عطر البرسيم

تذكير بمساهمة فاتح الموضوع :

العطر والبرسيم يفوح وياسماحة اللوبي منقوح
ونحن من النيل مابنروح
ما كان لنا نقف على هذا الإبداع الذي سطره أحد قامات بلادي وأحد الذين نفتخر ونتباهى ونراهن بإسمه الحبيب ... حبيب بابكر أنه من المناصير بل وأحد فلتات زمانه
وكنا قبلا في منتديات شتات تتنازعنا نغمات طمبور نسمعها ونحس من خلالها إنها لنا ولنا وحدنا .. ولكنها غابت في زمن غاب الإعلام فيه عن بلادي وضلت طريقها إلى هناك ـ سربا ـ كلمات نسمعها وندندن بها ونعرف أنها ملكنا وحدنا .. ولكنها لم تجد حضنا يتبناها إلا ذلك الذي هي فيه الآن .. وإرث وتاريخ ..يشبهنا ونشبهه ولكنه فصل جلبابا للغير فلبسوه فكان عليهم مسخا لا يسر ولا يخيل ولا يقنع من ألقى السمع وهو شهيد . فقد فصل عند ـ ترزية ـ السلم التعليمي .. من لدن محي الدين صابر ثم سبدرات ثم ـ، إخفاقات ـ اليوم .
ثم تدور الأيام وهي دول .. ويدخل العالم إلى آفاق تؤطر لعهد جديد .. عهد يلبس كل منه ما فصل له .. وقد كان لنا لباس التقوى ،، ذلك خير
ولكننا حتما سنجد نفسنا ..ثم نجد ذاتنا ثم نبتهل ونجعل لعنة الله على الظالمين ونعود من هناك وفي أيدنا بوارق امل كنا ندخره لمناصير الخير والروعة والجمال ونعيد عقارب الساعة لذلك الزمن الجميل .. حين كان القائد هو أول فداء وأول الشهداء
ثم نلملم صحائف كتبت في ابي حمد
وأخرى أعظم وأكبر وأبلغ كتبت في أم دويمي
والكربكان درة الحروب
وكربكان الألفية الأخيرة لم تكن ختاما لا .. ليس بعد
وسترجع الريلة ... ويرجع معها ذلك الألق القديم ... وترجع ..لبوني .. مكتوب لي الشقا انا مالي .. وحورية جوة جزيرة و ... و ... وكلام وكلام ودرر تاهت سابقا ولكنها تعود إلى أحضان وطنها ..وحتما تعود
عذرا .. إن كان من كلام فالصمت في حضرة خالد عابدين أبلغ كلام
فو الله لن استطيع مهما أوتيت من لغة وفصاحة وبيان أن اجمل جملة واحدة في حق ذلك الهرم ..حين تحزم ومعه ابطال ولفيف من مناصير الروعة والجمال وقالوا تعالوا إلى كلمة سواء ..هلم إلى المناصير بلدي ..نتعبد في محرابها ..ونتهجد في رمالها .. ونسبح في بحارها .. من هناك ام سفاية ليست موسكو إلى جبل مناي قبالة برتي
وكان منتدى المناصير بلدي
لذلك اسمحوا لي أن أقول لأستاذنا خالد عابدين جزيت خير حيث جئت بنا من منتديات الشتات وآويتنا في المناصير بلدي .. نعم الإسم ونعم المعنى ونعم الناس ونعم الإدارة ونعم الأعضاء ... نخطئ ولا نجد إلا التشجيع ... ويزدنا ذلك تعلقا بمنتدانا .. ونعمل على تلافي الأخطاء ..
نصيب فنجد شلالات من الإشادة فتكون زادنا ووقود إنطلاقنا للمزيد ..من الإبداع .. منكم تعلمنا نكتب .. نشارك ... نساهم .. نناقش ... نتحمل الآخر ..
ونقبل النقد مهما كان ... نغضب لغضب المناصير .. ونثور في وجه من يظلمها مهما كان .. ونفرح لفرح الجميع ..لا دواعي شخصية تدفعنا .. ولا مبادئ متطرفة تقودنا ..
بل الظلم الذي نصب خيمته هناك في بلدي هو ما يؤرقنا ويسهدنا
والذين ـ دقوا أوتاده ـ هم من نعني ونقصد
ومع ذلك نفرد للروائع مساحات ومساحات من البوح الجميل ...
لك شكري وتقديري .. وانت وإخوتك تتحملون كل ذلك .. وفقكم الله

سبحان الله.
ناس يا عيد
بِتْضَحي خروف
وناس عدمانه
كفاها الشوف
وناس تعبانه
تفتش تيس
وناس يا عيد
بِتْضَحي ( رئيس ).
......
ناس ما عندها
غير سكين
الحال مسكين
فضيان الجيب
وخروف
في الغيب
وكيس حلمان
بي دستة عيش
.............

يا عيد معليش
الناس الرؤسا
الناس الوزرا
الناس الخُلفا
أي معالي
حاشية ووالي
الناس المارقه
الناس الخاشه
ولاد السُلطه
شمار البوسطه
الناس الحاشّه
قاشره وغاشّه.
جناب الأُمرا.
كبار الخطبا.
ملوك السف
وحتى العُوَرا
الكانو الرف .
قرود الشاشه.
الجَهَلا الباعو
عشان العيش .
ديل يا عيد
الصف الأول
ونحنا تملي
الصف الطيش
...........
يا عيد معليش
سبحان الله
ناس مزرورة
تَمِش شقيش؟!
لا كعكة طريّه
أو حتى حلاوه
في كيس وقوية
لا خروف مربوط
لا ربّه تجوط
لا ضلعه وشيّه
لا كبده بشطه
هشّه ونيّه
لا راس بقرون
مجدوع في خيش
لا كراع لا ( باع )
لا عتوت لا تيس.
.........
يا عيد معليش
ده قدَرْنا مسطر
وناس تتفنجر
للشعب العربي
تسدد خنجر
وتضحي رئيس
يا عيد معليش

الســـيف عنـــدك
[ندعوك للتسجيل في المنتدى أو التعريف بنفسك لمعاينة هذه الصورة]

أميرة الأميرة .... سلام

ونعتذر عن التأخير في الرد ... فشدهات الحياة .. وقعها اصبح مريرا

فلك الشكر والتقدير

ودائما معانا بإحساسك الصادق ودعواتك الغالية

شكرا يا رائعة

وتعود مراكب ريدنا للمرسى القديم

****************

وندك الصخر حتى يخرج الصخر لنا ذهبا وتبرا

***************

بلدا ولاها بلادي كيفن بعيش فيها

وكيفن بعيش فيها

**************

شوف شتلتنا فوق جدولنا

**************

النيل الخريرو شجانا .. جرى شاقي الفيافي عشانا

***********************

آهــــــــــــــــــــــــــــــــــــــــــــــــــــــــــــ

وتاني

آهــــــــــــــــــــــــــــــــــــــــــــــــــــــــــ

حرثـت زرعـــت
كــمـان قطعـية
بنيـت و عـرشـت
عـديل قــطـية
وكان غــير الله
في زول زارعـني
يــجـي يقـلعـني
وكان سـلطـان
أو والـي معـالي
عـصر في إيـدي
فرح أو دهـــشه
كــراني و غـــشّ
اليـجـي يمسكـني
من الايــد
البتـوجعــني
الله نحــتنـي
وكرمـو وســيع
من طـين منصوري
في مجري الســـــيل
......
لا تفشلنا

ريحة الجروف واللوبا

والبرم

وبرسيم ينضح عطرا مستمرا

ود الطرشان ... لا فشل ... ولكنك فقدت حاسة الشم

وينضح غصباً ويستمر ....
ومن غشنا ليس منا ..!!

ود المناصير
سلام
دا شعرا ماعندنا ليهو رقبة
عشان كدي اسمحوا لينا نبص بعيوننا

تصادر خطاك وتكاجر مشيك
تغالط حواسك ملامحك
وتحرد عيونك مقاطع وشيك
سألتك خبارك ؟!

abuahmed كتب:ود المناصير
سلام
دا شعرا ماعندنا ليهو رقبة
عشان كدي اسمحوا لينا نبص بعيوننا

الأخ الرائع أبو أحمد .... سلام

أنت تملك ناصية اللغة السلسة وحلو التعبير ... متى تشجينا بحروف خضراء تضاهي عطر ونوار برسيمنا هذا ؟

... عن ريحة البرم ... وعن برم الخسار .. والخروم ... والعليف ..

لك شكري وتقديري .... فكلمة عوافي ربنا يساعد تكفي

ود الطرشان كتب:تصادر خطاك وتكاجر مشيك
تغالط حواسك ملامحك
وتحرد عيونك مقاطع وشيك
سألتك خبارك ؟!

واصل يا قريبي ... اصلك متمكن اكتر مني ...

البحث عن المجارة أعياني ...

واكتفيت بالتشجيع المجاني ..

الرتينة شاشتة حتت ..!!

الفانوس
لقد حانت مواعيدك

ود الطرشان كتب:الرتينة شاشتة حتت ..!!

الفانوس
لقد حانت مواعيدك

وينك ؟

الرتينة عز الرياح ؟ بالغت

الفانوس ؟ الجاز وين تلقاه ... البلف قفلوهو

نِنْجارَى فيها سبقْ سبَقْ .. نخسرْ بعض في هِينْ ترابْ
نتلاوَى عند فتحْ اللَبَقْ .. فاكرين برانا أهل العقابْ
تارِي البحرْ .. عَوَّافِي .. عندُو معانا حَقْ ؟..؟
يا الدنيا .. زيْ سكْرَة وتَفِكْ مِنْ راسُو فَكْ .!.
بعضْ المسافاتْ اِتْلَغَتْ

ود الطرشان كتب:نِنْجارَى فيها سبقْ سبَقْ .. نخسرْ بعض في هِينْ ترابْ
نتلاوَى عند فتحْ اللَبَقْ .. فاكرين برانا أهل العقابْ
تارِي البحرْ .. عَوَّافِي .. عندُو معانا حَقْ ؟..؟
يا الدنيا .. زيْ سكْرَة وتَفِكْ مِنْ راسُو فَكْ .!.
بعضْ المسافاتْ اِتْلَغَتْ

قريبي .... سلام

البحر حقو شالو ... وشال اكتر منو

والمسافت الإتلغت .. بقت الفرقة بيناتا مقادير ..

واهل العقاب ... ما بعرفو الضيق ونشاف الريق ..

واللبق الإتفتح ... لو لاهو البوغة تشرب كيف ؟

فانوسك ما بضوي ليك ... وزمزميتك ... ريقك ما تبلو ليك ..

كدي غير بدل وشوف ليك رفيق ... ودليل ... وكفنا عديل

الكفن من الخليج يجي بحنوطو .. وبركات لا زالت تنتج النواقص

كعب الغريق و الحريق ... والضهب عز الضهر الشمسو تقلى الحبة .....في سكة عمي صحارى النفس الفاغرة فاها ...

ودي ما بيملاها خلاف مولاها ..

.. بجيك راجع ... اصلي منك ما بشبع ولا بقنع

ما المغزى من هذا الموضوع ؟؟؟

أم أننا نعشق التكرار ؟؟؟

الاخ ودالمناصير مثل هذه الكتابات عن عطر البرسيم
تسبح بنا فى خيال الذكريات التى تربطنا بمنطقتنا المتفردة فى طبيعتها
وفى حنينها فقلوبنا تتعلق بها اكثر واكثر ولكن ما يعكر صفونا بهذه الذكريات
التى تملأ الصدر انشراحا مرارة الظلم التى نتجرعها سويا فهل من مغيث حتى
تعيش فينا هذه الذكريات ونحن مرفوعى الراس ثابتى الخطى

لكل الناس وطن يعيشون فيه ولكننا نحن لنا وطن يعيش فينا

هذا هو الفرق بيننا وبين عامة الناس
وهذه الكتابات والذكريات بعد الطوفان هى الدليل لما ذكرت

عباس محمد كتب:الاخ ودالمناصير مثل هذه الكتابات عن عطر البرسيم
تسبح بنا فى خيال الذكريات التى تربطنا بمنطقتنا المتفردة فى طبيعتها
وفى حنينها فقلوبنا تتعلق بها اكثر واكثر ولكن ما يعكر صفونا بهذه الذكريات
التى تملأ الصدر انشراحا مرارة الظلم التى نتجرعها سويا فهل من مغيث حتى
تعيش فينا هذه الذكريات ونحن مرفوعى الراس ثابتى الخطى

لكل الناس وطن يعيشون فيه ولكننا نحن لنا وطن يعيش فينا

هذا هو الفرق بيننا وبين عامة الناس
وهذه الكتابات والذكريات بعد الطوفان هى الدليل لما ذكرت

عباس .. عباس .. الأصل ـ النبع ـ والساس ..ركن المنتدى الرائع .. سلام

الظلم تعلمنا منه ...

تعلمنا منه بمرادنا .. لا بضغطهم وتوقعاتهم ..

تعلمنا الصبر ... الثبات ... التمسك بالجذور

تعلمنا .. الوحدة .. التكافل .. التراحم .. الترابط ..

تعلمنا ... لا .. لا.. في وجه الظلم

لا .. تلك العبارة التي اصبحت تخيف وترعب الكثيرين ..

تعلمنا .. الإيمان بواقعنا بأصلنا والتمسك بحظوظ العيش الكريم في بلدنا

كذلك .. علمنا الناس من هم المناصير أصلا .. وفصلا .. مبنى .. ومعنى ..فكان الثبات عنوان .. وكان الإعتصام مادة تدرس للآخرين

حيث ألقمنا ـ الظلمة ـ شهقة الدهشة الرهيبة ..

تسلم عباس

محروسة لى حد ابوحمد
حصحاصة من ارض الجدود ما بنرضى تتعدى الحدود
ماكل ظالم عندو حد

شكرا ودالمناصير

عباس محمد كتب:محروسة لى حد ابوحمد
حصحاصة من ارض الجدود ما بنرضى تتعدى الحدود
ماكل ظالم عندو حد

شكرا ودالمناصير

تسلم أستاذ عباس

وزمان قلنا أطفال الانابيب ديل ما بيقدرو على زولا مربى فوق ضفاف النيل

ولما ولدوهو اهلو دفنو سرتو فوق مخانق السيل

عرقنا وصل النز ـ اصلنا اصيل

وكلامنا عديل

وكان جاطت ـ إن شاء الله تجوط ـ

up