المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الرهوفي باللبن

+10
عبد الغني نصر الدين
علي الكليس
النفر
yousif
خالد عابدين
(الحاج شرف)
م بروي
اميره الحومرى
ود المناصير
مصباح محمد مصباح
14 مشترك

اذهب الى الأسفل

الرهوفي باللبن Empty الرهوفي باللبن

مُساهمة من طرف مصباح محمد مصباح السبت 20 أغسطس 2011, 6:31 pm

ما أحلى الرهوفي باللبن. إن كلمة الرهوفي هذه تذكرنا بالكثير ، وكلمة رهوفي تعني الرقيق (الرهيف) ناس بلدنا يقولوا للشئ الشفاف (رهيف) ومن هنا أتت كلمة الرهوفي . وقد وردت في قاموس الرائد لجبران مسعود وهو من القواميس اللغوية : رهف ، يرهف رهفا: السيف أو نحوه رققه حدده أي جعله حاد. ورهُف يرهُف رهافة ورهفا الشئ : رق ولطف (رهف حسه) . والكلمة ليست دارجة كما يعتقد البعض . ويسميه الكثيرين الفطير، والفطير طبعا عكس الحامض ( الكسرة).

فالرهوفي باللبن كان في المناصير لا يظهر إلا في رمضان وفي العيدين وكانت له نكهة خاصة في يوم العيد تجد الرهوفي باللبن (الحليب) كما يحلو لسكان الخليج أن يسموه بهذا الاسم رغم وروده في القرآن بكلمة لبن( من بين فرث ودم لبنا صائغا خالصا للشاربين) . وخاصة عندما تكون يدك محننة وكان الناس يحنون الصغار في العيدين وبالأخص الذين سيختنون في العيدين إنها والله رائحة زكية تختلط رائحة الفطير مع اللبن مع السمن مع الحناء إنها والله كانت رائحة طيبة وتذكرك بالعيد.وقد كان أخونا صديق الشيح رحمه الله حريصا على إحياء هذه السنة وهو في الرياض بالسعودية لعشرات السنين حيث كان يذهب إليه المناصير يوم العيد الصباح لأكل الرهوفي باللبن مع السمن صباح العيد وقد كانت زوجته أم حسام تجيد الرهوفي باللبن. كما كان الرهوفي باللبن سحور معظم المناصير وقد ذكرت هذا في بوست آخر.

كما أن الرهوفي (الفطير) كان يحل مكان الخبز (الرغيف ) الآن حيث كانت تزين به الصينية في البوش حيث يوضع الرهوفي (فطير القمح) فوق الكثرة في الصينية وما أحلى صينة الباشي والتي كانت تتكون من الملوخية المفرومة مطبوخة، والدمعة التخينة فيها عجين شوية وفيها لحيمات، وصحن اللحم الناشف فيه تكاع وكمان الكسرة المرة وصحن فيه رز وكستر . هكذا كانت صينية الباشي وما أحلى تلك الأكلة التي يعقبها الاتجاه للكشف لدفع العانة كما يسمونها. فما أحلى الرهوفي الذي كان يعمل من قمح البلد الأصلي المنورق بالحمير والذي لم تلامسه مواد حافظة ولم يلمسه السماد وهو زرع فقد كان السماد طبيعي ويا حليل أيام زمان.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 29596
تاريخ التسجيل : 14/08/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف ود المناصير السبت 20 أغسطس 2011, 6:52 pm

دكتور مصباح ... سلام ... وسلامة العودة والأوبة

لك الشكر وانت تتحفنا بما نسينا أو كدنا

ولكن الرهوفي باللبن لا ينساه إلا من لم يتذوقه وهذا في رأي حرم خيرا كثيرا

ونحن حتى في المدن نشتهييه ثم نأتي بقمح غير مقشور لنتذوق تلكم المتعة ...

وتبقى فائدة القمح الذي على هيئته الأصلية يعني لم يقشر كبيرة ورهيبة

قبل سنوات ... ذهبت بابنتي لطبيب أطفال وكانت تأبى الطعام وتندت نسبة دمها كثيرا

الطبيب الشاطر مع العلاج طلب مني ان ادقق قمح دون ان اقشره واعمل لها رهوفي باللبن

وايضا بليلة عدسية وقال لي لو استمرت على هذا الطعام 15 يوم لن تعود لطبيب قط

وصدق فيما قال

وهناك قبيلة كالحلفاويين يحبون الرهوفي كثيرا ويسمونه السلابية وهي من اعظم الأكلات عندهم

واتذكر كنا معزومين في رمضان فطور مع واحد من اصحابنا من الابيض وكان الفطور كله عصيدة

عمنا حلفاوي كبير كان معانا ظل يسأل يا اخوانا وين الفتور دا .. دا إيه دا ؟

وقال الفطور لو ما سلابية بدمعة أو قراصة ما يبقاش فطور

لك التحية دكتور مصباح
ود المناصير
ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 34187
تاريخ التسجيل : 06/04/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف اميره الحومرى السبت 20 أغسطس 2011, 7:42 pm

دكتور مصباح

مباركه عليك العشر الاواخر

وربنا يجعلنا من عتقا هذا الشهر الكريم

وبالنسبه للرهوفى دا نحنا ما بينقطع مننا وحمد لله ماشين على الدرب

لانو جميل جدا خاصه فى رمضان لما يكون عشاء لانو بيقطع العطش

وهسى انا مجهزا الرهوفى قلتا شيخ مصباح دا يجى عمره رمضان ويقوم يقشانى بجاى

وتقبل مرورى
اميره الحومرى
اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 25296
تاريخ التسجيل : 24/05/2011

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف م بروي السبت 20 أغسطس 2011, 8:40 pm

ياسلام يا مصباح على هذا النضم الرهيف
برضو الرهوفي بالسليقه سمح
في الإجازة دي تلقى في الصينية
عيش وتحتو طرقات كسره
تجي تاكل في الكسره الشفع
يخلو الرغيف ويجابدوا معاك في الكسره
مشكور يازعيم
م بروي
م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 32372
تاريخ التسجيل : 24/04/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف مصباح محمد مصباح الأحد 21 أغسطس 2011, 4:55 pm

الإخوان المتداخلون والمعلقون ود المناصير وأميرة الحومري ومحمد بروي لكم التحية .وياريت يا أميرة ربنا يرفع قدمنا ونغشاكم في الخاصرة لأني عارف أبومحمد بحب الفطير باللبن لأنه صديق الشيخ ابن عمه (وطبعا ناس الكدسة ديل بحبوا اللبن) عذرا على هذا الاعتراض. وبصراحة أنا من الناس البحبوا اللبن كثير وقد كنت لا أتعشى إلا باللبن حتى اغترابي للسعودية . وطبعا ناس أم لقاديب (المناصير) مشهورين بسعاية الغنم واللبن عندهم كثير وقد علق أخونا حسن ما على هذا بقوله: ( العاوز الرهوفي باللبن يمشي خلوة المناصير) . وللمعلومية لا تلتبس عليكم كلمة المناصير ونحن جدنا اسمه المنصور عشان كده أصبحوا يطلقوا على هذه العائلة المناصير وكما ذكرت في بوست سابق أنه علي ودالمنصور جدا الكثير من أعضاء المنتدى. ونحن دائما في خلوتنا نتعشي بالرهوفي باللبن طيلة أيام السنة والحمد لله . وقد ذكر خالنا الشاذلي (علي سليمان) والد أخونا الاستاذ فريد (أحمد علي سليمان) أنه في آخر رمضان يغسل يديه بالصابونة من رائحة الفطير واللبن.الفطير باللبن كما ذكره أخونا ود المناصير علاج لجميع الأمراض نظرا لاحتواء القمح على مواد غذائية وكذلك اللبن الطازج خاصة إذا كان معه سمن. الرهوفي باللبن افتقدته في هذه الإجازة حيث ذهبت للبلد ولم أجد الرهوفي كما لم أجد الكثير وكله بسبب الخزان والغراق الذي بدل كثيرا من طبيعة المناصير والحمد لله على كل حال وربنا يعوض أهلنا المناصير كثيرا مم فقدوه..

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 29596
تاريخ التسجيل : 14/08/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف (الحاج شرف) الأحد 21 أغسطس 2011, 5:42 pm

هل تصدق يادكتور كنت فى رحله الباسقات قد اقترحت على بعض الاخوان ان نعيد الناس الى العهد القديم ونفاجئهم با يكون الغداء دمعه وفطير ولحم ناشف وكسره
وفعلا اتفقت مع بعض النساء بام ضريوه لاقوم بتوزيع الدقيق لهم للعواسه
ولكن تدخل المتمدنون من اولادنا ساكنى ام درمان وافشلوا المخطط
[ندعوك للتسجيل في المنتدى أو التعريف بنفسك لمعاينة هذه الصورة]
اتفضل معانا فطور العيد يادكتور
(الحاج شرف)
(الحاج شرف)
اداري
اداري

الأوسمة مشرف المنتدى العام
الرهوفي باللبن Do


احترام قوانين المنتدى : 100

عدد المساهمات : 1785
نقاط : 30414
تاريخ التسجيل : 22/04/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف خالد عابدين الأحد 21 أغسطس 2011, 9:25 pm

شكرا دكتور المصباح ورمضان كريم عليك وربنا يجعلنا من عتقائة

مالك داير تجوعنا وتخلينا نتمطق - ياحلات الفطير باللبن والحمدلله لازلنا ندوام عليه هنا في البندر بين الحين والآخر وحتى أحيانا في سحور رمضان هذا فقط أحيانا لاتجد القمح المضمون 100% قمح دقاق ومدقق فوق قمح

رجل من أعيان ومشايخة المناصير رجل كريم ومشهور جدا - ديوانه فاتح للغاشي والداني
قبل تلاتة سنوات تقريبا والدنيا رمضان جاهو ضيف منصوري لكن خارج في سبيل الله وعندو شوية دروشة يتكلم على كيفو
الراجل فطر فطور المغرب واتعشا في الديوان مع صاحب البيت وعند السحور شيخنا جاهو شايل صحنو مليان بالفطير واللبن أكلو تب لامن فضلت (الركوكي ) اتعازمو فيها صاحبنا حلف على الضيف يشرب باقي اللبينة ومعاها الركرك ويحسن الصحن
عند صلاة الضهر والنهار غائظ والجو سموم - جاء الشيخ صاحب البيت عشان يملأ أزيار الديوان ويرشهن ويتوضأ للصلاة - كان بلا يلقى الضيف قاعد في المزيرة ويشرب ساااكت في الموية
قال له يازول ؟ ده شنو إنت فاطر كمان ؟
الضيف - رد عليه : يازول مالك علي اصوم أفطر علي كيفي - رمضان هولك كمان ؟
شيخنا رد بغضب متذكرا السحور مع الضيف : أيوا الله رمضان ماهو هولي - لكن ياود اللزينا الركرك الشاربو الدغش داك هولي - يالله قدامي بي هني

شكرا د مصباح والاخوة المعقبين
خالد عابدين
خالد عابدين
Admin
Admin

احترام قوانين المنتدى : 100

عدد المساهمات : 2564
نقاط : 32387
تاريخ التسجيل : 22/03/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف yousif الأحد 21 أغسطس 2011, 10:21 pm

بعد التحيه أهلي : الله الله علي الرهوفي باللبن بالسمن ,,,للذين لم يتذوقوها تعادل الفطيره المصريه ....ياإلهي الفطير حقو تفرد له مساحه كبيره لأنه من الاكلات غير معروفه في بقية البلدان وهو قيمه غذائيه كبري وهو يتكون من القمح غير المقشور حيث يحتوي علي كميه من الالياف والفايتمين والدهون أضافه إلي النشويات ,,,قلت كيف يا مدير الركوكي حق منو ...لاتنسو القريض مع شاي المغرب وانت جاي من المويه ويكون ناشف حبه ياالله يشهي ويقهي ,,,,,,,,,,,,,
yousif
yousif
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 424
نقاط : 26500
تاريخ التسجيل : 02/04/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف النفر الأحد 21 أغسطس 2011, 10:45 pm

التحايا للإخوة المتداخليين وصاحب البوست د/ مصباح _ الرهوفى مع اللبن وعليه جنيد وخيط وجبة متكاملة وزمان أهلنا من كترة ريدتن للرهوفى حرفوا مدحة أولاد الماحى شوقك شوى الضمير الى شوقك شوى الضمير وأطراك مناى أطير وبحبك من صغير بريدك يا الفطير _
لكم تحياتى وتقبلوا مرورى ،،،
النفر
النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 33847
تاريخ التسجيل : 08/06/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف اميره الحومرى الأحد 21 أغسطس 2011, 10:53 pm

شيخنا مصباح

سلام

قتليا (الكدسه) او مره منذ ان دخلت الاسره دى انتبه للرابط ومن قبيل اضحك فى ابو محمد

الظاهر علاقتك مع المرحوم جعلتك تعرف عن الاسره دى كتر منى

امبارح تعبنا العلامه اب حنه فى شرح قصيده اخونا الهادى

واليوم عندنا ليك طلب زى مابديت فى اكل رمضان والعيد

رايك شنو تشيل صحن رهوفيك دا

وتكتب لينا عن (الرحمتات) لانو بيكون عاده فى رمضان فى البلد

وتودى الصحنيين بهناك فى مطبخ المنصوريه
اميره الحومرى
اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 25296
تاريخ التسجيل : 24/05/2011

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف علي الكليس الإثنين 22 أغسطس 2011, 4:31 pm

عووووووووك يا دكتور مصباح من منا لايحب الرهوفي باللبن والقراصه المصنوعه بالرضاف بالسليقه وملاح الورق البايت بالقراصه في الفطور والكسري البايتي لما تكب فوقها شايك من الصباح والدقه مع عقاب الكسره في السروح ساعة الجوعه والشلمبي المحرق فوق الشوك وحتي كما الكسره المره بالملح والشطه والبصل وفوقها شريط زيت لما تكون طالع من العوم وجوعان وده كله مع الصحه والعافيه والذكريات دايما جميله
ولكن الا تتفق معي يادكتور ان جسمنا الان عليل ويحتاج الي لتشخيص دقيق لمعرفة الداء ومن ثم يحتاج لجراح ماهر لعلاجه وابناؤه هم الاقدر علي ذالك نريد ان نري مقترحاتكم واراؤكم ووجهة نظركم في كل مايجري خاصه وقد زرتم البلد ورايتم ماحل بها والماسي التي يعيشها الناس.والتفلت الذي يمكن ان ينشأبين المغادرين والجالسين وعندنا لجنه نايمه في العسل وهي جزء من اللعبه كلها خاصه وقد صرح رئيسها انه وصل لطريق مسدود وبلرغم من ذالك لم يجمع مجلسه ليخطره بذالك لان الامر ليس بيده وكما رايت ان الاخ الخبير ومعه مجموعه كبيره من الشباب غير راضين بهذا الوضع ويعتبرون ان جيلنا هذا هو من اضاع القضيه ويشتكون من ان الناس في المنتدي لا يشاركونهم هذا الهم
اخي مصباح دعونا نسوي الصفقه دنقير في قضيتنا دي وبعدين نجي لرهوفيك ناكلوابالصحه والعافيه وارجو ان لاتبخل انت واخوانك من الكوكبه النيره في هذا المنتدي بارائكم ومقترحاتكم للخروج من هذا النفق الضيق


تحياتي وربنا يتقبل الصيام والقيام
علي الكليس
علي الكليس
عضو ماسي
عضو ماسي

احترام قوانين المنتدى : 75

عدد المساهمات : 2898
نقاط : 28520
تاريخ التسجيل : 29/06/2011

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف مصباح محمد مصباح الإثنين 22 أغسطس 2011, 4:54 pm

الأخ علي الكليس عشر مباركات وتقبل الله منا ومنكم الصيام والقيام ويبدو أن حاكومتك ما قاعد تسوي لك الرهوفي باللبن وبدأت تسرد ذكريات الصبا والأكلات الطبيعية والطازجة مثل الشلمبي المشوي بالحطب الرقاق المليان شوك والرهوفي باللبن ده ضروري شوية وهدد بإسقاط النظام إذا لم يستجاب لك.

أما بخصوص طلبك والخوض في مشكلات البلد واللجان فهذه من المشكلات العويصة وأنا ألخصها لك في جملة بسيطة وهي فشل لجاننا من أولها إلى آخرها في إدارة الأزمة والآن ظهر علم جديد يدرس في كليات الإدارة في الجامعات يسمى إدارة الأزمات. لجاننا لم ترق إلى المستوى وتعاملت مع الأزمة بعوفية وطيبة المناصير وكانت نهاية المباراة (لاحظ أنك تلعب مع فريق خصم عنيد) 12/صفر لصالح الفريق الثاني. هذا ماحدث وليس المهم ولكن الأهم الآن كيف المخرج من هذه الأزمة إلى بر الأمان وأخذ الحقوق من غير نقصان.

والله يا أخ علي بصراحة الواحد لا يستطيع أن يدلي بدلوه ما لم يمتلك المعلومة الصحيحة ودراسة مجريات الأزمة وبصراحة أنا معلوماتي ضعيفة جدا لأني كنت مشغول بأمور الدراسة ولكن هذا لا يعفيني عن مشكلة أهلنا المناصير وسنحاول أن نجمع معلومات وعلى ضوئها ندلي بدلونا. .

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 29596
تاريخ التسجيل : 14/08/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف علي الكليس الإثنين 22 أغسطس 2011, 5:20 pm

شكرا اخي مصباح ردك فيما يخص موضوع البلد مقنع وفعلا امتلاك المعلومه مهم جدا وارجو ان تمتلكها في الايام القادمه عبر المنتدي وغيره والمناصير تحتاج لاراء كل ابناءها وخاصه القامات امثالكم
وبعدين بالنسه للرهوفي باللبن نحن متزوجين من مناصير لندن لكن يامصباح رأيك شنو في المندي والمظبي اسع عملوا ليه مطاعم خاصه هنا انت بس كاتلك الحنين ساكت
تحياتي وتقديري واحترامي
علي الكليس
علي الكليس
عضو ماسي
عضو ماسي

احترام قوانين المنتدى : 75

عدد المساهمات : 2898
نقاط : 28520
تاريخ التسجيل : 29/06/2011

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف عبد الغني نصر الدين الإثنين 22 أغسطس 2011, 7:08 pm

خلاص يا جماعة الشيخ مصباح اتفرغ ليكم ....... هاك الرهوفي دا



يس يا شيخنا وين الوقت البي نقرا في كلامكم السمح دا وانت والباشمهندس صديق ما شاء الله عاوز لهه قعدة مع كاسة قهوة من الرفاعي



الله يقدرنا

وتقبلوا مروري ورمضان كريم



جزاكم الله خير
عبد الغني نصر الدين
عبد الغني نصر الدين
عضو ذهبي
عضو ذهبي

احترام قوانين المنتدى : 100

عدد المساهمات : 1126
نقاط : 27903
تاريخ التسجيل : 15/07/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف مصباح محمد مصباح الثلاثاء 23 أغسطس 2011, 6:50 pm

الرهوفي باللبن معاكم حتى يوم العيد وفي ذلك اليوم المتعة بالرهوفي باللبن . الرهوفي ده يا جماعة يأكل مع كل الملحات (الإدامات) كما يسميها أهل الخليج. ما أحلى الرهوفي مع العدس الأبيض الخالي من الصلصة ولي مع هذه الوجبة ذكريات ففي سبعينات القرن الماضي حيث كنا طلاب ندرس في مدرسة كريمة الثانوية وكانت دفعة كبيرة من أولاد المناصير وذلك قبل أن تأسس مدرسة أبي حمد الثانوية أو مايسميها بعض الناس (مقبرة أولاد المناصير) حيث كانت نقطة تدمير لأولاد المناصير حيث يحرزون نتائج باهرة في امتحان المتوسطة ويفشلون في دخول الجامعات. هذا ليس المهم كان من دفعتنا العباقرة عمر الدمري وسليمان جودي وفريد والنفر ومحمد بابكر عمر وزملاء كثيرين ولكن قصتي كانت مع الاستاذ أبو محمد عمر الدمري حيث كنا نسافر بالقطار إلى كريمة وتعطل بنا القطار قرب محطة الدغفلي يادوب نشوف المحطة من بعيد وتأخر وصول الإمداد للقطار ومسكتنا ليك جوعة شديدة والدنيا كانت برد. ولحسن الحظ كانت أخت عمر الدمري تعيش مع زوجها في تلك المحطة فذهبت مع الأخ عمر مشيا بالأقدام مسافة طويلة حتى وصلنا منزل أخته وهنالك رحب بنا أهل البيت ، وبعد شوية أشم لك رائحة الفطير وجاءتنا السفرة وبها عدس أبيض مع الرهوفي صدقوني أكلت أكلة لا أنساها أبدا وما زلت أدعو لهذه المرأة وأكون حريصا دائما أن أسلم عليها في الإجازات ولحسن الحظ قابلتها في هذه الإجازة . إنه الرهوفي يمشي مع كل الملحات مع الملح وما أحلاه مع دمعة الدجاج وسليقة الرأس . ويا مغصة ما أكل الرهوفي ودائما مع الرغيف وما أدراك ما الرغيف.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 29596
تاريخ التسجيل : 14/08/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف صديق عبدالله علي أبوحنة الثلاثاء 23 أغسطس 2011, 7:21 pm

الناس ديل كلهم هنا جابن الرهوفي والله شنو؟
احلى حاجة في الرهوفي إنو يكون فيهو خيت سمن كدة من فوق..
وتاني أحلى مافيهو إنو يكون لبنو مخلوت.. غنم وماعز مفور مع بعض..
واحلى حاجة فيهو يكون سكرو موزون
,احلى ما فيهو يتكبا عليهو اللبن حااار يهردوا هرد. ويخلوه شوية يبرد قدر ما تستحملو اليد وياكلوه.. والله أصلو مابين الخس والخلوة بيكون وصل للسخانة البي تستحملا اليد..
وأحلى ما فيهو( الحوروكريك) البي يفضل ويتبادلوه الناس شطف بي حرف الصحن
واحلى ما فيهو إنو يكون دقيقو فاكين ليهو الحجر.. حجر الطاحونة
واحلى ما فيه يكون شوية فيهو خمشة دقيق مريق ابيض بتاع البلد اب حبة بيضا وسغيري.. موش مريق الصعيد الأحمر الغلاد.. داك يخربو..هذا بالإضافة الى أن جل دقيقه من القمح البلدي الأحمر اب حبة دقاقة
يسلم دكتور مصباح على الروعة
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 45035
تاريخ التسجيل : 14/07/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف انتصار حجازي الأربعاء 24 أغسطس 2011, 4:36 am

دكتور مصباح سلام

ورمضان كريم

ما شاء الله اتحفتنا فى رمضان باكلات منصورية رهيييبة



صراحه شوقتنا نقوم نعملا فى رمضان دا ونتسحر بيها





شيخ مصباح

اميرة الحومري قالت شنوووو





اميره الحومرى كتب:

شيخنا مصباح

سلام

واليوم عندنا ليك طلب زى مابديت فى اكل رمضان والعيد

رايك شنو تشيل صحن رهوفيك دا

وتكتب لينا عن (الرحمتات) لانو بيكون عاده فى رمضان فى البلد

وتودى الصحنيين بهناك فى مطبخ المنصوريه




اها هسة يا خوي صحانتك الحلوة دي

والله مكانها قسم المراة .. مطبخ بت بلدك

علشان تعم الفائدة ولسهولة البحث والتنظيم بعدين



فرايك شنو بعد رمضان نخلى مشرف القسم ينقلها هناك
انتصار حجازي
انتصار حجازي
مشرف
مشرف

الأوسمة مشرف منتدى المرأة والأسرة

احترام قوانين المنتدى : 100

عدد المساهمات : 1668
نقاط : 28227
تاريخ التسجيل : 19/01/2011

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف نورالهادى الأربعاء 24 أغسطس 2011, 5:06 am

الخال مصباح رمضان كريم وكل سنة وانت طيب والرهوفى باللبن هيج فينا الحنين الى البلد وهنالك فرق بين رهوفى البندر ورهوفى البلد فخالنا صديق ابوشعر كانت عنده مقولة يقول رهوفى القرقريبة أحسن منه العيش باللبن وطول الفترة التى سكنت فيها معه كان دائما يتعشى رهوفى باللبن فلا أدرى هل مازال مواصل على الرهوفى باللبن ام تغير الحال .

تحياتى لك وللاسرة الكريمة وكل سنة وانتم بخير .
نورالهادى
نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 39848
تاريخ التسجيل : 11/05/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف يس مصطفي الأربعاء 24 أغسطس 2011, 6:28 am

لك التحيه يادكتور ولكل المتداخلين نحن غايتو معانا الوالده والرهوفي باللبن تب ماقطعنا منو بس اللبن زي ماقال الحاج ماهو حق ضان او ماعز الموضوع مهم جدا والاهميه تجي في ان الرهوفي باللبن منصوريه ميه ميه مااظن في ناس معانا فيها
ولكن تدخل المتمدنون من اولادنا ساكنى ام درمان وافشلوا المخطط
الحمد لله البقينا من سكان السروجيه بحري ماليهم حق كان تستعين بينا ياحاج
يس مصطفي
يس مصطفي
نائب المدير العام
نائب المدير العام

الأوسمة مشرف المنتدى الاسلامي

احترام قوانين المنتدى : 100

عدد المساهمات : 1273
نقاط : 28960
تاريخ التسجيل : 04/05/2010
العمر : 45

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف مصباح محمد مصباح الأربعاء 24 أغسطس 2011, 6:09 pm

الأخوان صديق أبوحنه والرائعة انتصار حجازي والإداري الشهم يسن مصطفى ولابن الأخت نور الهادي نشكركم على المداخلة ويا صديق دائما تعليقك يسدد الفريقات الصغار يسمونه الكمام وكما قال عمنا حسن الكاب رحمه الله الأكلة السمحة تلقى لها فجيج مثل حب الدخن فكلامك وتعليقك سوف يجد له فجيج زادك الله علما. ويا أخت انتصار ما عندي مانع أن ينقل هذا البوست إلى المكان المناسب الذي ترونه مناسب ليستفيد الجميع. ويا أخ يسن ربنا يطيل عمر الوالدة وخليها تدرب أم العيال كويس، ولابن الأخت نورالهادي رمضان كريم وتحياتنا لبنت الأخت وللأولاد طبعا العشاء بالبن مازال خالك صديق مداوم عليه ولكن بالرغيف.

الرهوفي فعلا مما تختص به المناصير . كنا مرة مسافرين من البلد باللوري أيام ما كان يأخذ يومين في الطريق بيتنا قريب شندي والسواق كان جعلي وحلف على الناس لا زم يغشوا بيته وفعلا ذهبنا في الصباح الباكر والراجل جاب الشاي وبعد شوية شفنا دخاخين العواسة والذبيحة وغيره وكنا متلهفين للقراصة أو الرهوفي بالدمعة فإذا بالفطور يكون بكسرة مرة فتيريته تخيلوا الساعة 7 صباحا والواحد يأكل في كسرة مرة . وكمان ناس الجزيرة ذهبت لها مرات عديدة فإذا بالفطور بالكسرة المرة وفي الجزيرة سعر القمح أرخص من الذرة وعمره في المناصير ما كان القمح أرخص من الذرة ودائما أتذكر قولة الأعرابي ود بوشابية الشهيرة (قال القمح لو ماوزنوه في الميزان ما أعطوه حقه) وأنا أقصد هنا رهوفي القمح وليس رهوفي (دقيق الفينا) كان الرهوفي أيام البوش يوزع على نساء القرية عشان يعوسوا الفطير وما أجمله عندما يكون ناشف ويتقرمش ومن غير ملاح. وأحلى وجبة للرهوفي آكلها هي الرهوفي بالسمن والسكر فقط. وقد سئل الأكول أشعب كما درسنا زمان أيهما ألذ يا أشعب (الفطير باللبن أم الأرز بالسمن والسكر ) فأجاب لابد أن أذوق طعمهما حتى آكلهما. لكم تحياتي ونتمنى أن تأكلوا الرهوفي في هذا العيد.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 29596
تاريخ التسجيل : 14/08/2010

الرجوع الى أعلى الصفحة اذهب الى الأسفل

الرهوفي باللبن Empty رد: الرهوفي باللبن

مُساهمة من طرف (الحاج شرف) الأربعاء 24 أغسطس 2011, 6:31 pm

الموضوع ده لابد ان يكتب عليه ممنوع الدخول نهارا
او الصائمون يمتنعون
نعمل شنو نمشى الطاحونه من اليوم ونستعد للعيد
(الحاج شرف)
(الحاج شرف)
اداري
اداري

الأوسمة مشرف المنتدى العام
الرهوفي باللبن Do


احترام قوانين المنتدى : 100

عدد المساهمات : 1785
نقاط : 30414
تاريخ التسجيل : 22/04/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى