الرئيس يلتقى بالبرجوب ويعلن تنفيذ كافه الاتفاقيات مع مناصير الخيار المحلى

التقى الرئيس البشير نهار اليوم بالاخ البرجوب والزبير احمد الحسن ووجه بالتنفيذ الفورى لكافه مطالب مناصير الخيار المحلى

ومنها توجيه للشركه الصينيه بالشروع فورا فى تنفيذ طريق ابوحمد كريمه

وتوجيه وزاره الماليه والكهرباء بالبدء فى دخول الكهرباء لكافه مناطق الخيار المحلى

الحاج يا رهيب ,,, عوافي

عجيب امر ولاة امر هذا البلد

إن كان له ولي أمر

ليه ما سأل عن توجيهاتو السابقة ولماذا لم تنفذ ؟؟؟

أم ان التخدير بقى يبدأ من فوق ؟؟؟

ياللا كلو محصل بعضو

كضضضضضضضضضضضضضضضاااااااااااااااااااااااااااااااااااببببببببببببببببب

كضضضضضضضضضضضضضضااااااااااااااااااببببببببببببببببببببب

وتاني كضاب

المؤمن لايلدغ من جحر مرات ما عندها حد

تحياتي الحاج

الزبير احمد الحسن دا شنو في اللعبة دي ؟؟؟؟

ازيك يابرجوب

شنو ماظاهر الايام دى

ماقاعد تجى بشارع النيل ده ولاشنو

والله نحن الحقيقه كنا مشغولين بالنيل الازرق وكده لكن امبارح ودينا اخونا الهادى بشرى قلنا يمكن يعمل حاجه

امبارح بعد ماصلينا الطهر وختوا لينا الغداء قدامنا ولادنا ديل ضربوا قالو المناصير ديل عاملين جوطه فى شارع المك نمر

معقوله دى يابرجوب تعملوا دوشه جنب القياده العامه

فى شنو ما نحن زمان رسلنا ليكم الزبير ده فى الدامر وحل المشكله

كيف يعنى ماحلاها الصندوق مااتعمل يعنى ولاشنو

مامشكله بنجيب صندوق جاهز

ومساله الطريق دى انا ممكن احلها فى زمن بسيط وممكن نستعمل اعمده تلفونات السكه حديد دى كاعمده كهرباء لحدى ما ماناس السكه حديد يحتاجوا ليها

اما باقى الحقيقات دى بالرغم انو الايام دى مافى قروش لكن ممكن نستلف ليكم من ..... اااخ كنا زمان بنستلف من جيرانا ديل لكن اظنهم رحلواااا

ولو كررتوا العملتو امبارح ده نحن ح نضطر نرحيل كل الصحف لمنطقه التمتام وابو ضلوع

امشوا جوطو هناك

عشان لو فى صحفى جرى تقدروا تحصلوه

كلام غريب!!!.
نحن علي اعتاب السنة الثالثة من اول وعد للسيد الرئيس،هل يعلم ذالك وهل يعلم ان ماوعد به إتحقق؟!مش عايزين نجيب سيره آخر التوجيهات التي كسرها السيد اسامه.
مين يضمن ان اسامة يجي يقول كلام خلاف ماقاله السيد الرئيس؟.
انا شخصيا اثق في مايقولة اسامه اكثر من مايقوله الرئيس،وهذا ليس تهكم علي الريس بل لي لغة الارقام والواقعية التي أأكد بها ما ازعم.

ابو هشام كتب:الحاج يا رهيب ,,, عوافي

عجيب امر ولاة امر هذا البلد

إن كان له ولي أمر

ليه ما سأل عن توجيهاتو السابقة ولماذا لم تنفذ ؟؟؟

أم ان التخدير بقى يبدأ من فوق ؟؟؟

ياللا كلو محصل بعضو

شكله ياابوهشام ما ماتخدير بس ده بنج كامل العملية كبيرة ولا شنو ماتكون استئصال .........

التفاول التفاول

ظنوا في اخوانكم

الخيرانشاء الله يكون الوعد الصادق والاخير

مشكور الاخ الحاج شرف الدين 
دى كلها كضب ساى وتخديرلان الحكومه حفظت نفسيات المناصيروبقت تخدر فيهم بالكلام المعسول وكلها مماطله وكذب وكلما يتعصروا شوية يقوموا يجيبوا البرجوب ويملوه كلام ساى بس الناس تملئ يمينها وتشتغل التانى - لامير ....... 

دى محاولات مكشوفه لاجهاض الاعتصام القادم

كلام الريس دا تاريخو متى قريب والله كلامو بتاع زمانننننننننننننننننننننننننننننننننننننننننننننننننننننننننننننننننننننننننننننننننننننننننننننن



ادونا الخبر باحدث تاريخ يا جماعة

الايام القادمة ستوضح صدق الحكومة من كذبها؟؟؟

لكن العصفورة قالت ان اهلنا الرباطاب تحركوا في موضوع الكهرباء ايضا ؟؟؟؟؟ الكهرباء مضمونه اما الاشياء الاخري فعلمها عند الله ؟؟؟

يارب يمتد شارع الزلط حتى نكون نحن الوحيدين فى العلم المحرومين من هذا واليوم نقف على الزلط انشاء الله فى اصقاع ابوغربان يا ما انت كريم يارب





تحياتى

ابو مصطفى القاهرة 33 عبد الخالق ثروت وسط البلد

أكاد لا أصدق

وجايييكم راجع

بس نمر على الجماعة بي غادي

نشوف لو في فواتح واللا تهاني

معلوم ان الكهرباءوسفلتة الطريق هى من صميم اعمال الدولة اما حقوق المناصير فهى حق مخفوظ بنص القانون المحلى والدولى فهل اوضح الرئيس ان الدولة ستكفل حقوق المناصير وهنا مربط الفرس اخى الحاج

اولا التصريح المنسوب للرئيس ورد علي لسان السيد النائب والزبير ولم يرد من الرئيس مباشره كما سبق وفعل من قبل عندما اصدر توجيهات في شكل قرارات ولم تنفذ وعندما جلس الاخوه في الرباطاب مع اسامه عبدالله وهو المسؤل التنفيذي كان رده بان منطقه المناصير والرباطاب ومايعرف باالدائره واحد كلها علي بعضها لاتستهلك خمسه ميجاوات مما يعني ان توصيل الكهرباء ليس ذا جدوي اقتصاديه ثانيا الحديث الذي تسرب من لقاء الرئيس مع الزبير والبرجوب ولم يذكرانه ان الرئيس ربط توصيل الكهرباء للمنطقه بشرط ان يقوم النائب والزبير بأقناع الرباطاب بقيام سد الشريك وفي هذه الحاله فقط يتم توصيل الكهرباء وهذا ما سبق وذكره وزير الكهرباء من قبل يعني ياجماعه الخير المسأله واضحه وشوفو طريقه غير طريقه التصريحات المسربه واخيرا الم يكن هناك شبه التزام من الزبير في الولايه في الاعتصام الاول ومعه النائب البرجوب في اللقاء انهم ملتزمون بتنفيذ بعض النقاط التي طالب بها المعتصمون ماذا حدث الذي حدث هو ان الرئيس وجههم بالاتصال بأسامه عبدالله وكان اللقاء الذي حضره

الزبير احمد الحسن والوالي والسيد النائب ومسؤل ملف المناصير المعين من الولايه ولقد ادار النقاش اسامه عبد الله ولقد اصر علي رأيه ورفض تنفيذ اي من النقاط الاساسيه محور النقاش

ياساده الموضوع اصبح يدور في كيفيه امتصاص المناصير وجعلهم يدوروا في حلقه مفرغه



الحل

اري ان تتم دعوه لابناء الدائره واحد في العاصمه لمناقشه هذا الموضوع وكيفيه حسمه جماهيريا وان هذه المنطقه عانت مافيه الكفايه بحرمانها من الخدمات الاساسيه

اعطاء النائب مده لاتتجاوز 72 ساعه لمناقشه هذا الموضوع في البرلمان لاعلام جماهير الشعب السوداني بما يحدث في هذا الملف

ثالثا تتضامن جماهير الدائره تضامنا تخرج به قرارا واضح برفض قيام سد الشريك حتي لاتتكرر تجربه المناصير وتشتيت المناصير والرباطاب بغرض اضعافهم

يتم اختيار وفود للتحرك للمنطقه بغرض تنوير وتعبئه القواعد



واخيرا نصدق مثل هذه التصريحات والقرارت السابقه للرئيس في حاله واحده وهي مغادره أسمه عبدالله لهذا المنصب اولا ومن ثم صدور هذه القرارات

وفقك الله اخى هاشم دايما تاتى بالحلول مباشرة اتمنى من الاخواه الاستجابه السريعه لهذه المقترحات وتفيذها واول الغيث قطره.

الشهرين الفاتو ما شفت الرئيس رقص..
احتمال يكون خلا الكضب برضو...
(تحياتى لجميع اعضاء المنتدى)...

من طرف [ندعوك للتسجيل في المنتدى أو التعريف بنفسك لمعاينة هذا الرابط] في الأربعاء 21 سبتمبر - 20:27

كلام غريب!!!.
نحن علي اعتاب السنة الثالثة من اول وعد للسيد الرئيس،هل يعلم ذالك وهل يعلم ان ماوعد به إتحقق؟!مش عايزين نجيب سيره آخر التوجيهات التي كسرها السيد اسامه.
مين يضمن ان اسامة يجي يقول كلام خلاف ماقاله السيد الرئيس؟.
انا شخصيا اثق في مايقولة اسامه اكثر من مايقوله الرئيس،وهذا ليس تهكم علي الريس بل لي لغة الارقام والواقعية التي أأكد بها ما ازعم.

معقوله دى

اذن نحن انضحك علينا

النعمانى كتب:الشهرين الفاتو ما شفت الرئيس رقص..
احتمال يكون خلا الكضب برضو...
(تحياتى لجميع اعضاء المنتدى)...

من خلا عادتو

قلت سعادتو

وراح سعادتو

في خبر سعادتو

ويا اسامة مدد

لسعادتو

ان شاء الله سد لسعادتو

عشان يكنكش اكتر سعادتو

اصلو بتشبه سعادتو