أوائل الدارسات من البنات في المناصير
5 مشترك
صفحة 1 من اصل 1
أوائل الدارسات من البنات في المناصير
ما كان تعليم البنات في المناصير
مألوفا وما كان مطلوبا حتي العام 1961حين تم قبول اول طالبتين وهن :
1-
الطالبه / اسيا السيد سليمان( شري )
2-
والطالبه نفيسة نعمان عثمان ( بت العمة )
3- وبما انه لم تكن هناك مباني لمدرسة البنات ولا
معلمات تم قبولهن في مدرسة الأولاد وفي
السنة التالية لم يتم قبول أي طالبه أو بالاحري لم تتقدم أي طالبه للدراسة حتى العام 1963 حين تم قبول الطالبه :
4- مريم حسن الفكي وكانت الطالبة الوحيدة في سنة اولي وبنهاية عام 1963 تم افتتاح مدرسة شري
الابتدائية بنات وبما انه لم تكن هناك مباني جاهزة للمدرسة اختيرت داخلية الطلاب التي هي
الآن متوسطة الأولاد كمدرسة للبنات وسكن
الطلاب في غرفة ضابط الداخلية وسكن ضابط الداخلية الأستاذ/ السر نعمان خارج المدرسة . زاد عدد الطالبات فانضمت إليهن الطالبه :
5- فاطمة علي سلمان الشاعر
6- الطالبه / خديجة احمد
حسب الله
7- الطالبه / عائشة عثمان
احمد سبالي ( عاشة حكومة )
8- والطالبه / الرحمة علي الشيخ
وكانت
اول مديرة للبنات الاستاذة / الصبر احمد المصباح والمعلمة
الوحيدة كانت فتحية عبدالحي عرزون من ابوحمد وبعد فترة وجيزة تم افتتاح المدرسة الابتدائية
واقتنع الأهالي وامتلأت المدرسة بالطلبات وهكذا بدأت مسيرة جيل جديد متعلم من
البنات كان لهن دور كبير في المجتمع . المديرة الصبر والأستاذة فتحية كانتا قمة في الأخلاق وطيب المعاملة مع الطالبات ومع أهل
الجزيرة شري فنالتا إعجاب الجميع فسمي الاستاذ /عبيد موسي بنته الكبري
علي المديرة وسليمان عبدالدايم علي الاستاذة فتحية . ولنا لقاء
مألوفا وما كان مطلوبا حتي العام 1961حين تم قبول اول طالبتين وهن :
1-
الطالبه / اسيا السيد سليمان( شري )
2-
والطالبه نفيسة نعمان عثمان ( بت العمة )
3- وبما انه لم تكن هناك مباني لمدرسة البنات ولا
معلمات تم قبولهن في مدرسة الأولاد وفي
السنة التالية لم يتم قبول أي طالبه أو بالاحري لم تتقدم أي طالبه للدراسة حتى العام 1963 حين تم قبول الطالبه :
4- مريم حسن الفكي وكانت الطالبة الوحيدة في سنة اولي وبنهاية عام 1963 تم افتتاح مدرسة شري
الابتدائية بنات وبما انه لم تكن هناك مباني جاهزة للمدرسة اختيرت داخلية الطلاب التي هي
الآن متوسطة الأولاد كمدرسة للبنات وسكن
الطلاب في غرفة ضابط الداخلية وسكن ضابط الداخلية الأستاذ/ السر نعمان خارج المدرسة . زاد عدد الطالبات فانضمت إليهن الطالبه :
5- فاطمة علي سلمان الشاعر
6- الطالبه / خديجة احمد
حسب الله
7- الطالبه / عائشة عثمان
احمد سبالي ( عاشة حكومة )
8- والطالبه / الرحمة علي الشيخ
وكانت
اول مديرة للبنات الاستاذة / الصبر احمد المصباح والمعلمة
الوحيدة كانت فتحية عبدالحي عرزون من ابوحمد وبعد فترة وجيزة تم افتتاح المدرسة الابتدائية
واقتنع الأهالي وامتلأت المدرسة بالطلبات وهكذا بدأت مسيرة جيل جديد متعلم من
البنات كان لهن دور كبير في المجتمع . المديرة الصبر والأستاذة فتحية كانتا قمة في الأخلاق وطيب المعاملة مع الطالبات ومع أهل
الجزيرة شري فنالتا إعجاب الجميع فسمي الاستاذ /عبيد موسي بنته الكبري
علي المديرة وسليمان عبدالدايم علي الاستاذة فتحية . ولنا لقاء
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
ايضا من اوائل الدارسات الاستاذة الفاضلة زينب المرضي لكنها لم تتلقي تعليمها في المناصير وكذلك زينب احمد عثمان والدة اخونا مصطفي عمر الحسن عضو المنتدي الملكي وابنة عمها فاطمة محمد عثمان والدة اخونا وزميل دراستي الاخ حمزه ابراهيم علي .
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
عز الدين... يا عز الدين.. يا ود أعمي.. يا ود خالتي.. يا جاري..
لقد ولجت ساحتي بقوة شديدة..
لكن عليك الله ، المعلومات دي الأداك ليها منو؟
مين نفيسة نعمان عثمان دي؟ ما عرفتها.. معقول العمدة عندو بت إسمها نفيسة؟
بعدين انا دخلت سنة 1963 ما متذكر مريم دي قرت معانا.. وما أظن قرت معانا..
نعم آسيا السيد بتذكرا وكانت قدامنا.. هي فى رابعة ونحن في أولى
وبالرغم من كدة كانت تعيد هيي لمينا فيها عايدة في رابعة.. وفتناها ودخلنا الوسطى..
حتى بعد كدة هي دخلت وسطى
لقد ولجت ساحتي بقوة شديدة..
لكن عليك الله ، المعلومات دي الأداك ليها منو؟
مين نفيسة نعمان عثمان دي؟ ما عرفتها.. معقول العمدة عندو بت إسمها نفيسة؟
بعدين انا دخلت سنة 1963 ما متذكر مريم دي قرت معانا.. وما أظن قرت معانا..
نعم آسيا السيد بتذكرا وكانت قدامنا.. هي فى رابعة ونحن في أولى
وبالرغم من كدة كانت تعيد هيي لمينا فيها عايدة في رابعة.. وفتناها ودخلنا الوسطى..
حتى بعد كدة هي دخلت وسطى
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
يا عز الدين
والله تقصد بت عمتك التانية في النعوفاب.. عمتك( حروز)
تقصد بت زينب بت الطرشان في النعوفاب وزينب متزوجا الشيخ نعمان
أو
أخت الشيخ نعمان. تعني؟. الشيخ ود نفيسة
معقول الشيخ عندو أخت اسمها نفيسة؟ وأمو ذاتا نفيسة..؟
معلومتك دي ما قادر اركز فيها محل ما وديتا؟ كدي أسأل سلمان عقيد عن الحتة دي؟
والله تقصد بت عمتك التانية في النعوفاب.. عمتك( حروز)
تقصد بت زينب بت الطرشان في النعوفاب وزينب متزوجا الشيخ نعمان
أو
أخت الشيخ نعمان. تعني؟. الشيخ ود نفيسة
معقول الشيخ عندو أخت اسمها نفيسة؟ وأمو ذاتا نفيسة..؟
معلومتك دي ما قادر اركز فيها محل ما وديتا؟ كدي أسأل سلمان عقيد عن الحتة دي؟
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
الاخ صديق لك التحية سوف تجد في الايام القادمه منافسة قوية لاني وجدت مصدرا قويا للمعلوماتالاخت هي نفيسة سليمان عثمان رحمها الله وقد حكي لي المصدر انه عام 1963 كان في سنه اولي وانت ياصديق كنت في سنه ثانية وبالفعل كانت تدرس معهم الاخت مريم وحكي لي موقف حدث معاها قال يوم ضرب الجرس وجيت جاري جري علي الفصل وانطاقشنا انا وهي عند الباب ومشت اشتكتني وادوني علقة .
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
طيب أنت قلتا في الأول نفيسة نعمان
وتاني جيت قلتا نفيسة سليمان
نفيسة سليمان..
ما عرفتها بت منو دي ومن أي حلة؟
نفيسة اخت الشيخ؟
والله نفيسة بت سليمان ود العمدة؟ ماعندو بت اسمها نفيسة سليمان ود العمدة؟
خلي مصدرك ده يركز معانا شوية
مرة تكتبا نفيسة نعمان
ومرة نفيسة سليمان
وتاني جيت قلتا نفيسة سليمان
نفيسة سليمان..
ما عرفتها بت منو دي ومن أي حلة؟
نفيسة اخت الشيخ؟
والله نفيسة بت سليمان ود العمدة؟ ماعندو بت اسمها نفيسة سليمان ود العمدة؟
خلي مصدرك ده يركز معانا شوية
مرة تكتبا نفيسة نعمان
ومرة نفيسة سليمان
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
ثورة أكتوبر لما قامت أنا كنت في سنة تانية1964
ودخلت سنة أولى سنة1963
مصدرك غلطان
وسنة ثالثة كنت أرسم القرشي حتى سموني الطلبة القرشي
بعدين أنا دخلت ودخل معي أستاذ جديد شيخ تاج السر سنة 1963 متذكرو
وبرضو أكد لى هذه المعلومة جعفر نعمان عثمان شقيق تاج السر وهو معنا هنا في أبوظبي
ودخلت سنة أولى سنة1963
مصدرك غلطان
وسنة ثالثة كنت أرسم القرشي حتى سموني الطلبة القرشي
بعدين أنا دخلت ودخل معي أستاذ جديد شيخ تاج السر سنة 1963 متذكرو
وبرضو أكد لى هذه المعلومة جعفر نعمان عثمان شقيق تاج السر وهو معنا هنا في أبوظبي
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
مصدرك ده سليمان أخوك يا عز الدين.. والله زول معاكم في المملكة؟
إلا يكون الشيخ على الأمين
الشيخ نحنا ما عاصرناه خالص.. طلع من شري زماااان بعد داك نحن دخلنا..
إلا يكون الشيخ على الأمين
الشيخ نحنا ما عاصرناه خالص.. طلع من شري زماااان بعد داك نحن دخلنا..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
الصديق العزيز عزالدين وضيفه الرايع الفنان صديق
نفيسه نعمان عثمان صحيح هي ابنة عمتنا عائشه بت الحسن
ووالدها العمده نعمان وهي تربة مع اخوالها بشري
ثم تزوجت بعد ذلك بعصمه
وهي درست بشري
نفيسه نعمان عثمان صحيح هي ابنة عمتنا عائشه بت الحسن
ووالدها العمده نعمان وهي تربة مع اخوالها بشري
ثم تزوجت بعد ذلك بعصمه
وهي درست بشري
mustafa omer Elhassan- ملـــــكي
- احترام قوانين المنتدى :
عدد المساهمات : 2024
نقاط : 31545
تاريخ التسجيل : 19/10/2010
رد: أوائل الدارسات من البنات في المناصير
الله يجزيك خير اخي مصطفي خلصتني من الورطة لاني في الاول قلت نفيسه نعمان عثمان الاخ صديق شككني خلاني اقول يمكن بنت عمها سليمان لذلك غيرت الاسم . أما ما علمته فقد وجدك المصدر يا اخي صديق عايد في سنه ثالث وذلك لصغر سنك وعرفت منه اي واحد كان صغير ممكن يرجعوهو عادي وحصل هذا ايضا مع الاستاذيين الجليلين عمر الدمري ومحمد سليمان جوده . فهل هذا التوثيق صحيح اخي صديق حتي نواصل في السرد.
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
لا يا عز الدين أنا عدت في رابعة بس.. لأنو لم ينجح أحد قبلنا..
وفي ناس عايدين اربعة مرات في رابعة لامن فصلوهم.. وفي ناس أعلام ودخلوا جامعة الخرطوم كانوا عايدين اربعة مرات في رابعة
وفي ناس عايدين اربعة مرات في رابعة لامن فصلوهم.. وفي ناس أعلام ودخلوا جامعة الخرطوم كانوا عايدين اربعة مرات في رابعة
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
يعني هو المصدر بتاعك ده برضو ذاكرته قوية. أنا نفيسة دي ولاشفتها ولابعرفا ولازاملتي في الدراسة ولابعرف أصلا أن العمدة كانت متزوج بت الحسن.. بس بعرف مرتو الأولى أم ناس عثمان ياترى هي ( أم الحسن بت كريفشي) ماتت قبل ما يلدونا بعدين نفيسة دي ماتت متين هي.. برضو ما عارف..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
اخي صديق انا ذكرت سبب الاعاده وهو لصغر سنك حاشاك يا اخ صديق ان يكون السبب هو المستوي ده كلو من المصدر
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
تمام يا عز الدين..
والله ما عارف هنالك حقايق ارويها زي البارح.. لكن ما بقدر أتذكر أي شئ.. في مناطق ممسوحة تماما عندي
زي محمد بروي قال والله أنا ما بذكر لادفعتي لافصلي ولا قريت والله ما قريت..
الحمدلله الأنا سردت حاجة غايتو..
هو يا ربي المصدر ده؟
والله العصفورة دي لابدي كدي مالا يا ربي وتملي فيك.. وإنت تجيبا بي ضبانتا.. يا ود أعمي وودخالتي وجاري.. وأخو زوجة ود عمتى.. خليييفة بت اب حنة.. واخو زوجة ود عمتي زينب بت الضقولة.. وزوج بت ود عمتي.. فرحين بت الضقولة مرة علي ود اللمين..
يلا أها منتظرين عصفورتك دي؟
هل هو متذكر شادية بت المعلمات
هل هو متذكر نوال أحمد الكنزي بت المعلمات الكانت تدرس معنا في سنة ثالثة دي معلمة من بربر جابتا أختا
والله ما عارف هنالك حقايق ارويها زي البارح.. لكن ما بقدر أتذكر أي شئ.. في مناطق ممسوحة تماما عندي
زي محمد بروي قال والله أنا ما بذكر لادفعتي لافصلي ولا قريت والله ما قريت..
الحمدلله الأنا سردت حاجة غايتو..
هو يا ربي المصدر ده؟
والله العصفورة دي لابدي كدي مالا يا ربي وتملي فيك.. وإنت تجيبا بي ضبانتا.. يا ود أعمي وودخالتي وجاري.. وأخو زوجة ود عمتى.. خليييفة بت اب حنة.. واخو زوجة ود عمتي زينب بت الضقولة.. وزوج بت ود عمتي.. فرحين بت الضقولة مرة علي ود اللمين..
يلا أها منتظرين عصفورتك دي؟
هل هو متذكر شادية بت المعلمات
هل هو متذكر نوال أحمد الكنزي بت المعلمات الكانت تدرس معنا في سنة ثالثة دي معلمة من بربر جابتا أختا
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
طلاب الصف الرابع سنة
1966
1-
صديق عبدالله ابوحنه
الحنانين
2-
علي حسن علي صديق شري
3-
محمود تاج السر البشير شرري
4-
حسن محمد سعيد شري
5-
حمد عثمان حمد شري
6-
السيد حسن صالح شري
7-
محمد صالح محمد مصطفي شري
8-
محمد عثمان ابراهيم كرار سور
9-
جعفر نعمان عثمان السلمات
10- مصباح محمد مصباح شري
11-
غالب عبدالعزيز حماد الجزيرات
12-
حمزه الدقير كوينة
13-
عيسي الحسن قمر الدين حوش فرنيب
14-
هاشم الباشري حوش فرنيب
15-
ابراهيم محمد احمد حمودي اوس
16-
حسين محمد حمودي سور
17-
خليفة النعيم حسين المتره
18-
عمر الدمري شري
19-
عبدالله سليمان محمد شرري
20-
ابراهيم علي محمد سعيد عثمان
شرري
21-
علي سليمان محمد احمد شنباني
شري
22-
عبدالله علي عبدالله شري
23-
خليفة محمد يوسف العمارين
24-
سعيد علي العقيد شري
25-
عبدالقادرمحمد احمد الصادق شري
26-
سليمان حامد سليمان العمارين
اخي صديق ذكر لي المصدر ان هؤلاء هم طلاب الصف الرابع للعام 1966
الذين جلسوا للاختبار ولم يقبل منهم احد وذلك لانو كانت هنالك عشرة مدارس ستة تابعة لابوحمد واربعة تابعة لشري ويقدر عدد
الطلاب في هذه المدارس ما بين اربعمائه الي خمسمائة طالب وعاوزين منهم اربعين فقط يعني منافسة قوية جدا وحصل الطالب عبدالقادر محمد احمد الصادق علي
الترتيب ال 41 وضاعت عليه فرصة القبول . وتم قبول الطالب عبدالله علي الحومري لانو امتحن من خارج شري وكذلك بت الناظر ابتسام الهادي محمد الشفيع واخوها عمر .
1966
1-
صديق عبدالله ابوحنه
الحنانين
2-
علي حسن علي صديق شري
3-
محمود تاج السر البشير شرري
4-
حسن محمد سعيد شري
5-
حمد عثمان حمد شري
6-
السيد حسن صالح شري
7-
محمد صالح محمد مصطفي شري
8-
محمد عثمان ابراهيم كرار سور
9-
جعفر نعمان عثمان السلمات
10- مصباح محمد مصباح شري
11-
غالب عبدالعزيز حماد الجزيرات
12-
حمزه الدقير كوينة
13-
عيسي الحسن قمر الدين حوش فرنيب
14-
هاشم الباشري حوش فرنيب
15-
ابراهيم محمد احمد حمودي اوس
16-
حسين محمد حمودي سور
17-
خليفة النعيم حسين المتره
18-
عمر الدمري شري
19-
عبدالله سليمان محمد شرري
20-
ابراهيم علي محمد سعيد عثمان
شرري
21-
علي سليمان محمد احمد شنباني
شري
22-
عبدالله علي عبدالله شري
23-
خليفة محمد يوسف العمارين
24-
سعيد علي العقيد شري
25-
عبدالقادرمحمد احمد الصادق شري
26-
سليمان حامد سليمان العمارين
اخي صديق ذكر لي المصدر ان هؤلاء هم طلاب الصف الرابع للعام 1966
الذين جلسوا للاختبار ولم يقبل منهم احد وذلك لانو كانت هنالك عشرة مدارس ستة تابعة لابوحمد واربعة تابعة لشري ويقدر عدد
الطلاب في هذه المدارس ما بين اربعمائه الي خمسمائة طالب وعاوزين منهم اربعين فقط يعني منافسة قوية جدا وحصل الطالب عبدالقادر محمد احمد الصادق علي
الترتيب ال 41 وضاعت عليه فرصة القبول . وتم قبول الطالب عبدالله علي الحومري لانو امتحن من خارج شري وكذلك بت الناظر ابتسام الهادي محمد الشفيع واخوها عمر .
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
مصدرك سليمان حامد سليمان يا عز الدين صاح؟
أول حاجة نصحح ليك مصدرك ده؟
نحن موش دخلنا سنة رابعة سنة 66 لا دخلناها سنة 1967 وناظرنا كان مختار الخليفة أحمد الأمين من الباوقة..هو النجحنا
بعدين عبد القادر محمد أحمد الصادق موش دفعتنا
الطيب محمد الطيب عاد مرتين في رابعة وهو موش دفعتنا... لمينا فيهو ساكت
وعبد القادر محمد أحمد الصادق عاد مرتين في رابعة حتى دخل جامعة الخرطوم وأصلا ما عاصرناه إلا لمينا فيهو في رابعة
دي بس متذكرا زي عشاي بتاع البارح ده..
بعدين عبد الله سليمان من شرري موش دفعتنا... هو الدفعة القدامنا
بعدين مصباح موش دفعتنا هو الدفعة الورانا
بعدين موش خليفة محمد يوسف
هو خليفة يوسف محمد عقيلابي... العمارين
برضو يا عز الدين نحي العصفورة بتاعتك على المعلومات القريبة جدا ولكن فيها اختلاف شوية
............
نرجع للموضوع
بتاع الجيل الأول من بنات المناصير.. قبل ما تفتح مدرسة البنات..
ايوة بت الناظر إبتسام دي نسيتا تب..
بالله كنا نتعامل معاهم زينا واحد ونتشاكل ونتضارب..
جيل راقي المناصير أول من مارس التعليم المختلط.. اطفال أبرياء.. بالله هسي دي تعال شوف الزمن ده..تلقاهو صغيييير وعارف معلومات تحيرك
كنا مساكين ابرياء نحن..
التربية الصميمة برضو ليها اثر
والمجتمع الصارم كان ليهو اثر
أول حاجة نصحح ليك مصدرك ده؟
نحن موش دخلنا سنة رابعة سنة 66 لا دخلناها سنة 1967 وناظرنا كان مختار الخليفة أحمد الأمين من الباوقة..هو النجحنا
بعدين عبد القادر محمد أحمد الصادق موش دفعتنا
الطيب محمد الطيب عاد مرتين في رابعة وهو موش دفعتنا... لمينا فيهو ساكت
وعبد القادر محمد أحمد الصادق عاد مرتين في رابعة حتى دخل جامعة الخرطوم وأصلا ما عاصرناه إلا لمينا فيهو في رابعة
دي بس متذكرا زي عشاي بتاع البارح ده..
بعدين عبد الله سليمان من شرري موش دفعتنا... هو الدفعة القدامنا
بعدين مصباح موش دفعتنا هو الدفعة الورانا
بعدين موش خليفة محمد يوسف
هو خليفة يوسف محمد عقيلابي... العمارين
برضو يا عز الدين نحي العصفورة بتاعتك على المعلومات القريبة جدا ولكن فيها اختلاف شوية
............
نرجع للموضوع
بتاع الجيل الأول من بنات المناصير.. قبل ما تفتح مدرسة البنات..
ايوة بت الناظر إبتسام دي نسيتا تب..
بالله كنا نتعامل معاهم زينا واحد ونتشاكل ونتضارب..
جيل راقي المناصير أول من مارس التعليم المختلط.. اطفال أبرياء.. بالله هسي دي تعال شوف الزمن ده..تلقاهو صغيييير وعارف معلومات تحيرك
كنا مساكين ابرياء نحن..
التربية الصميمة برضو ليها اثر
والمجتمع الصارم كان ليهو اثر
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
بعدين عبد الله علي الحومري ده ما عاصرناه خالص كدفعة.. ووضحت مسألتو أنا في بوست.. وهو قبلنا بدفعتين.. ودخل المدرسة أظن كبير شديد.. والمعلومات الذكرتها إنو ابراهيم الشاعر هو الذي قدم ليهو خدمة وساقو مدارس الشايقية وجاء منها قبلنا لأبوحمد الوسطي.. حتى ابوحمد الوسطي ما إمتحن فيها إمتحان لجنة زينا..
............
ارجع للطالبات زي ما كنت يا عز الدين..
ما تتقلب بدل طالبات,... طلبه
............
ارجع للطالبات زي ما كنت يا عز الدين..
ما تتقلب بدل طالبات,... طلبه
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
الاخ صديق كما قلت نرجع الي اوائل الدارسات وطبعا معظمهن من شري وذلك لانو لم تكن هنالك داخلية للبنات وايضا عدم موافقة الاهالي والبعض عندو راي في تعليم البنات واخواتنا لم يسمح لهن بالدراسة رغم قرب شري وممكن الواحده تشولت . من اوائل الدارسات :
1-
ام الحسن الدكيمي
2-
زينب موسي الامامي
3-
سعدية بروي
4-
فاطمة محمد الطيب
5-
عائشة عثمان الحسن عثمان
6-
مريم حسن صالح
7-
فضيلة الحاج طه
1-
ام الحسن الدكيمي
2-
زينب موسي الامامي
3-
سعدية بروي
4-
فاطمة محمد الطيب
5-
عائشة عثمان الحسن عثمان
6-
مريم حسن صالح
7-
فضيلة الحاج طه
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
الأخ عزالدين لك التحية وللأهل وآسفين جدا ويمكن يكون في زعل ولوم وسبق أن كتبت في هذا البوست واعتذرت لك وطلبت منك أن يكون هذا البوست في منتدى المرأة والأسرة والذي خصصت فيه جزء للمرأة المنصورية . وقد عجبني موضوعك عن أوائل الدارسات ولكني أراك بدأت تعتمد على الذاكرة القوية سليمان حامد وقد لمست أنها بدأت تترهل شوية وطبعا سليمان حامد حافظ الكثير ولكني أراه بدأ يخبط وأنا لست من دفة 1966 كما ذكر لك الأخ صديق وسبق أن سرد أسماء دفعته في الصف الأول لخليك ياعزالدين في موضوع أوائل الدارسات وهو موضوع تخفى حقائقه على الكثيرين وأنا في هذه الأيام في السودان ولو وجدت طريقة سوف أوافيك بأخبار عن أوائل الدراسات . أما مواضعي أنا فقد قابلت الأخ محمد بروي وسألني وقلت ليه أنا مكثت أسبوع بالسودان وما زلت (زي البعرة الفي السبلوكة) قد كتبت قبل هذا ولكن لأسباب فنية وقطع مني الإنترنت ولم استطيع تسجيل الموضوع.
مصباح محمد مصباح- كبار الشخصيات
- احترام قوانين المنتدى :
عدد المساهمات : 1897
نقاط : 29741
تاريخ التسجيل : 14/08/2010
رد: أوائل الدارسات من البنات في المناصير
خلاص دكتور مصباح وضع النقاط على الحروف..
ارجع لينا للبنات وأوائل الدارسات يا عز الدين زي ما واصلت.. ماقصرت..
ارجع لينا للبنات وأوائل الدارسات يا عز الدين زي ما واصلت.. ماقصرت..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
نفيسة بت العمدة ارملة خالى المرحوم عيسى محمد عيسى مضوى حية ترزق وموجودة الان بعصمةصديق عبدالله علي أبوحنة كتب:
مين نفيسة نعمان عثمان دي؟ ما عرفتها.. معقول العمدة عندو بت إسمها نفيسة؟
الرشيد طه- اداري
- مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 32366
تاريخ التسجيل : 15/04/2010
رد: أوائل الدارسات من البنات في المناصير
عيسى محمد عيسى ده أخو الراجل القيافة الحبوب أحمد عيسى..
كانوا عازمني بأسرتي مناصير كوستي لقيت ولد أحمد عيسى ده هناك يقرا في الجامعة وقاعد مع الزعيم جعفر عثمان..
قلتا لي ناس سليمان حامد وعز الدين كتلوها بالغلط! معذورين ومعاهم الزعيم مصطفى.. معذورين.. والعذر مقبول..
معناهو عمرا طوييل قدر مجاري البحور نفيسة دي؟
نحنا نقولوا عيسى ود صبيحة..
كانوا عازمني بأسرتي مناصير كوستي لقيت ولد أحمد عيسى ده هناك يقرا في الجامعة وقاعد مع الزعيم جعفر عثمان..
قلتا لي ناس سليمان حامد وعز الدين كتلوها بالغلط! معذورين ومعاهم الزعيم مصطفى.. معذورين.. والعذر مقبول..
معناهو عمرا طوييل قدر مجاري البحور نفيسة دي؟
نحنا نقولوا عيسى ود صبيحة..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45180
تاريخ التسجيل : 14/07/2010
رد: أوائل الدارسات من البنات في المناصير
صاح يا صديق هو عيسى ود صبيحة عليها وعليه الرحمةصديق عبدالله علي أبوحنة كتب:
..
نحنا نقولوا عيسى ود صبيحة..
الرشيد طه- اداري
- مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 32366
تاريخ التسجيل : 15/04/2010
رد: أوائل الدارسات من البنات في المناصير
الاخ الرشيد لك التحية ربنا يعطي نفيسة بت العمدة الصحة والعافيه ويمد في ايامها . الاخت التي ترحمت عليها هي نفيسة بت سليمان غفر الله لها . .
عدل سابقا من قبل عزالدين محمد ضقولي في الجمعة 08 يوليو 2011, 6:56 pm عدل 1 مرات
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
رد: أوائل الدارسات من البنات في المناصير
الاخ مصباح اشكرك علي هذا التوجيه السليم وفعلا الموضوع يناسب منتدي المرأة والأسرة اما انك قد ذكرت لي قبل ذلك انا لم احلاظ ما قلته فالمعذره وربنا لا يجيب لوم . ولا زعل. . .
عزالدين محمد ضقولي- عضو متميز
- احترام قوانين المنتدى :
عدد المساهمات : 357
نقاط : 26095
تاريخ التسجيل : 17/07/2010
مواضيع مماثلة
» اليوم في الدامر البشير قال: بحيرة المناصير، مجرد نطق كلمة المناصير فرحني من المغصة العلينا
» هام وعاجل اتحاد طلاب المناصير يقيم حفل تكريم لطلاب المناصير المشاركين في الدورة المدرسية
» تخيلوا البنات يخطبون الاولاد ... لا يفوتكم (للضحك)
» زيادة كبيرة في نسبة زواج الأطفال بالبلاد وفقدان ما بين 60% إلى 70% من البنات لفرص التعليم
» من ود المناصير الى اهل الروعه فى منتدى المناصير بلدي
» هام وعاجل اتحاد طلاب المناصير يقيم حفل تكريم لطلاب المناصير المشاركين في الدورة المدرسية
» تخيلوا البنات يخطبون الاولاد ... لا يفوتكم (للضحك)
» زيادة كبيرة في نسبة زواج الأطفال بالبلاد وفقدان ما بين 60% إلى 70% من البنات لفرص التعليم
» من ود المناصير الى اهل الروعه فى منتدى المناصير بلدي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى