الليل -الظلام- والقمر-فى اغانى المناصير والشايقية

يقول الله تعالى Sad

وجعلنا الليل لباسا* وجعلنا النهار معاشا)-

الليل دائما يكون للراحة والتأمل والتفكر-وكل انسان يبدأ يفكر ويتأمل فى اشياء كثيرة من بعدها يخلد للنوم-

الا ان هنالك من لايستطع النوم ممن لديه هموم كثيرة وافكار ولان الليل ينفرد فيه الانسان لنفسه لهدوئه بمعنى ان يكون مع نفسه وخاصة فى حالة الاستعداد للنوم-

كذلك ارتبط الليل بالظلام والسواد الا ان يكون ليلا مقمرا-وهذا الظلام تصف به اشياء كثيرة ففى الغزل يقال شعرها كالليل ونحنا عندنا فى عاميتنا مثلا يقال فلان دا عندو صيف او مريق زى الليل-وهكذا-

وعندنا كمناصير ايضا يذكر فى معظم الاغانى وفى شيلة الاغنية مثل :

الليل ليلنا الله ليل والليل ليلنا –

او اللينا الله الليل ليل ولينا

وزى ما يقول الخليجيون –دانا ودانا-

وفى معظم الاشعار جاء الليل وذكره للشخص الذى يكون مشغولا او لديه هموم -
عيسى بروى يقول :

شايل منام عينى حمانى انوم

شوفو دابو فريخ يعوم

الزول دا سهران ولاحظو عندما تزال الهموم -:

وداعا ياظلامى وياهمومى

كفاك سهاد خلاص عينى نومى

ومحمد كرم الله :

كان تعرف شنو البحصل لى وقت الليل يفلل

اردد اه واعقب اه

والدمعات تبلل

فدائما ما يلتجئ اليه الشخص المهموم ليشتكى اليه وليكون انيسه فعيسى ايضا يردد:

انا راجى حنك ياليل

وعثمان عبد العظيم يتغنى:

حبنى يالليل الغلابة وحبنى

حبنى واملانى فى جوفك هناك وضمنى

ومنهم من يعد النجوم ويطول به به التفكير الا نه يأنس الليل الا ان الشاعر عبد الله محمد خير اختلف عن الكل وقال :

واحد على ياليل تطول او لاتطول

ايه يعنى لو طلع الصباح خلانى راح

ما تانى بتخيم على ياليلى ياليل السجم

وهذا يتقارب مع بيت الشعر القائل :

الا ايها الليل الطويل الا انجل

بصبح وماالاصباح منك باجمل

وهذا ينقد الاثنين-

اما عند الصوفية فالليل للقيام والذكر فحاج الماحى قال :

بعد الليل ماجن

ناس ليلى جن

وايضا فى مدحة السراى –الجافو النوم وعقدوا الرأى –والبجرد الالفية وغيرها –

اما الليل المقمر –او القمر او( القمرا-القمره) بالعامية فالمجموعة التى تريد التفكير والتأمل والشكوى لليل واللجوء اليه لايردونه ان يكون ليلا مقمرا –الا ان عمر بن ابى ربيعة يخالف ذلك لاختلاف هدفه حين يقول:

وغاب قمير كنت اهوى غيوبه

وروح رعيان ونوم سمر

اما القمره وجمالها فهى للتفاؤل والجمال فى الغالب فيقال مثلا فى البلال:

الضو قمر عشرة

او: الضو جانا عابى

أو:

الشيلتو ماها هدوم

جاب القمر مرسوم

ويغنى عيسى بروى :

نوريها الدار(ة يانور الليالى

فرحينا واسعدى الناس ياغزالى

او قمر السبعتين وكتين ظهرته

او – القمر الظهر خليتنا يين ماشى (الشاى ابلبن)

نور للظلام ماخلا حته

كذلك التحسر على غيابه فقيل :

ياحيل دارنا بقت عقاب

واقف النجم القمر غاب

الا ان هنالك بعض الابيات ولصيغة المبالغة فى الوصف حدث العكس –سمعت من الفنان مخاص ابدوم يغنى اغنية لم اتعرف على شاعرها وهى فى غاية الروعة :

اتعبتى فكرى من الوصف لى قطعة واحدة فى مطلعك

ابديت محاولة النجوم مضت اعترافا لحضرتك

حتى القمر فكرت فيه

لكنو قرر ينصفك

نورو انطفأ وعم الظلام بقت المنورة وجنتك

وايضا اجمل بيت شعر اعجبنى فى القمر ما قيل فى مدح احدهم:

كالبدر افرط فى العلو

وضوئه للعصبة السارين جد قريب

والكلام كتير عن القمره-

لكن ارجع لدخول الليل اكثر ما ابيات قرأتها لوصف ذلك ما قاله الاستاذ السر عثمان الطيب فى قصيدته الشهيرة بت البلد حيث يقول :

لمان خلاص الليل دخل

واخر شعاع من الشمس روح نزل

ضو القميرا جا من بعيد بهر قدل

دافر ظلام الحلى قدامو وصل

وصف رائع وجميل

وبين الليل والقمر وبين الشعر والمديح توجد كثير من المعانى والمضامين والثقافة والقيم تبحث عن المنقب –

ان بقى الله مهل فى الايام جايي راجع -

القمرة لوجه الحسناء
والليل لشعرها، من شدة سواده
أو للمقل، والعيون وشدة سوادها وشدة بياض لونها

يا ليل طل
يا شوق دم
إني على الحالين صابر
لي فيك أجر مجاهد
لو صح أن الليل كافر
طرفي وطرف النجم فيك كلاهما ساه وساهر

يا ليل أبقا لى شاهد
على نار ناري وشجوني

الليل عند المناصير يعني الخلود للراحة ، بعد عناء يوم طويل من العمل المتواصل، والإستعداد بالسكينة ليوم جديد..
عشان كدة ينومو من الساعة تسعة
.................
سر الختم محمد علي بلل رحمه الله قال Sad

لساااااان العرب... يقدمه فراج الطيب.... قال أصلو يجي مع زمن النعسة، أقول كدي اتقلب، واقول لمفتاح الرادي طق... وأجر الملايي عليا.. وأجر النومة..
دحين يا سر الختم... دخلت الدشات في المناصير.. وهناك من يجرها لغاية الصباح.. وهذا الزخم الجديد اثر في الشباب
حديد الطيب السراج أخو فراج الطيب، وهو مدير التلفزيون سابقاً.. والآن محاضر في عدد من الجامعات السودانية وهو رجل دكتوراه في الإعلام المرئي، عندو بتو جارتنا في ابوظبي، تحكي عن والدها وعمها محبتهم الشديدة للأدب والشعر والفن.. وعندهم بالليل كل يوم خميس مجلس شعر في دارهم.. في اب روف بيتهم فاتح على النيل طوالي عزمتنا فيه مرة أنا واسرتي وحضرنا مجلسهم الليلي ده وشاركنا فيه. يستفيدوا من الليل في الاشعار..

الليل -الظلام- والقمر-فى اغانى المناصير والشايقية

الليل -الظلام- والقمر-فى اغانى المناصير والشايقية

رد: الليل -الظلام- والقمر-فى اغانى المناصير والشايقية

رد: الليل -الظلام- والقمر-فى اغانى المناصير والشايقية

رد: الليل -الظلام- والقمر-فى اغانى المناصير والشايقية

رد: الليل -الظلام- والقمر-فى اغانى المناصير والشايقية