المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

حمار منصوري ولا الكاروري

استعرض الموضوع السابق استعرض الموضوع التالي اذهب الى الأسفل

حمار منصوري ولا الكاروري

مُساهمة من طرف محمد حبيب بشير هبرم في الجمعة 12 أغسطس 2011, 12:37 pm

بعض الناس تجمعك بهم الصدف ولا تستطيع ان تتنبأ بمستقبلهم في الحياة وأين ستقذف بهم الأقدار.. قد تجمعك الأقدار بشخص وقد لا تقابله بعد ذلك في حياتك كلها.. وقد تجمعك بشخص وتكون مستقبل حياتك مربوط بوجوده وأنت لا تعلم لحظتها أن هذا الشخص سيكون له شأن عظيم.. بل كل حساباتك تنحصر في أنه سيكون صديق تحتفظ معه بذكريات جميلة أو سيئه تتذكرها كل ما قابلك ثم تنصرف بعد ذلك لمشاغل الحياة اليومية..

من هذه الشخصيات التي تعرفت عليها قديماًونحن طلبة بالثانوي وفي أثناء حضوري للخرطوم في مهمة انسانية تتعلق بعلاج أخونا حسين الشيخ من أولاد أمكي بالرباطاب فقد فقد بصره وهو صغير .. ونحن في اتحاد أبوحمد الثانويه آلينا علي أنفسنا أن نسعي لأسترداد بصره ما أمكن.. ونزلنا بالبركس مع قريبه بدر الدين أحمد أبراهيم وقد تعرفنا علي كثير من طلبة الجامعات وقتها ومن ضمن هؤلاء الطالب بالفرع أحمد محمد محمد صادق الكاروري وتوطدت العلاقة فيما بعد بحكم القرابة الفكريه والمشرب الواحد... ويدور الزمان دورته ويكون ذاك الطالب هو المسؤول عن أهم ملف في الدولة ( من وجهة نظري) وهو تهجير أهلي المناصير !!! وطرحت له وجهة نظر أهلنا ولكن هو لم يعبأ بما نقول...وأختلفنا أختلافاً بيناً وناصبت سياساته العداء .. أما هو كشخص فكنت أحتفظ بمساحة تسمح بالتلاقي والمجاملة في المناسبات الاجتماعية .. وكل ما تقابلنا في مناسبة أجتماعية نشكو بعضنا بعضاً للطرف الثالث وألومه بشدة لأنه في تقديري ينفذ سياسة شارون في أهله المناصير (لأنه في أثناء تلاومنا كان يقول أنت المناصير ديل أهلك براك أنا زاتو حبوبتي من برتي) هذا ما جعل أهلي المناصير يهتفون في غمرة حماسهم بهتافات سالبه كان يستغلها في دفوعاته ويتقرب بها الي رؤسائه وقد وظفها في ذلك أيما توظيف حتي صرت كل ما أقابل أحداً من أولئك يهتف مستهتراً (حمار منصوري ولا الكاروري)..

في نهاية الأسبوع المنصرم وأنا نازل من طائرة الخطوط العربية عائد من رحلة قصيرة لدبي أتصل عليي صديق مشترك وقال لي ما زلتم ترددون في تجمعاتكم هتافاتكم القديمه (أنتو أصلو ما بتمشو لا قدام ..فقلت مستنكراً كيف !!! قال لي أتصل علي الكاروري وقال لي ناس صاحبك محمد حبيب ما زالوا يرددون (حمار منصوري ولا الكاروري) وذلك في لقاء لهم في هذا الاسبوع . قلت له مازحاً ما لقينا هتاف جديد لأنه لا علاقة لنا بناس المراسم بالقصر الجمهوري

ولكن بيني وبين نفسي أتغظت من أهلي الذين يهدوا المبررات لأعدائهم

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف صديق عبدالله علي أبوحنة في الجمعة 12 أغسطس 2011, 2:02 pm


موضوع عملي هادي. علاجي.. رصين
في الأول شفتا عنوان الموضوع راسي اتشطب.. قلتا الزول ده قال كدي مالو في الزول ده وكمان في نهار رمضان.. لكن بعد قريت الموضوع. لقيتو موضوع عملي..
الزول الفقد بصرو ده من ناس أمكي.. أظنو قريب أنس خليفة الشيخ الدفعة الورانا في أبوحمد الثانوية العامة..
امكي دي برضو قرية استاذ رائع درسنا في ابوحمد العامة أسمو( سيد أحمد محجوب مكي)
بالمناسبة يا محمد.. أنا وعلي محمد عثمان علي حبيب هبرم.. كنا حصة العربي دي واللغة العربية ننتزع الرقم الكامل في الامتحان من أول الصف دائماً وهو حسن عبد الله فضل المولى، كان زول هادي واستاذ العربي والدين الأستاذ الرائع.. الخضر عبد الرحيم أحمد عبد الرازق كان بيحبوا موت عشان هادي.. وعشان بي يجي يسأل الخضر كل مرة في المسائل الفقهية، والخضر يتكيف منو.. وأنا وعلى محمد عثمان في حصة العربي نغالط ليك أستاذ الخضر في النحو والإعراب لامن يزعل استاذ الخضر، وفي النهاية يطلع أستاذ الخضر هو الغلطان في تفتيت جملة نحوية معينة بالرغم من أني أحسب استاذ الخضر من أفذاذ اللغة العربية والتدين كمان..
أستاذ الخضر كان يزعل ويقيف في صف حسن عبد الله فضل المولي ويتمنى أن حسن يجيب نمرة أكبر مننا أنا وعلى، وانا وعلي كنا نجيد الإنشاء والإملاء والنحو والصرف بصورة أذهلت استاذ الخضر.. وانا وعلي شواطين وراس هوس.. ما كنا جيران في الأدراج في الصف.. انا جاري في الدرج البرجوب.. علي درجو تحتنا طوالي.. علي زول متخصص في غيظ الناس بصورة يخلي خصمو لاشئ ويملالو بطنو غليظ مميت.. وعندو ضحكة كدة تفقع الخصم.. كان استاذ الخضر لما يجيب أوراق العربي والدين يمسك الأوراق عندو وينده
حسن عبد الله 89
صديق عبد الله99
علي محمد عثمان99
ويقول استاذ الخضر ( مخير الله في حكمتو)
لما يجي على يشيل ورقتو.. يفقعا ضحكة ويعاين لى حسن عبد الله ويقول ها ها ها ها.. ويعاين تاني لى أستاذ الخضر..
استاذ الخضر اصلو ممغوص مننا يقول( على يا ود تعال هنا.. كمان جابت ليها قلة ادب؟) وصررررر يرزع على دا كف؟
على ما عنيد. زكي وعنيد شديد .. شأن جميع الهبارمة..الذين صبغتهم البادية وأضفت على ذكائهم قسوة مرات..
نجي اليوم التاني الخضر يوزع اوراق الدين.. ومقررات سور القرآن كانت كبيرة وكتيره.. فكنا سريعي الحفظ انا وعلي برضو يا جبنا نمرة اعلى من اول الصف حسن عبد الله يا جبنا زيو في الدين؟
أها ما لسه الكف البارح محرق على وعايز يتفشا ويرد تارو.. بالمناسبة الهبارمة لاينسوا تارهم ابداً ..كان مائة سنة.. هذا الشئ مشهورين بيهو في البادية ومعنا اولادهم في الدراسة نفس الشئ..
أها نجي اليوم التاني الخضر يوزع أوراق الدين نطلع أنا وعلي أكبر من حسن عبد الله فضل المولي
المرة دي علي جاي يأخذ ورقتو .. عدلا شوية لكن بي طريقة فيها مكر زول يقدر يسألو مافي..
وهو أستاذ الخضر يكون مادي ورقة الإمتحان؟؟ علي كف يختفا منو وينزعا بي قوة.
استاذ الخضر يستغرب.
يقول ليهو ده شنو ده يا علي
علي يرد: دي طريقتي كدة أنا اصلاً بمسك الشئ قوي عشان ما يفلت مني .. أمي علمتني كدة وما قادر أنسي الحكاية دي
وبعدين علي لما يأخذ ورقتو وهي أعلى من حسن عبد الله اول الصف.. وهو جاي راجع من جنب السبورة من استاذ الخضر.. يحمممممر كدة في أستاذ الخضر وتاني يلفت نظرو نحو درج حسن عبد الله فضل المولي ويحممممر فيهو كدة.. وتاني يتلفت علي أنا كدة ويبتسم بفرحة النصر أننا فزنا على الزول البحبو استاذ الخضر..
برضو استاذ الخضر ما بيخليهو يسألو
علي يا علي. بلاش قلة ادب.. ليه محمر فيا..
يرد علي
نحن ناس بادية وطريقتنا كدي. وبعدين انا موش مكشر فيك.. أنا مكشر على نفسي. انت مديني ومدي صديق 98 وما عندنا غلطة ليه؟
يرد استاذ الخضر مافي زول حا أديهو مائة في المائة وإلا أنا أكون استاذ فاشل..
عندو ضحكة كدة علي.. بأسنانه الجميلة ولثة.. لغم اسود كدة يزيده جمالا وهو صغير.. لما يضحك فمة يصير بقة كدة هالة من سواد مخلوطة ببيض اسنانه.. شايف زي الرتيلة الصفراء ديك البي تقبضا من جحرا وعايز تتطعم بيها الجبادة لما تعصرا من قدام كدة عشان ما تنبرك موش يظهر فمها فيه سواد محبب وتطلع موية كدة زرقاء من فمها؟؟؟
........
سبحان الله يا محمد
تغير الوضع وصار استاذ الخضر يحبنا انا وعلي اكثر من حسن عبد الله فضل المولى شعر بأننا ناس اصلاء . وصار يسأل علينا.. وحتى لما انتقلنا للثانوي صار يسأل عينا.. ومرات يدينا مصاريف كمان. لما يلاقينا في عطبرة او كريمة أو الخرطوم. بالمناسبة الزول ده علامة في اللغة العربية وزول مؤدب جدا يفترض هو يقود الفقه والدعوى والتثقيف والفتاوي بأمانة زول مكمل من جميع النواحي
لغاية هسي دي يتصل عليا ولما أمشي السودان بزوروا واهدي ليهو. هو الآن عميد كلية في جامعة أم درمان الاسلامية
اما صاحبي على.. تغير تغير توتلي وما عاد يحب يتذكر ايام الشغب هذه وصار زول متدين وولد وتزوج من الحصاحيصا كما تعلم ... ورفع نفسو في الدراسة والشهادات..
شكرا محمد على الموضوع الهادي... العلاجي..فهو إضافة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف ود المناصير في الجمعة 12 أغسطس 2011, 11:19 pm

شكرا الرائع شيخنا محمد حبيب

افهمك تماما

ولكني فقط يحزنني ان يكون بيننا من يمشي بين الناس بالفتن ونقل الاخبار الملفقة

اين ومتى حدث ذلك الهتاف حديثا

حسب علمي آخر لقاء كان الباسقات ... ثم كتاب المرحوم عون الله .. ولم اعلم غيرها أي لقاء فاللجنة لا لقاء لها ولا المجلس

اللهم إلا يكون مناسبة في البلد ؟ وناس البلد أيضا منهمكين في زراعتهم ومشي البحر والسمك ورمضان

والمناسبتين المذكورتين حسب علمي لم يتم فيهما اي عمل سياسي او هتاف فالاولى كانت بهجة وطرب وتكريم والثانية عزاء فمتى تم ذلك ؟

إنها الفتنة والعودة لذات المربع حين لا ينسى المنافقون عادتهم ويمشون بين الناس فتنة وتلفيقا

وبرضو ننتظر رد الناس على ذلك

بجيك راجع

فالأمر خطير

شكرا يا رائع

ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 20822
تاريخ التسجيل : 06/04/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف سلمان عقيد النعوفابى في الجمعة 12 أغسطس 2011, 11:57 pm

شكرا محمد حبيب– لكن متى كان هذا الهتاف واين- رغم انى اتمنى ان يظل الهتاف هذا وغيره مدى الدهور والاجيال يزن فى اذان كل من ساهم مقتنعا او مجبرا فى اغراق وتهجير المناصير- ولكن انت خارج السودان حينها اذن الهتاف كان فى غيابك فارجع لمحدثك لتتأكد من المكان والزمان- زولك دا ان بقى قصد احتفال الباسقات فهو احتفال خالص للبهجة والطرب والتكريم ويمكن الناس ديل بقوا يخافوا من اى تجمع للمناصير –واذا زولك دا قال ليك الباسقات نحنا عندنا كلام معاهو –فالبرنامج موثق من القران الكريم حتى النهاية –وبعدين زولك دا ذاتو من وين وتبع وين -وليه يرجع ليهو الكارورى عشان يتصل بيك---وهو خايف ليه من الهتافات –




[ندعوك للتسجيل في المنتدى أو التعريف بنفسك لمعاينة هذا الرابط]

وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف يس مصطفي في السبت 13 أغسطس 2011, 4:10 am

الان الحاكومه وقعت اتفاق الدوحه المشهور ولكنها تفاجاءت بكاودا ابناء دارفور عرفوا تماما ضععف الحكومه وزي ماقال مالك عقار ادخلنا ايادينا في خشم الوطني الذي كنا نظن انه اسد ؟ نحن قلناها لهم لن تجدونا ضدكم في التنميه ولا البرامج المطروحه لتطوير البلد ولكن ؟ تعاين جاي نجد مهزله للحكومه من قبل اناس لايؤمنواببرامج التنميه ولا الامن ؟ جارين وماسكين اسكور عالي والحاكومه جاري وراهم ؟ تنازلات في شتي المجالات وبرضو هم جارين؟ اما نحن فلنا جزاء سنمار ؟ قضيتنا مطلبيه وهتافاتنا مع مع التنميه ولم الشمل ؟ ومن اجل ذلك جلسنا مع معظم او كل قيادات هذه الحكومه ؟ من اجل منع الفتن وقفل باب اي تلاعب او تسييس لقضيتنا ولكن؟؟؟؟؟؟؟؟؟؟؟؟؟؟؟؟؟؟؟؟؟
كنا نظن انهم حريصون علي هذا البلد تنميتا وامننا شخصيات كنا نظن انها كبيره ومدبره لامور هذا البلد امثال نافع الجاز طه عبيد الزبير سر الختم ووووووووووووو كلهم ظننا انهم من اجل التنميه واعلنا الوقوف خلفهم ولكن وجدناها عنصريه قبيليه جهويه ميه الميه ليس الا؟
ايها الشباب الاوفياء الشرفاء الاحرار بازلوا الجهد والعطاء وجب علينا ان نتحرك لازله الظلم عن اهلنا عن ارضنا وعرضنا ؟ التنميه في كل مكان الا نحن ابناء القبائل الاخري في الوزارات والمؤسسات الانحن؟ لماذا هذا الظلم ونحن اصحاب تاريخ هذا البلد؟
ولي عوده
اما لكاتب هذا البوست اقول ومع انني من قبل لم اقول نعم حمار منصوري ولا الكاروري طال ما انه من هذه المنظومه الجهويه العنصريه التي عمقت لهذه المفاهيم 0بل اذهب لابعد من ذلك واقول ابوها من بشيره لي غفيره ولن تنعيش حياه الزله والمهزله ونحن شباب المناصير لنا وعد انشاء الله




الرجـــــــال مواقف والمواقـــف تصنـع الرجال

يس مصطفي
نائب المدير العام
نائب المدير العام

الأوسمة مشرف المنتدى الاسلامي

احترام قوانين المنتدى : 100

عدد المساهمات : 1273
نقاط : 15595
تاريخ التسجيل : 04/05/2010
العمر : 38

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف خالد عابدين في السبت 13 أغسطس 2011, 8:30 am

الأخ ودحبيب - سلامات ورمضان كريم عليك
أكتفي بتعقيب الأخوان أعلاه وردهم
لكن لفائدة الإخوة القراء وكما ورد أعلاه ذكر الحمار المنصوري - أرجو أن أفيدكم بأنه أي الحمار المنصوري يعتبر من أذكى المخلوقات وخير برهان ماكان يفعله المسافرين القادمين بالحمير حتى الكاب ليسافروا بالقطر فكان بعضهم عند مايصل الكاب أو السادي بالغرب يطلق الحمار ليصل إلى منزل صاحبه بمفرده حتى إن كان في كبنة أو غيرها كما لا يفوتني ذكر قصة ذلك الحمار المشهور الذي رحل أصحابه إلى الفداء وأخذوه معهم - لكن المقام الجديد لم يطيب له فجاء عائرا وهو يكتكت حتى وصل منزل صاحبه القديم
الحمار المنصوري ذكي جدا




[ندعوك للتسجيل في المنتدى أو التعريف بنفسك لمعاينة هذه الصورة]

أنت الزائر رقم [ندعوك للتسجيل في المنتدى أو التعريف بنفسك لمعاينة هذه الصورة]لمواضيعي

[ندعوك للتسجيل في المنتدى أو التعريف بنفسك لمعاينة هذه الصورة]

خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19013
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف nader nor elhadi ali في السبت 13 أغسطس 2011, 2:28 pm

ولكن بيني وبين نفسي أتغظت من أهلي الذين يهدوا المبررات لأعدائهم
هل شعار مثل هذا يعطى المبرر لراعى ان يظلم رعيته افما نظر الى المناسبه والاسباب التى ادت الى قول هذا الشعار .والسؤال لماذا اوصل الكارورى المناصير الى قول مثل هذه الشعارات.وكأن مشكله المناصير انحصرت فى حمار منصورى . الم نقل ان مشكله المناصير تديرها اجنده شخصيه وعداء شخصى .. ياخالد الحمار المنصورى مش اذكى من الكارورى بس اذكى من الجابو زاتو


عدل سابقا من قبل nader nor elhadi ali في السبت 13 أغسطس 2011, 5:11 pm عدل 1 مرات

nader nor elhadi ali
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 632
نقاط : 13528
تاريخ التسجيل : 28/06/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف ود المناصير في السبت 13 أغسطس 2011, 4:00 pm

أستميحك عذرا الشيخ محمد حبيب وارجع للموضوع ثانية

أولا أنتابني شك بأن الهتاف كان في الباسقات ... ولكن كلام الأرباب سلمان سيف قاطع والبرنامج موثق ...

ثم أني استبعدت أن يكون في مناسبة أخرى عزاء أو فطور أو خلافه وهذا أمر مفرغ منه تماما

فقط يبقى أنه فبركة ومحاولة لجر الناس إلى قضايا جانبية وتلفيق مؤسس على تاريخ ووقت مفصلي تصاعدت فيه القضية

فلنترك موضوع الهتاف جانبا ونلتفت للآتي :

1 - مع تصعيدكم للقضية ستأتيكم المثبطات والمعوقات وكل ما يجركم إلى قضايا إنصرافية

2- كذلك سيحاول المنافقون والذين في قلوبهم مرض أن يسعوا بينكم بالفتنة وآمل ألا يكون فيكم سماعون لهم

كما أن السلاح القادم سيكون من ذات الوسط ... يمعنى إعادة تشغيل الخونة ولا عقي جزم السد والذين يقتاتون منه في أوساطكم ويعيدوهم للخدمة مرة أخرى

ثم أذكر أو أعد التذكير بأن الطريق شائك وفيه الكثير من العراقيل

رجاءا اتركوا أمر الهتاف جانبا فسيأتي اليوم الذي سنتهتف فيه ما يروقنا

ولتنصب كل الأراء حول القضية ... تصعيدا ... ضغطا جماهيريا ... ضغطا إعلاميا .. تحريك كل المتاح ..-

كلمة أخيرة :

كدا إنتو صاح ... والرسائل وصلت .. والجماعة أصبحت حركتهم التشبث بإثارة توافه الأمور .. ..

وأخير جدا :

عصفورة ود المناصير ... قالت إيه ؟ واحد من الجماعة .. كان يسأل الناس عن أن هتافا تم في الباسقات وسأل تحديدا عن تنهد تنهد إدارة السد .. شوف بالله الناس في شنو وهذا المنافق في شنو .؟ مرحلتك آن أوانها وساعتها لن ينفع نفاق ولا يجدي لعق جزم ...

ثم نختم بقول الحبيب المصطفى وفيه تشخيص لما آل إليه الحال :


عن أبي هريره رضي الله عنه قال:قال رسول الله صلى الله عليه وسلم( سيأتي على الناس سنوات خدعات،يصدق بها الكاذب ويكذب بها الصادق،ويؤتمن بها الخائن ويخون بها الأمين،وينطق بها الرويبضة)..
قيل وما الرويبضة يارسول الله؟..قال:<الرجل التافه يتكلم بأمر العامه>..



ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 20822
تاريخ التسجيل : 06/04/2010

الرجوع الى أعلى الصفحة اذهب الى الأسفل

رد

مُساهمة من طرف جبريل عبدالرحمن في الأربعاء 17 أغسطس 2011, 3:30 am

الكايس الاسباب بدل الواحد يلقي الف.
الامة المسلمة لاتجتمع علي باطل ياكاروري فان كنت مكروه من قبيلة المناصير فراجع حساباتك بدل اللوم.

جبريل عبدالرحمن
عضو ذهبي
عضو ذهبي

احترام قوانين المنتدى : 100

عدد المساهمات : 1356
نقاط : 15554
تاريخ التسجيل : 10/06/2010
العمر : 35

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف عبد الحليم كباشي في الأربعاء 17 أغسطس 2011, 5:26 am

اولا انا من برتي ومن الله خلقني ما سمعت بي حبوبة الكاروري المن برتي دي ولو كان عندو حبوبة من برتي لما شارك في جريمة اغراق مقابر جدوده مقابر شنو هم غرقو كل حاجة
ثانيا يا شيخنا هبرم صاحبك ده الجاب ليك كلام الكاروري اظنو شايقي برضو لانو الشايقية ما زالو وسيظلو ينعتونا بصفات التخلف والرجعية لذلك لا تغتاظ يا شيخنا من الهتاف وانا ذاتو لو كنت معاهم كنت حا اهتف حمار منصوري ولا الكاروري ما متخلفين وخليهو يطرشق تاني داير يعملينا شنو اكتر من العملو وما اظن فيهو خيرا لينا تاني بل بالعكس تاني حا يجي يفتش في اهل حبوبتو واصحابو ويفتش في المبررات الواهية زي الهتاف وفلان قال وفلان كتب فى منتدى المناصير وغيرها
وبعدين قوليهو تلك الايام نداولها بين الناس واكيد حا يجي يوم وقرب يجي حا تلقى نفسك فيهو بدون سلطة او نفوذ وسوف تحاسب حسابا عسيرا وتذهب الى مذبلة التاريخ وما حسني مبارك منك ببعيد
كسرة : نحنا في برتي بالذات عارفين الكاروري عمل شنو

عبد الحليم كباشي
عضو فعال
عضو فعال

احترام قوانين المنتدى : 100

عدد المساهمات : 111
نقاط : 11205
تاريخ التسجيل : 13/12/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف محمد حبيب بشير هبرم في الأربعاء 17 أغسطس 2011, 6:14 am

شكراً الافاضل باشمهندس صديق وود المناصير والارباب سلمان عقيد والاخ ياسين مصطفي والريس خالد عابدين والشاعر نادر نور الهادي وود المناصير كرة أخري والاخ جبريل عبد الرحمن والرائع عبد الحليم كباشي أشكركم وأنتم تدلقون كل هذا المداد لتشاركوا في هذا الهم

آراؤكم تمثل وجهات نظر رائعه ومتباينه

أخوتي ونحن نقاتل لايصال أصوات رفضنا لكل الدنيا وليس لادارة السد والحكومة ... يكن في حسباننا أن من يواجهنا آلة اعلاميه جبارة ينفق عليها بغير حساب وميزانيتها لا تراجع وكذلك اقوالها تصورنا للعالم أننا أخذنا حقوقنا وأكثر!!! وتستغل كل هفوة منا لتصورنا رعاع نقارن دكتور ؟؟؟؟ بأن حمار المناصير خير منه والا فما السر في ان يحرص الكاروري أن يكلفت بحثاً يكتبه بواسطة سكرتاريته لينال به شهادة الدكتوراة!!

يجب ان نكون حزرين أكثر مما ينبغي ونحن نتصدي لابراطورية الكذب هذه

شكراً الرائعون الصامدون وأنتم تقتطعون من أوقات راحتكم وأولادكم لتنيروا لنا الحوالك

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف محمد حبيب بشير هبرم في الإثنين 22 أكتوبر 2012, 6:52 pm

يا أخوي عبد الحليم قلت كيفن

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف يس مصطفي في الأربعاء 23 يناير 2013, 2:55 am

الحمار المنصوري اول من فكر في الهجره العكسيه . نقول حسبه صاح ولكنه التزم الصمت في الخيار المحلي وهذا هو الصواب والرجوع له ليس فيه عيب؟




الرجـــــــال مواقف والمواقـــف تصنـع الرجال

يس مصطفي
نائب المدير العام
نائب المدير العام

الأوسمة مشرف المنتدى الاسلامي

احترام قوانين المنتدى : 100

عدد المساهمات : 1273
نقاط : 15595
تاريخ التسجيل : 04/05/2010
العمر : 38

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف علي الحمود في الأربعاء 23 يناير 2013, 8:56 pm

الحمير فى المناصير كترت شديد يا أخوى يس!!!!!!!!!!!
زمن الغراق الناس العندهن أربعه وذهبو لمناطق التوطين باعو منها جزء ورحلو بالباقى وعملولو زريبه قدام بيوتهم لمن جاتهم المحليه ومنعتهم الكرارى قدام البيوت..
فى واحد هناك عامل طاحونه فى المكابراب قدام بيتو وعامل جنبها زريبة بهائم(كر)
ورابط حمارو المو خمج..كيفنى حتى الثماله..
عندما جاءه المسؤول وأراد منعه ذلك ..
كان رده أنا يا حضرة المسؤول كنت عايش فى المناصير كده وما بغير فهمى ده حمارى ما بديرو وطاحونتى ما بوقفها وأعلى ما فى خيلك أركبه..
ما كان إلا تنحى زول الحاكومه المحرش من الحاسدين المناصير وصرف النظر عن الأمر..ديل المنا صير..
لكن هسع يا أخوى يس الحمير كترت فى الخيار المحلى وبقت تحوم وتهنق ومطلوقه فى قش الناس بلا رادع..........
من يردع من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9740
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف علي الحمود في الأربعاء 23 يناير 2013, 9:01 pm

أخشى أن يرتد علينا (نعل) الكارورى...
الزول ده من أسرة ذات صلاح ودين...
ونكون نحن الحمير بسوء إدارتنا لأزمتنا معاهو..
اللهم أحفظ بلاد المناصير من سوء الفتن ما ظهر منها وما بطن...
اللهم لا تجعل كيدهم بينهم..
اللهم رد مظلمتهم وأحفظ مجتمعهم النقى..

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9740
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف علي الكليس في الأربعاء 23 يناير 2013, 10:23 pm

علي الحمود كتب:الحمير فى المناصير كترت شديد يا أخوى يس!!!!!!!!!!!
زمن الغراق الناس العندهن أربعه وذهبو لمناطق التوطين باعو منها جزء ورحلو بالباقى وعملولو زريبه قدام بيوتهم لمن جاتهم المحليه ومنعتهم الكرارى قدام البيوت..
فى واحد هناك عامل طاحونه فى المكابراب قدام بيتو وعامل جنبها زريبة بهائم(كر)
ورابط حمارو المو خمج..كيفنى حتى الثماله..
عندما جاءه المسؤول وأراد منعه ذلك ..
كان رده أنا يا حضرة المسؤول كنت عايش فى المناصير كده وما بغير فهمى ده حمارى ما بديرو وطاحونتى ما بوقفها وأعلى ما فى خيلك أركبه..
ما كان إلا تنحى زول الحاكومه المحرش من الحاسدين المناصير وصرف النظر عن الأمر..ديل المنا صير..
لكن هسع يا أخوى يس الحمير كترت فى الخيار المحلى وبقت تحوم وتهنق ومطلوقه فى قش الناس بلا رادع..........
م
من يردع من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تسلم ود الحمود

علي الكليس
عضو ماسي
عضو ماسي

احترام قوانين المنتدى : 75

عدد المساهمات : 2898
نقاط : 15155
تاريخ التسجيل : 29/06/2011

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف محمد حبيب بشير هبرم في الخميس 24 يناير 2013, 3:53 pm

الافاضل نائب المدير العام يس مصطفي والاستاذ الرائع علي الحمود واستاذنا علي الكليس (نسأل الله العلي القدير ان يشفي أخوك مصطفي) .. البوست دا طووول ولي هسع الناس (تكمرق) فيهو بهذه المناسبه أحد الظرفاء قال لي ..والله يا محمد حبيب كتاباتك دي قاعدي تهجمنا..زي التبيقه لمان يرموها للبهائم بط دي... البهائم يجفلن ..وتاني شوية شوية يجن راجعات يلقنها لوبي سمح خلاص ..قرررررررررر
مع المعذره التامه لكم أيها الافاضل

ناس بحاتين بلحيل

محمد حبيب بشير هبرم
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 420
نقاط : 13034
تاريخ التسجيل : 20/05/2010

الرجوع الى أعلى الصفحة اذهب الى الأسفل

رد: حمار منصوري ولا الكاروري

مُساهمة من طرف yousif في الأحد 03 فبراير 2013, 3:07 am

بعد التحيه أهلي : شكرا ود حبيب والمرور الكريم ..العمل هو المفيد كان مع الكاروري اوغيره ..لكن مثل هذه الشعارات الجوفاء لاتقدم ولاتاخر ..ليكم تسلحنا الطاغيه الامريكان وغيرها كثير ...ولكن اعذرني انت مالقيت شي غير هذا التشبيه ...

yousif
عضو متميز
عضو متميز

الأوسمة عضو مبدع

احترام قوانين المنتدى : 100

عدد المساهمات : 424
نقاط : 13135
تاريخ التسجيل : 02/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى