المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

ماذا لو سقط القمر الصناعى الضال على سد مروى--حوار--

استعرض الموضوع السابق استعرض الموضوع التالي اذهب الى الأسفل

ماذا لو سقط القمر الصناعى الضال على سد مروى--حوار--

مُساهمة من طرف سلمان عقيد النعوفابى في السبت 24 سبتمبر 2011, 3:26 pm

*حوار دار بين مجموعة من المناصير –

سمعنا ان الريس البشير وجه بتوصيل الكهرباء والطريق –عن مقابلته للنائب-

*ياخى انت ماعارف حاجة النائب كان هناك عشان الرباطاب كان عندهم مشاكل فى الكهرباء-تقطع عندهم من تسعة بالليل لى حدى تسعة صباحا—وقالوا ليه مايوصلونا من السد-وولاد اعمنا الرباطاب ديل فالحيييين زى المحس ضبح بس–وناس الحاكومة ديل (شواطين خلاص )عشان الكهربة ما تجى بالمناصير جابوها ليهم بالعكس من عطبرة-والنايب قال دى فرصة انضم فى دى وانضم فى دى—

*برضو فيها خير-*

*قالوا عسكورى كمان بى هناك مع الخواجات –والجماعة هنا زعلوا –طيب ماتحلوها قبل (بعد توكر فى ام قرب) دابا حرقتكم –

*اسع كمان قالوا فى واحد شتم القبيلة

--*اهاااا-دا الكلام الكعب لكن السبب مننا من زمان عينا ما حمرا سكتنا كتير –اسع الحق خلو شوفونا الزول دا البنعلن دا -*

*انتو ياجماعة الشئ القالو داير يقع من السما دا مايقع فوق سد مروى دا ويريحنا منو-*

لالالا---يازول بعد دا كلو –نحنا الان بنينا وجيهنا حاجاتنا –السمك –الدهب –والحاجات كلها فى السوق –الفواكه والدجاج والبيض والخضار------ويمكن المحس والدناقلة يتمنوا ذلك لانو الخزان جنن فى القمح وزيادة البحر كويسة معاهم—لكن الشوايقة مرتاحين بس شوية زادلهم الرطوبة للتمر-

*انا داير الجرف دا يظهرلنا كلو ونزازى نقح –طماطم بس نغنى –اصلو كيلو الطماطم اليوم بى خمسة وعشرين الف-خلى الحاجات الباقى-بعدين

ياخوى جداد شنو البختوها فى الورق دا انا الجدادة لو ما ادوها كردة وقبضوها وتمسكا كدى وقلبا يسوى فى دق-دق وضبحوها ودمعتا تنمشم من الضحى العالى—ما بتنفع-

*مالله انا برضو مامعاك اسع الناس كيفت وضعها على دا الحال ومبسوطين –

*ياجماعة نحنا المناصير طيبين خلاص مانى زى ناس كجبار فرد ضربة تانى الحكومة سكتت منهم تب –ومانى زى الرباطاب –ومانى زى ناس دارفور—ورافعين ظلمنا للاقوى من الجميع رب العالمين وهو الحاكم القاضى-




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: ماذا لو سقط القمر الصناعى الضال على سد مروى--حوار--

مُساهمة من طرف كرم الله حامد خلف الله في السبت 24 سبتمبر 2011, 4:16 pm

لا علاقة للمضمون بالعنوان يا استاذ يا راقى اوضح

كرم الله حامد خلف الله
كبار الشخصيات
كبار الشخصيات

احترام قوانين المنتدى : 100

عدد المساهمات : 230
نقاط : 11779
تاريخ التسجيل : 26/10/2010

الرجوع الى أعلى الصفحة اذهب الى الأسفل

رد: ماذا لو سقط القمر الصناعى الضال على سد مروى--حوار--

مُساهمة من طرف سلمان عقيد النعوفابى في السبت 24 سبتمبر 2011, 4:47 pm

شكرا يازعيم على المرور—

لكن الم تلاحظ لتمنى ظهور الجرف والزراعة مجددا فيه –الم يقابل بعدم الموافقة من الطرف الاخر—

مثل الحوارات وهذه العناوين دايما تؤخذ نقطة هامة او (محور) فى الحوار –وذلك للاثارة –وللحبك يدور دايما نقاش فى المواضيع الساخنة والانية—او مواضيع الساعة مستصحبة التاريخ ذو الصلة –

اطلع مثلا على كل الاعمدة فى الصحف –كذلك اعطيك مثلا حيا وهو دكان ود البصير—

كما اقسم لك ان جزءا من هذه الحوار سمعته –وبالامس القريب دا –فقلبته –وارتجلت هذاالحوار—ولانه شمل عموم وهموم المنطقة الحالية --

ولو اطلعت على بعض الصحف فى الايام السابقة قد عملت بعض الاستطلاعات عن سقوط القمر الصناعى فكانت الاراء والتمنيات ولم تخلو من النكتة والطرفة

وكتبت هذا على نفس الشاكلة --الم يتضح يادكتور

--للجميع احترامى وتقديرى--




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19644
تاريخ التسجيل : 01/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى