القصر الجمهورى مُلكاً لنا

فى البدء التحية لأهلُنا المُعتصمين فى الدامر والذين ماوهِنّوا ولا إستكانوا .وعشرين يوماً يقدمون إنموزجاً حضارياً كيف تولد الثورات وكيف يكون التنظيم .التحية لكم ونحن على البعد نتعلم منكم على قبيلة ترفع الرأس وعِزّ دائم لأجيال قادمة.
نجح الإعتصام وكثر المؤيدون لقضيتنا.التوجة إلى الخرطوم يعنى أن المطالب العشرة سوف تزول ويحلُ محلها طلب واحد ألأ وهو نحن نُريد القصر الجمهورى تعويضاً لنا ولكل مظاليم السودان.
عشرون يوماً ليلها بنهارها ونحن نُطالبهم أن يلبوا مطالبنا ولكنهم لايبالون .والآن نقول لهم لقد تبين ظُلمكم وإستبان ,والفيصل بيننا وبينكم الشعب السودانى لنخلعكم عن سُدة الحكم.
فى إكتوبر ٦٤ إنتفض الشعب وأطاح بحكم عبود,وفى ٨٥ إنتفض مرةً أُخرى وأطاح بالنميرى وسوف ينتفض بإذن الله فى هذا الشهر ديسمبر ٢٠١١ لِيُطيح بالبشير ونحن من نحكُم السودان.
هُنالك عوامل مُهمة لنجاح الثورة:
١/العُصيان المدنى: خروج الجماهير للشارع وهو المُتمثل فى حالة الإعتصام الحالية وعند قيامها فى الخرطوم سوف ينضم الآف من جماهير الشعب السودانى وأنا متأكد من ذلك.ويجب السيطرة على هذة الثورة عن طريق أهلنا حتى لاتُسرق.
٢/ العامل الثانى والمُهم السيطرة على القوات النظامية وذلك عن طريق الإستعانة بأشخاص من داخلها حتى ولو كانوا لايحملون رُتب عاليه.مع التركيز على سلاح الإشارة وغيرها من الأسلحة ومراكز تلك الأسلحة.وأيضاً السيطرة على وزارة الداخلية والشُرطة.وأيضاً معرفة أسماء الأشخاص المُسيطرين على كُل تلك الأجهزة.يعنى القبض على عبدالرحيم محمد حسنين سوف يُساعد فى السيطرة على القوات النظامية والقبض على وزير الداخلية سوف يُساعد على السيطرة على الشُرطة ورئيس جهاز الأمن سوف يُساعد فى السيطرة على القوات الأمنية. يعنى القبض على الأفراد المسيطرين على البلاد سوف يخضع لسقوط القوات التى تخضع لهم.
٣/ العامل الأكثر أهمية السيطرة على الإذاعة والتلفزيون لأعلان القبض عليهم والفيديوهات على اليوتوب قد تكون بداية للإعلان حتى تتبناها الفضائيات العالمية.
ختاماً سيطرة المناصير على سُدة الحُكم فى السودان لإحقاق الحقوق ونحن من نُقرر ولا ننتظر أشباة الرجال يقرروا مصيرنا .
هذا السرد سوف يظل تنظيراً مالم يتحقق ومن خلال متابعتى للأحداث أكاد أجزم أننا يمكننا السيطرة على القصر الجمهورى وحينها الرجاء تسليمى وزارة الثورة الحيوانية حتى أعتنى كُل العناية بالحيوان عمر البشير وبقية الحيونات ودمتم أهلى .

شكرا اخي ابراهيم وتسلم وانشاءالله ربنا يحقق النصر وينصر اهلنا
والله يا ابراهيم يا اخوي اهلنا ناس بسطاء لا يتمنون سلطه ولا رئاسه بل يبحثون عن حق ضائع اين هو؟ او عند من؟فاذا وجدوا الاجابه علي هذه الاسئله يا دار ما دخلك شر .

سلامات اخونا ابراهيم

لكن يا اخوي الورق ما بكشفو كدي

الشغلة عاوزة تخطيط وشغل كتير لانها ما ساهلة

والله يااخ ابراهيم قريت عنوان البوست ووجدت نفسي اسرح في حلم جميل انو مناصيرنا وناس منتدانا ديل معتصمين في القصر الجمهوري وكل ناس المراسم والطباخين وناس الخدمات واقفين عشره علينا بارد طالع وبارد نازل ودجاج مكرفس منتظر ايادي ناعمه تمتد اليه لتأخذ القليل وعضوة المنتدي عازه شغالين فيها ناس كوافير القصر الجمهوري عشان تطلع ذي وداد بابكر كدا لكن لما فتحت البوسنت ووجدت دبابات وحرب وكدا تذكرت الاطفال الذين سيتيتمون والنسأ الذين سيترملون والابطال الذين قد لايعاملون معامله كريمه اذا فشلت الخطه قلت ياعازه احلمي لكن بطريقه سلميه وحضاريه وكان الحكومه دي جات بالدبابه ممكن تتقلع بقوة الاراده

النصر انشاء الله غريب
يا اخونا ابراهيم

لو ما اتحلت نحنا تدخلتنا الخرطوم
دي ما ساهلة
الحكومة دي
نوريها عمايل
الله خلقه
ما رأتي

وحينها الرجاء تسليمى وزارة الثورة الحيوانية .

والله ضحكت ضحك لمن قريت وزارة الثروة الحيوانية قلت ابراهيم داير بيها شنو

لغاية ما قريت باقي البوست وعرفت السبب



طيب انا بعدين ادونى وزارة الاعلام

ناوية اعرف العالم كلة من هم المناصير



يا ابراهيم قطعا اذا لم تتحقق مطالب اهلنا

فقد تكون الثورة السودانية قادمة من المناصير

شنو يا انتصار وابراهيم قلبتوها وقسمتوها لحقتو الشوايقه بررررراكم ما دايرين زول معاكم

قايتو انا ادوني الزراعه عشان ازرع ليكم البلدمن حدها لي حدهاواملاها مشاريع

ما شاء الله كدا تلاته وزراء ابراهيم وانتصار ونجلاء

بس ارجو ان تلغوا وزارة الكهرباء

لا يا حاتم

وزارة الكهرباء تمسكا انت

وتشوف لك وظيفة مناسبة لاسامة عبد الله

نجلاء زمراوي كتب:شكرا اخي ابراهيم وتسلم وانشاءالله ربنا يحقق النصر وينصر اهلنا
والله يا ابراهيم يا اخوي اهلنا ناس بسطاء لا يتمنون سلطه ولا رئاسه بل يبحثون عن حق ضائع اين هو؟ او عند من؟فاذا وجدوا الاجابه علي هذه الاسئله يا دار ما دخلك شر .

تسلمى أُختى نجلاء
تعرفى الطيبة والبساطة دى هى المغطسة حجرنا.حسع عليك الله أُسامة قرف دا يقول كلامو ويغرق أهلنا ونقول عفى الله عن ماسلف ماظنيت.لن تقوم لنا قائمة فى السودان الحديث مالم نكون عُنصر مُهم فى إتخاذ القرار السياسى فى السودان.حسع عليك الله ولد الميرغنى ولا ولد المهدى ولا الأركوزات الماسكين الحكومة فى السودان أحسن من أهلنا فى شنو؟ ديل حرامية يسرقوا بيوتنا ويغرقوا مصادر رزق أهلنا ونقول ليهم عليكم الله يا أخى خلاص خلونا نسكن حول البحيرة ,يقولوا لينا لا لا لا إنتوا مطالبكم كتيرة وهم يعينون أنفسهم وأولادهم فى أعلى المراكز فى الدولة ويسكنون القصور وبرضوا نقول نحن بسطاء .ديل حرامية يسرقون ليلاً نهاراً جهاراً وفوق كُل ذلك نقول علشان الوطن بلا وطن بلا بطيخ ما أُخذ بالقوة لا يؤخذ إلا بالقوة.القوة تكون فى إتحادُنا جميعاً والأحزاب السياسية سوف تستغل قضيتنا حتى تصل هى الأُخرى للحُكم وبعدها نرجع تانى نستجديهم أن يعطوننا حقوقنا.إذا أُذيل النظام فلا حل لنا سوى أن نكون نحن الحُكام ولا بساطة وطيبة لأنهما من السذاجة .ودمتى أُختى.

اسامة عبدالله


بقوه رئيس


للمنتدي

انتصار حجازي كتب:لا يا حاتم

وزارة الكهرباء تمسكا انت

وتشوف لك وظيفة مناسبة لاسامة عبد الله

هو ح يكون قاعد ؟ والله طيبة شديد يا انتصار

تسلم أخى ابراهيم
كلام فى المليان
بس الريس منوه ؟؟؟

حاتم طه الافندي كتب:سلامات اخونا ابراهيم

لكن يا اخوي الورق ما بكشفو كدي

الشغلة عاوزة تخطيط وشغل كتير لانها ما ساهلة

الأكرم حاتم طه الأفندى
تظل الأفكار حبيسة الفؤاد لافائدة منها وعندما تخرج قد تصبح واقعاً وقد لاتصبح ولكن أثق فى الذكاء المنصورى .أما خروج الأفكار فى العلن لأنى واثق كُل الثقة فى غباء المسيطرين على الحُكم وسوف يُزالون بنا أو بغيرنا ولكن السؤال ماهو نصيبنا فى كعكة الحُكم؟
تسلم أخى ومشكور على المرور

عازه كتب:والله يااخ ابراهيم قريت عنوان البوست ووجدت نفسي اسرح في حلم جميل انو مناصيرنا وناس منتدانا ديل معتصمين في القصر الجمهوري وكل ناس المراسم والطباخين وناس الخدمات واقفين عشره علينا بارد طالع وبارد نازل ودجاج مكرفس منتظر ايادي ناعمه تمتد اليه لتأخذ القليل وعضوة المنتدي عازه شغالين فيها ناس كوافير القصر الجمهوري عشان تطلع ذي وداد بابكر كدا لكن لما فتحت البوسنت ووجدت دبابات وحرب وكدا تذكرت الاطفال الذين سيتيتمون والنسأ الذين سيترملون والابطال الذين قد لايعاملون معامله كريمه اذا فشلت الخطه قلت ياعازه احلمي لكن بطريقه سلميه وحضاريه وكان الحكومه دي جات بالدبابه ممكن تتقلع بقوة الاراده

ههههه ياعازة الله يديك العافية ,أها وداد دى بالذات تكون خادمة لكى ,الحلم يمكن أن يصبح واقعاً إذا وجدت قوة الإرادة والتخطيط السليم.
تسلمى أُختى على المرور

سليمان محجوب كتب:النصر انشاء الله غريب
يا اخونا ابراهيم

لو ما اتحلت نحنا تدخلتنا الخرطوم
دي ما ساهلة
الحكومة دي
نوريها عمايل
الله خلقه
ما رأتي

أخى سليمان محجوب
أكيد النصر قادم لو تضافرت الجهود,ونحن من نصنع التأريخ إنشاءالله.
تسلم أخى.

انتصار حجازي كتب:

وحينها الرجاء تسليمى وزارة الثورة الحيوانية .

والله ضحكت ضحك لمن قريت وزارة الثروة الحيوانية قلت ابراهيم داير بيها شنو

لغاية ما قريت باقي البوست وعرفت السبب



طيب انا بعدين ادونى وزارة الاعلام

ناوية اعرف العالم كلة من هم المناصير



يا ابراهيم قطعا اذا لم تتحقق مطالب اهلنا

فقد تكون الثورة السودانية قادمة من المناصير

الغالية إنتصار
شايفك طوالى مشيتى على وزارة الإعلام هههه.إعتصام الدامر عرّف بنا ولكن نُريد حلول ناجعة لقضيتنا ولكل قضايا السودان.والثورة السودانية إنطلقت ونحن المناصير من يجنى ثمارها بإذن الله.تسلمى يا أُختى.

الاكرم ابراهيم

لا مستحيل

وكما قال الشابي : من تهيب صعود الجبال عاش ابد الدهر بين الحفر

بلسم كتب:تسلمى أخى ابراهيم
كلام فى المليان
بس الريس منوه ؟؟؟

تسلمى دى شنو؟ الأخت من جنوبنا الحبيب ولأ شنو؟ ههههه.
غايتوا الرئيس منو دى أنا عندى إقتراح,حقو ندى المنصب دا لودالدومات علشان مايخش المعارضة وعلشان ما يجى يقول لينا ومااااذا بعد قلب النظااام ههههه.

حاتم طه الافندي كتب:الاكرم ابراهيم

لا مستحيل

وكما قال الشابي : من تهيب صعود الجبال عاش ابد الدهر بين الحفر

والله ياحاتم ريحتنى والشابى هو من قال أيضاً إذا الشعب يوماً أراد الحياة فلابد أن يستجيب القدر.
أخى حاتم تبقى عزيمة وإصرار الرجال لتحقيق ذلك الحُلم.

بس بعدين

اوكامبو


مايطالب

بي ودالدومات

سمعت نصيحتك والشغاله معاي بالذات غيرت اسمه من حفصه لي وداد لقيتني كيف غشت الدور ولا ماعشتو بعدين في حكومتك دي حرم رئيس الجمهوريه محجوزه يعني كدا كدا حجزنا خانتين من اهم الخانات عندكم انت عارف انا مصره علي حرم دي لي عشان اي حرامي يشوف ليهو بلد ثانيه

سليمان محجوب كتب:بس بعدين

اوكامبو


مايطالب

بي ودالدومات

ودالدومات ولدنا مابنسلموا لى أٌوكامبو والله مع إنّو مرات بكون شايت ضدنا وبالمناسبة وينوا ود الدومات علشان نعرف رأيهُ ؟

عازه كتب:سمعت نصيحتك والشغاله معاي بالذات غيرت اسمه من حفصه لي وداد لقيتني كيف غشت الدور ولا ماعشتو بعدين في حكومتك دي حرم رئيس الجمهوريه محجوزه يعني كدا كدا حجزنا خانتين من اهم الخانات عندكم انت عارف انا مصره علي حرم دي لي عشان اي حرامي يشوف ليهو بلد ثانيه

تعرفى ياعازة شكلك كدة متابعة أخبار حرم الرئيس لحظة بلحظة أها رأيك شنو دايرين رئيس عزابى لا حرم ولايحزنون ههههه.ولا تكون الرئيسة إمرأة >>>> شكلى كدة فتحت طاقة جهنم .
أُرشح .......

خلاس موافقه معناها احسن اترقي للرئيس واوعدكم النخله بي عشره مليون والسكن في قصور جوه البحيره مش خيار محلي ساي تكونو ذي المدن الايطاليه العائمه والكهرباء مجاني واليخوت الواقفه جنب القصر الجمهوري دي حايجيبو بيحا النسوان القش والرجال حانملك كل واحد طائره صغيره كدا خاصه اها بعد الاغراءت دي حاتصوتو لينا ولا تصوتو لي رجال

شكلو مافي رضا بالاغراءت دي كلها خلاص نتفق وزير دوله بالزراعه لانو نجلاء حجزت وزارة الزراعه وانا قلت دكتوراتي الفي الزراعه دي لو مالستفدت منها وبقيت وزيره في حكومتك دي حابلها واشربه مويه لاني مابحب الباسطه بخاف من السكري

تستاهلي المنصب يا عازه ما كتير عليك ابدا وتب حنصوت ليكي لان برنامجك الانتحابي مليان

لكن في حاجه يا اختي البيضمن لينا شنو نديكي اصواتنا وما تنفذيييييييي

المصيبه بقي الزول ما يضمن الا نفسو ومرات نفسو زاتا في تلتله

تخريمه .يا انتصار شايفه البوست انقلب الي ونسه عشان كده اخير يتحول بيغادي وتبقي الحكومه زاتها دخلناها معانا في الونسه وتقوم تعين ابو الكراري وابراهيم مستشارين

اصلو الرئيس لازم يكون معاه عشره مستشارين لزوم الصرف الزائد وتسكيت المعارضين

عازه كتب:خلاس موافقه معناها احسن اترقي للرئيس واوعدكم النخله بي عشره مليون والسكن في قصور جوه البحيره مش خيار محلي ساي تكونو ذي المدن الايطاليه العائمه والكهرباء مجاني واليخوت الواقفه جنب القصر الجمهوري دي حايجيبو بيحا النسوان القش والرجال حانملك كل واحد طائره صغيره كدا خاصه اها بعد الاغراءت دي حاتصوتو لينا ولا تصوتو لي رجال

الأُخت عازة
هههههه إنتى شكلك كدة ياتبقى الرئيس ياحرمهُ ,لكن الإغراءات ماعندك أها النسوان ديل بعد المدينة الإيطالية دى دايراهم يجيبوا القش برضوا شكلك كِدة إلا يصوتوا ليك الرجال بعد ما أديتيهم أى واحد طيارة خاصة.سؤال يامرشحة الرئاسة مشكلة دارفور حتعملى فيها شنو؟

نجلاء زمراوي كتب:تستاهلي المنصب يا عازه ما كتير عليك ابدا وتب حنصوت ليكي لان برنامجك الانتحابي مليان

لكن في حاجه يا اختي البيضمن لينا شنو نديكي اصواتنا وما تنفذيييييييي

المصيبه بقي الزول ما يضمن الا نفسو ومرات نفسو زاتا في تلتله

تخريمه .يا انتصار شايفه البوست انقلب الي ونسه عشان كده اخير يتحول بيغادي وتبقي الحكومه زاتها دخلناها معانا في الونسه وتقوم تعين ابو الكراري وابراهيم مستشارين

اصلو الرئيس لازم يكون معاه عشره مستشارين لزوم الصرف الزائد وتسكيت المعارضين

أُرشح للرئاسة ...
المستشارين هم قاعدين يشاوروهم ,حسع ذى الوليد جعفر ود الميرغنى دا يحل شنو؟
ولا أبوكلام الصغير قال عميد فى جيش الهناء.
يانجلاء بنجيكم لمن نحسم أمر الرئيس.

لا لا يانجلاء انتي تستاهلي اكتر من وزارة الزراعه وانا ابراهيم وافق علي الرئيس بس عايز ضمانات لحل مشكلة دارفور وانا الحل عندي ساهل حأعين ليهم اسامه عبدالله يكون مسؤل من ملف دارفور عشان يطلعون بالصفر

ولا اقوليك حاجه ناس دارفور ديل صعبين لازم ارضيهم لو مارضيتون حايجوني بي لاندكروزرات حتي الخرطوم وحايقلعوني من كرسي الحكم وانتو عارفين الحته دي حاره كيف ومابترضو لي كمنصوريه يجيني الضغط والسكري واحتمال اروح فيها عشان كدا لازم تتنازلو شويه من البرنامج الانتخابي الطرحتو عشان الخزنه تكون فيها حاجه ارضي بيها ناس دارفو واهلي حافتح ليهم ابواب القصر الجمهوري حتي الحديقه حانعمل فيها غرف مظبطه اي زول عيان اي طالب في الجامعه اي زول عندو مشكله يجي القصر الجمهوري ويعتبرو ذي بيتو

دة احلام زلوط

ماعندك مشكله الاخ محمد حسن طيفور لوزارة الماليه مكان القروش بعد اذن صاحب البوست عشان ماتصحينا مره اخري

عازه كتب:ماعندك مشكله الاخ محمد حسن طيفور لوزارة الماليه مكان القروش بعد اذن صاحب البوست عشان ماتصحينا مره اخري

خلاص بدينا في الرشوات من البدايه

محمد سكتو بوزاره كان كدي وزاراتكم مابتكفي لان الدايرين يسكتوهم كتتتتتتتتتار

[quote="إبراهيم حجازى"][quote="بلسم"]تسلمى أخى ابراهيم
كلام فى المليان
بس الريس منوه ؟؟؟[/quote]
تسلمى دى شنو؟ الأخت من جنوبنا الحبيب ولأ شنو؟ ههههه.
غايتوا الرئيس منو دى أنا عندى إقتراح,حقو ندى المنصب دا لودالدومات علشان مايخش المعارضة وعلشان ما يجى يقول لينا ومااااذا بعد قلب النظااام ههههه.[/quote]

ههههههههههه تقول شنوة
شفت عنوان البوست وتقسيم الوزارة
الحروف زادت شكلنا كدا عاوزين نطلع من التقسيم الوزارى داء ؟؟؟؟؟؟

خلوها جايطة

مافيش حكومة


نحن كرهنا

هذه الكلمة

شفتي يانجلاء الرشاوي ذاته مانافعه حسع ذي سليمان دا يطلع ليك يقول ماعايز حكومه بعد الاغراءت دي عشان كدا انا حاستقيل الانو نطيط من برنامجي الانتخابي بتاع القصور لما ظهرت مشكلة دارفولشئ التاني استخدمت الرشاوي بالوزارات للترضيات مع شكري لكم اتمنو لي حياه مدنيه موفقها

اها ياجماعه انا استقلت وماحاترشح لاني فشلت من قولة تين وبعد اذن صاحب البوست نفتح باب الترشيح طبعا لرئاسة الجمهوريه الافتراضيه كلو واحد ينزل برنامجو الانتخاب ويرشح نفسو وتضعو في حساباتكم في اليوم بنصدر ثلاثه مليون برميل بترول وعندنا ملايين الافدنه مزروعه قطن وقمح وذره انتاجيتنا في الفدان عشرين جوال و10 قنطار كبير قطن بالقليل وعندنا مصانع عربات وطائرات وسفن يعني اقتصادنا قوي والجنيه السوداني يساوي عشرين دولار