المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

لولا المنصوريات العضوات في المنتدى هنا! لباظ منتدى المناصير بلدي!!!

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الأربعاء 28 سبتمبر 2011, 2:34 am

تذكير بمساهمة فاتح الموضوع :

لولا المنصوريات، لباظ منتدى المناصير بلدي!!!
مجموعة ده! ضد مجموعة ده! ناس الخيار المحلي، ناس التهجير! اللجنة القديمة! اللجنة الجديدة! الخيانة! الأمانة!تدويل القضية! ما تدويل القضية!أكلوا القروش! باعوا القبيلة!غشوا الناس! منعوا الإحصاء!
مواضيع الناس في الخيار المحلي نسوها، وبدؤوا حياتهم ، نضيييفة، حتى بعضهم تعويضه قال عنه، مافي شيتاً رايح( إن كان مثقال ذرة من خردل، لأتينا بها وكفى بنا حاسبين).. كان جانا خير ، وكان إدخر لينا للآخرة خيرين، دابو يتقل الميزان،وأصلنا من هنا ماني قايمين، وعرفنا عدونا من صديقنا زي ضوء الشمس دي؟ مافي شيتاً رايحي علينا؟ وزرعوا العجور ووصلوه بالبكاسي لغاية العاصمة، واصطادوا السمك واحد يلعب، قفلوا البوكس وراا وختوا فيه صندوق كبير ملان موية تجلبق، لغاية ما يصل كريمة يصل حي ، ولغاية ما يصل العاصمة يصل حي.. وكمان ما قاعدين يبيعوه في سوق الله أكبر.. يودوه محل الفلل والقصور والأحياء الراقية، يطلعوا ليك سمكتك العايزا حية قدامك فريييش.. بي حاجة كدة زي الغربال وليها خشبة، تحضر كيسك الماخمج، عشان السمكة الحية ما تشرطوا، تنبر وترفس.. وواحد سمك مكهرب قالوا ظهر في البحيرة( يَـمـُقْ الزول زي الجرق.. أم جرق.. وإنت هنا تضرب السعر البي تلقاهو في سوق الله أكبر ثلاثة أضعاف..عشان سمك حي فريييش.والناس العندهم قروش يدفعوا للسمك الطازج.. عليك الله تعال إتغدا معانا عندنا سمك بحيرة المناصير فريييش.. مرة القامة ده! تعزم مرة القامة داك!. يسلموا ده؟ ويسلموا ده؟ ويسلموا ده! عارفين ناسن وزباينن.وماخدين رقم موبايلاتن ولايحدثوا بأسرار الزبائن... الزبون الراقي الوجية صاحب الوظيفة الكبيرة ذاتو عايز يستلم سمكتو بلا ضجة ولا كوراك ولايقدر يمشي سوق الله أكبر، عشان جاه الوظيفة، وهو ذاتو مابيجي يستلما، تستلما الخدامة الفلبينية، توديها للطباخ جوة، يعمل منها محمر وشوربة، وسمك مدخن وسمك حار، وسمك مشوي وسمك بالفرن.وكمان يطلبوا بالموبايل( عليك الله يوم كدة بتاريخ كدة جايين لى ضيوف أجانب.. عايز سمك حي.جيب لى كدة وكدة وتعال مشوار خاص، وقروشك عند البواب) ولا ضجة ولا كورا ك يرجعوا بي بوكسيهم تاني لى محلهم الجوا منو! وهكذا، وبرضو في ناس غبش ما بيعرفوا من أين تؤكل الكتف يقعوا بي بوكسيهم الملان سمك سوق الله أكبر، مرات يبيعوا مرات يرموا ليهم السعر في الواطة ، مرات يعفن. يعني تشغيل العقل والفكر والدماغ مهم جداً في هذا المرحلة الكاشفة من الغتاااا.. إلا غتاء السماء وافتراش الأرض.لكن طالما الجيوب بدت تتملي، كل شئ بيجي.. إتملت الجيوب، وعرسوا الجنيات، وحسبوا بلاكن.. وعادي يجي بي بوكسيهو بالليل يبيت مع ربع قبيلتو في المكابراب، ويستقبلوه بي خاتراً طيب، ويشرب شاي الصباح عند بت أعمو، ويوادعا في المكابراب، ويضوقن سمك بحيرتن، وهن كمان يردوا الجميل، يجدعوا ليهو شوال قمح ورا في البوكس لى باقي أسرتن الفي المحلي.. ويقول كدي يكش بوكسيهو الماخمج، ومن هناك ممكن يغشى ناس الفداء.. ويديهن من خيرات المحلي عجور.. وهن كمان يدوه من قدر العندهم برسيم لى غنم أختا الهناك في المحلي..
التواصل حصل والاندماج حصل، رغم الجرح الكبير الكان قبيل، واحدات أحموهن يسابلن في أهلن ماتوا وواحدات طلقوهن.. وغايتو.. الجرح ماشي يندمل شوية شوية..بالصبر والأناه.
أما ديل هنا في المنتدى، يحنسن فيهن بنات أعمهم وأخواتن وبناتن المعانا هنا في المنتدى، عليك الله يا فلان، عليك الله هو ماقاصد كدي،مسكينات، دايرات المنتدى يكون واحة غناء، يعني يبقى ليهن زي أهل كده!.. ما أصلنا قبيلة صغييييرة وكلنا نتعارف ومافي زول بيخت العيب أبداً، حاشا عيال منصور.. الفي السودان دايراتنو يكون ليهن المنتدى أهل، والمغتربات دايراتنو يبرد ليهن نار الغربة الحارة، ويكفيهن شر التصفح في الشبكة العنكبوتية الما ليها زابط والله رابط..
هن ديل ذاتهم أولاد أعمهن الفي المنتدى ده! بي كلامنا ده! موش كعبين، يفتشوا في الحلول لى أهلن.. ويشمسوا في القضية، والجرح كان غتغتوه بي مادتو ما بيخيير.. برضو وجهة نظر.. يعني ينقدوا ويناقشوا، ديمقراطية يعني.. مالو..قدر العندهم عاد يسووا شنو؟ كل زول يعرض بضاعتو هنا بي وجهة نظرو، ما بنقدر نحميو ولا ينبغي لنا.ونستفيد من طرحو ونقدر نعرف هو بيفكر في ياتو منطقة، ومن أي جهة ينطلق! لكن لومك بي طالما قال أنا منصوري ونطقا بي عضمة لسانو ده! تاني صعب زول يقلعوا من منتدانا ده! لأننا زي إتوالفنا كدة! ودخلت اجتماعيات المنتدى للأسر والبيوت وانشرت.
ماشفتوا الجرسي العملوها الناس في المنتدى ده! ايامات العيد، لمان ود المناصير قال عايز يستقيل! مع إنو في ناس قد لايتوافقوا مع ود المناصير في طرحو! جايز!
