المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الحياة القديمة ديك في المناصير تاني الناس الجديدين ديل ما بقدروا عليها

استعرض الموضوع السابق استعرض الموضوع التالي اذهب الى الأسفل

الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف صديق عبدالله علي أبوحنة في الأحد 18 سبتمبر 2011, 5:08 am

عندنا في بيتنا برندة كبيرة خلاص في الحنانين.. تشيل ليها مائة نفر.. وحطب شقيق دوم والسعف بتاع عرشا ده منسوع بطريقة خاصة..
لما مياه البحيرة وصلتا.. شقيقتي قالت لى ود عمر أخوى إسمو محمد جابدوا ابوه بالمزاح والنكته
أختنا قلبا على خشب البرندة دي؟
قالت تعال يا محمد خشب البرندة دي خصارة يروح في الموية؟
قال ليها قولي بسم الله محومااد دايراهو يفكك ليك خشب البرندة دي براهو؟
( الشغل ده شغل عنج)
والله لامن الموية تلم فوقي والبرندة تقع فوقي ما بقدر افك لى شقيقي والله رصاصة واحدي؟
الناس ديل شغلن ختري زمان ما بنقدر عليهو نحن.. البرندة دي قالوا ضابحين ليها تلاتة ضبايح والفزوعات تقوم وتقعد لامن وصلت حالتا دي الشفتيها فيها
دحين خليها تتهرد بالموية بتل البسكويت. بعدين نقبض البي نقبضوا والبروح يروح..
.................
هسي دي حكاية تسوق صيف وتقعد تحاحي وتحصد ليك 3 شوالات مريق عشان تاكلن بقت ما بتخارج.. الزراعة بقت بالمساحات الكبيرة
الطورية:-
ناسنا زمان اتفننوا فيها وفي العمل بيها هسي دي ما بتسقي موية الطورية وتضييع زمن ... توظيف الآليات والشاوااال والقرييدار.. والحراتة والدقاقة
نوريق تاني مافي ولافي حريم بيقدرن ينورقن ولا يدقن ليهن عيش بالجريد
تجر ليك مركب من شري لغاية الكاب عشان تلقى ليك جنيهين بقت ما بتخارج
..
العلم... الفكر... توظيف القدرات... التعليم التقني والفني... أكسب سريع بالحلال.. وطور مهاراتك.. وتطور مع الزمن..
أينما كنت في المحلي أو خارجه.. تحرك.. هسي دي سمك البحيرة بتاعتنا دي جانا هنا لغاية ابوظبي.. أها جاء من وين؟ لو مافي ناس وظفوا مهاراتهم..
ياخي حتى التمر ده يجيبوه لينا مقرطس كل تمرة ملفوفة في ورقة مزركشة ومنزوعة النوايي وبدل النوايي خاتين لوزة..
نحن التعبئة عندنا بالشوال الكبير ووشيهو يلعن قفاهو.. فتاشة المشترين قددتوا وبهدلتو وهو في الدكان في الملجة في أم درمان. التغليف عندنا ردئ لدرجة المبالغة ،حتى المصانع عندنا تغليفا ردئ لدرجة المبالغة.
زمن السرعة.. حقو اي منصوري.. يتعلم الكمبيوتر ويعمل عليهو ويطور نفسو حتى ولو عمرو سبعين سنة..
الجيل الجديد ما يهمل العمل على الكمبيوتر.. لأنو كل حاجة راح تكون عليهو
هسي منو البي يصدق نحن ندور ما كينات الواحدي قدر أوضة البيت ندورا بالكمبيوتر ونزيد لها الزيت بالكمبيوتر وننقص حراراتا بالكمبيوتر.. ونعالج عطلا بالكمبيوتر.. منو البي يصدق ماكينة شغالة في ابوظبي والناس يشاهدوا فيها في ألمانيا ويتصرفوا في عملها من هناك ويراقبوك من هناك
او ماكينة شغالة ترسل ليك تقارير عن نفسها على مدار الثانية وتعمل ليك برنت آوت تقول ليك ألحقني بعد ربع ساعة راح أتوقف لأنو حرارتي زادت.. الحمل على بقا كتير نقص الحمل ده؟ وإلا إذا أنا مشيت بنفس معدل الحرارة ده راح أتوقف بعد ربع ساعة
برضو تقول لك إنت متذكر مواعيد صيانتى السنوية بعد شهر ونص؟
ترسل ليك رسالة بالبرنت آوت وترسل ليك رسالة تقول ليك زيتي نقص تمني زيت ياخي؟
لازم الناس تتطور
ماتخلي فرصة تجدا قدامك
لاتتقوقع
بناتنا القاعدات في البيت يجودن فنون الكمبيوتر والعلم الفيهو والكورسات اهم من الدراسة وتضييع السنين في علم عقيم لايغني ولايسمن من جوع
مافي زول فاتتو حاجة
ونبينا الكريم قال( تعلموا العلم من المهد الى اللحد) و( لو قامت الساعة وفي يد احدكم فسيلة من نخيل فليزرعها)
إذن
التطور
ومافي قشة مرة
حقو يكون هدف الزول المنصوري

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف (الحاج شرف) في الأحد 18 سبتمبر 2011, 2:26 pm

اصبر شوىه ياباشمهندس
المناصير قادمون
كنا زمان سناجك وشايقيه
ولكن الان فرزنا الكيمان
مافى منصورى ينسب لقبيله اخرى الا باللقب القديم
ونحن اكثر تواجدا فى الشبكه العنكبوتيه منتديات وفيس بوك
الكل يتعامل بالكمبيوتر حتى ناس البلد يدخلون على المنتدى بالموبايل لعدم وجود كهرباء لتشغيل الاجهزه الكبيره
وده الناقصنا فى البلد
انتظر قليلا
سنعلب ونجفف ونغلف ونصدر من هناك
بس انتو ساعدونا فى عمليه التسويق عندكم




[img][/img]عندما انتهيت من صنع السفينه جف البحر [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17079
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف صديق عبدالله علي أبوحنة في الأحد 18 سبتمبر 2011, 2:33 pm

نساعد.. ونفتح ليكم محل هنا.. عايزين الطازج..كان بلح كان حوت.. كان خضار..
وقرش زول زي ماهو معروف عنا لاندخلوا في جيبنا..
الله يبعدنا من الحرام كما باعد بين مشرقها ومغربها

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31700
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف ابو هشام في الأحد 18 سبتمبر 2011, 3:06 pm

عوافي عليكم .. كبارنا

تسلموا

ابو هشام
عضو متميز
عضو متميز

احترام قوانين المنتدى : 100

عدد المساهمات : 460
نقاط : 10516
تاريخ التسجيل : 27/08/2011

الرجوع الى أعلى الصفحة اذهب الى الأسفل

رد: الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف الباشق في الخميس 22 سبتمبر 2011, 5:52 pm

العم صديق
جد كلامك وده الطريق الوحيد عشان نحصل ركب الحضاره
بس جد المناصير بدو متأخرين شديد
و الناس كان مابتدي التعليم حقو حتي البخشم الجامعه يخش اي كليه ويقول مابكلاريوس والسلام
والتعليم ماهو تعليم مدارس وجامعات بس
الواحد حقو يكون متنور
سباك يفك ويركب
ويصوط في الكهرباء
سراميك يشتغل
العربيه كان ساقا يعرف الفرق بين الطرمبه في الجاز من الكربريت في البنزين ويفرتك بلكاتا مايسوق ساكت
ويطور نفسو بالكورسات
كورسات كمبيوتر
اتصالات
صيانه اجهزه موبايل
والاختلاط بالمجتمعات السبقتنا في العلم
ربنا
يوفق
جميع ابناء
بلدي
المناصير

الباشق
عضو رائع
عضو رائع

احترام قوانين المنتدى : 100

عدد المساهمات : 225
نقاط : 11445
تاريخ التسجيل : 03/01/2011
العمر : 37

الرجوع الى أعلى الصفحة اذهب الى الأسفل

رد: الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف abuahmed في الخميس 22 سبتمبر 2011, 6:32 pm

يا عم صديق

سلام عليك

والله كلامك سمح ان شاء الله يكون الناس منتبهين وواعين

abuahmed
عضو فضي
عضو فضي

احترام قوانين المنتدى : 100

عدد المساهمات : 1029
نقاط : 11607
تاريخ التسجيل : 17/09/2011

الرجوع الى أعلى الصفحة اذهب الى الأسفل

رد: الحياة القديمة ديك في المناصير تاني الناس الجديدين ديل ما بقدروا عليها

مُساهمة من طرف ود المناصير في الجمعة 23 سبتمبر 2011, 5:22 am

طبعا أقف شاخصا ... وليس في فكري إلا

جزاك الله خيرا باشهندس ود ابو حنة

ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 20852
تاريخ التسجيل : 06/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى