المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

طلاق الهجعة

استعرض الموضوع السابق استعرض الموضوع التالي اذهب الى الأسفل

طلاق الهجعة

مُساهمة من طرف مصباح محمد مصباح في الإثنين 12 سبتمبر 2011, 7:41 pm

طلاق الهجعة الما بعده رجعة : هذا المثل من الأمثال المتداولة عند المناصير وقد كنت أسمعه كثيرا عن جارتنا ولم نفكر فيه في ذلك الوقت كثيرا. وقد اوردته هنا في منتدى التراث كمثال من الأمثلة الشعبية المتداولة في المناصير ولم أتناوله من الناحية الشرعية.

ماهي الهجعة : في القاموس اللغوي ( هجع ، يهجع ، هجوعا، وتهجيعا يعني نام ليلا ، أو إليه استسلم. وقد ورد لفظ الهجعة في القرآن الكريم

كانوا قليلا من الليل ما يهجعون . مدحا لعباده الصالحين. والهجعاوي كانت فترة من فترات الساقية مثل الشرقاوي والضهراوي والعصراوي والعشاوي والهجعاوي بعد نصف الليل .

نرجع لمثلنا طلاق الهجعة الما بعده رجعة . فالطلاق أبغض الحلال ، ورغم هذا هنالك سورة كاملة في القرآن تسمى سورة الطلاق. وكلنا نكره الطلاق وأنزعج جدا لما أجد أحدا يحلف بالطلاق والحمد لله منذ تزوجت لم أحلف بالطلاق والحمد لله.

لماذا طلاق الهجعة بالذات والذي لا ترجع فيه المطلقة قال تعالى (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون ) صدق الله العظيم ولتفسير الآية يمكن الرجوع لكتب التفسير ولكن للنظر للسكن والمودة والرحمة وهي أساس العلاقة الجنسية بين الرجل والمرأة فالزوجة هي السكن، وبغياب المودة والرحمة ينهار السكن، والسكن هو سكينة النفس وطمأنينتها واستقرارها السكن هو الحماية والأمن والسلام والراحة والظل والارتواء والشبع والسرور، السكن قيمة معنوية وليس قيمة مادية. والحمد لله أن قال سبحانه وتعالى من أنفسكم أزواجا ولم يقل نساء أي السكنة والمودة لا تتحقق إلا مع الزوجة وليس مع كل النساء أو العشيقلات.

الشاهد أن السكن والراحة بين الزوجين لا يتم غالبا إلا في هذه الساعة التي تصفو فيها النفوس وينام فيها العيال ويحصل الاستقرار، وهنالك موضوعات تهم الزوجين ومستقبل الحياة لا يتناولها الزوجان إلا في هذه الساعة بما فيها الخلافات بينهما فإن كانت هنالك مشكلات يتم تناولها وتداولها في هذه الساعة ساعة السكينة فإما أن يتوصل الزوجان لحل لها أو يحصل الخلاف وربما تم الطلاق وانعدمت الراحة والسكينة ويكون الكلام مغربل صافي خالي من الخداع والكذب فالقرارات التي تتخذ في هذه اللحظة تكون حاسمة ومن بينها الطلاق.

فالننظر إلى أمثلة أهلنا المناصير انتبهوا لهذه الساعة وضرب ذلك المثل وطبعا يكون قد تكرر أكثر من مرة وأصبح يضرب مثلا. تداولة الأجيال جيل بعد جيل.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف اميره الحومرى في الإثنين 12 سبتمبر 2011, 8:53 pm

الله يستر

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف هاشم علي الجزولي في الثلاثاء 13 سبتمبر 2011, 1:08 am

أميره قالت الله يستر

نعم الله يستر علينا منكن بمعني أخر ياأميره حليل زمن الرجال البقدروا يطلقوا وانتي ماشايفه مصباح صاحب البوست قال شنو (الحمد الله من تزوجت لم أحلف باالطلاق )

طيب جايب مثلك علي شنو وجاي متحنفش علي شنو ياميره يا اختي الله يستر ما تطلقننا ما قلت ليك الزمن اتغير وأصبح الزمن زمن الحريم والدليل علي ذلك ايضا ما ذكره اخونا صديق في بوست اخر وفيه ( اذا المرأه قالت ليك أطلع الجبل ماتحرر الواطه)

هسع ديل اتنين ومن اعلام المناصير أه دايره ليك زياده انا عارف لي صاحب لي قاطع شكه تب هو عارف نفسه ومافي داعي لذكر الاسم وحتي ماتجي الاخت انتصار وتقول لي انت ده وين من الاعراب انا ...... والعلامه الفتحه الظاهره في اخره

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف اميره الحومرى في الثلاثاء 13 سبتمبر 2011, 4:20 am

الخوف ياخوى هاشم البوست الجاى يكون عن تعدد الزوجات
الله يستر
لكن اخوك البغادى داك ما تخاف عليهو داك لابدبل ولابطلق الهجعه
دا بيطلع الجبل والوطا صباح

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 13 سبتمبر 2011, 6:29 am

مولانا العالم العلامة فضيلة الشيخ أميره الحومري....) اصلو زمان قال لينا دكتور مصباح أميرات المملكة دي قرايات للقرآن شديد، وحافظات معظمه...
أما أنا أميرة جابت خبرى.. ولابدبل... ولا بطلق... ظاهر عليها تبحت بي وراي...وسندي في ذلك دكتور مصباح.. من الله خلقو ما حلف طلاق..( مناصير والكلام يكمل)أها تاني شن ليك يا هاشم؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 13 سبتمبر 2011, 6:31 am

مرتك كان قالت ليك أطلع الجبل... ما تحرر الواطه)
غايتو مناصيرنا الزمان ديك حكيمين جنس حكمة؟
أما الجيل الجديد ده
ولاعندو أمثال ولا حاجي... خم وأد البحر!!!

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 13 سبتمبر 2011, 3:27 pm

نسبة الطلاق عند المناصير قليلةجداً كانت
لأنو اي منصورية تعي تماما ما لها وما عليها، وما بتحتاج للطلاق.. بل تحتاج للتكريم والتشريف..
( الطلاق يهتز له عرش الرحمن)
برضو إحتياجات المرأة المنصورية بسيطة.. ودايماً تمد كراعا على قدر لحافا..
ورجالن دايماً حامدين وشاكرين..
المنصورية تعرف حياة المدينة وحياة القرى.. وكان ضاقت بيك الوسيعة تعرف تعيش معاك في اي مكان..
حتى الفيها عرق مناصير تعرف تعيش مع ولادا وراجلا بالفي وبالمافي
البيت الفيهو منصورية تشعر بريحة البلد فيهو
وتحس بالكرم فيهو
والبركة تحل فيهو
المنصورية ما بيطلقوها
المنصورية دهب
والدهب لمان يتكدر يجلوه بس؟
ثم يعود الى بريقه
صاح نسبة الجمال عندنا متوسطة وليست كبيرة
لكن جمال الأخلاق عندنا كبير..
آمل أن لا أسمع عن منصوري ضرب زوجتو
وآمل أن لا اسمع البتة عن منصوري طلق مرتو
البحر يعكر ويروق
دائماً الاختيار المناسب يغني عن تجربة الطلاق المرة شديد..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف هاشم علي الجزولي في الثلاثاء 13 سبتمبر 2011, 4:43 pm

غايتو كل مره نكتشف حاجه جديده اصلو ماكنت متوقع صديق يفوت اخوي الذي ذكرته في البوست واميره عارفه والله دي مصيبه ياصديق ماقدر دة تصل لحد ما يجلوها مثل الذهب غايتو ياصديق انا ابوي دبل وعمي عرس أربعه مرات وكمان طلق مره يعني حكايه الجلايه دي ماوصلناها انا ماقلت ليك

فكي اب سباع خطير ونسأل ود اختك مصطفي عن ناس اب سباع ديل

تعرف ياصديق عندنا عبد الله علي العطا وهو معروف جدا لمصباح ومصطفي في السعوديه اتمني ان تجمعك به الظروف ويكون مزاجه رايق تضحك لمن تموت من الضحك وهو عم نادر نادر يختلف من اهله بانه لايحب ان يعطي ما عنده من نوادر عكس والده الله يرحمه بالاضافه الي هؤلاء هناك محمد الامين علي الحسن ومحمد حسن عثمان ومشهور بأسم حمدي وهو شقيق عابدين صاحبك انا اقترح لك في اول زياره للمناصير ان تصل سور ويا حبذا لو كانت في ايام عيد

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 13 سبتمبر 2011, 6:20 pm

حمدي دفعتنا..محمد الحسن عثمان
وسور بحبها جدا وسوف اصلا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف مصباح محمد مصباح في الثلاثاء 13 سبتمبر 2011, 6:55 pm

السلام عليكم أحبائي صديق وهاشم لكم التحية وندرة الطلاق بالمناصير فعلا توحي بالتفاهم بين الزوجين وبساطة العيشة واعتماد كل من الزوجين على الآخر . لكن ربما تغيرت الظروف وأثر فيهم البندر وغايتو ياصديق صاحبك هاشم حاكومته قوية جدا وأنت طبعا مسميها الحاكومة وكلنا في الهواء سواء . وهذه أمثلة المناصير المتداولة وإنها لأمثلة في مكانها وقوية ومعبرة رغم عدم تطبيقها على الأرض إلا نادر .أما يااختنا أميرة ربنا يستر ويغطي والزمن ده أنا ماني شايف هجعة خاصة في السعودية وناس قلبت الليل نهار ولكم مني التحية جميعا الإخوة المتداخلين.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف هاشم علي الجزولي في الثلاثاء 13 سبتمبر 2011, 7:14 pm

والله يامصباح حكايه (كلنا في الهواء سوا )

انت وصديق براكم انا ما معاكم أه يا اميره كلامي مشي وجا

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف اميره الحومرى في الثلاثاء 13 سبتمبر 2011, 7:53 pm

والله انا بعد الكلام القالو استاذنا صديق انا تانى ما عندى كلام يا اخوى هاشم
دا كلام كبير فى حق المنصوريات
ويا اخوى مصباح فعلا الغربه دى ستر وغطاء على كثير من النساء لاننا بعيدين عن المشاكل البنشوفا فى السودان

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف اميره الحومرى في الثلاثاء 13 سبتمبر 2011, 8:04 pm

اخوى صديق ماتزعل
فى بوستات ناره مولعه قلنا يجو بجاى يبردو شويه
لكن نحنا من زمان عارفين رايك فى المراه وكيفيه التعامل معها من المرحومه الوالده مرورا بالحكومه وكمان البنوته يعنى تقديرك شامل كامل
وفعلا نحنا نسبة الطلاق الحمدلله ضعيفه جدا عندنا وكمان الدبيل

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف هاشم علي الجزولي في الثلاثاء 13 سبتمبر 2011, 8:31 pm

أميره قالت ( نسبه الطلاق ضعيفه وكمان الدبيل )



لكن يا اميره ماتنسي ان عددنا كمان قليل مقارنه باالاخرين يعني الاخيره دي دايره نظره

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف اميره الحومرى في الثلاثاء 13 سبتمبر 2011, 8:46 pm

اخوى هاشم الله يخليك سيب البوست دا يقفل مالك علينا
ومشى دبل غادى غادى

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 13 سبتمبر 2011, 10:49 pm

أميرة هرشت هاشم بعد كلامي ووقفتو عند حدو
ودكتور مصباح قال الحكاية إتقلبت بالنهار..
وفعلاً البوست ترويحة يا أميرة من البوستات المولعة ديك.. والريس ينذر ويستن قوانين وكدة..
مولعة بي هناك نطفيها بي جاي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف هاشم علي الجزولي في الأربعاء 14 سبتمبر 2011, 1:23 am

الريس يا صديق انتقلت ليه العدوي من الحاكم العسكري النيل الازرق خاصه وانه كان علي اتصال مع من كان هناك خليه بي غادي في حاله الطواريء انت دحين ياصديق مش في حاجه اسمها الربع العاصي في المناصير يمكن عنده علاقه بمنتدانا ده أصلي بيني وبينك حضرت نقاش في مناسبه وكان في واحد من الجهه العليا من المناصير وانا لااعرفه ولكن كان النقاش بين ان الناس من شري ولي تحت مختلفين من الناس الفوق في انهم اكثر ترابطا وفيهم علاقات تصاهر اقوي طبعا انا لست بمعرفه جيده باالمناصير حتي اكون علي درجه تتيح لي ان اناقش بي قلب قوي ولكن كنت اعرف ان هناك علاقات تصاهر من ناس من شري واوس وسور وبرتي وكمثال علي نطاق اهلنا لنا ترابط اسري في شري ( عثمان المقدوم ووالده السر العمده ومن برتي نوره زوجه سليمان ود قمر فهي بنت عمه الوالده كذلك بنت عمه علي العطا والامثله كثيره فهناك من ارج ومن اوس )

المهم كان هناك شخص وهو علامه في المناصير من هذه الناحيه وتولي النقاش واتي علي ذكر الربع العاصي واصفا ذاك الشخص انه من الربع العاصي وكان هذا الذي اعني هو العمده فنان وانت ياصديق ما شأالله تعتبر مرجعيه في البلد قلنا نستفسر لكن انا حسيت من النقاش بان هناك شيء ما قديم اذ ذكر ذاك الشخص ان العمده جد فنان كان علي نزاع مع جد هذا الشخص علي العموديه او جزء منها وجده اسمه الصبي

اه يا اميره قلنا نغير البوست وقت جاب له دبيل حاضرين

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17448
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الأربعاء 14 سبتمبر 2011, 1:51 pm

أيوة يا هاشم هذا الشخص كلامو صاح
ناس السليمانية يسموهم الربع العاصي
اي العاصي على العمودية..
وهم جدودنا بي ابوي.. ديل ناس صبي..السنقوري.. ناس السناقرة ومقرهم الكييب.. بالغرب.. والشيخ صبي السنقوري.. كان على منازعات مع العمودية في المناصير..
موش في العمودية
العمودية دي كل المناصير مسلمين بيها للعمدة نعمان ود قمر، تجري العمودية في سلالتهم.. لتضحيتهم الكبيرة من أجل المناصير واشتراك نعمان ود قمر في قيادة الجيوش بنفسه واستشهاده، كذلك قيادة الجيوش من بعده لابنه سليمان نعمان قمر الشيخ واستشهاده في معركة ابوحمد.. لراى العمدة الحصيف في معركة أم دييمه وغيره غيره الكثير.
العمودية تتفرع الى مشيخة
1 العمدة
بعده مشيخة برتي
مشيخة السليمانية
مشيخة العرب
مشيخة مناصير نهر عطبرة
شيخ العرب..محمد ود العمدة
شيخ الطلب... سليمان ود العمدة
أحمد ود سليمان عم العمدة.. محكمة استئناف وكان العمدة يستنير برايه
الحسن ود العمدة إدارة أعمال العمودية
علي خليفة ود الشونة شيخ الغفر.. ونائب رئيس لجنة الصلح
الحسن ود قمر الدين حجازي..كاتب المحكمة
يس صديق وكاره من شررى.. إستشارة الحسبة والفتاوي والشرع
وهنالك مشايخ فرعين لكل جزيرة. مثل الشيخ دبيليب شيخ جزيرة شرري.. وغيرو كثير..
مشيخة مناصير المحمية وما جاورها..( نزاعاتهم وهم في ارض الجعليين كانت ترد الى عموديتهم)
كل واحد من أولاد العمدة يدير مشيخة
حتى مشيخة برتي ناس سليمان ودقمر يديروها وهم في الاصل مشايخة وعندهم حق في السلمات..
فقط مشيخة السليمانية خارج العمد وذلك لشدة باس أولاد صبي.. جدود الدكتور عبد الله محمد سليمان
ديل أهل ناس نجلاء زمراوي وبلسم عضوات المنبر هنا.. وأهلنا نحن كمان.. حبوبتي أم ابوي من السليمانية إسمها زينب بت فرحين بت حمدين.بت صبي. ويلغبوها يقولوا ليها بت ود حتيله
العمدة ترك لهم جمع الطلب من النخيل والماشية وفي سنة تمردوا على العمودية ورفضوا يسجلوا الطلب في سجلات العمودية في السلمات..ولم يأكلوه ولكن وظفوه في تطوير المنطقة، وجابوا بيهو معديتين.. وبنوا بيهو ديوان كبير للمشيخة في الكييب.. لم يفعلوا ذلك إلا بعد أن وجدوا تعاطف من شيخ الطلب في السلمات. . وهو شقيق العمدة إسمو سليمان عثمان والد الأستاذ الحالي محمد سليمان عثمان.. نسيب دفعتنا علي حسن علي صديق.والد زوجته.
لم يتركهم الإنجليز.. العمدة اشتكاهم كلهم على المديرية في بربر.. بما فيهم أخوه سليمان..
جوا أخدوهم الإنجليز من البلد وسجنوهم في الدامر.. ومن الحكاوي التي يحكيها عمنا عثمان احمد سليمان ابن عم العمدة
قال دخلوهم زنزانة عشان يعترفوا.. وزمان ماكان في تعذيب جسدي وإنما إهانة ممكن..
جابوا ليهم( حنقوق قالوا ليهم شققوه.. وجابوا ليهم سعف قالوا ليهم اضفروه بروش) قالوا تولى الموضوع شقيق العمدة، وقال العسكري الحارسنا ده عبد المأمور لكن قالوا ليهو جيب لينا الزول الاصدر الأوامر دي.عايزنوا يورينا نشقق الحنقوق كبار والله صغار.. وقد وراهم سليمان ود العمدة خطته.. إنهم يقبضوه ويدخلوا ليهو الحنقوق في منطقة حساسة..
وفعلا الخواجة جاهم.. ودخل عليهم.. قبضوه جردوه من سلاحو.. وقال له سليمان ود العمدة( نحن نشقق الحنقوق يا كلب؟ وديهو لي أمك تشققو يا كافر يا نجس)؟وحاولوا يمسكوه فتكالب عليهم السجانة منعوهم ولكن مسكوا السلاح وصوبوه تجاه الجنود.. وقالوا لازم نقتل واحد وزي ما تجي تجي.. وظل معهم السلاح لغاية العمدة ما جاء من السلمات .. حتى بالليل قالوا الباقين ينوموا وثلاثة يمسكوا السلاح وواقفين وردية مساهرين.. والإنجليز كان بالهم طويل ويتماشوا مع الناس. ومصوبنوا تجاه الباب..
دخلوا الأجاويد وجاء العمدة من السلمات وعمل تسوية للقضية على يسددوا الطلب خلال خمس سنوات..وفكوهم..
أها السليمانية سميت الربع العاصي عشان الحاجات دي
برضو كانوا يفصلوا في القضايا ويحاكموا الناس بدون ما يرجعوا لراى السلمات ورأى العمدة الأخير..
ولكن صبر العمدة عليهم .وتنفيذ آرائهم مرات كثيرة جعل البلد لاتنشق ولا تحصل خلافات.. وهذه سياسة من العمدة نعمان
وفي النهاية جاء وفد صلح من مشيخة الربع العاصي وفد كبير وقالوا للعمدة والله نحنا موش مخالفين عموديتك لكن البلد بعيدي ومرات ما نقدر نجي
طيبوا خاتر العمدة فإعتمدآراءهم في القضايا وصاروا من يومها يحكموا بدون ما يرجعوا للسلمات.. والود ظل بينهم هم والعمودية وظلت البلد متماسكة..



صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف ابو مصطفى في الأربعاء 14 سبتمبر 2011, 8:35 pm

المنصوريات لا يطلقن لاهن شارع واحد والكلام البقولو الراجل ينفذنه بالحرف الواحد وهن دهب بنى شنقول زى ما قال خالى صديق







تخريمه :------------------



خالى صديق مبروكة العربية انشاء الله بالزيادة وبعدين عندما تاتى للسودان شوف واحدة معاك لى ود اختك وما تخاف القروش جاهزة





تحياتى

ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18299
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الأربعاء 14 سبتمبر 2011, 8:49 pm

حاضرين يا ابومصطفى لاي شئ

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 15 نوفمبر 2011, 6:45 am

طلاق الهجعة الما فيهو رجعة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: طلاق الهجعة

مُساهمة من طرف صديق عبدالله علي أبوحنة في الثلاثاء 15 نوفمبر 2011, 6:48 am

يكفينا شر الطلاق.. الكلمي دي ما بدورا تب!
ولا بهاظر بها
شن جاب الطلاق هسي دي يا مصباح
المنصوريي ما بيطلوقها
ولا بيدوها ورقتا
وما عندها ورقة
لأنها سدي بلادو

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى