ليس من رأى كمن سمع ؟؟ !!
+10
م بروي
عزالدين محمد ضقولي
جبريل عبدالرحمن
ود المناصير
خالد عابدين
ابو رزان
mustafa omer Elhassan
ALIHADOWRY
محمد عمر محمد
النفر
14 مشترك
صفحة 1 من اصل 1
ليس من رأى كمن سمع ؟؟ !!
فى أول رحلة للديار بعد الغراق وفى رحلة يغمرنى فيها الشوق واللهفة لرؤية الأهل والأحباب ووسط هذه المشاعر الدفاقة تنتابنى أحياناً الرهبة والحذر المشوب بالحزن والخوف لرؤية ما آل إليه الحال من غراق ودمار لأعز ديار !! إخترت السفر عن طريق البحر بمركب أخى شمس الدين من أبوحمد حتى يتسنى لى المشاهدة عن قرب وأستطيع إستيعاب ما جرى من أحداث تدريجياً لتحاشى هول ووقع الصدمة _ بدأت المركب من أبوحمد وكانت الجلسة ممتعة ورائعة وسحرنى جمال الطبيعة بمقرات وجزرها الخضراء المتناثرة هنا وهناك مروراً بشلالات التروس وأم قرب وتمور أولاد عمر وجناين النخيل الوارفة على ضفاف النيل حتى الشامخية _ بدآت من القناويت أرى آثار الغراق تدريجيا ً فى بعض الجروف والنخيل وبعدها إكتملت صورة الدمار والخراب إلا أن وادى عصمة الأبى إحتفظ برونقة ونخيله الوارف وخضرته المألوفة _ وصلت شرى وكان هول الصدمة والحزن قد بلغ مداه وأنا أطالع كير حاج إدريس الذى لم أجده فسألت من حولى أين الكير؟؟ !! لم أجد رداً وبكيته بدمع ساخن ونزلت من المركب ولم أرى من شدة البكاء موطأ قدماى التى تهاوت ونزلت فى طمى البحيرة ووصل الطمى الى أعالى الركبة ويبدو أن قدمى أرادت أن تصل الى قاع الطمى لتلامس أرض الأجداد وموطن الصبا ولترد على تساؤلاتى ها أنت بكيرك وهذه مراتع صباك التى جار عليها الزمان وغمرها الخزان !!! ما أثار إنتباهى أن نخيل بلادى مازال صامداً رغم إحتراقه كلياً فقد صمد بكبرياء وقاوم بعزة وعندما خارت قوى بعضه إنحنى وخر ساجدا ً ومحيياً لموطنه ومهد نشأته !! أما أهلى الطيبين فصامدين كصمود جبالهم وترى على وجوهم البشاشة والإبتسامة التى جبلوا عليها ورغم الظروف الصعبة وهول الكارثة فهم فخورين بتواجدهم بديارهم وحول بحيرتهم وقد فتح الله عليهم وعوضهم بأسماك البحيرة ومناجم الذهب من حولهم _ جزيرة شيرى أحسن حالاً من غيرها من القرى فتشاهد فيها جمال البنيان وإتساع الحيشان وتكاتف الأخوان فأقاموا المنشآت وبدأوا فى إعادة الخدمات _ولنا فى الحديث بقية إن مد الله فى أعمارنا _
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
رد: ليس من رأى كمن سمع ؟؟ !!
شكرا جزيلا العزيز النفر .كلامك عن مراتع الصبا فى الكير والغراء عموم اثار شجوننا وادمع عيوننا ..ولكن ايضا اسعدنا ماقلته عن صمود اهلنا وبشاشتهم وتكاتفهم فى مابينهم ولعمرى انه لامر جد مفرح وعظيم ...نقول لك واصل فى سرد وقائع الرحله باسلوبك الشيق الجميل ....
محمد عمر محمد- عضو متميز
- احترام قوانين المنتدى :
عدد المساهمات : 659
نقاط : 26484
تاريخ التسجيل : 20/08/2010
رد: ليس من رأى كمن سمع ؟؟ !!
يلادى وان جارت على غزيزة واهلى ان ضنو على كرام
ALIHADOWRY- ملـــــكي
- احترام قوانين المنتدى :
عدد المساهمات : 1592
نقاط : 28938
تاريخ التسجيل : 25/07/2010
العمر : 54
رد: ليس من رأى كمن سمع ؟؟ !!
لَعَمْرُكَ ما ضاقَتْ بِلاَدٌ بأَهْـلِـهَـا
ولكنَّ أَخلاقَ الرِّجـالِ تَـضـيقُ
لك التحيه والاحترام الاخ عثمان النفر
واصل متابعين معاك
ولكنَّ أَخلاقَ الرِّجـالِ تَـضـيقُ
لك التحيه والاحترام الاخ عثمان النفر
واصل متابعين معاك
mustafa omer Elhassan- ملـــــكي
- احترام قوانين المنتدى :
عدد المساهمات : 2024
نقاط : 31350
تاريخ التسجيل : 19/10/2010
رد: ليس من رأى كمن سمع ؟؟ !!
مشكور الاخ عثمان النفر بس شكلك جيت باليل لانك مشفت العمارين و الطوينة ولا بقية الحلال كلها بنوا بنيان جميل واحسن من السابق
ابو رزان- عضو رائع
- احترام قوانين المنتدى :
عدد المساهمات : 209
نقاط : 25398
تاريخ التسجيل : 21/07/2010
رد: ليس من رأى كمن سمع ؟؟ !!
سلامات الاخ النفر وحمدا لله سلامة العودة
كلام مؤثر جدا هذا الذي كتبته والحمد لله انك شفت الحال بعد الحال شوية انصلح والناس بنت
كان عارف كان قلت لك شوف سماحة شري باليل من الطويني - منظر جميل وبديع لاتصدقه العين - حاولت أن أصوره لكن لم أوفق
تحياتي
كلام مؤثر جدا هذا الذي كتبته والحمد لله انك شفت الحال بعد الحال شوية انصلح والناس بنت
كان عارف كان قلت لك شوف سماحة شري باليل من الطويني - منظر جميل وبديع لاتصدقه العين - حاولت أن أصوره لكن لم أوفق
تحياتي
خالد عابدين- Admin
- احترام قوانين المنتدى :
عدد المساهمات : 2564
نقاط : 32337
تاريخ التسجيل : 22/03/2010
رد: ليس من رأى كمن سمع ؟؟ !!
حياك الله الاخ النفر .. ولا ادري كيف كان سيكون حالك عند بدء الإغراق ؟ والله دموع الرجال كانت غالية ولكنها ليست دموع هزيمة وانكسار وإنما دموع فراق لمراتع الصبا والطفولة والنشأة .. وها هم يقفون الآن على اقدامهم ويشيدونها من جديد وهكذا هم بني وطني المناصير ..
مع شكري وتقديري
مع شكري وتقديري
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34137
تاريخ التسجيل : 06/04/2010
رد
حمدلله علي السلام الاخ النفر واجازه سعيد بين الاهل والاحباب.
نعم الموقف ماساوي ولكن تبني الاوطان بعزائم الرجال.
نعم الموقف ماساوي ولكن تبني الاوطان بعزائم الرجال.
جبريل عبدالرحمن- عضو ذهبي
- احترام قوانين المنتدى :
عدد المساهمات : 1356
نقاط : 28869
تاريخ التسجيل : 10/06/2010
العمر : 42
رد: ليس من رأى كمن سمع ؟؟ !!
حمد الله علي سلامة الوصول اخونا النفر
اخوي عثمان فتقت جروح
خليتني ابوح
بحبي الكاتمو لحبيتي حبية الروح
رديت لي الروح
لمشاعر شوق حبيسة تتوقد
تهدهد شوقا كبير ما ليهو حد
تسارع في الايام
تزيد في العد
ياريت اليوم بكره
وبعد بكره يكون الغد
واكون زيك يا النفر
يجيني الحظ والسعد
وفي غمضة عين القه نفسي في المناصير البلد
مسقط راسي وارض المهد
اسالم دا واصافح دا
وابل الشوق ونتقالد
وين يا ناس الحلي وين ياناس الجروف
شفقوا عليه وما قالو لي الرد
بعد السؤال الشديد
قالوا لي دي عمايل وزير السد
غمر الحلال وخل جروفنا
تحت مياه الغدر تمدد
الله ما بيسامحك ياوزير السد
لو سويتها منك عناد وحسد
أنا من الضقولة
وجدي الشاعر الكبير ودضقولي حمد
بالله ياناس عاوز لي تعريف ولا سند
طالبوا بالتعريف وقالوا
لازم تجيب واحد يشهد
شطبوا اسمي وخلوني غريب وسط اهلي
وفتحوا لي جراح عميق ما اظنوا ينسد
كلوا يهون خلونا ننسا الشتات
والفرقة نتوحد
يكون كل همنا رفعة بلدنا وتكون
صدرونا ليها حمايةو سد
سلم لي يالنفر علي كل الاهل
كبير وصغير بت ول ولد
مع تحياني وعودا حميدا
اخوي عثمان فتقت جروح
خليتني ابوح
بحبي الكاتمو لحبيتي حبية الروح
رديت لي الروح
لمشاعر شوق حبيسة تتوقد
تهدهد شوقا كبير ما ليهو حد
تسارع في الايام
تزيد في العد
ياريت اليوم بكره
وبعد بكره يكون الغد
واكون زيك يا النفر
يجيني الحظ والسعد
وفي غمضة عين القه نفسي في المناصير البلد
مسقط راسي وارض المهد
اسالم دا واصافح دا
وابل الشوق ونتقالد
وين يا ناس الحلي وين ياناس الجروف
شفقوا عليه وما قالو لي الرد
بعد السؤال الشديد
قالوا لي دي عمايل وزير السد
غمر الحلال وخل جروفنا
تحت مياه الغدر تمدد
الله ما بيسامحك ياوزير السد
لو سويتها منك عناد وحسد
أنا من الضقولة
وجدي الشاعر الكبير ودضقولي حمد
بالله ياناس عاوز لي تعريف ولا سند
طالبوا بالتعريف وقالوا
لازم تجيب واحد يشهد
شطبوا اسمي وخلوني غريب وسط اهلي
وفتحوا لي جراح عميق ما اظنوا ينسد
كلوا يهون خلونا ننسا الشتات
والفرقة نتوحد
يكون كل همنا رفعة بلدنا وتكون
صدرونا ليها حمايةو سد
سلم لي يالنفر علي كل الاهل
كبير وصغير بت ول ولد
مع تحياني وعودا حميدا
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 25900
تاريخ التسجيل : 17/07/2010
رد: ليس من رأى كمن سمع ؟؟ !!
عفوا أخوتى على التأخير وتحياتى لكل الأخوة الكرام الذين مروا من هنا معلقيين ومشاركيين _
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
رد: ليس من رأى كمن سمع ؟؟ !!
" ود الفكى كتب "
أُمْحُمّد وراك في الغربة ماشفت البلد غرقانة
خلينا العقاب و سدرنا فوق راس الجبال ملجانا
و الدمع البكينا عليها ما شفناهو فوق موتانا
غصباً عنا سالت دمعة تنزل ما وقف سيلانه
حد ما قلنا يوقف سيلو جادت بالدموع ميقانا
بالنوح و السهاد و الحرقة ما إتلاقت رموش أجفانه
و الحرقة المكتّمة جوه طالع في النَّفس دخانه
البحر القبيل ضامننو حارس روحنا عندو أمانة
كان داخرنو للجايينا كان رافعنو أسمى مكانة
في طرفة زمن –آمْحُمّد- هدّم للبلد بنيانه
صبحت زي تقول مجهولة في نص البحر عنوانه
لو شُفتَ النخيل –آمْحُمّد- يتشابى الجريد تالانا
في لحظة وداعو القاسي إتقالدنا قام بكّانا
ديك الساعة كان إحساسنا زي فقد الوحيد في جنانا
إحساس بالفراق الأبدي ينهش في قلوب حزنانة
دا العيد البجيب الفرحة جدّد للقلوب أحزانه
هيّج فينا شوق الذكرى لي أرض الجدود طرّانا
طرّانا البحر و القيفة ناير في الجروف لوبانا
و الموجة التقالد الضفة لاقته بالفرح أحضانه
طرّانا القمر و الرملة تبرد بالنسيم قيزانه
نتواعد هناك نتلاقى في جلسة سمر ضامانا
طرّانا الأهل و الجيرة و البلد الدوام عَمرانة
للخير و المكارم جوها ابداً ما إتقطع ضيفانه
طرّانا البيوت العامرة فاضت دانقته و ديوانه
واتملت السراير جملة ضاقت بالوسيع حيشانه
الناس فيها عادة الجية ليلة العيد تكون صبحانة
و قبال من تتم الغمدة صيّح ديكنا قام صحّانا
الناس بالفرح تتهنّى شوفة عيد و شوفة إخوانه
نحن ترانا دون خلق الله أُمْحُمّد كِرِم ما جانا
كيف بالعيد قلوب تتهنّى تبقى بعيدة من أوطانه
عيدك يا الغريب زي عيدنا أريت العيد أكان لمّانا
___________****** __________
لله درك أخى ود الفكى لقد تذكرت نظمك الراقى هذا وأنا بالبلد وعايشته واقعاً ملموساً ًوبالرغم من تغمصك للواقع بإحساسك المرهف المتفرد فقد جاء نصك صادقاً ومطابقاً ً _ نتمنى أن نراك قريبا ًبيننا أخى ود الفكى فقد طال غيابك وزادت لهفتنا لإطلالتك البهية _
أُمْحُمّد وراك في الغربة ماشفت البلد غرقانة
خلينا العقاب و سدرنا فوق راس الجبال ملجانا
و الدمع البكينا عليها ما شفناهو فوق موتانا
غصباً عنا سالت دمعة تنزل ما وقف سيلانه
حد ما قلنا يوقف سيلو جادت بالدموع ميقانا
بالنوح و السهاد و الحرقة ما إتلاقت رموش أجفانه
و الحرقة المكتّمة جوه طالع في النَّفس دخانه
البحر القبيل ضامننو حارس روحنا عندو أمانة
كان داخرنو للجايينا كان رافعنو أسمى مكانة
في طرفة زمن –آمْحُمّد- هدّم للبلد بنيانه
صبحت زي تقول مجهولة في نص البحر عنوانه
لو شُفتَ النخيل –آمْحُمّد- يتشابى الجريد تالانا
في لحظة وداعو القاسي إتقالدنا قام بكّانا
ديك الساعة كان إحساسنا زي فقد الوحيد في جنانا
إحساس بالفراق الأبدي ينهش في قلوب حزنانة
دا العيد البجيب الفرحة جدّد للقلوب أحزانه
هيّج فينا شوق الذكرى لي أرض الجدود طرّانا
طرّانا البحر و القيفة ناير في الجروف لوبانا
و الموجة التقالد الضفة لاقته بالفرح أحضانه
طرّانا القمر و الرملة تبرد بالنسيم قيزانه
نتواعد هناك نتلاقى في جلسة سمر ضامانا
طرّانا الأهل و الجيرة و البلد الدوام عَمرانة
للخير و المكارم جوها ابداً ما إتقطع ضيفانه
طرّانا البيوت العامرة فاضت دانقته و ديوانه
واتملت السراير جملة ضاقت بالوسيع حيشانه
الناس فيها عادة الجية ليلة العيد تكون صبحانة
و قبال من تتم الغمدة صيّح ديكنا قام صحّانا
الناس بالفرح تتهنّى شوفة عيد و شوفة إخوانه
نحن ترانا دون خلق الله أُمْحُمّد كِرِم ما جانا
كيف بالعيد قلوب تتهنّى تبقى بعيدة من أوطانه
عيدك يا الغريب زي عيدنا أريت العيد أكان لمّانا
___________****** __________
لله درك أخى ود الفكى لقد تذكرت نظمك الراقى هذا وأنا بالبلد وعايشته واقعاً ملموساً ًوبالرغم من تغمصك للواقع بإحساسك المرهف المتفرد فقد جاء نصك صادقاً ومطابقاً ً _ نتمنى أن نراك قريبا ًبيننا أخى ود الفكى فقد طال غيابك وزادت لهفتنا لإطلالتك البهية _
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
رد: ليس من رأى كمن سمع ؟؟ !!
نفرنا الحبيب
السلام والشوق وحمدلله على السلامي
ياسلام الكلام ده كتبتو متين؟؟؟
أول مرة أشوفو هسع
قطعة أدبية متماسكة ورائعة البنيان
ودقيقة التصوير
خلاس كده كأني وصلت
زولك ده حايم في سويسرا
بقالك تاني بي يجي يحوم بي هنا؟؟؟
السلام والشوق وحمدلله على السلامي
ياسلام الكلام ده كتبتو متين؟؟؟
أول مرة أشوفو هسع
قطعة أدبية متماسكة ورائعة البنيان
ودقيقة التصوير
خلاس كده كأني وصلت
زولك ده حايم في سويسرا
بقالك تاني بي يجي يحوم بي هنا؟؟؟
م بروي- كبار الشخصيات
- احترام قوانين المنتدى :
عدد المساهمات : 2592
نقاط : 32322
تاريخ التسجيل : 24/04/2010
رد: ليس من رأى كمن سمع ؟؟ !!
والله يا النفر ابدعتا.. أقول ليك حاجة أنا مصيت البوست ده كلمة كلمة.. روعة روعة
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 44985
تاريخ التسجيل : 14/07/2010
رد: ليس من رأى كمن سمع ؟؟ !!
الزعيمان محمد بروى وصديق عبدالله :-
حياكم الله وأبقاكم ومشكورين على المرور والتعليق _
وتقبلوا تحياتى وودى ،،،
حياكم الله وأبقاكم ومشكورين على المرور والتعليق _
وتقبلوا تحياتى وودى ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
رد: ليس من رأى كمن سمع ؟؟ !!
اووووووووو السيد النفر افتقدناك والله وفتقدنا كلامك الحلوه (الكلو دعوات) وليك وحشتين ومتابعيين السرد مع وصف الحدث
ونقول الحمدلله إتفشيت وزرتا البلد (احسن من دموع الغربه)
واصل ....
ونقول الحمدلله إتفشيت وزرتا البلد (احسن من دموع الغربه)
واصل ....
native guy- مشرف
- مشرف منتدى الكمبيوتر والبرامج والانترنت
وباحث ومطور للمحتوى العربي على الأنترنت, أهدف إلى رفع مستوى الأمة العربية ومساعدتها في النهضة العلمية, أغلب أهتماماتي في الشبكات وتحديدا الهاردوير منها وأقضى معظم وقتي في القراءة والدراسة والعمل
احترام قوانين المنتدى :
عدد المساهمات : 789
نقاط : 27291
تاريخ التسجيل : 03/08/2010
رد: ليس من رأى كمن سمع ؟؟ !!
لله درك أخي النفر ولا فض فوك
حمداً لله على سلامة الوصول
يوم الخميس الماضي فارقنا الشاعر الفحل ملك فقاعة إلى اهل الأجداد واليوم فارق الزعيم المصباح كمان إلى أرض العزاز
وأنا عن قريب بي وراهم ما شي يا عثمان
ولكن ورغم فرحتي أني سألقى الأهل والأحباب بعد فراق ستة عشر سنة بديت أخاف من لقيا البلد بعد الكلام القلته مشاعر ملخبطه ومتداخلة
لك تحياتي أخي النفر
د/ حسين النافعابي- كبار الشخصيات
- كبار الشخصيات
احترام قوانين المنتدى :
عدد المساهمات : 463
نقاط : 26297
تاريخ التسجيل : 30/06/2010
العمر : 64
رد: ليس من رأى كمن سمع ؟؟ !!
الرائع محمد سليمان ... لك تحياتى وودى وشكراً على المرور والتعليق _ نسأل الله أن يوفقك وينجحك فى دنياك وآخرتك وأن يرد غربتك سالما ً وغانما ً _
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
رد: ليس من رأى كمن سمع ؟؟ !!
مشكور د/ حسين النافعابى ملك القوز على المرور والمداخلة _ نسأل الله أن يسهل سفرك وتصل بالسلامة وتتمتع بإجازتك وسط أهلك وأحبابك _ الأهل بالقوز والجيلى والقاش يتمتعون بالصحة والعافية والقوز منور بالجامع نسأل الله أن يتقبله منك ويجعله فى ميزان حسناتك _
لك تحياتى وودى ،،،
لك تحياتى وودى ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
سرد النفر زي الغراق دابو جاء ؟ وكلام النفر يفش الغبيني؟ كلامك ياالنفر دواء لجرح منوسر
مشكور الاخ الرائع دوما عثمان النفر
ابكتنا كلماتك وانت تتحسس مراتع الصبا التي غارت تحت الماء
لك سرد رائع يفوق الطيب الصالح في دومه ود حامد
العمر ياالنفر يمر والسنين تدفر اقعدونا غرباء في بلد شوفتها تطول العمر
قطعا ماعادت الامكنه كتلك التي شهدت الطفوله وريحه المغموله ودعاش الجنوب وعبق الطاب ولمة الاحباب
اكتب لنا ياالنفر عن زينوبه المسمي والراكوبه والبرود والتله الطار والشركه الطارشي
والمعصوده التي نقف طويلا لنراها داخل فترينات تجار الفواكه
وعن نفس المسور
وعن عنبور
وعن كثير من الآمال والاحلام التي تحطمت علي احقاد الجبناء وهوان أولي الامر الحاليين
واصل ياالنفر لأن فيك الجميل من الماضي
وسردك لين لأامكنة كانت لينه
اخوك حازم
[color:7c91= red]
ابكتنا كلماتك وانت تتحسس مراتع الصبا التي غارت تحت الماء
لك سرد رائع يفوق الطيب الصالح في دومه ود حامد
العمر ياالنفر يمر والسنين تدفر اقعدونا غرباء في بلد شوفتها تطول العمر
قطعا ماعادت الامكنه كتلك التي شهدت الطفوله وريحه المغموله ودعاش الجنوب وعبق الطاب ولمة الاحباب
اكتب لنا ياالنفر عن زينوبه المسمي والراكوبه والبرود والتله الطار والشركه الطارشي
والمعصوده التي نقف طويلا لنراها داخل فترينات تجار الفواكه
وعن نفس المسور
وعن عنبور
وعن كثير من الآمال والاحلام التي تحطمت علي احقاد الجبناء وهوان أولي الامر الحاليين
واصل ياالنفر لأن فيك الجميل من الماضي
وسردك لين لأامكنة كانت لينه
اخوك حازم
[color:7c91= red]
حازم- V.i.P
- احترام قوانين المنتدى :
عدد المساهمات : 862
نقاط : 27404
تاريخ التسجيل : 19/07/2010
رد: ليس من رأى كمن سمع ؟؟ !!
رمضان كريم أخى الرائع حازم الحازم وكل سنة وأنت طيب _ سرنى مروركم وأعجبنى تعليقكم وأثرنى جمال أسلوبكم وعفوا إن تأخرت على الرد عليكم فالمشغوليات حالت دون مرورى من هنا _ الرائع حازم الكلام عن مراتع الصبا يطول ويطول ويحتاج لفصول وسنعود بإذن المعبود _
لك تحياتى وودى ،،،
لك تحياتى وودى ،،،
النفر- V.i.P
- احترام قوانين المنتدى :
عدد المساهمات : 3225
نقاط : 33797
تاريخ التسجيل : 08/06/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى