المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

وجبة العشاء-(العشا) وجبة مقدسة وعزيزة عند المناصير

استعرض الموضوع السابق استعرض الموضوع التالي اذهب الى الأسفل

وجبة العشاء-(العشا) وجبة مقدسة وعزيزة عند المناصير

مُساهمة من طرف سلمان عقيد النعوفابى في السبت 01 أكتوبر 2011, 4:13 pm

وجبة العشاء اوالعشا –وجبة مقدسة وعزيزة جدا على الفرد والاسرة –فمن يقدم العشاء لغيره او لضيوفه قمة الكرم –

ولان العشاء دايما ما يرتبط بقدوم الضيوف والذين يأتون بعد دخول الليل يبحثون عن مأوى يأويهم حتى الصباح –وقديما عند العرب كانت توقد النيران ليستدل بها الضيوف –ويعود ذلك ايضا لان وجبة العشا كوجبة اخيرة فى الليل يصعب ايجاد بديل لها ويصعب التصرف قى مقابل الوجبات الاخرى –فهى بالتالى امتحان حقيقى لكرم الفرد او الاسرة كما يرتبط ذلك بمقتضيات ومتطلبات الاستضافة ليلا من توفير مأوى وغطاء وغيره خاصة اذا كان الليل شاتيا

اما عندنا نجدها فى الاغانى وفى العبارات المستخدمة ودائما تقولها الام لولدها –

يا عشاى –

او عشا البايتات-

ابذوق عشا امو

العشا اب لبن –

وفى ايام الصبا كنا نردد

ابضليل اقعد معاى

بديك لبن عنزى وعشاى

وابضليل دا للناس الصغار هو الظل التى تحدثه السحب بحجبها لضو الشمس ويحدث ايام الخريف بالطبع –لاحظوا هذا



الموروث حتى عند الصغار فاهداء العشا قمة الكرم –هى ان يقدم الانسان اعز مايملك –

هذه خواطر فقط—قد تقودنا للحديث عن الكرم فى المنطقة كموضوع او بوست اساسى –

واختم بابيات الشاعر الراحل الاستاذ ابراهيم الشاعر عن المناصير :

ارباب الكرم مابتلقى فيها بخيل

والضيف يستريح لو جانا نص الليل

من ام سفاية لى عن برتى مافى دخيل

وقال الراحل الاستاذ حبيب :

قبيل المولى خصانا

وعلى الضفات اصطفانا

نكرم الضيف ان غشانا

فطورنا غدانا وعشانا

يمين مابنقى فيرانا ونفارق النيل الروانا

للجميع احترامى وتقيدرى-


عدل سابقا من قبل سلمان عقيد النعوفابى في السبت 01 أكتوبر 2011, 6:33 pm عدل 1 مرات






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف عبدالحفيظ عمر في السبت 01 أكتوبر 2011, 6:02 pm

الاخ الاستاذ سلمان عقيد لك الشكر والتقدير على هذا الموضوع الجميل وهذا العشاء ذكرنا لمت الناس بالعشاء فى الدواوين والخلاوى ونحن فى المدينة بنحسب ان هذا الزمن ولى

عبدالحفيظ عمر
عضو جديد
عضو جديد

احترام قوانين المنتدى : 100

عدد المساهمات : 42
نقاط : 9562
تاريخ التسجيل : 25/09/2011

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف نجلاء زمراوي في السبت 01 أكتوبر 2011, 8:49 pm

الاستاذ سلمان فعلا وجبه العشا من الواجبات التي يحرص عليها اهلنا جدا وبالاخص في البلد نسبه لتقديم وجبه الغدا ووجبه الفطور0بالايضافه الي الكرم المنصوري0ففي العاصمه اذا لم يكن معك ضيف لاتهتم بوجبه العشا بصوره رسميه 0في احدي زياراتي ومع الاسره الكريمه لديار منصور والابناء اول مره يزوروا البلد وعندما رجعنا من السفر سأل احدهم ابني ما اجمل شي في البلد0قال العشا0

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15889
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف سلمان عقيد النعوفابى في السبت 01 أكتوبر 2011, 9:34 pm

شكرا الزعيم عبد الحفيظ ونورت المنتدى ومعروف انك منصورى مشتعلا نار—

شكرا الاخت نجلاء الساعية دوما للم شمل القبيلة-

فعلاا الخلاوى دى موضوع كبيروكذلك الدواوين وشكرا نجلاء على هذا المثال الحى- ويمكن ايضا تكسب الاهمية فى ان العشاء تجلس له كل الاسرة او تكون متواجدة ويجتمعون فى انس بعد عناء يوم طويل – هذا ايضا يقودنا لاحياء البوست اى فتحه الخال مصباح فى ذكر كرماء المنطقة –وماذكره الاخ صديق فى تقديم وجبة الغداء فى المساجد اثناء صلاة الجمعة— --للجميع شكرى وتقديرى--






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف abuahmed في الأحد 02 أكتوبر 2011, 3:40 am

الاخ النعوفابي

توثيق جميل لعاده اصيلة عند اهلنا

طبعا لامن نمشي البلد الناس بيتلموا علينا كل زول بيعشاه

المشكلة العواصم لخبطت علينا كل شىء

abuahmed
عضو فضي
عضو فضي

احترام قوانين المنتدى : 100

عدد المساهمات : 1029
نقاط : 11577
تاريخ التسجيل : 17/09/2011

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف صديق عبدالله علي أبوحنة في الأحد 02 أكتوبر 2011, 4:59 am

يا عشا البايتات سلمان ود زهرة
ما قصرتا تب
.................

عليك في العشا برهوفي دكتور مصباح!
فهو احسن عشاء

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف مصباح محمد مصباح في الأحد 02 أكتوبر 2011, 1:00 pm

الابن سلمان لك التحية يا أبا أسعد ونذكرك اليمن شوية فعلا كما قال أخونا صديق وله الشكر أحسن أنواع العشا الرهوفي باللبن وقد كنت حريصا عليه طيلة قعادي بالبلد قبل الاغتراب والغربة ، وفعلا وجبة العشا كانت تلم الناس في الخلاوي لأن في النهار داك عنده مويه وداك حارس ليه طير وذاك راح الطاحونة والآخر يمكن يكون راح ليه بكه وديك بابورن خربانة أما في وقت العشاء فغصبا عن الجميع الحضور عند العشاء.

وجبة العشاء يهتم بها المناصير كثيرا وتعبر عن كرم أهل القبيلة الجاي يبيت للسوق والآخر جاي بايت للبكاء من عيشة وزمان كان السفر بالدواب وكانت هنالك ميادين وأماكن محددة لمبيت القافلة وشوف كم حمار وكم إنسان ولا تنسي إنه عشا الحمار أهم من عشا الإنسان وقد سبق أن ذكرت الكريم أبوالكرم ود حمدالله في الكجرة وقمة الكرم عنده وللأسف لم يجد التكريم ولا حتى في هذا المنتدى وناس أبو مصطفى جارهم وما عاوزين يكتبوا عنه ولكن البركة في أحمد أبوعلوبة ولد النعمة الكريم المفضال بارك الله فيه وجعله خليفة لود حمدالله. فكرم المناصير لا يقاس وليس له حدود نرجوا أن يستمر سمة من سمات ابناء المناصير شرقا وغربا.

أما أنا فوجبة العشا شخصيا تركتها من زمان وكان مابقت برهوفي ولبن ماني عاوزها ولبن غنم أو ضأن ضروري وعشان كده ربنا يجمعنا بأهلنا ونعود مرة ثانية للعشا ويكفنا الله شر مبيت القوا.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16231
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف اميره الحومرى في الأحد 02 أكتوبر 2011, 1:06 pm

سرد جميل وممتع

يديك الصحه والعافيه

وتقبل مرورى

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11931
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف الباشق في الأحد 02 أكتوبر 2011, 6:40 pm

الاخ سليمان عقيد
شكرا علي
موضوعك الجميل
ومصداقيه لي لي كلام عمنا مصباح
اتذكر انو كان معانا بعض الاهل في زياره واتأخرو لي زمن العشا
فلمن جبنا العشا استغربو وقال انتو لسع بتتعشو؟
قلنا ليهم البيت هنا مابفضي من الضيوف عشان كده اصلو ماوقفنا العشا ولانو بجد العشا من اهم الوجبات عند حبوباتنا
وبقولو الزول مايبت "القوي"algawa
وده ترجمه حرفيه مش فلسفه بقصد مانخلط بينا وبين القوه
واتذكره كلمه المصري " تتعشا معنا ولاتبات خفيف
وتبيت ويانا ولا اللكونده اريح"
وبرضو گلمه
العشا بطانيه
ربنا لايقطع
عشانا
وضيوفنا
وبركتم

الباشق
عضو رائع
عضو رائع

احترام قوانين المنتدى : 100

عدد المساهمات : 225
نقاط : 11415
تاريخ التسجيل : 03/01/2011
العمر : 37

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف علي الكليس في الأحد 02 أكتوبر 2011, 7:43 pm

الاخ سلمان لك التحيه
تعرف اجمل مافي لمة العشا بالاضافه الي الشيله الجماعيه للضيوف والونسه والاخبار هي هذا التنوع في الاكل بعضهم عشاه بملح واخر بملاح وثالث بلبن وواحد قراصه او فطير واحيانا يكون قدح بيتكم ماعاجبك تغير في اخر وكمان تاخذ راحتك في الاكل لان الزمن داك كهرباء مافي .زمان كان عندنا واحد بيحب اللبن كتير ولما يجيبوا العشيات ياخد ليه صحن علي جنب شوي الجماعه لما يسالوه عشاك بشنو يقول ليهم بي ملح
جلسة العشا هي منتدي المناصير في تلك الايام بس انتو ياسلمان حولتوها لينا عبر الاثير

علي الكليس
عضو ماسي
عضو ماسي

احترام قوانين المنتدى : 75

عدد المساهمات : 2898
نقاط : 15155
تاريخ التسجيل : 29/06/2011

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف صديق عبدالله علي أبوحنة في الإثنين 03 أكتوبر 2011, 12:22 am

واحيانا يكون قدح بيتكم ماعاجبك
كان قدح بيتكم مافي عوجي يا علي.. لكن نحن خايفين يكون ست البيت!!!
هاك القصة دي!
قالوا في واحد من قرى المناصير، ماني عاوزين نجيب اسم القرية الزول يتعرف
قالوا كان يحب ليهو واحدي وداير يعرسا...
وأهلو جبروه يغتي ماعنو ويعرس بت أعمو
أها قام عرس بت أعمو
لكن لازالت المشاعر الإنسانية المفعمة إنو لايزال يريد فلانة.. وفلانة عرست
قالوا لما يجيبوا ليهو غداه
يقول( حريم ما بيعرفن يفركن الملاح، شيلوا الكوريي دي روحوا فلاني جيبوا لى منها ملاح!
البت مسكينة تروح تجيب الملاح من فلاني
اول ما يجيبوا ليهوالملاح منها يتمطق ويقولك( ملاح زي ده ما بتعرفن تفركن. بلا يخمكن..)
حتى فلاني ذاتا فهمت أن الشئ ده ماهو ملاح بس!
ملاح مخلوت ريدي
أها صاحبك كترا ومسخا وكررا
وكل مرة يرسل بتو لى فلاني
أم البت زهجت من الموضوع ده وقالتSad يا بتي نسوي كيفن! الله بلانا في أبوكي. الشئ ده ماهو ملاح يا بتي! الله يسرتنا)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف سلمان عقيد النعوفابى في الإثنين 03 أكتوبر 2011, 2:24 am

شكرا لجميع المتداخلين-

وذكرنا الخال مصباح بعشا حتى البهائم –وتذكرت انى كنت فى اجازة فى البلد وانا اعمل فى بورسودان –وقريب المغيرب رايت اثنين من الضيوف قادمين وعرفت احدهما وهو من برتى زميل دراسة –وقلت لهما تفضلو –فنزلو وسلمو على –وهمس الاخر لزميل الدراسة الزول دا تعرفوا فرد عليه ايوا –دا قرا معاى والان شغال فى بورسودان فقال الاخر –زولك دا زول صعيد ساكت مابيعشى لينا حميرنا فسمعت ذلك وتظاهرت بانى لم اسمع –وبحمد الله ضيفناهم وعشينا الحمير-

وهنالك ايضا اصناف الضيوف --مثلا السفار--ناس السوق--ماشى الدرب--المركابة وكل ماذكره الخال مصباح عند الملمات احيانا هنالك من يبيت قريب المناسبة ليصل مبكرا بعد ان يكون قد ارتاح واراح حماره-وتكتسب بعض القرى اهمية كبيرة لموقعها حيث يتناسب موقعها مع الغرض من المشاوير او السفر او المناسبات وغيرها --

ايضا نجد العشا حتى مناحى الحياة الاخرى –ففى ايام الصبا كنا نجدع الجبادة ونقول : ياعشى البيت يا اقطعى الخيت –وفى التجارة تجد بعض التجار يقول ليك الشئ دا اتعشى فيهو وفكوا –

هذا دليل لاهمية العشا-

وشكرا الباشق ويقال عند الصباح ومع كيف اصبحتو –اعل مافيكم زولا بايت القوى—او زولا ابى عشا -






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف صديق عبدالله علي أبوحنة في الثلاثاء 04 أكتوبر 2011, 2:10 am

سلمان
سؤال عايزك تجاوب عليه بصراحة؟
هل إنت هسي دي في الحاج يوسف قاعد تتعشى؟
واغلب عشاك شنو؟
وهل عشا بيت والله تجيبو من الشارع؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف سلمان عقيد النعوفابى في الأربعاء 05 أكتوبر 2011, 12:59 am

شكرا الصدوق –


انا الان بصراحة مرت اتعشى ومرات مابتعشى –لانو الواحد مرات يأتى من العمل
متأخر قريب صلاة المغرب فنأكل عشا وغدا (جمع تقديم ) وبالليل الواحد لو لقالو
كبيباي اللت لبن او عصير خلاص –دا فى الغالب واللكل ذاتو غلبنا ياصديق –



ظروف المعايش تجبر الواحد على ذلك –


لكن عشا كدى عديل مافى –وناس البيت نفسهم الواحد طالب عندو مواعيد جية
براها والشغال عندو كذلك زمن حضور وهكذا -






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف ابراهيم محمد سليمان في الأربعاء 12 أكتوبر 2011, 4:47 pm

مشكور الأخ/ سلمان عقيد..

والشكر موصول للاخوه المتداخلين....

والله ذكرتوا موضوع مهم جدا ..وبعدين ياجماعة أي زول ماعاش في البلد ممكن الموضوع بالنسبة له عادي..

وقد يستغرب في حكاية عشا دي ...

وزمان حكاية الزلابية بي شاي اللبن المغرب دي مره تسويها فينا وتحرمنا العشاء ....

ومن المناطق المشهوره بي العشا زمان الحسيباب وخاصة يوم الأحد صبحان السوق وكان مثل في البلد

كان دايرلك حوت تمش تبيت الحسيباب يوم الأحد(عباس ابوقجي )الله يدي العافيه..

وطبعا عباس دا قصصوا كتيري ومنها مره جاهم عربي من الخلاء والجماعة الكبار ديل في البلد بعد العشاء.

مافي اي مجاملة ونسي ..السرير جاك زول..لكن اليوم داك العربي غسل أيدو بعدالعشا وابا يقوم يرقد في السرير

راقد في البرش ويونس ... موسي ودعصمان يجامل في العربي وعباس يجامل في موسى وبعدين الحكايي جرت قام موسى

بقا يقولو ياشيخ العرب قوم علي العنقريب وشيخ العرب يقولو لا أخير لي الدايمي دي في اللحظة دي عباس كورك لي ولدو قالو جيب لي الطوريه والكونشبر موسى قالو مالك ماشي تقرع باليل قالولا لكن(دار أخم الدايمى دى أختها فوق العنقريب للزول ده عشان نمشي ننوم)...

ابراهيم محمد سليمان
عضو مبدع
عضو مبدع

احترام قوانين المنتدى : 100

عدد المساهمات : 338
نقاط : 11130
تاريخ التسجيل : 02/04/2011

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف صديق عبدالله علي أبوحنة في الأربعاء 12 أكتوبر 2011, 8:31 pm

ابراهيم إنت كبير خلاص.. حاضر القصص دي وناس عباس أب قجي؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف سلمان عقيد النعوفابى في الخميس 13 أكتوبر 2011, 2:18 am

شكرا للابن ابراهيم وشكرا للاخ الصدوق –

ابراهيم ذكرتا بى عشا السوق –

طبع انت بت كتير فى النعوفاب مع الحبوبة الله يرحمها عاشة بت سليمان –

كذلك خلوة النعوفاب والتى تكون مليئة باهلنا العرب ومضيفة الشواويل –

عرفت الان ان الاحد فى النعوفاب اصبح عبارة عن سوق مصغر –عربات بمختلف الانواع --بضائع –بهايم –تفتح القهاوى –والدكاكين –وعلمت ان الناس بقت تضبح مساء الاحد بمعنى ان تبدأ الجزارة من الليل –وكذلك القهاوى






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف native guy في الخميس 13 أكتوبر 2011, 3:31 am

عباس دا قصصوا كتيري ومنها مره جاهم عربي من الخلاء والجماعة الكبار ديل في البلد بعد العشاء.

مافي اي مجاملة ونسي ..السرير جاك زول..لكن اليوم داك العربي غسل أيدو بعدالعشا وابا يقوم يرقد في السرير

راقد في البرش ويونس ... موسي ودعصمان يجامل في العربي وعباس يجامل في موسى وبعدين الحكايي جرت قام موسى

بقا يقولو ياشيخ العرب قوم علي العنقريب وشيخ العرب يقولو لا أخير لي الدايمي دي في اللحظة دي عباس كورك لي ولدو قالو جيب لي الطوريه والكونشبر موسى قالو مالك ماشي تقرع باليل قالولا لكن(دار أخم الدايمى دى أختها فوق العنقريب للزول ده عشان نمشي ننوم)...


ههههههههههههههههههههههههههههههههه
هههههههههههههههههههههههههههه والله دي قصه




Like a Star @ heaven خليك متفائل Like a Star @ heaven



اي استفسار :
0123020407
0922888061

native guy
مشرف
مشرف

الأوسمة مشرف منتدى الكمبيوتر والبرامج والانترنت
وباحث ومطور للمحتوى العربي على الأنترنت, أهدف إلى رفع مستوى الأمة العربية ومساعدتها في النهضة العلمية, أغلب أهتماماتي في الشبكات وتحديدا الهاردوير منها وأقضى معظم وقتي في القراءة والدراسة والعمل

احترام قوانين المنتدى : 100

عدد المساهمات : 789
نقاط : 13976
تاريخ التسجيل : 03/08/2010

الرجوع الى أعلى الصفحة اذهب الى الأسفل

رد: وجبة العشاء-(العشا) وجبة مقدسة وعزيزة عند المناصير

مُساهمة من طرف الرشيد طه في السبت 15 أكتوبر 2011, 12:57 am

العشاء في عصمة طبعا في الخلوة بعد الصلاة مباشرة نذهب لاحضاره والكبار يكونو قاعدين ووحادين يقول ليك اغشي اهلنا جاب العشا معاك انا احب الفطير باللبن وجدي علي عيسي متعه الله بالصحة عشاهو طوالي بالفطير واللبن وامسك في الصحن واشوف جدي وين واقعد جنبو ناكل وبعدين يشرب الحترب ويديني الباقي اكملو

برضو في حركات قبل العشا يتلمو الاولاد بره الخلوة ويتممو علي الصحانه ويعرفو كل صحن فيهو شنو عشان ينمرو فيهو من بره

معظم العشيات فطير باللبن ومرات كده قلية او باقي ملاح غدا او ملح بالسمنة طبعا

برضو ظهرت منافسة بين الاولاد في منو بكملو عشاهو ومنو برجعو بيهو

ذكريات كثيرة في برنامج العشا وزمان ما كان في نور

رحم الله حبيبنا الراحل كل هذه الذكريات معه وكان يحب ايضا الفطير باللبن عليه الرحمة




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18856
تاريخ التسجيل : 15/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى