المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

أطيب وألذ وأطعم انواع لحوم الصيد

استعرض الموضوع السابق استعرض الموضوع التالي اذهب الى الأسفل

أطيب وألذ وأطعم انواع لحوم الصيد

مُساهمة من طرف سلمان عقيد النعوفابى في الثلاثاء 21 يونيو 2011, 2:04 am

اطيب واطعم لحوم الصيد هى-

فى البر طبعا الغزال وخاصة اذا ضربت اصطدت غزالا تتركها فترة ثم تنضجا عشان كده زمان كان اهلنا العرب عندما يأتوا لسوق النعوفاب يكونوا من بالليل جايبين معهم الصيد وعندما يبيتون يكون لحم الغزال مية المية –

وفى الطيور القطا يعتبر من اطعم الانواع ويمكن عشان وكما يقولون ان القطا يأكل الحصحاص ويكون به املاح معدنية وغيرها من الاشياء الموجودة فى البيئة التى يعيش فيها –

اما فى البحر فاطعم انواع اللحوم هو لحم التمساح (الفرخ) لحمة لذيذة جدا واطعم من السمك العادى ويمكن يرجع لان فرخ التمساح يتغذى فى معظم الاحيان على الاسماك فقط –

هذه الاشياء طبعا هى رأي الخاص وعن تجربة لكل الانواع المذكورة--






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19629
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: أطيب وألذ وأطعم انواع لحوم الصيد

مُساهمة من طرف صديق عبدالله علي أبوحنة في الثلاثاء 21 يونيو 2011, 4:07 pm

أبوي لما ضرب تمساح جزاير الدميري يا سلمان.. جدك محمد ود الخليفة شال منو لحم البطن بس .. وقال عشان التمساح كبير باقي لحمو قوي وفعلا طبخ لينا منو حلة جنب البحر كان روعة.. وزي الزبدة كنتا مفتكروا قوي .. لكن حاجة في منتهى الروعة .. شال من التمساح وجاء ترج النار بالغرب جنب العشة الكان مسويها خالك سلمان لى بابورو في بداياتا . توفي جدكم محمد ود الخليفة في عام 1974

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: أطيب وألذ وأطعم انواع لحوم الصيد

مُساهمة من طرف نورالهادى في الأربعاء 22 يونيو 2011, 2:32 am

اللأخ سلمان تحياتى لك وللاخ الباشمهندس صديق .طلما الحديث عن الشية سوف اقوم بتنزيل مداخلة كتبتها عن شية لحم الكلاب فى موضوع للاخ نادر محمد الخليفة يتحدث عن اختفاء الكلاب فى السودان وسوف انزل رده .وسوف أذكر لكم شية الثعابين فى سوق الأربعاء فى سرنبان بماليزيا وما أطيب شيتها ورائحتها .

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26493
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: أطيب وألذ وأطعم انواع لحوم الصيد

مُساهمة من طرف نورالهادى في الأربعاء 22 يونيو 2011, 2:39 am

1. لقد قضيت اكثر من عام فى كوريا الجنوبيه وكنت اعمل فى قريه صغيره اسمها ( كيبونق) ، وطلعت عدة رحلات صيد مع هولائى القوم بحثا عن الكلاب الضاله لانهم يحبون اكل لحم الكلاب المتوحشه ، يقال ان لحمها طاعم ، والمهم فى الامر اننى فى حياتى لم اشم رائحه اطيب من رائحة شية لحم الكلاب . فى البدايه يقطع لحم الكلاب الى شرائح خفيفه وتوضع فيه بهارات خفيفه ، وطبعنا لحم احمر خالى من الدهون يعنى قريب للحم الغزال .ولا يأكل لحم الكلاب الا الاغنياء لانه غالى جدا الكيلوا الواحد يساوى سعر اثنين كيلوا من لحم البقر ، ويؤكل هذا اللحم مع صلطه خاصه اسمها ( الكمشى ) ودى عباره عن خص وجزر وحاجات كثيره واهم شى كمية الشطه فيها تخمر هذه الخلطه لمدة عشرة ايام وبعد ذلك تكون جاهزه للاكل ولكن عندما تأكلها تطلع طوالى فى العرق ، ولذلك تجد رائحة المواصلات العامه كريهه جدا جدا ، اما طريقة اكل لحم الكلاب ، يجلسون هولائى القوم فى فرشه على الارض فى شكل دائره وتتوسطهم شواية كهرباء وعدة صحون من صلطة الكمشى وفى نفس الدائره بوتوجاز صغير بعين واحدة توضع عليه حله فيها الشوربه التى تم تبحيرها بالبهارات الفرش مثل الكسبره والى آخره وفى نفس الدائره توجد عدة زجاجات من شراب الصوجو وهذا يعادل عندنا العرقى يعنى شراب بلدى ولا تسمع فى هذه الجلسه غير النقاسيو لان هولائى القوم ندر من يتحدث منهم لغه اخرى ، طريقة الشوى توضع هذه القطع الخفيفه على الشوايه ولا ينتظروها حتى تستوى فيتم اكلها بعصايتين صغار ، فعندما تأكل واحدة يجب ان تضع فى مكانها واحده اخرى . فهولائى القوم يحبون لحم الكلاب كحبهم للعمل .



الاخ المنصوري ...

والله بالطريقة الحكيت بيها شية الكلاب بياكلوها كيف وبيسووها كيف .. الواحد ريل عديييل كدة عشان يضوق الشغلة دي


أنا حصل لي موقف تاي لمن كنت في الهند .. كنا طلبة جداد لنج وانقليزينا ما على قدر كدة مسينا نشتري لحمة من البقالة البائع قال لينا عندو لحمة
bork أنحنا طبعا ما فهمنا بورك دي معناها شنو !!! الزول المعاي قال لي يا خي م ش ما لحم خنزير pig !! ابقى خلاص اكيد حا يكون لم حلال !! امهم اشترينا اللحمة ومشينا طبخناها وكانت الذ لحمة ناكلا في حياتنا ..

بقينا كل ما نمشي نطلب لحمة بورك .. سجوك بورك .. بيرقر بورك .. بقينا في الشغلة دي فترة طويلة خلاص لحي ما جاء اليوم العزمنا فيهو طلبة معانا في الكلية وبنا ليهم اللحم دا
بع ما اكلو قالو لينا : انتو مش مسلمين ؟ قلنالهم : أايي !! قالو لينا البورك دا لحم الخنزير وما مفروض تاكلوهو !! طبعا اتخلعنا وفي النهاية بطلنا نواصل معاهم

صنفرة :

بعد ما رجعنا لي لحم البقر تاني ! اشتقنا والله لي لحم الخنزير ولي قرمشة طعمو

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26493
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: أطيب وألذ وأطعم انواع لحوم الصيد

مُساهمة من طرف صديق عبدالله علي أبوحنة في الأربعاء 22 يونيو 2011, 2:59 am

نادر محمد الخليفة
ده موش الزول البي يكتب في سودانيز أون لاين يا نور الهادي
اظنه منصوري!

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: أطيب وألذ وأطعم انواع لحوم الصيد

مُساهمة من طرف نورالهادى في الأربعاء 22 يونيو 2011, 4:11 am

أيوه يا باشمهندس هو نادر الذى يكتب معكم وبتاع أبكرينا وأنا كتبت معهم فترة فى البيت السودانى وقبلها كنت معهم فى سودانيز اوفلاين ولكن ما أظنه منصورى المنصورية الوحيدة بت ناس عزالدين كرار والظاهر ما عندها خبر هذا الموقع وهية عضوء نشيط معكم ومنصورية لا يمكن تجاهلها لأنها كتابة .يا باشمهندس وين أمين عثمان صديق لسع يكتب معكم بالرغم من أنه فى السعودية ولكن لم أسمع به من ناس السعودية .

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26493
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: أطيب وألذ وأطعم انواع لحوم الصيد

مُساهمة من طرف صديق عبدالله علي أبوحنة في الأربعاء 22 يونيو 2011, 4:54 am

هو في مناصير كتير في سودانيز اون لاين..الناس هناك كتاباتهم حادة شديد لأنهم معظمهم مهاجرين..
انا لما اكتب بحب أكتب موضوعات عامة.. ما بحب اتجنى على الناس
ولما بقا صارخ شديد سودانيز قللت فيهو الكتابة إلا اشياء ضرورية.......
هي بت ناس كرار عندها خبر بالموقع هنا
وزي ما شفتها زولة كتابة شديد( نهال كرار).. مفكرة.. وما بتجامل.. ومثقفة جدا.. وأنا أفتكر موقعنا هنا في اطرافه في ناس بسطاء شوية وحاريين وما بينفعوا مع نهال كرار.. لأنها زولة زي السيف.. وقد تجي وتطلع زعلانة من الموقع، وتتشوه عندها الفكرة عن المناصير، خاصة أنها متربية برة المناصير.. ومغتربة.. خلى موقعنا هنا يسلك شوية ويمشى زيادة في حرية إحترام الراى الآخر لدرجة قصوى، بعدين هي بتجي عادي..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31680
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى