نطحة الضحية
+4
اميره الحومرى
abuahmed
سلمان عقيد النعوفابى
النفر
8 مشترك
صفحة 1 من اصل 1
نطحة الضحية
إخوتى الكرام ... كل عام وأنتم بخير وعيد سعيد على الجميع ... على ما أعتقد الجيل الجديد دا ...جيل السندوتشات والوجبات الطائرة والخفيفة ما مرو بنطحة الضحية وقد لا يعرفوها أما نحن فقد عايشناها ... نطحة الضحية كانت زمان... لما كانت البطون ما متعودة على اللحم .... اللحم كان من الضحية للضحية ولا يجينا عابر الضباح ...دى السماية كنا نقطع ليها بالمراكب عشان نأكل شوية دنفريس ومن الفرحة إيدينا ماكنا بيى نغسلن ونقعد نشم فيهن طول النهار ... العضم كنا نكدو لامن يعزف موسيقى !!! أذكر لما توفى الشيخ على الميرغنى الجماعة الخلفا فى شرى طبحوا تيران وعملو كابور ونحن الزمن داك صغار جينا من الودات عشان نأكل ليحمات وحتى اللحميات ما لقيناهن مع ولاد المتيرة !! دادق وشلتو كانوا يختفوا اللحم من صحن الدبكر ويقولو فر ويا العيش جاك نفر .. الزمن داك جحر الصبرة ماتلقى فيهو عضم غير دلاقين وكشاكيش !!! الشبعة الوحيدة كانت فى الضحية وكانت تنطحنا لامن نقع على قفانا فى العقبة التالانا ....
كانديقة :-
لمزيد من الشرح الوافى إطلع على كتاب الكافى من نطحة الأضاحى ...المؤلف الشربوتلى _
كانديقة :-
لمزيد من الشرح الوافى إطلع على كتاب الكافى من نطحة الأضاحى ...المؤلف الشربوتلى _
النفر- V.i.P
- احترام قوانين المنتدى :
عدد المساهمات : 3225
نقاط : 33992
تاريخ التسجيل : 08/06/2010
رد: نطحة الضحية
الزعيم النفر العيد مبارك عليك وان شاء السنة الجاية بل السنوات الجايي
كلها تعيد فى البلد—
اما النطحة كلامك صحيح زمان كانت كتيرة –والناس زى ما قلت مامتعودة عليها والشئ التانى كانوا يملأوا البطون وخاصة
المرارة –واذا اكلوا الحلاوة يبقوا زادوا الطين بلة –لكن الناس بقت تأكل لحم طوالى
كلات وحلل وغيرها –كذلك زمان كورية كوريتين نبيت كان ممكن تهضم تلك اللحوم ولكن
سكرة النبيت كعبى—
كلها تعيد فى البلد—
اما النطحة كلامك صحيح زمان كانت كتيرة –والناس زى ما قلت مامتعودة عليها والشئ التانى كانوا يملأوا البطون وخاصة
المرارة –واذا اكلوا الحلاوة يبقوا زادوا الطين بلة –لكن الناس بقت تأكل لحم طوالى
كلات وحلل وغيرها –كذلك زمان كورية كوريتين نبيت كان ممكن تهضم تلك اللحوم ولكن
سكرة النبيت كعبى—
سلمان عقيد النعوفابى- اداري
- مشرف المنتدى الاجتماعي
احترام قوانين المنتدى :
عدد المساهمات : 2615
نقاط : 33129
تاريخ التسجيل : 01/04/2010
رد: نطحة الضحية
الاخوة النفر والنعوفابي
كل سنة وانت طيبين
برضو كلامكم عن نطح الضحية يحتاج لترجمة علي الشريط من الاستاذ م\ بروي
ونقول ليهو كل سنة وانت طيب
كل سنة وانت طيبين
برضو كلامكم عن نطح الضحية يحتاج لترجمة علي الشريط من الاستاذ م\ بروي
ونقول ليهو كل سنة وانت طيب
abuahmed- عضو فضي
- احترام قوانين المنتدى :
عدد المساهمات : 1029
نقاط : 25087
تاريخ التسجيل : 17/09/2011
رد: نطحة الضحية
الاستاذ الجليل النفر سنه وانت طيب
طبعا نحنا من الجيل ما حضر الزمن داك بس بذكر قبل كدا ضحينا فى البلد وبرغم من كثرة الاضاحى الا ان الخروف مع نهايه اليوم كان خلص وما بقى منو شئ .
اما الان يا كافى البلاء توزع .. وتعزم .. والتلاجه مليانه.
ما بعرف السر فى ذالك شنو اما خروف البلد الطاعم اما الناس بتحب اللحم كتير او الاثنيين معا .
وحماكم الله من نطحه الضحيه
وعساكم من عواده
طبعا نحنا من الجيل ما حضر الزمن داك بس بذكر قبل كدا ضحينا فى البلد وبرغم من كثرة الاضاحى الا ان الخروف مع نهايه اليوم كان خلص وما بقى منو شئ .
اما الان يا كافى البلاء توزع .. وتعزم .. والتلاجه مليانه.
ما بعرف السر فى ذالك شنو اما خروف البلد الطاعم اما الناس بتحب اللحم كتير او الاثنيين معا .
وحماكم الله من نطحه الضحيه
وعساكم من عواده
اميره الحومرى- عضو فضي
- احترام قوانين المنتدى :
عدد المساهمات : 717
نقاط : 25441
تاريخ التسجيل : 24/05/2011
رد: نطحة الضحية
الأرباب سلمان عقيد و الرائع أبوأحمد والأخت الفاضلة أميرة الحومرى .... مشكورين على المرور و الإضافة الثرة ..... نحن فى إنتظار الباحث فى التراث المنصورى القامة أبوحنة والذى لديه الكثيرالذى يمكن أن يضيفه فى هذا المجال _
لكم تحياتى وودى ،،،
لكم تحياتى وودى ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33992
تاريخ التسجيل : 08/06/2010
رد: نطحة الضحية
بالله تتذكر كابور السيد على يا النفر!!
أظن كانوا كابورين.. واحد جنب الجامع القديم في شري.. والثاني كان في العبابسة. في الفسحة البين بيت عمك اللسد المتزوج امونة بت احمودة ود كرار من القوز وفاتح علي بيت زهرة مرة محمومااد ود القريشي.. وكان ذلك عام 1968 في الصيف.. واكلنا لحم تلك العجول معاك..
ولكن ياخي ما وضحتوا ( نطحة الضحية شنو!)
هي كثرة اكل اللحم مع الحلاوة تصيبك بطن يا عوذي بالله منها.. حارة خلاص.. تضيع عليك متعة العيد.. انا افتكر كل جيلنا ده مجربا..
والكابور عندو زغريدة خاصة( يوي. وِىِ يوي...... يوي... وي.. يوي.. يوي وي يوي..) كدة بلا جرة طويلة كما هو معتاد في زغريدة البكااا...
أظن كانوا كابورين.. واحد جنب الجامع القديم في شري.. والثاني كان في العبابسة. في الفسحة البين بيت عمك اللسد المتزوج امونة بت احمودة ود كرار من القوز وفاتح علي بيت زهرة مرة محمومااد ود القريشي.. وكان ذلك عام 1968 في الصيف.. واكلنا لحم تلك العجول معاك..
ولكن ياخي ما وضحتوا ( نطحة الضحية شنو!)
هي كثرة اكل اللحم مع الحلاوة تصيبك بطن يا عوذي بالله منها.. حارة خلاص.. تضيع عليك متعة العيد.. انا افتكر كل جيلنا ده مجربا..
والكابور عندو زغريدة خاصة( يوي. وِىِ يوي...... يوي... وي.. يوي.. يوي وي يوي..) كدة بلا جرة طويلة كما هو معتاد في زغريدة البكااا...
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: نطحة الضحية
اسع تجي واحدي والله واحد يقول ليك ده حرام!
نحن عارفين حرمتو، لكن نحن هنا ناس تراث بس!
كانوا يخموا الرماد على رؤوسهم ويتحزمن الحريم ويبكن ويزغردن.. وواحدة فيهن تجيب قفة مليانة رماد..
اظن من الكابور داك تاني ما شفنا كابور يا النفر!
هل تذكر كابور بعد ذلك!
نحن عارفين حرمتو، لكن نحن هنا ناس تراث بس!
كانوا يخموا الرماد على رؤوسهم ويتحزمن الحريم ويبكن ويزغردن.. وواحدة فيهن تجيب قفة مليانة رماد..
اظن من الكابور داك تاني ما شفنا كابور يا النفر!
هل تذكر كابور بعد ذلك!
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: نطحة الضحية
ردين بدل رد واحد يا النفر! عشان كفارة لى يا زول. خلاص إتفقنا!
والله لسه عايز تعمل فيا قصيدة هجاء...
والله لسه عايز تعمل فيا قصيدة هجاء...
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: نطحة الضحية
ها ها ها .... عفارم وعوافى عليك يا صديق ما قصرت تب ... أنا كنت متأكد إنك ح تسهب فى الشرح وبالسهل الممتنع الذى عودتنا عليه ... فعلا أنا متذكر الكابور وكان فى جامع شرى القديم والزمن داك أنا كنت فى سنة رابعة وممتحن للوسطى ...
مشكور يا باشمهندس على الإضافات الرائعة وننتظر المزيد _
مشكور يا باشمهندس على الإضافات الرائعة وننتظر المزيد _
النفر- V.i.P
- احترام قوانين المنتدى :
عدد المساهمات : 3225
نقاط : 33992
تاريخ التسجيل : 08/06/2010
رد: نطحة الضحية
شكرا يا اصل الروعة ومكمن البهجة والفرح السرمدي .. الشيخ النفر .. وكل سنة وإنت طيب
والشكر عبرك للراقي الرائع صديق ابو حنة أصل التحنان والحنية وقصة الإبداع السوداني الخالص
شكرا لكم وانتم تعطرون المنتدى وترابطون فيه ليل نهار وتستقطعون من وقتكم للآخرين
ليتنا نستطيع أن نرد جمائلكم
والشكر عبرك للراقي الرائع صديق ابو حنة أصل التحنان والحنية وقصة الإبداع السوداني الخالص
شكرا لكم وانتم تعطرون المنتدى وترابطون فيه ليل نهار وتستقطعون من وقتكم للآخرين
ليتنا نستطيع أن نرد جمائلكم
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34332
تاريخ التسجيل : 06/04/2010
رد: نطحة الضحية
النفر
يبدو لى إنت كنت في ثالثة وليس رابعة.. انا وحمود بروي كنا في رابعة.. لأنو السيد على مات سنة 1968 وسنة 1968 أنا كنت في رابعة..
يبدو لى إنت كنت في ثالثة وليس رابعة.. انا وحمود بروي كنا في رابعة.. لأنو السيد على مات سنة 1968 وسنة 1968 أنا كنت في رابعة..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: نطحة الضحية
الرائع والمتألق ود المناصير ... كل سنة وأنت طيب ... بمقدمكم الكريم هلت البشريات ودبت الروح فى المنتديات وتمايلت طربا البوستات فلا تحرمنا من الطلات _
تقبل تحياتى يا رائع ،،،
تقبل تحياتى يا رائع ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33992
تاريخ التسجيل : 08/06/2010
رد: نطحة الضحية
التلوث برضو في نطحة الضحية وارد.
واللحم اقرب مادة للتلوث مع صحة البيئة واشياءها..
مرارة ولحم ني وحلاوة . دايما نطحة الضحية زمان تحصل للأطفال غالباً.. ما بيقدروا يمسكوا نفسهم من الحلاوة واللحم..
هسي دي صحة البيئة صارت احسن كتير عندنا.. عشان كدة نطحة الضحية قلت..
ثقافة النظافة. لسه فينا من يعتبر النظافة دلع في المناصير او شغل ناس صعيد مدلعين مايعين ماناس خدمي..
الخبيز ما كنا بنعرفوا في العيدين..
إلا مرة معرسة لافوق وجات تحضر العيد في البلد جابتو معاها..نعتبروا برضو الخبيز شغل صعيد ما بيخارج معانا.. وكان زمان الدكاكين ما بتجيب دقيق نمرة واحد دقيق الفينة أو الفينو.. لانو ما عندو مستهلكين. لكن شوية شوية إتعلموه
حتى الزلابية السمحة البيضااا المنفخة الفيها خميرة.ز حريم بالعدد البيجودنها..
ومعظم زلابيتنا تلقاها مسمطة كدة وقوية..
الجيل الجديد ده هو الذي باشر عمل هذه الاشياء وفرضها على اهلنا بقوة الإبداع عند المحدثين.
عندنا راي غريب كان عند قادة المجتمع كسره صعب جداً.. وإلا إعتبروك ولد قليل أدب أو بت مَلـَقـْلـِقي..
ملقلقي موش حاجة كعبة للآخر
لكن تلادي الكبار
يعني الكلمة بالكلمة.
يعني قليلة ادب في حدود الكلام بس. ما دخلت في الحاجات التانية ديك.
واللحم اقرب مادة للتلوث مع صحة البيئة واشياءها..
مرارة ولحم ني وحلاوة . دايما نطحة الضحية زمان تحصل للأطفال غالباً.. ما بيقدروا يمسكوا نفسهم من الحلاوة واللحم..
هسي دي صحة البيئة صارت احسن كتير عندنا.. عشان كدة نطحة الضحية قلت..
ثقافة النظافة. لسه فينا من يعتبر النظافة دلع في المناصير او شغل ناس صعيد مدلعين مايعين ماناس خدمي..
الخبيز ما كنا بنعرفوا في العيدين..
إلا مرة معرسة لافوق وجات تحضر العيد في البلد جابتو معاها..نعتبروا برضو الخبيز شغل صعيد ما بيخارج معانا.. وكان زمان الدكاكين ما بتجيب دقيق نمرة واحد دقيق الفينة أو الفينو.. لانو ما عندو مستهلكين. لكن شوية شوية إتعلموه
حتى الزلابية السمحة البيضااا المنفخة الفيها خميرة.ز حريم بالعدد البيجودنها..
ومعظم زلابيتنا تلقاها مسمطة كدة وقوية..
الجيل الجديد ده هو الذي باشر عمل هذه الاشياء وفرضها على اهلنا بقوة الإبداع عند المحدثين.
عندنا راي غريب كان عند قادة المجتمع كسره صعب جداً.. وإلا إعتبروك ولد قليل أدب أو بت مَلـَقـْلـِقي..
ملقلقي موش حاجة كعبة للآخر
لكن تلادي الكبار
يعني الكلمة بالكلمة.
يعني قليلة ادب في حدود الكلام بس. ما دخلت في الحاجات التانية ديك.
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: نطحة الضحية
اللهم إنا نعوذ بك من زلابيةً مصمته وقوية
اللهم إنا نعوذ بك من نطحة الضحية
اللهم إنا نعوذ بك من فتاة ملادحه وعصية
وأكان ما اخاف الكذب اقولكم أنا عندى ليكم وصفة سحرية
وعلاج ناجع بديكم ليهو المداخلة القادمة انشاء الله ...
يعنى ما الليلة بكرة عشية .
اللهم إنا نعوذ بك من نطحة الضحية
اللهم إنا نعوذ بك من فتاة ملادحه وعصية
وأكان ما اخاف الكذب اقولكم أنا عندى ليكم وصفة سحرية
وعلاج ناجع بديكم ليهو المداخلة القادمة انشاء الله ...
يعنى ما الليلة بكرة عشية .
منوفلى- عضو فضي
- عضو فضي
احترام قوانين المنتدى :
عدد المساهمات : 896
نقاط : 27253
تاريخ التسجيل : 31/07/2010
رد: نطحة الضحية
حباب منوفلى ... أصل الحكاية والرواية واالفضل يرجع لك فى طرح هذه المفردة فى بوست ( العيد فى البلد .. لحم طاعم ) للرائع أبو مصطفى والعبد لله نقل المفردة بيى جاى لمزيد من الشرح الوافى ...مشكور أخى منوفلى على المرور ... نحن فى إنتظارالعلاج الناجع والوصفة السحرية _
تقبل تحياتى ،،،
تقبل تحياتى ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33992
تاريخ التسجيل : 08/06/2010
رد: نطحة الضحية
شكراً... شكرا يا النفر وود الحنونى والمشاركين
والوصفة السحرية مأخوذة من سنة رسولنا الكريم صلى الله عليه وسلم وهى :-
ان تصوم يوم عرفة وفى اليوم التالى اى يوم الضحية من الصباح تقوم من النوم وانت صائم وما تفطر الا على لحم الضحية جربوا هذة الوصفة وشوفوا كان تانى تنطحكم ضحية
وللشفع ممكن يشربوا شاى الصباح كباية شاى بى لبن فقط من غير اى زلابية او حلويات .
وحمانا الله واياكم وشكرا .
والوصفة السحرية مأخوذة من سنة رسولنا الكريم صلى الله عليه وسلم وهى :-
ان تصوم يوم عرفة وفى اليوم التالى اى يوم الضحية من الصباح تقوم من النوم وانت صائم وما تفطر الا على لحم الضحية جربوا هذة الوصفة وشوفوا كان تانى تنطحكم ضحية
وللشفع ممكن يشربوا شاى الصباح كباية شاى بى لبن فقط من غير اى زلابية او حلويات .
وحمانا الله واياكم وشكرا .
منوفلى- عضو فضي
- عضو فضي
احترام قوانين المنتدى :
عدد المساهمات : 896
نقاط : 27253
تاريخ التسجيل : 31/07/2010
رد: نطحة الضحية
ملقلقي يعني يا منوفلي..اللهم إنا نعوذ بك من زلابيةً مصمته وقوية
اللهم إنا نعوذ بك من نطحة الضحية
اللهم إنا نعوذ بك من فتاة ملادحه وعصية
زمان كانت في وحدي من المهوة تسمى بت منوفلي. تجي سوق النعوفاب. ولما ينتهي السوق، تجي تزور أمي عندها معاها صداقة، وتقيل وتقطع بمركب عبد الله ود العجمي تروح المهوة.
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: نطحة الضحية
كل سنه وانت طيب وربنا يحقق الاماني والله فعلا ملاحظه السنه دي ماشاءلله مافي زول اشتكي من نطحة الضحيه والله لخبتنا ماخلينا زلابيه ولابسكويت ولاحلاوه وضربنا في اللحمه انا اقول يمكن الحرص علي تناول المشروبات الهاضمه شئ جردقه وببسي وغيرهمابعد كل شيه
عازه- كبار الشخصيات
- احترام قوانين المنتدى :
عدد المساهمات : 1294
نقاط : 27540
تاريخ التسجيل : 19/12/2010
رد: نطحة الضحية
زمان كان.ت في وحدي من المهوة تسمى بت منوفلي
بت منوفلى دى من صاحبت امك دى يظهر عليها بت ما ملقلقى وما منافقه (منافقه بكسر الفاء والقاف وتعطيش القاف ) .
بت منوفلى دى من صاحبت امك دى يظهر عليها بت ما ملقلقى وما منافقه (منافقه بكسر الفاء والقاف وتعطيش القاف ) .
منوفلى- عضو فضي
- عضو فضي
احترام قوانين المنتدى :
عدد المساهمات : 896
نقاط : 27253
تاريخ التسجيل : 31/07/2010
رد: نطحة الضحية
ها ها ها
هي مرة عجوز يا منوفلي.. كبيييرة كانت رحمها الله.
هي مرة عجوز يا منوفلي.. كبيييرة كانت رحمها الله.
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى