تعظيم سلام

من طرف **م بروي** الإثنين 03 مايو 2010, 2:02 pm

راهن الحادبين على مصالح المنطقة على أصالة أهلها بأن يصمدوا فيها ولن يغادروها
رغم:
أن حياتهم(رزق اليوم باليوم) قبل ما تغرق ولا يقوى أحد منهم على الصمود.
رغم جحافل المثبطين الداعين للتخاذل وسطهم(لما الشريط الزراعي ده يغرق ويفضل الحجر والسماء تقعدوا هني تأكلوا شنو؟)
رغم الإعلام الرسمي الأكثر تثبيطاً لهمم الناس
.
رغم المغريات بقبض الملايين.
رغم رحيل القبايل من حولهم.
رغم رحيل البعض من الأهل أخوان وأبناء عمومة(وعمرو الدم ما يبقى ميه كما قال المصريون) فيما يشبه نزع الأظافر بل أكثر.
رغم صعوبة البناء في المواقع الجديدة وما تكلف من استصلاح.
رغم تهديد موظفي الدولة بقطع رواتبهم
رغم الجرح الغاير في نفس ترى بأم عينها مراتع الصبا والذكريات الحافلة بكل رائع يغيب تحت الماء.
رغم ضياع الأمل بأن يبقى منها اليسير أو لاتغرق بالمرة.ورغم ورغم ورغم ورغم____________________________
لكل ذلك نرفع التعظيم سلام لكل فرد آثر البقاء والتمسك بترابنا الغالي والحفاظ على بقاء قبيلة أصيلة حتى النخاع.
التحية لهم لإسقاطهم كل الإدعاءات بأننا ناس خلاف وكجار(شري الكاب).
التحية لهم وهم يؤكدون بطلان الإدعاءات بأننا جافين وبدواخلنا محبة واهنة منحسرة.
التحية لكل تربال أصبح يشتري البصلة و زمان كان بصلو المفرضاهو الطوريي يكفي أسر في بلاد تانية ترسل ولادها الدكان يشتروا كل يوم بصلتين للملاح. ورغم هذا هو سعيد بأنو قاعد فوق ديارو يتنسم هواها العليل.
التحية لكل إمرأة منصورية آثرت البقاء في أرضها رغم الحديث بأن هناك لاورود مويه ولا فانوس ولا حش عشى غنم ولا لقيط واقود.
التحية لكل طالب فضل يقعد فوق برش في خيمة ويعاف ما يسمع به من أثاث و ثير
لكل منصوري أصيل
أرفع التعظيم سلام.
ارفعوا معي التعظيم سلام

من طرف **م بروي** الإثنين 03 مايو 2010, 2:06 pm

بعد كتابتي للموضوع على عجاله وانا بالمكتب والناس داخلين مارقين \تذكرت بأن الكثير قد فات علي لكن بجيكم راجع.

من طرف **(الحاج شرف)** الإثنين 10 مايو 2010, 10:37 pm

طال سفرك وان حسبناها بالجد تستحق الجنسيه السعوديه بالميلاد يا محمد قلتلو وين ماشى واظنك لا تتذكر من ملامح فقاعة شيئا وماذلت تردد الشنط طلعوبه الحداره والولاد اخدوها البشارة مع ان الحدارة والبشاره فى ذمت الله وتسافر وترجع لا بشارة ولا حدارة ولك تحياتى الاخ محمد البروى

الاخ الحاج (تراى لليلى البلد دى ماسكانى) والقيام بعد صلاة المغرب ،بعدين باقليلك الدمومات والحدارة ديل بتنسوا—وودبروى العارفو انا وماقرأت له من قصايد لا السعودية ولا غيرها يخلوه ينسى-

والله يالحاج من خلال تلفونك عرفت انك يادوب جاى من البلد لكن-انا الآن كأنى ماشى البلد الزمان البحر عكران والصيافى ولقاديب الطير والبوش وراء بعض وبالليل تسمع صوت صفقة(قطع سنط) وتسأل يقولوا ليك دا (قدّيم )لى عريس فى العمارين مثلا وأنت عارف (القدّيم )دا احيانا يكون قبل خمسة عشر يوما من الباشى،ونقعد نبارى البوش واللعب فى التمروالبلد مليانة بالشباب والتمارين وغيرها –الحاج ياخوى ماظنيت تلك الايام تتنسى وبعدين زى المغتربين ديل عايزنهم يتفشوا-وحكاية يتفشوا دى ذكرتنى زمان (دريسة)-المتيرة كان شغال فى السكة حديد وفى باشى مهمة ماقادر يفوتا وبعد ان سافر الدغفلى وجد هنالك اضراب للسكة حديد وجا حصل الباشى ونقز فيها نقزى شديد ،فعلق احدهم فقال دريسة دا لو مااضربت السكة حديد كان انفقع الحمد لله اتفشى-

من طرف **م بروي** الثلاثاء 11 مايو 2010, 4:31 pm

(الحاج شرف) كتب:طال سفرك وان حسبناها بالجد تستحق الجنسيه السعوديه بالميلاد يا محمد قلتلو وين ماشى واظنك لا تتذكر من ملامح فقاعة شيئا وماذلت تردد الشنط طلعوبه الحداره والولاد اخدوها البشارة مع ان الحدارة والبشاره فى ذمت الله وتسافر وترجع لا بشارة ولا حدارة ولك تحياتى الاخ محمد البروى

أخي الكريم ابن شيوخنا الكرام الحاج
سلامي وتحياتي والأشواق
نعم أخي الحاج فالحياة الصحيحة للإنسان وسط أهله ومن فارق القاعدة تابع الاستثاء
فقد امتطى مهر الخسران المبين ولكنها الحياة أخي فهي أيام معدودة في أماكن محدودة
وبإرادة الواحد الأحد وأنت سيد العارفين
بالله زول زينا لا بتشاف في فرح ولا في فراش بكي ولا في فزع ولا أجتماع يهم المنطقة
بالله زول زي ده ما خسران؟
الله نسأل أن يجعل بقية الأسيام بين أناس نحبهم ويحبوننا ونعزهم ويعزوننا أهلنا المناصير
ووقد ذكرت معاناتنا مع الغربة في قصيدة وين ماشي التي أشرت إليها أنت بلطفك المعهود
تحياتي لك وللأسرة وزعيمنا وشيخنا الفاضل شرف الدين

من طرف **م بروي** الثلاثاء 11 مايو 2010, 4:43 pm

سلمان عقيد النعوفابى كتب:الاخ الحاج (تراى لليلى البلد دى ماسكانى) والقيام بعد صلاة المغرب ،بعدين باقليلك الدمومات والحدارة ديل بتنسوا—وودبروى العارفو انا وماقرأت له من قصايد لا السعودية ولا غيرها يخلوه ينسى-

والله يالحاج من خلال تلفونك عرفت انك يادوب جاى من البلد لكن-انا الآن كأنى ماشى البلد الزمان البحر عكران والصيافى ولقاديب الطير والبوش وراء بعض وبالليل تسمع صوت صفقة(قطع سنط) وتسأل يقولوا ليك دا (قدّيم )لى عريس فى العمارين مثلا وأنت عارف (القدّيم )دا احيانا يكون قبل خمسة عشر يوما من الباشى،ونقعد نبارى البوش واللعب فى التمروالبلد مليانة بالشباب والتمارين وغيرها –الحاج ياخوى ماظنيت تلك الايام تتنسى وبعدين زى المغتربين ديل عايزنهم يتفشوا-وحكاية يتفشوا دى ذكرتنى زمان (دريسة)-المتيرة كان شغال فى السكة حديد وفى باشى مهمة ماقادر يفوتا وبعد ان سافر الدغفلى وجد هنالك اضراب للسكة حديد وجا حصل الباشى ونقز فيها نقزى شديد ،فعلق احدهم فقال دريسة دا لو مااضربت السكة حديد كان انفقع الحمد لله اتفشى-

الولد الراقي وسيم الكلمة والروح والخلق الجميل
مشكور على ما ذكرت فالنفوس تعممنوعما بداخلها من جمال(كن جميلاً ترى الوجود جميلا)
والذي نفسه بغير جمال لايرى في الوجود شيئاً جميلا..أثبت العلماء بأن ماترى من جمال ماهو إلا إنعكاس
الدواخل وإضاءاتها واسقاطها على مانرى فأكدوا بذلك ماجاء به شعرائنا الأول(والذي نفسه بغير...)
أسوق ذلك بمناسبة كلامك الفوق وتعلقك بالبوش وما تحمل منم جمال تراه في عيون أناس نحسب الفرح أول استحقاق لأنهم زارعوه وأهله وعشيرته
محبتي

من طرف **م بروي** الثلاثاء 11 مايو 2010, 6:34 pm

(الحاج شرف) كتب:طال سفرك وان حسبناها بالجد تستحق الجنسيه السعوديه بالميلاد يا محمد قلتلو وين ماشى واظنك لا تتذكر من ملامح فقاعة شيئا وماذلت تردد الشنط طلعوبه الحداره والولاد اخدوها البشارة مع ان الحدارة والبشاره فى ذمت الله وتسافر وترجع لا بشارة ولا حدارة ولك تحياتى الاخ محمد البروى

ياحاج كل قرى المناصير فقاعة خالدة في صدورنا تدغدغ الخاطر وتشغل البال وتبقى( نويرة الفرقة جوه الجوف تسوي البق) إلى أن نفارق هذه البسيطة..)وأصدقك القول يارجل في هذا حيث أن أهلي لحم ودم موزعين على معظم قرى المناصي وإليك على سبيل المثال الخالات أخوات أمي وأخواتي وهاك عد معاي
(عاشه دوم النعمه ـ رضينه الكاب ـسعدية و جارة الخير القناويت ـ ست الدار كبنه ـ الروضه السلمات ـ منى الضقوله ـ مريم برتي ـ التومي شرري) الأخوات سعديه العمارين ـ زينب شنكوكه ـ عاشه برتي ـ ) ولازم من بيت في كل إجازة في كل هذه القرى وتترك كل قرية ذكريات حميمه وتتعلق بالنفس كل حداره فيها وكل كر وكل دريب وكذلك القرى الأخرى لوجود الأصحاب بهاوكما تعلم أم رملة كلها (من طرف ) أهلي لحم ودم وكذلك الكاب وحبوبتي من الروم وكذلك أهل أمي منها وباقي الحلال لحمةً قريبي ولحمةً بعيدي فبالتأكيد المناصير كل شبر فيها له في النفس حب كبير ولوعة فراق يظل أوارها يحرق الأفئدة ويدميها.

تذكرت طرفه عندما كنت ألقن الفنان الظريف عادل السيد كلمات ولحن احدى الأغنيات (غرد لينا ياشادي)وعندما جيت لبيت يقول
المثبت قرنو في السادي
اليحرس المنو بيغادي

قام أحد الحضور قال لي يا مُحُمد المنو بيغادي ده منو؟؟ قلت ليهو خالاتي.
الكثير من السوادانيين هنا لا غيرو كلامن ولا تغيرت دواخلهم بل ربما أكثر تمسكاً بقيم وتقاليد أهلهم وما لغوستهم مستجدات الحياة في السودان أو كما أحسب.
لك محبتي والتحايا

من طرف **(الحاج شرف)** الخميس 13 مايو 2010, 4:27 am

اتصلت على اخونا شيخ بروى تلفونيا وقريت ليهو اسماء خالاتو واخواتو واماكن تواجدن واستغرب الكلام دة جبتو من وين وقال لى الا تكون عاوز تعمل توكيل وتصرف حق بروى وجمعت الاسماء دى فقلت ليهو حق بروى فيهو اولاد زكية وانا ماعارف اسمائهم لكن حق فاطمة سليمان نعمان نجتو قال لاحولاااااااااااااااااااااااا

من طرف **خال ابرار** الأحد 16 مايو 2010, 8:12 am

تعظيم سلام لك ايضا" م بروى ولكل الصامدين الصابرين القابضين على جمر القضية,,,
وستبقى يا مناصير الصمود شامخة رغم مرارة القسوة,, ورغم الحزن الساكن فينا وطول ابدا" ابدا" لن نتحول

من طرف **م بروي** الإثنين 17 مايو 2010, 7:00 pm

(الحاج شرف) كتب:اتصلت على اخونا شيخ بروى تلفونيا وقريت ليهو اسماء خالاتو واخواتو واماكن تواجدن واستغرب الكلام دة جبتو من وين وقال لى الا تكون عاوز تعمل توكيل وتصرف حق بروى وجمعت الاسماء دى فقلت ليهو حق بروى فيهو اولاد زكية وانا ماعارف اسمائهم لكن حق فاطمة سليمان نعمان نجتو قال لاحولاااااااااااااااااااااااا

color=darkblue]سلام ياحاج
معانا في مدينة أبها اشتغل منصوري مع صديقنا الفنان عادل عثمان الطيب في محلو بتاع قطع غيار تايوتا
الرجل الطيب ده لما يجينا قادل بالجلابية والعمة والنظارات والشال يشبه والدنا شرف الدين بصورة تحير
ولذلك سميناهو (أبو الحاج) والآن كل الناس هنا في أبها وخميس مشيط ينادوهو أبو الحاج .
لذلك ذكرتك تحوم بيننا في كل لحظة.
حق بت سليمان زمان راح في ستين داهية..وأخوك يقولوا ليهو طلع ليك مبلغ كده في حق بت سليمان ووزعناهو.
وحق بروي 14 تمرة بس ده الطلع في الكشف الأخير بالله شوف الظلم البوجع القلب ده .الشكية لله. ولو ما فكوا القروش طرادات ما بقدروا يوزعوهو.
تحياتي لك وللشيخ[/color]

من طرف **م بروي** الإثنين 17 مايو 2010, 7:06 pm

خال ابرار كتب:تعظيم سلام لك ايضا" م بروى ولكل الصامدين الصابرين القابضين على جمر القضية,,,
وستبقى يا مناصير الصمود شامخة رغم مرارة القسوة,, ورغم الحزن الساكن فينا وطول ابدا" ابدا" لن نتحول

lor=blue]ابننا الدكتور
سلام
وتعظيم سلام لشخصك لهذا الموقف المشرف
فهذا هو الكلام الذي يبدد الحزن الساكن فينا ويجدد الأمل في نصر قريب
تمنياتي بدوام التوفيق[/color]

الاخ محمد بروى
اولا تعظيم سلام اليك انت لانك بعيد عن الوطن مع ذلك مع اهلك بكل ماتملك
و الحقيقة تعظيم سلام لاهلنا الذين صمدوا رغم المرارات التى عاشوها من ضيق فى العيش ونقص فى الاموال

من طرف **ابو رزان** الثلاثاء 14 سبتمبر 2010, 2:14 pm

ود الخالة كل عام وانت بخيروربنا يشفى ود الخالة الشيخ بروى

من طرف **م بروي** الثلاثاء 14 سبتمبر 2010, 2:28 pm

المجذوب محمد عبد السيد كتب:الاخ محمد بروى
اولا تعظيم سلام اليك انت لانك بعيد عن الوطن مع ذلك مع اهلك بكل ماتملك
و الحقيقة تعظيم سلام لاهلنا الذين صمدوا رغم المرارات التى عاشوها من ضيق فى العيش ونقص فى الاموال

ولدنا المجذوب
السلام والشكر\
الحمد لله بدت تفرج وعاقبة الصبر الجميل جميلة
أخوك هاشم قلت ليهو تعال عدلك معاي أيام نتونس في الخرباني دي
لكن كل ما وجهنا الدعوة يقولك ماشي مكة وماشي المدينة
وطبعاً في هذه الحالة ما بنقدر نقول شيء
سلامي لأهلي كلهم خاصة حمد الكيك

من طرف **م بروي** الثلاثاء 14 سبتمبر 2010, 2:35 pm

ابو مازن كتب:ود الخالة كل عام وانت بخيروربنا يشفى ود الخالة الشيخ بروى

ود الخالة
سلام وأشواق
وكل سنة وأنت وكل الأهل بألف خير
انشاء الله الخالة لازالت بكل قواها وبصحة تامة
لها في القلب محبة كبيرة
تحياتي لأخوانك كلهم
مشكور للدعوات الطيبات

سلام الاخ محمد بروى
اخوى هاشم الايام دى اعذرو مكة والمدينة الاثنين معاهو باقى طول منهم شوية ومدتهم قربت تكمل خلى يشبع منهم شوية

الخال العزيز ود بروى . كل سنة وانتم بخير وأُعيد على الجميع باليمن والبركات . ورد غربتكم سالمين غانمين انشاء الله . قضينا العيد فى المناصير . والله حاجة فى قمة الروعة .( وكمان مهرجانكن طعمو برا . اول اكان بقيتو انتو فى حا يبقى كيف دا؟)
والسلام تعظيم ليك انت قبل الغلابة الكادحين . انت فى الغربه فقط جسدا لكن كل الباقى فى المناصير والكل يشهد بذلك . فمثلا (الشريط الاول ) يساوى جهود عشرات امثالى وان ضُوعفت . لك التحية اينما كنت .

من طرف **م بروي** الثلاثاء 14 سبتمبر 2010, 7:49 pm

ود الناس الطيبين
سلام
شكراً أيها الحبيب الغالي
للمجاملة الرقيقة
زول أخوالو دكتور عمر والأستاذ الخلوق خليفة الرشيد
لابد أن يكون قد نهل من ذاك المعين الطيب
والولد خال وإن كان الأعمام نفسهم العين باردي

من طرف **بت الماحى** السبت 18 سبتمبر 2010, 2:29 pm

تعظيم سلام
لى ناس كرام
حضنوا الاِرض
رغم الخوازيق
وافتراءات اللئام
تعظيم سلام
لى ناس حُنان
معجونة من طيبة و و ئام
لى ناس عزاز فرسان لِطام
عِجِز اللسان عن و صفهم
و سكَتْ الكلام
تعظيم سلام

من طرف **م بروي** الإثنين 20 سبتمبر 2010, 1:18 pm

بت الماحى كتب:تعظيم سلام
لى ناس كرام
حضنوا الاِرض
رغم الخوازيق
وافتراءات اللئام
تعظيم سلام
لى ناس حُنان
معجونة من طيبة و و ئام
لى ناس عزاز فرسان لِطام
عِجِز اللسان عن و صفهم
و سكَتْ الكلام
تعظيم سلام

,وتعظيم سلام
للسمحي سماحي
على قرار نظم الرائع أبوحنه
كان لابد أن يسكت الكلام
في حضرة هذا الألق الجميل

من طرف **(الحاج شرف)** الثلاثاء 21 يونيو 2011, 4:56 am

تعظيم سلااااام

تعظيم سلام

تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام

رد: تعظيم سلام