الحاجة.طيبة حبيب حسب الله تولابي

تذكير بمساهمة فاتح الموضوع :

نقلنا السيرة هنا في مكانها الصحيح..بعدين أضفنا الصورة.. والصورة مرات تقرب المسافة بين الكتابة للقارئ، ويقدر يقارن بين صاحب الصورة وسيرته ويربط بينهما..

<script src='http://img819.imageshack.us/shareable/?i=42136878.jpg&p=tl' type='text/javascript'></script><noscript></noscript>

نعم.نعم.. أصلو ناس ود عيسى ديل تقول ما فاصلنا منهم بحر يا الفكي؟
وخاصة أمكم وبت كواب.. وود عيسى واسرة حسن الفكي..والله فرحتا شديد لمان قلت لى زرتها رحمها الله يا الفكي؟
ابوك يعرف علاقة والدتكم الشديدة بي أمنا.. وأمنا كذلك.عشان كدة قال ليك ماتنسى تزور طيبة. ياخي لمان أمك ماتت نحنا كنا في أبوحمد جينا تاني يوم للوفاة في الإجازة لقيتا الخبر في الكاب.. لقيت ليك امي وابوي ديل لمدة اسبوع يقطعوا الصباح ويرجعوا الضهر من فراش زينب بت الفكي رحمها الله تلك المرأة البشوشة.. معظم نساء المناصير معجونات من طينة واحدة. يا باشمهندس

أمين يا أم عمار. ربنا يرحمهن كلهن ببركة إجترار ذكرانا لهن ويرحم أم أي منصوري أو ابوه.. آمين

المحترم الاستا ذ ابوحنه لك التحيه والاحترام0اكثر مايشدني الي العوده الي المنتدي والي تصفح صفحاته كتاباتك واسلوبك وانشغالك بمواضيع هادفه تهم الجميع بعيده عن المهاترات وتتبع احوال الغير0فلك التحيه والتجله

تسلمي والله يا أخت نجلاء ومرحب بالطلة.. تعيشي والله يا بت أهلنا وده من ذوقك والله.. زادك الله علماً يا أستاذة تعيشى.. راية لبنات ديار منصور

طيبة ... طيب الله ثراها ... وطيب الذرية ... وطيب بها كل طيب ...

لك الله ايها المتفرد الرائع الباشمهندس ود ابو حنة ..وانت تسرد مقالا رهيبا ... صدقني يا صديق لو قدر لي أن اكتب عن عزيز لي بهذه الكيفية لما استطعت ناهيك من أن يكون ذلك العزيز هو أعز عزيز للإنسان

لك الشكر والتقدير

اسأل لها الرحمه لقد كتبت واوفيت لقد كانت كوكب يضئ سماء بلادي وانعكس ذلك النور في كتاباتك لقد نور المنتدي بكلماتكم التي تحمل في طياتها كثير من ايام الزمن الجميل وتلك العبارات الاصيله التي تعطر بها اجواء المنتدي

المستقبل.. سوف يكون أحسن من هذا الماضي حسن المنبت.. بفضل الله.
وإن كان الأكثرية ترى ذلك مستحيلا..أن يكون المستقبل أحسن من هذا الماضي التليد..

تعيش يا كليسنا. على المرور بي جاي..
والله أنت جربتا الغربة قبلنا في السعودية. الآن الغربة أصبحت خارم بارم..
يعني نخدما كلها ونديها ليهم..
يعني نشتغل زي الحمير ونديها ليهم..
الظروف الإقتصادية المارة في العالم كلو الآن جعلت الخليج غالي جدا..
يعني كان ما جريت الليل والنهار ما تقدر تاكل..
هسه بقينا بي جاي الشغل والمدارس زادت ورسوم الجوازات.. ورسوم التأشيرات وبطاقات دي بطاقة شنو ودي بطاقة شنو.. حتى مواقف السيارات عملوها بالقروش.. تلحق دي تلقى دي جاتك بي جاي.. بقينا زي الزول البي يقرع ليهو في بوغة صيف في النهار الصنان.. وعيش بار.. ولقبة مقددة وغرغار.. وكونشبر ما عندك.. وسباليق تقع والبابور مدوري..
ههههههه
مرة ود عون الله دكتور حسن قال: مرة عمو يقرع في البار حصلت ليهو حالة زي دي..
قال زهج وراح فاتحا في البحر.. وقالها( أصلك من البحر جيتي ويلا أرجعي البحر؟ وشال طوريتو وسدر أهلو..) إلا جوا بعدو وقفوا البابور..
أها نحن بقينا كدة .. والاغتراب بقا كدة..
يا حليل زمن الاغتراب الجد..
هسي دي المغتربين كلهم ممكونين بصورة لايمكن تتخيلا
يعني أحسن نحن شوية.. العمالة والناس الدرجتهم ضعيفة تعبانين حق التعب

فعلى البسيطة من هذا الكون ثَمَّ مخلوقة ضعيفة، تغلب عليها العاطفة الحانية، والرقة الهاتنة، لها من الجهود والفضائل ما قد يتجاهله ذوو الترف، ممن لهم أعين لا يبصرون بها، ولهم آذان لا يسمعون بها، ولهم قلوب لا يفقهون بها، هي جندية حيث لا جند، وهي حارسة حيث لا حرس، لها من قوة الجذب ومَلَكة الاستعطاف ما تأخذ به لبَّ الصبي والشرخِ كلَّه، وتملك نياط العاطفة دقّها وجلِّها، وتحل منه محل العضو من الجسد، بطنها له وعاء، وثديها له سِقاء، وحجرها له حِواء، إنه ليملك فيها حق الرحمة والحنان، لكمالها ونضجها، إنها مخلوقة تسمى الأم