الهلال والمناصير

(( الهلال والمناصير ))

عندما فاز الهلال ببطولة الدوري ... استبشر به جميع السودانيين
بل أن بعضهم رفع أعلام الهلال على منازلهم ...
وأخذوا يحلمون بكأس خارجي وبطولة خارجية ... وكان من ضمن هؤلاء ...
أهلي المناصير الغبش ...
فرحوا كثيرا بالهلال ... وأخذوا يحلمون بمدينة رياضية متكاملة في ديارهم
تتوفر فيها كل متطلبات الرياضة

ومرت الأيام ... وجاء السد ( الوجع الحقيقي ) .
وسقط الهلال في مباراة افتتاح السد أمام نده التقليدي ... وعدوه اللدود المريخ
وتغير المناصير ... فمنهم من بقي يوأزر الهلال على أمل انتصار قادم قريب ....
ومنهم تحول إلى تشجيع فريق آخر .... المريخ ، الموردة ... أهلي شندي
الأمل عطبرة ( على بعد خطوات من المكابراب )
وأصبح في البيت الواحد من يشجع أكثر من نادي
........
بالمناسبة أنا خليت الكورة منذ تركت السودان ... وبقيت أحضر الأفلام الهندية ....
لأن فيها مبالغات شديدة ( تلقى اثنين أخوة أفترقوا وهم صغار )
واحد بقى بطل الفيلم والثاني أب شلخة الخائن
والبت السمحة حبيبة البطل
والنائب بحب جارة البطل
ودكتور الجامعة مربط مع الضابط ود خالة البطلة
وبعد مغامرت وأغاني ( وشكلة شديدة ) .... وقتال ملتهب
في نهاية الفيلم يرجعوا تاني
لما تبكي معاهم .... ( ما علينا ) نرجع لموضوعنا
الآن بعد مشاكل الهلال داخل البيت الهلالي
واختلاف الأهلة فيما بينهم
هل في أمل يكون في المناصير مدينة رياضية
ولا المناصير اتخدعوا في الهلال ؟؟؟؟؟؟؟؟؟