لكن وكت جابت لها استقالة بقت للناس مرة خلاص كونو يكون منتدى المناصير بلا ود مناصير!إنتو قايلين ود المناصير جابتو حناستنا نحن ديل، كل الشباب الإداخلوا وحنسوه؟ لا.. جابتو حناسة بنات أعمو ديل عضوات المنتدى، عشان صعب على العرف المنصوري زول تحنسوا بت أعمو ويركب راسو! يعني شالتوا الهاشميي وشعرة جلدو وقفت من حناسة بنات أعمو ديل عضوات المنتدى وجاء راجع بي طيبة خاتر..ويرجع ليهن الفضل في ذلك.. بقت ليهم حارة خلاص وكمان يوم عيد الله! هو ود المناصير ذاتو بعد رجع( بقا يتعزز الليمون عشان بالغنا في ريدو) يعني صار عندو دريبات كدة! ما بيعرفا غير ( الحاج شرف الدين)
بينما نحن متكتلين في البوغة والشربة على منو! و على الحرام ما تدور البابور! والبوغة لسه ناشفي وما قام فيها زرع!
بي هناك قامت البتيخي تحت الجر ورمت جراري أكلت ناس الحلي كلها، يعني ناس الخيار المحلي عرفوا البي يصلحن من البي يضرهن..
لكن قافلات صحية منكم تنفعن
وزيارات ليهم وتحتحت من جيبك شوية تنفعن
وهدوم نص جديدي منكم للمساكين الهناك تنفعن..
وأمصال عقارب وثعابين قد تنقذ روح زول... المنقذ الله
وقريب ده تصير بحيرتهم جنة الله في الأرض.. تواءموا مع الوضع.. لكن الدفرة بلا غرض ملوي منكم تنفع..
ويعيش منتدى المناصير بلدي القدر يجمع الشتات والتنافر ويخلق منو مجموعة تمشي شوية شوية نحو الأحسن..
الليلي ناس زي ديل وقدر عدد أعضاء المنتدى ده! لو كان حجتن دي في السهلي ساكت على الطبيعة! قبييييل العكاكيز دورت!
لكن الاختلاف الفكري للناس المتعلمة زيكم قاعد يقي الجسد من العنف ويتلقى الصدمة العقل ويتبرمج معها، ..الزول قليل الحظ، سواء كان في التعليم أو الفكر يتلقى الصدمة جسدو.
هنا وفي المنابر الالكترونية وفي ساحات النقاش الفكرى، يتلقى الصدمة العقل، وهذا شأن العلماء..
عشان كدة نعول كثيراً على هذا المنتدى في جمع الشتات، واستنارة الرأي العام، بالحوار الهادي والفكر النير، والقلب الصميم..
قلنا نغير شوية، أصلو المواضيع صارت يا قضية.. يا تراث.. وفي حاجات صغيرة صغيرة كدة كان عزاء والله عرس والله باسقات كدة..
ما أصلو أبو هشام ونجلاء زمراوي، كانوا عايزين ياخدوها شوتك شوتك كدة! أصلو ده زول كتااب وكمان ديك متمرسة ومتمترسة وزولة إتحاد والممارسة الفكرية نجضتا.. قرنين خروف ما بيبقوا في زريبة واحدة.. أها دخل واسطة حاتم اللفندي أصلو زول جماعة ومعاه العضوات المنصوريات الفاهمات ،والمياه أصلها في مجاريها..ما تحولت ما بنقدر نقول عادت المياه الى مجاريها.أصلها كانت في مجاريها. أخواناً على سرر متقابلين..
ولولا المنصوريات عضوات منتدى المناصير بلدي لباظ المنتدى.. ومرحب بهن لتضميد الجراح، كما كانت خولة بت الأزور الدؤلي..وفاطمة أحمد إبراهيم ونفيسة أحمد الأمين، وفاطمة المليك، وعائشة بابكر بدري..
ونحن برضو عندنا منصوريات يملن العين لامن تفضل..
مرحب بالجميع في منتدى المناصير بلدي.. كلهم مناصير والكلام يكمل.


عدل سابقا من قبل صديق عبدالله علي أبوحنة في الأربعاء 28 سبتمبر 2011, 4:06 am عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل


رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الأحد 25 ديسمبر 2011, 1:56 am

يسلم المرور الكرام كلو..
ما عندنا مفر من بعض، مهما كان كعبين.. هذا شأن القادة.. والقائدات.
أميرة
نجلاء
انتصار
ويسلم كل المرور
ستشرق الشمس بالخير الوفير الكثير.. على المناصير
أنا واثق من ذلك مائة في المائة ان شاء الله

صديق عبدالله علي أبوحنة
كبار الشخصيات
كبار الشخصيات

عدد المساهمات : 7523
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في السبت 25 أغسطس 2012, 2:10 pm

الأيامات دي قالوا ظهر السمك الذي يطفو في مياه البحيرة
السمك البي يجي دايخ من الموية العكرة.. هل يا ترى إذا الزول اكلو فيها حاجة؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف amira ali في الثلاثاء 28 أغسطس 2012, 3:37 am

ده يستفتوك فيها ناس اللديرمية
سمعت باللديرمية يا ابحنة؟؟

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12493
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف tamador alsyed في الثلاثاء 28 أغسطس 2012, 4:15 am

من بعد السلام...
انا لى ساعات حايمه فى الحته دى عجبتنى شديد وكل مااكتب حاجه ارجع امسحه اقول ماح نقدر نوفى السيد ابوحنه حقو بس كلام رائع من شخص رائع وتسلم ايديك والمنتدى اكيد بي ساير فى الدرب الصاح وانا غايتو تناى ح اسميك قبطــــــــــــــــــــــــــــــــان المنتدى

tamador alsyed
عضو متميز
عضو متميز

احترام قوانين المنتدى : 100

عدد المساهمات : 362
نقاط : 10235
تاريخ التسجيل : 02/10/2011
العمر : 24

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف علي الحمود في الثلاثاء 28 أغسطس 2012, 9:47 pm

ليك الحب والسلام يا خال..

أنت والثلة الذين معك فاكهة هذا الديوان العامر..

تنثر الفرح وتخرج الناس من الكآبة ما أحلاها صفة.

تمنيناها وقد أتحفتنا

نصبناك عمدة منتدانا ومن بدرى..

لأنك موسوعة فى تراث ونسب القبيلة ..

لن تثنيك الغربة الطويلة عن العودة للجذور مطلقا.

تحيات ومحبة وقبعات تقدير وإحترام لما يخطه يراعك الشفيف على الكيبورت اللعين!!!

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف علي الحمود في الثلاثاء 28 أغسطس 2012, 10:07 pm

الأخت أميرة على عثمان ليك السلام.

شكلك كدة تعلمت من الخال.

وبقيتى تعرفى اللدرمية أحب اللدرمية ..

مسكت شباب كتير من البلد والخيار المحلى هائمين على وجوههم ..

صارت لهم موطئ قدم ومكان عيش كريم .

اللهم أحفظ شبابنا باللدرمية من السوء والخبائث.وظلم الشايقية!!!

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9755
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الجمعة 31 أغسطس 2012, 5:22 am

اللدرمية
سمعت بيها يا اميرة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الجمعة 19 أكتوبر 2012, 2:32 pm

سامي ود زينب بت الفكي جاييكم راجع ، ابشروا...

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف سامى احمد محمد في السبت 20 أكتوبر 2012, 3:58 pm

صديق عبدالله علي أبوحنة كتب:سامي ود زينب بت الفكي جاييكم راجع ، ابشروا...

هن شقائقنا

هن أخواتنا

من أجلك أيها الرائع

ومن أجلهن

ومن أجل الخلص من أهل المنتدى

عاد ود زينب بت الفكى

عودة تفرحنى ولا شك تفرحكم وتغيظ آخرين لا نعلمهم الله يعلمهم

تقبل مرورى

سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 10813
تاريخ التسجيل : 04/07/2012

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في السبت 20 أكتوبر 2012, 6:06 pm

تقبلنا مرورك الرائع يا سامينا.. تسلم
أكيد العودة دي راح تبسط الفكي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف نداء في السبت 20 أكتوبر 2012, 6:53 pm

quote="صديق عبدالله علي أبوحنة"]سامي ود زينب بت الفكي جاييكم راجع ، ابشروا...[/quote]

عقبال عودة ود المناصير قريباً إنشاء الله ودى متروكة ليك يازعيم

نداء
عضو مشارك
عضو مشارك

احترام قوانين المنتدى : 100

عدد المساهمات : 74
نقاط : 7745
تاريخ التسجيل : 13/10/2012

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في السبت 20 أكتوبر 2012, 7:43 pm

ود المناصير ده يا نداء ( بقا يتعزز الليمون... عشان بالغنا في ريدو )

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف اميره الحومرى في السبت 20 أكتوبر 2012, 8:42 pm

يا سلام عليك يا يا ابحنه عرفتا تقنع سامى ما قدر يفوت اخواتو
ولاخونا سامى بنقول الف مرحب وكيف الزول بيطلع من دارو
قليليل هم من يشجعوننا على البقاء فى المنتدى
فياريت تتطولو بالكم والعارف عزو مستريح
وقريبا حاننعم بكتاباتك وكتابات اخونا ودامناصير
ودمتم فخرا للمناصير

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الأربعاء 31 أكتوبر 2012, 3:25 pm

سامي شخص نضيف.. والنضيف ما بيعيش إلا في الماء النضيف.. والمكان النضيف
سامي حتى في زيو نضيف ويحب النضافة..
الحقيقة ولاد زينب بت الفكي وارثين الصفة دي من أمهم رحمها الله
كانت إمرأة نضيفة طول الخط24 ساعة في البيت في حش القش. في العمل. في الزراعة.. نضيفة كانت في بلد تمر بوسائل الاتساخ ، كانت هذه صفة يغبطنها عليها حريم شري. بالإضافة لى كدة مرة متدينة من الطراز الأول.. مصلايتا وتقروقتا دي ما بتفوتا. البسمة لاتفارق وجهها أبدا في أحلك الظروف.. عشان كدة ربنا أكرمها أداها رجل هادي الطبع دائم البسمة مسامح.إحمد الطنبوري، في زراعتو بس.. دائما تلقاهو يكدكد في واطاتو ديك القدام أهلو في أرض الساقي. مرة قمح. مرة بصل . مرة ملوخية.. كان يكتفى ذاتيا من خدارو ويبيع كمان. ربا أولادو بالحلال.واشرف على تعليمهم، وشجعهم على التعليم ، في وقت كان يفرح الأباء لما الولد يسقط، يقولوا عشان ينفعنا في حفر البوغة.. لادخل في تجارة مشبوهة ، لادخل في خصام مع الناس من أجل الارض . في بلد تمور بوسائل الاختلاف حول الأرض والشتل والطين..
الحقيقة يا أميرة الحومري
سامي رجع عشان يبقى هنا معكم، ومعكنّ
.. نفتش نكوس. ندور لسامي في أن نجعل هذا المنتدى نظيفاً.. ولكن هذه سنة الحياة
لولا الاتساخ لما عرفنا النظافة
ولولا الشر لما عرفنا الخير
ولولا الدنيا لما عرفنا الآخرة
ولولا الظلام... لما عرفنا النور
ولولا الملح.. لما عرفنا السكر
ولولا المرأة لما عرفنا الرجل
ولولا الفساد لما عرفنا الإصلاح
ولولا القباحة لما عرفنا الوسامة
ولولا الداني لما عرفنا السامي
الضدية.. أو الثنائية سميها كما شئت..
لولا إبليس لما عرفنا الملائكة
إبليس في ناحية الشر.. والملك في ناحية الخير
.........
حتى في البيت.. تلقى المطبخ.. وتلقى الأدبخانة.. كشيئين مهمين في أي بيت.. مافي واحد يجي يقول لا الأدبخانة دي وسخة وقذرة ومتسخة ما نعملها في بيتنا؟؟ لآ.. وجودها ضروري لدورة الحياة ، قيمتها الأدبية زي المطبخ وزي الصالون في البيت ..، على قذارتها. لذلك السودانيون يسمونها ( بيت الأدب) تتأدب فيها.. سبحان الله. حتى الملائكة الذين يشرفون على محاسبتك، يتعففون أن يدخلون فيها معك لحظة أنت تدخلها..، يوقفوا الحساب ويكونوا خارج هذا المكان المتسخ.. لكن هل معقول يقيف عنك الحساب والمحاسبة في هذه اللحظة؟ لا ولا ثانية.. طيب قانونها شنو في الدين؟
رب العزة جلا وعلا. واضع لكل شئ جواب. في الحالة دي يتولى ربك الخلقك محاسبتك.. ما بيتعفف منك وأنت في الأدبخانة زي أمك بالزبط.. وبالضبط..والنبي صلى الله عليه وسلم قال : ( الخلق عيال الله، أحبهم الى الله أنفعهم لعياله) يعني زي ما أنت عندك اسرة. الخلق ديل كلهم اسرة الله يحبهم زي ما إنت بتحب أسرتك، وإن خفيت عنا هذه المحبة أحيانا بسبب التربية الماهلة. لكن الناس المجودين في عبادتهم يشوفوا ربهم وهم اسرتو. يحبهم زي ما بيحب رب الأسرة اسرتو... وقال صلى الله عليه وسلم : ( إن الله لايعجل بعجلة أحدكم ) زي ما بيقولوا ليك السودانيين ( الله يمهل ولايهمل ) عشان كدة ,أنت في هذا المكان القذر الأدبخانة، لايمكن يرفع عنك القلم بسبب عدم دخول الملائكة معك. لأنك وأنت في بيت الأدب جايز تأتي بذنب أو فاحشة.. عشان كدة معاك ربك الخلقك.. الملائكة موش ربك مجبورين عليك لا.. الله الخلقك لايتعفف منك.. زي الأم مع طفلها. يتبرز عليها وتكون راضية يتبول عليها وهو طفل ولايتغير خاطرها. في البرد الشديد يبل فراشه ويبلها معه ،وتكون راضية يصحيها في جوف الليل في عزة النومة للرضاعة وتكون فرحانة.. كدة.. ربك مجبور عليك الخلقك.. عشان كدة منبرنا ده. فيهو الصالح كتيييير والطالح مرة مرة يجي يحب يعكر صفاء الناس.. عشان كدة ما نلتفت ليهو ولانزعل. بس نقاوم الشئ الكعب بالإصلاح والصبر وطول الأناه..
العقل يسموه عكاز الأعمى، لايعرف إلا بالثنائية.. يعني محتاج لدليل.. لكن عندما ترتقي البشرية لمرحلة الانسانية، ربما في دنيانا هذه أو في مشوارها الطويل في الدار الآخرة وتبرز الحاسة السابعة في الإنسان بدل الحاسة السادسة وهي العقل.. لما تبرز الحاسة السابعة بفضل الله في نشأة الانسان في تقلبه في السرمد، وقتها يعرف الانسان بدون ضدية الأشياء. وهي حاسة الفؤاد لاتحتاج لضد..
عشان كدة يا أستاذ سامي
الضدية بين الخير والشر دي موجودة منذ الأزل
وهي تقوينا
وتتعرف فيها معادن الناس..
خليك معنا هنا رغم الجراح..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف سامى احمد محمد في الأربعاء 31 أكتوبر 2012, 10:43 pm

عمدتنا سلام وكل سنى وانت طيب وجميع ناس المنتدى العامر
مريت بى جاى كم مرة ولكنى ما لقيت ما اكتبه رداً على هذه الكتابة الجميلة وهذا السرد الرائع
ولكنى أخيراً إستجمعت شجاعتى وأجبرت أصابعى المرتجفة أن تحاول أن تكتب ولو القليل
ما كتبته فى حقى لا أستحقه ولكنه على كل حال أعتز وأفتخر به وهو قلادة وشهادة من كبير ونتمنى أن أكون قدر حسن ظنك بنا والأخوة أعضاء المنتدى
أما ما ذكرته عن الوالدة عليها من الله الرحمة والغفران فقد أفرحنى وأبكانى
آلمنى بتذكرها وكم كنت فى أشد الحوجة إليها
وما أفرحنى هو الحديث عنها وتعريفى بها وكما تعلم فقد إرتحلت مبكراً وحينها ما ذلت صغيرا لم أعرف معنى الرحيل بلا عودة و لم أتذوق مرارات الرحيل المر إلا بعد حين
الرائع صديق واصل سردك الجميل
خارج النص
****** :
لم إستطيع العودة إلى نقطة الإنطلاق التى كانت قبل إنقطاعى القصير عن المنتدى رغم المحاولات المتكررة . لماذا ؟؟؟
لم أجد لها جواب
مع عاطر تحياتى للجميع

سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 10813
تاريخ التسجيل : 04/07/2012

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الأربعاء 31 أكتوبر 2012, 10:59 pm

الجواب واضح : إذا انكسر قلب المحب، يصعب ارجاعه، رغم التطبيب، ولكن بعد حين، يلف النسيان حوله نسيجاً، فتعود كما أنت ، ولولا النسيان ، لما كان الاستذكار، أو الذكرى، فهو رحمة.. فما بين الذكرى والنسيان تنتج خيوط الفكر، كما يسنج وهج النهار وبصيص الشمس وهجاً يبدأ به الصباح، بعد عتمة الليل، وتباليج الغسق، والفجر الصادق، يبدأ بالفجر الكاذب..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في الخميس 22 أغسطس 2013, 6:52 pm

ظهرت أقلام جديدة من حواء المنصورية ، انضمت الى الأقلام القديمة، وأظهرت قامة حواء المنصورية السامقة.. مزيداً من التقدم نحو القمم الشواهق..
 الله يحبس الأعداء..
 بالإنتاج سرنفع قامة المناصير ونعلي شأنها..
 فركة كعب كدة ، وشوية صبر شويتين ..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف نجلاء زمراوي في السبت 24 أغسطس 2013, 6:31 pm

بالمنلسبه وين بت حجازي والاميرات.......
بت علي وبت الحومري...
تسلم ابن عمي وانشاء الله نكون عند حسن الظن.........

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15904
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف صديق عبدالله علي أبوحنة في السبت 24 أغسطس 2013, 6:51 pm

بت العم نجلاء
 بت حجازي  غتست مما جاتنا في أبوظبي ومشت السودان تاني غتست
 أميرة الحومري   شايفا متعززا على أهلا ناس المنتدى وعاملة مشغولة
 أميرة علي في انتظار الحدث السعيد
.......
 أنت يا نجلاء ما عندك الاقلام الجديدة السنينة أستاذة سهام..مالية الخانة لامن ديلاك يجو ما شايفاها تخوجل في المنتدى كيف؟ أوعك تسحريها!
 والله أنت زولة عابدة وقارية قرآن  ما بتسحري الناس!

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف نجلاء زمراوي في السبت 24 أغسطس 2013, 10:30 pm

تشكر عمدانا...
وانا اقول لولا الباشمهندس صديق لباظ المنتدي......
طبعا سهام ساده الفرقه تب لكن برضو نطمع في المزيد من بنات حواء............
عيني بارده عليها بس تعمل حسابها من عين ود الطرشان.....وابحمد.........
تسلم...

نجلاء زمراوي
عضو ماسي
عضو ماسي

الأوسمة عضو ماسي

احترام قوانين المنتدى : 100

عدد المساهمات : 2265
نقاط : 15904
تاريخ التسجيل : 10/03/2011

الرجوع الى أعلى الصفحة اذهب الى الأسفل

رد: لولا المنصوريات العضوات في المنتدى هنا! لباظ منتدى المناصير بلدي!!!

مُساهمة من طرف سهام علي محجوب في السبت 24 أغسطس 2013, 11:13 pm

صديق ونجلاء ماشاء الله عليكم جبنتكم مدوره بي جاي كدي عاد اجيب بنبري واجي اشرب لي فنجان فنجانين معاكم تشكر صديق علي رفع البوستات الفاتتني جد حاجات جميله وممتعه واتفق مع نجلاء لولا صديق لباظ المنتدي حواء المنصوريه الجديده يكون لها عظيم الشرف بالانضمام الي الحوايات المؤسسات ولكن اين هن والله انتصار عندها بوست جميل جدا ماعارفه ليه وقف . أبو حنه عاوزاك تتاوق للبوست بتاعي عاوزين نتلما.....وترد علي ابو احمد وتورينا في نسوان شالن الجوز والا لا وانا بجيكم بيغادي وكمان نجلاء تتفضل معانا لانو بعد الغيبه الغابتا دي تاني من يدي دي مابفكها

سهام علي محجوب
عضو متميز
عضو متميز

احترام قوانين المنتدى : 100

عدد المساهمات : 463
نقاط : 7744
تاريخ التسجيل : 16/05/2013
العمر : 39

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى