دوبيت

باب الحب فتحتو يا قلبى حاسب تاقو

إذا كان إنت براك يا الرشيد فتحتا باب الحب براك.. عاد تاني قلبك يحاسب كيف ويتاقيهو؟راح يكون القلب ضحية للشئ الفتحتو إنت ده؟
ما خلاص قلبك بيكون ورط في الحب؟
وحب الكبار قالوا معتق يا الرشيد وحلاتو خلاقي..

كل ما يندمل جرحو يعود لفتاقو

طبعاً راح يظل كدة، لغاية ما يكتل صاحبو؟
أو يجمع بي ضالتو

ارواح بتشهق وكم نفوسا تاقو

تشهق على شنو؟ الأرواح دي يا الرشيد؟
والنفوس تاقت على شنو؟
إن شاء الله يكون شيتاً حلال؟

حكمة ربنا نشتاق وما يشتاقو

يعني ريدة من طرف واحد؟
وغالباً ما تكون منك إنت بس؟
موضوعك مخستق يا الرشيد..
الرشيد إنت دخلت موجة الحب دي والله شنو؟
مالك مع العيد ده؟ شايلاك الهاشميي؟
يارب تلطف على أخوانا
وقادة المنتدي؟
واحد بي هناك كمان من قادة المنتدى، مباري قناة قوون والبرنامج بتاع المذيعة ديك الما شاء الله عليها، في رمضان؟
يقعد يصنقر يحرس برنامجا في رمضان لاصلاة لا أجر.. وهي تروح في حالا بعد برنامجا وهو يروح في حالو؟
هكذا وصلنا الخبر الطازج؟ وزول ما ساهل كمان ... زول بي رتبة وظيفية كبيرة شديد.. بس الشئ البيعجب إنو لسه ما عندو حكومة؟ الزول ده؟
يعني في حل من أمره

إنت عارف يا الرشيد.. بس ربنا نجاك ساكت من الكاميرا الخفية في العيد. بس الرقم وقتها كان في موبايل تاني. بعيد منى شوية؟
وتاني النومة والحكاية اتكشفت زي ما قلتا؟
ويس مصطفى طبعاً.كان حا يعرفني ، عشان كدة ما اتصلت عليهو؟

أما الأشعار التاني دي بتاعة الكتل والضرب.. ما عندها مجال في العيد..
هذا الشرح السابق يا الرشيد، هو من باب تجريد معاني الأغاني

الحبيب الرشيد سلام يارائع والتحية لضيفك الباشمهندس وأنا جيتك وانت عارف انا من المعجبين بمسادير الشاعر الكبير عكير وأنا اعتبره من أفحل الشعراء السودانيين .ما تجى نغير عنوان البوست نسميه مسادير من البادية وخلى الباقى على .



يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم?? تلبي
هب الريد تلبي و عاودك الحنين يا قلبي


مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني

الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا



يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك


عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري

أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن


عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني

عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،م ناري كنت حرقت
و لو ما ناري من كترت دموعي غرقت
***********************************************
ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
هو يسوى الغلط وانا اسوي كتر خيرو

وده عمكم ود ضحويه قال:
انا التوب العشاري الباهي زيقو
انا الدابي ان قنص للزول يعيقو
انا الجدري ان نزل في الحي يحيقو
انا فرج الرجال وكتين يضيقو
وانا المامون على بنوت فريقو

هذه مجادعة شعرية حدثت بين الشاعر ودشورانى والشاعر الصادق فى منزل احدى البنات وهى تعد لهم القهوة .