعرهم في شارع العناقريب بأم درمان الشئ الفلاني
نحن هنا أنا وابراهيم منقصين سعرهم شوية من سعر شارع العناقريب
شافوهن ناس شارع العناقريب بقوا يخموهن مننا كلهن ويعرضوهن هم عشان ما نبوظ عليهم سوقهم ، لأنو هنالك في شارع العناقريب بي يبيعوهن بي سعر سياحي
الحكومة بتاعتي برضو قالت زي زميلة إبراهيم الفكي دي
ياخي مالك ومال المرمطة دي
راتبك قدر اربعة اضعاف موظف برة دفعتك
سيبنا من طمع المناصير ده!
قلت ليها هسي دي لو قلت لى عايزة توب وما جبتو ليكي بي تعذرني
والله تقعدي تطنطنى!

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف نجلاء زمراوي في الأحد 05 فبراير 2012, 6:40 am

واصل المسلسلات الزي دي البحب متابعتها.
لك التحيه والاحترام

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15904
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في الأحد 05 فبراير 2012, 11:13 am

تسلمي أستاذة نجلاء على المرور بي جاي


عدل سابقا من قبل صديق عبدالله علي أبوحنة في الأحد 05 فبراير 2012, 2:54 pm عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف نجلاء زمراوي في الأحد 05 فبراير 2012, 2:04 pm

صديق عبدالله علي أبوحنة كتب:حاجة شفقة
لا احسن ليك مسلسلات ود الطرشان!!!
يا هندسه مسلسلات ود الطرشان ما ليها نهايه؟؟؟
وبعدين حاج كبكبه ما عندو موضوع!!!

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15904
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف ابوفاطنة مصطفى في الثلاثاء 07 فبراير 2012, 1:19 am

الاخ الكريم ابوحنة تحية طيبه
بخصوص موضوع الزرائب بتاعت الفحم أول زريبة للمناصير في الخرطوم كانت بمنطقة الشجرة في العام 1968_1969 لصاحبها احمد ابرهيم خلف الله من الحيبة الشرقية اشتغل سقا في الشجرة وبعدها قام بافتتاح الزريبة وهو كذلك أول منصوري يمتلك منزل بالعاصمة ولقد اتم بناؤه بالعون الذاتي بواسطة الاهل من المناصير الطيانة الذين كانوا ينزولوا عنده بالزريبة وهم في طريقهم للجزيرة للعمل في الطين ولقد حصل على قطعة الارض التي بنا عليها من صديق له دنقلاوي يقال له من الله بعدها قام بمشاركته احمد حماد من ابرميلة اى ان توسع عملهما فاستقل كل منهما بمكانه

ابوفاطنة مصطفى
عضو جديد
عضو جديد

احترام قوانين المنتدى : 100

عدد المساهمات : 10
نقاط : 9181
تاريخ التسجيل : 03/12/2011

الرجوع الى أعلى الصفحة اذهب الى الأسفل

رد: زرايب الحطب عند المناصير، حطب، فحم، طلح، شاف، كـِـلـيت، تمر

مُساهمة من طرف صديق عبدالله علي أبوحنة في الثلاثاء 07 فبراير 2012, 2:40 am

نعم أبو فاطنة. أقصد زريبة أحمد إبراهيم خلف الله.. وقد نسيت اسمه.. مع أني زرتهم في زريبتهم تلك كم مرة.. ناس ضكرانيين شديد.. برضو تربطنا بهم قرابة من جهة الوالد

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى