المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

شيطان بـَـسـْوِ ي

استعرض الموضوع السابق استعرض الموضوع التالي اذهب الى الأسفل

شيطان بـَـسـْوِ ي

مُساهمة من طرف صديق عبدالله علي أبوحنة في السبت 11 يونيو 2011, 2:19 am

قرية ناس إبراهيم الشاعر وشرف الدين غلام..
غلام جد الحاج شرف الدين عضو المنبر
عندو جدو إسمو غلام... غلام ده أمو إسمها قاسمة.. ناس البلد ينطقوها خطأ ويقولوا غاسمة..
اي قاسمة بالله... أو قاسمة القسمة بالعدل
اها الجماعة ديل فقرا يريبوا الموية زمان
خاصة قاسمة دي قاسمة دي ابوها كان فقير قاطع يطلع الشواطين والعفاريت من الناس العيانين.ز ويجوهو الناس من الصعيد.ز يجيبوا ليهو العيانين. حتى قاسمة مشت على هذا المنوال وجا بعدها ولدا مشى على المنوال.. وجاء شرف الدين غلام مشى على هذا المنوال .. ولسه عمر غلام يعزم وماشي على هذا المنوال..
ناس ناس صلاح قالوا دي عترة الصحابة اللي جدهم تاتيب العندو بنية في شري( أبوي تاتيب في البنية... تخلي شهورنا تتسابق تجينا سريع الضحية... تعال يا حبيبي قول ليا.. تردد لحناً شجيا) عترة الصحابة الزاغوا من عبد الله بن ابي سرح وعمر بن العاص بعد ما لم يتمكنوا من فتح بلاد النوبة ووقعوا اتفاقية البغط الشهيرة بين الصحابة وملك النوبة..
أها قالوا بي كترة طليع الشواطين من الناس في بسوي.. قالوا الشواطين تلبد في حجار وجبال بسوي الكتيرة ديك.. وقالوا يسمعوا لها صراخ بالليل.. ومن كترة جد غلام الكبير ما بيقرا قرآن. قالوا يشوفوا الشواطين تولع فيها نار عديل كدة وتتحرق
.. برضو ده الحريق ما بيمنع إنو شياطين كتيرة مرقت من الناس وضربت حجار بسوي
فصارت مثل
يقول ليك( الليلي شيطان بسوي ده ماشي وين؟؟؟؟)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف اميره الحومرى في السبت 11 يونيو 2011, 4:23 am

بسم الله الرحمن الرحيم اها يابحنا واصل متابعين ورينا الشيطان بقعد فى العقبه ولابيقطع البحر Twisted Evil لننا نحنا بهناك فى شنكوكه

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11926
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في السبت 11 يونيو 2011, 5:01 am

عمتو بقلة من شنكوكة جاتو..
الشيطان يا أميرة يطير ولايحتاج يقطع ويعوم البحر.. برضو بيقطع البحر كمان يجينا في الغرب من بسوي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في السبت 11 يونيو 2011, 1:21 pm

هسه أميرة علي تقوم تشتغلنا في حكاية بسوي دي، تقول ما فيها شياطين!!
شايفا حايمي في المنتدى! أنا خايف منها

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف amira ali في السبت 11 يونيو 2011, 5:42 pm


رديت عليك ياابحنه سابقا فى ذات الموضوع وقلت ليك انتبه لا تصيبك اللعنه.
وانا مصره انو مربياك عجوز وحبوبتك ده باين انها مابتعرف الدكاتره لكن علاجها فى بسوى فقط
وماليه راسك بى الحكاوي الخرافيه ده التى لم نسمع عنها البته
وبرضو باين عليك المره ده متفرغ لى لكن اليومين ديل انا مشغوله شويه واطلب من اخى الحاج صاحب الشان يتدخل فى افتراءات ابحنه التى جافتها الحقيقه فى جزء كبير منها
اها يا ابحنه الشياطين ده لما طلعت من راس حبوبتك وغيرها ليش استقرت في العقبةةةةةةةة
هو مادام الشيطان بطير ليش حابس نفسو في الخلاء؟؟؟؟؟؟؟؟؟؟؟؟؟؟؟؟؟
لا راح بيوت الحنانين ديك النصها مهجوره ولا استقرت قرب الماء ؟؟؟؟؟؟؟؟؟؟؟
جدتك يا ابحنه الله يسامحها لانها مللات عقل طفل بمعلومات ما عندها معنى
تصدق نحن فى بسوي والله ما سمعنا بالكلام ده وان دل انما يدل على ثقافتنا وبعدنا عن مثل هذه الاساطير وان دل ايضا انما يدل على جهل حبوباتكم اللائى يفوتن حكيم شيري ويطلعن العقبه فى عز الهجير طلبا للبركات وتلقي العلاج
انا مابنكر بركات اجدادى لكن انكر حكاية شياطين بسوى اللى ما سمعنا بها الا عند ناس الحنانين واسال اى واحد من ناس شيري يعرف ايه عما رويته يابحنه بالعنوان الكبير
سامحك الله
شكرا
للحديث بقيه

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12473
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف الرشيد طه في السبت 11 يونيو 2011, 7:54 pm

حتى قاسمة مشت على هذا المنوال وجا بعدها ولدا مشى على المنوال.. وجاء شرف الدين غلام مشى على هذا المنوال .. ولسه عمر غلام يعزم وماشي على هذا المنوال..
واخونا الكاشف المعانا فى المنبر ده المنوال ما جاء عليهو ؟؟؟؟




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18851
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في السبت 11 يونيو 2011, 9:18 pm

يا الرشيد أخونا الكاشف الفي المنبر ده يحق عليهو قول حمد ود ضقولي
قدر ما قلنا تمرق ماكا مارق
ساختك جدك الفوقو البوارق

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في السبت 11 يونيو 2011, 9:23 pm

يا أميرة تحمد الله الحنانين بيوتا ما مهجورة إنت يمكن شفتي الضقولة.ز اللي ناسا رحلوا للخرطوم معظمهم من زمان قبل الخزان
بعدين يا أميرة أنا من الغرب لكن إتربيت في شري
ايه رايك شيطان بسوي دي سمعتها عند
الماهل سليمان رحمو الله
وبلود بلد النبي أم الطيب خليفة عبادي عثمان عبادي عمو... وسمعتها عند اللسد المعرس آمني بت كرار ود إحموده من القوز
و عند عبد الله ود العجمي.ز كان لما يجي واحد من ناس الجزاير يحوم في شري لليل ويجي يترتع آخر الليالي وعايز عبد الله ود العجمي يقطعوا الغرب كان لما يشوفوا يقول( شيطان بسوي ده جا من وين)
والماهل ود سليمان كان مسمي ليهو زول ما بقدر أذكر إسمو مسميهو ( شيطان بسوي)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف الرشيد طه في السبت 11 يونيو 2011, 9:25 pm

ساختك جدك الفوقو البوارق
والله يا صديق دى جبتها فى محلها تمام




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18851
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في السبت 11 يونيو 2011, 11:44 pm

للحديث بقيه... أميرة على
أنا خايف من للحديث بقية دي بتاعة أميرة علي ياترى البقية دي لينا والله علينا ... أكيد علينا...
نحن ناس تراث ساكت وحكاوي والكلام ده قديم قبل مائة وخمسين سنة لما الفقرة أجدادن كانوا قاطعين هسي دي الفقرة إنزغلوا.. الكلام ده قديييم
نحن ناس تراث نحكي التراث .. موش مصلحين إجتماعيين ولامرشدين دينين يا أميرة على.. ولانحب نجر الناس لمذهبية معينة ولانحب نكسي المنبر جلابية وعزبة ودقنة..
نحب نتحدث مناصير وبساطة بلا نظرة أحادية..
أما إذا جيتي للحديث عن الدين تأكدي أني أعرف دقايق دقايق الأشياء. عن الدين. وإذا جيتي حتى للسياسة.. اكتب كلام صعب شديد ما بيتحمل مطلقاً.. أنا لا أمسك السيف من النص..لذلك لا أكتب عن السياسة .. ولا اكتب عن الدين، إلا بما تجود به مساقات المواضيع...
أما أنا هنا يا سيدتي منصوري أغبش يروي تراث أهله وعقيدتهم، حتى ولو غلط.. أنا زول تراث وليس بمصلح إجتماعي..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف amira ali في الأحد 12 يونيو 2011, 5:39 am


ماله يابحنه للحديث بقيه ده خوفتك كدى
ياخوي انا برضو ما منحازه لجهة معينه ولا مذهب بل انها الغيره على مسقط راسى
ولا بزعل بسهوله ويمكن طريقتى فى الكتابه تفهم بالانطباع الجادى ولا المموقع موقع
زعل وانحياز
ادري انك رجل مثقف وراسك مليان
والى الامام
الموضوع عادى
ولا تراري ابقى قدر الكلام
شايفاك رميت الموضوع على الضقوله والضقوله برضو عندها اهلها الحايتصدو لك

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12473
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف (الحاج شرف) في الأحد 12 يونيو 2011, 5:46 am

الاخ الباشمهندس صديق
انا احيك لالمامك التام بالاحداث والناس وانسابهم وتسلسلهم فى القربى
واسماء ماكنت لتعرفها لولا اطلاعك واحتكاكك بالناس عن قرب
فهذا اخى يدل على اصل معدنك وحبك للناس والتعرف على احوالهم
فانا اسكن داخل الجزيره شيرى ودرست بها المراحل الابتدائيه والثانوى العام 6+3=9سنوات حايم بين القوز وام لقاديب حله حله وزنقه زنقه واكاد اعرف كل الناس ولكن فوجئت وانا اطلع على كتاباتك وذكرك لاسماء لم اسمع بها خاصه اقترانك بالاسماء لذوى القربى والانساب والاصهار
ماذكرته عن معالجه المصابين بالمس والجن كنا نشهده ونحن صغار لاناس مقيدين ياتون من مناطق الرباطاب والخرطوم باسرهم كامله ويقيمون بالشهور يتابعون علاج مصابهم حتى يمن الله عليه بالشفاء بالقران والتلاوه
وكان دورنا هى الوقوف على خدمه هؤلاء الضيوف اكلا وشربا وتوفير الماء لهم وملازمتهم حتى يحين موعد سفرهم فكنا نذهب معهم حتى محطه الدغفيلى ومن بعد صرنا نوصلهم مشرع اللنش بود عيسى ومن ثم انتقلنا الى راس الجزيره معديه ودموسى
معظم هؤلاء صارت لهم علاقات معنا وامتدت الى الان نزورهم ويزورونا واذكر اسره المهندس محمد المكى من عطبره وما زال اولاده يتواصلون معنا من بعده واسره عريقه جدا من بربر من كان يتعالج منهم عندنا الان بحار وكان مقيما بامستردام ومتواصل معنا
وهنالك اسر من الخرطوم ومدنى وبورسودان وابوحمد
حقيقه كانت فتره نعتز بها جدا
وحقيقه لا ننكرها قد اختفت بشكلها السابق بموت جدنا له الرحمه والمغفره لاسباب كتيره جدا ليس من بينها ذهاب البركه او البعد عن الخلوى
ولكنها وتيره الحياه المتغيره والمتسارعه وما عاد الناس يؤمنون الا بطرق العلاج الحديثه وللعلم ان اولى مراحل العلاج قبل اخذ جرعه الدواء هو الاعتقاد بان من يقوم بعلاجك هو من يعالجك
وهذه واحده من اسباب نجاح العلاج بالخارج لاعتقاد الناس فى علاج الخارج لاسباب اولها واخرها نفسيه
اما شيطان بسوى اخى ابو حنه فهم اثنين وليس واحد الاول هم مجموعه منهم المسلم ومنهم الكافر كل له طريقته فى التعامل مع ساكنى وزوار بسوى وقد شاهدنا ذلك بالفعل
اما التانى وسمى البيب وقد ذكره الاب الشاعر الاستاذ ابراهيم على الشاعر فى ديوان عبقريه المناصير لجامعه اخونا النزير تاج السر البشير وهذا البيب هو من تباع العبيد عبدالله لحامى ورثه عن جدوده وكان مكلفا بحراسه اطيانه وجروفه واشجاره بدار لحامى والتى تقع فى الجزء الغربى للجزيره شيرى بين المخاجه الصغيره بالبكه وجزيره ام بصله
ببدايه جرف دار حمودى لاصحابها احمد الحسن عثمان والدقير ود زينوبه من اهل القوز بالجزء القبلى للجزيره شيرى




[img][/img]عندما انتهيت من صنع السفينه جف البحر


(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17044
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف amira ali في الأحد 12 يونيو 2011, 6:02 am

انا لسع ثابته على مبدئى ما شفت ما ذكره الحاج وبعتبر قصص الشياطين مجرد اساطير
والحاج ده باين انو زول قديم وعايش الوضع الزمان اما فى زماننا ما شفنا
لكن شفنا طالبي العلاج
وتوجد اماكن كثيره فى البلد يقال انها مسكونه بالشياطين وملانى اكتر من عقبة بسوى ذى (حديبى وووو انت يابحنه تعرف البقيه اكتر منى

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12473
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الأحد 12 يونيو 2011, 7:04 am

يا الرشيد ود طه اللفندي
ياخوي إنت عاوز تورطني ساكت مع الحاج شرف الدين ده!
الزول ده موش ساختو جدو الفوقو البوارق
الزول ده مورثوا جدو الفوقو البوارق
أما أميرة علي دي ظاهر عليها زولة حبوبة
وكمان طلعت قريبتي بي أمي
تاني خلاص
الدايري تسوي تسوي
تسرح تمرح في المنتدى ده على كيفا
ما خلاص تاني بقت قريبتي... وأقيف معاها تاني كان ظالمة والله مظلومة
وقال صلى الله عليه وسلم( أنصر أخاك ظالماً أو مظلوما)
.......
فعلا يا الحاج
حكاية بسوي كانت قبلة للعلاج دي يعرفا السودان كلو..
كان الناس يجوها أكثر من كدباس
بس عدم شياخة منتظمة خلى بسوي تتقهقر
ووجود الشياخة المنتظمة خلى كدباس تزدهر
........
عترتكم دي كلها ناس صلاح
هسي دي فاطمة بت كلمون رحمها الله كانت تشوف شوف العين
لمان ظهرت ليها الحكاية دي وظهر ليها الكشف الرباني نحن كنا حوالي 4 سنوات كدة الناس كان يجوها من جميع بقاع السودان
ولمان ظهر ليها الكشف ابوها كلمون خاف لأنها بت صغيرة لسه.. خاف عليها ومشى نادى جدك غلام
وغلام جاء وقعد معاهم سبعة يوم يسأل الله عن يعرف الموضوع ده إلمامة ملك والله إلمامة شيطان
وبعد فترة طلع فرحان وقال لى كلمون ده فتح رباني صافي خليها يستفيدوا منها الناس .. وفعلا استمرت تعالج وكانت تشوف شوف العين ويجوها الناس زمان من جميع بقاع السودان.. شوية شوية لامن زمن الفتح تطامن ويكاد يكون راح منها..
لكن البركة فيها فاطمة ظاهرةلامن توفت..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الأحد 12 يونيو 2011, 7:43 am

قاسمة دي من شدة ما صالحة في المناصير يمكن مسمين عليها أكثر من 50 بت
من ضمنها حبوبة سلمان عقيد.. ومن حبوبة سلمان عقيد تفرعت قاسمات كثر في أسرتهم.ز ربنا يقسم لينا العديل والزين.ز
والحكومة بتاعتي بت عمتا مسمنها قاسمة برضو عليها
وفي العتمور في ساني
ود ضيب الفـُرْعـَة عندو بت مسميها قاسمة وغيرو وغيرو

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الأحد 12 يونيو 2011, 7:47 am

الحاج شرف الدين
ايوه ناس إدريس ود لحامي ديل بعرفهم.. وزرتهم مع الوالد.. وكانوا بجونا في الحنانين كتير والناس دي كلها بي تجينا في الخلوة بنعرفا وبرضو سوق النعوفاب بجيب كل الناس وكل المناصير وبي يخلينا السوق نتعرف على الناس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف amira ali في الأحد 12 يونيو 2011, 5:17 pm

ياابحنه انت مع الحقيقه والله مع القرابه
انا موضوع القرابه ده ما بحثت فيه كتير لانى باعتبر علاقة اخوة المنتدى لاتحتاج تدعيم بالقرابة
الاخوه الصادقه قد تكون احسن من القرابه
انا من انصار العلاقات التى تقوم على المحبه اكتر من علاقات القرابه
انتم اصبحتم اخوتنا فى الله لله وربنا يديم التواصل ونتمنى ان تمتد المعرفه للاسر
انا بحب العلاقات الاجتماعيه الطيبه وززوله اجتماعيه جدا اسال عنى اخى حسن سليمان وغيرهم من زملاء الجامعه والحمد لله ان ربي زرقنى برجل زى تماما
يعنى اعتبروا ان لكم اخت فى الرياض اذا جئتم من السودان او الامارات
بس مصره انو عقبة بسوى خااااااااااااليه من الشياطين وبريئه براءة الذئب من دم يوسف
والحاج ده قاعد يعتمد على القصص القديمه فى حكاوي الشياطين
وبدل شيطان واحد اصبحن اتنين الله يعيننا
ولا تقول لي يابحنه (وشهد شاهد من اهله..)ر

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12473
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف (الحاج شرف) في الأحد 12 يونيو 2011, 5:25 pm

نواصل معك اخ صديق
لتتعرف اكتر على التركيبه السكانيه لبسوى والاسر التى تسكنها
اسره الحمر وتتكون من خمسه حيشان وهم شرف الدين احمد عمر
واولاده الحاج وعبدالفتاح وانس
عمر احمد عمر
واولاده هشام وابراهيم
على محمد عثمان
واولاده مدثر بعطبره ومحمد بالرياض

خليفه احمد يوسف القادوسى وقد جاء الينا من اعالى نهر عطبره راجعا بعد ان هجر اهله بسوى واستبدلوها بنهر عطبره قريه الناصحابى اسفل المكابراب حاليا
وهو يعتبر اول من قارن بين المكابراب والخيار المحلى واختار الاخير رغم ان حقوقه اطيان وجرف لا تتعدى ال2 فدان
واولاده خوجلى واحمد بام درمان
اسره قمر الدين الدقير واخيه على الدقير ووالدتهم نفيسه احمد عمر غلام
اسره عمر محمد عثمان بدرى ووالدته اسيا احمد عمر غلام
اسره ابراهيم على الشاعر
وابنه عبدالله الشاعر
اسره جعفر الكنانى والمتزوج من الصفيحه من اسره حبيب وعثمان على محمد احمد
السر الكنانى واولاده عمر والحمود
الاخوان محمد وعبد الحفيظ سر الختم
ووالدتهم امنه بت حمد صالح من ام بلجى
اسره العبيد لحامى واولاده على وجعفر
اسره العجومه
ومنهم محمد احمد العجمى والد ودالبركل
اسره حبيب العجمى التانيه
وقريه بسوى هى القريه الوحيده فى الاتجاه الغربى للجزيره شيرى ويمتلك سكانها كل الاراضى او معظمها من حدود العبدلاب شمالا وحتى مناطق الرقبات وكير ودبلى فى اتجاه الجزيره سور
دخلها التعليم مبكرا ولايوجد الا القليل منهم من لايعرفون الكتابه والقراءه
ويكفيها فخرا بان ابراهيم الشاعر استاذ اللغه العربيه قد خرج منها




[img][/img]عندما انتهيت من صنع السفينه جف البحر


(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17044
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف الرشيد طه في الأحد 12 يونيو 2011, 5:35 pm

ياخوي إنت عاوز تورطني ساكت مع الحاج شرف الدين ده!
الزول ده موش ساختو جدو الفوقو البوارق
الزول ده مورثوا جدو الفوقو البوارق
افو يا صديق داير تنط
والله الزول ده ما شفنالو وراثة غير ......... المذكور اعلاه




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18851
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف الرشيد طه في الأحد 12 يونيو 2011, 5:45 pm

والحاج ده قاعد يعتمد على القصص القديمه فى حكاوي الشياطين
وبدل شيطان واحد اصبحن اتنين الله يعيننا
الحاج ده زاتو ما قديم يا اخت اميرة ولو سكتو ليهو بدل اتنين حا يعمل اربعة
عموما نسمع كثيرا عن حكاوى الجن والمناطق المسكونة فى المناصير لكن لم نرى شيئا مع ملاحظة كل هذا ياتى من كبار السن والان هذه الحكاوى اندثرت لا استطيع ان انفى او اؤكد لكن اعتقد ان اغلبها من نسج الخيال لاغراض غير معروفة




لأنـنـا نـتـقن الصــــمت حمــلونا وزر النـــوايا

الرشيد طه
اداري
اداري

الأوسمة مشرف المنتدى السياسي
مشرف منتدى الصحافة

احترام قوانين المنتدى : 100

عدد المساهمات : 2625
نقاط : 18851
تاريخ التسجيل : 15/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف amira ali في الأحد 12 يونيو 2011, 5:53 pm

شكرا اخى الرشيد انت الوحيد الوقفت معاي
واصبت الحقيقه الكنت منتظراها من الحاج
والحاج واب حنه واحد
يحبو يعتمدو على الخيال وقصص الحبوبات

amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 12473
تاريخ التسجيل : 29/04/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف م بروي في الأحد 12 يونيو 2011, 8:24 pm

بالله ياحاج هو عمنا القادوسي ده
حتى المكابراب قالها (الخِفيْف أنا)؟؟

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19002
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 13 يونيو 2011, 3:59 am

أميره علي ابحنه انت مع الحقيقه والله مع القرابه
ي كتبت
أنا مع الاتنين.. أو تلاتة الحقيقة والقرابة وعلاقة المنبر السمحي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 13 يونيو 2011, 4:11 am

الحقيقة أنا معجب بأخواتنا الأثنين أميرة علي واميره الحومري.زمثال يشرف في الغربة زي ما ذكر دكتور مصباح بي هناك.. ليه! يقارعن أخوانن في المنبر الحجة بالحجة.. والتدين والذكاء الخارق يبدو عليهن.. والله أنا أي منصورية أشوفا كدة بفرح فرح شديد خلاص زي الزول القدم لى وجبة دسمة.. لأنو عايز اشوف القبيلة كلها مرفوعة في السماء ولا يرفعةها غير بناتا وولادا.. الجيل الجديد ده.. ربنا يغتي ويحفظ

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 13 يونيو 2011, 4:50 am

حتات بسوي وشنكوكة والعشامين والدغفيلي دي كنا بي نمشي ليها كتير زمان صغيير بمشي ليها مع الوالد.. البكيات والأعراس وكدة.. لما كبرت وأنا في الثانوي بمشي ليها.. لما دخلت معهد الكليات التكنولوجية برضو كنت بمشي بس بي هناك الدغفيلي.. ناس حمد عثمان حمد ابوروفة كان دفعتنا وكان زول حاد الذكاء.. واخوانو الكبار ناس محمد عثمان حمد وأبراهيم عثمان حمد وبروي عثمان حمد اي أحمد عثمان حمد وعلي عثمان حمد لسه مغترب في ليبيا.وكمان ناس الساحر اللي هو محمد سليمان عبدالله أخو على بغجور برضو يقولوا ليهو نجيب يلغبوهو. وبسوي دي كنتا بمشي ليها ازور صاحبي سليمان محمد علي بدري وهو دفعتي.. ابوي في شنكوكة كان بمشي ناس ود الحومري أفتكر ابراهيم الحومري راجل أخضر كبير ماكن إفتكر مشلخ شايقي كان عندو مركب. ابوي بيعمل يلهو معادي لى مركبو.. برضو بي هناك ناس ود خفس مصطفى ود خفس ده مغترب معانا هنا في ابوظبي... برضو قدامنا ثلاثة دفع سليمان محمود توم وكان صاحبي كان مدرس في العشامين.. مرات بمشي ليهو .. وسليمان احمد نعمان مدرس في العشامين متزوج بت خالتي برضو كنت بمشي ليهو.. بسوي وانا طالب في المتوسطة في ابوحمد عندي اختى الكبيرة عندها عقيدة في غلام.. قالت لى عندي ولد مجوجو كدة شوية عايزاك تويدهو لى غلام يعمل ليهو بخرات.. أها ركبت حمارة ابوي كانت حمارة زرقاا عالية عاتية زي الحصان كدة تنافس الحمير في المشي. قطعتا بي مركب عبد الله ود العجمي ويلا بي العقبة البي تنزل فوق لى بيت ناس سليمان محمود ديك.. طلعتا العقبة بي حمارتي لامن وصلت بسوي ما لقيت غلام.. لقيت الحريم.. زوجة شرف الدين أم ناس الحاج ده سوت لى فطور فطرتا. ومعاها حريم تانيات جابن شاي ما عرفتهن... وقالت لى جدك غلام مافي مشي عندهم مولد في سمايي في حلة الدغفلي.. السمايي بتاعة ناس خليفة العطا وبرضو في سمايي تاني بتاعة ناس محوماااد ود عبد السيد أو عبد السيد ود حيا.. أها قطعتا بي مركب ناس ابراهيم الحومري ده.. ويلا لغاية الدغفلي لقيت السمايي فطرت فيها وقابلت غلام.. ذكرت ليهو القصة.. قال لى ما ضروري نرجع بسوي من خرجي ده اقضيك!!
اداني ليها بخرات كدي ومحايي.. جيت أديتن ليها لى ولدا... واديتو البياض..
برضو شنكوكة دي كان ثلاثة دفع قدامنا عبد الله علي الحومري وكان فردة كورس معاي نغني في المدرسة.. وكان هو امتحن من مدارس كريمة دي لما عاد في شري كم مرة وما نجح وداهو ابراهيم الشاعر في مدارس كريمة دي وعيدوا هناك.. لامن دخل المتوسطة في ابوحمد.. عبد الله علي الحومري ده كان جايب ليهو قصيدة اغنية من الشايقية ومكتوبة عندو وانا ما حافظا.. وكان عندنا باشي في الغرب.. عايز اقدم جديد.. الزمن داك مافي حفلات.. بس الناس يقعدوا على السراير.. والأغنية كانت دابة ظاهرة في الشايقية عبد الله على الحومري جايبا من هناك وهي( جروح قلبي اللبت تبرا... زولى الشالتو الزهرة..) اها مشيت شنكوكة شلتها منو.. وهو بعدين ذاتو جاء الباشي...
الحتات ديك كلها شايفا.. وبعد ما عرست برضو مشيت الحتات ديك وبعد ما اغتربت برضو مشيت كان لى ناس ود خفس بي هناك..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف م بروي في الإثنين 13 يونيو 2011, 2:53 pm

مرات كنت بمشي مع ولاد الداخلية للشرق
أبيت مع أختي هناك وأرجع معاهم يوم الجمعة
كان عبدالله علي الحومري ده أشوفوا يمشي مطرف
ويدندن إقتربت منه لقيتو يغني(الزلال الله فوقك...بنت الشمال الله فوقك) وإعجابه بالاغنية لأن أمه اسمها الزلال والله ياصديق شفتو يبكي ودموعو نازلات
ده شوق بتاع فراق اسبوع بس.
ياسلام على ناساً مشاعرها دفاقه.

م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 19002
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف اميره الحومرى في الإثنين 13 يونيو 2011, 7:50 pm

اشكر الاخ صديق والاستاذ م بروى على الاشاده وعلى ذكريات الماضى القريب
وياريت تكتر لينا عن سيره اهلنا ناس الشرق وتتحفنا ببعض المعلومات عنهم

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11926
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 13 يونيو 2011, 9:35 pm

ناس الشرق ديل غير يا أميرة الحومري واميرة علي.. كرماء.. حساسين اذكياء.. إنت جيت ما بيصهينوا منك الحلة كلها تجيك لامن يأتروا خبرك يعرفوك إنت ولد منو وجاي لى شنو .. والأكل والشاي والبراريد. حكاية..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 13 يونيو 2011, 9:40 pm

الله يا حمود واميرة الحومري.. ذكرياااااات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 13 يونيو 2011, 10:37 pm

كانت بسوي منارة إشعاع ديني..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف النفر في الثلاثاء 14 يونيو 2011, 6:09 am

التحايا والود لكل الإخوة المتداخليين وحمانا الله وإياكم من شياطيين الجن والإنس _ الشيطان موجود فى كل زمان ومكان أما شيطان بسوى وشيطان حديبى وبت البحر والصالح الببق نوره بالليل والسحاحير البتقلبوا كلها خرافات تحكى والهدف منها تخويفنا حتى لا نلعب أو نقترب من مناطق معينة لكننا لم نراها ولم نعتر بها أثناء لعبنا وعومنا وجرينا _ أثناء مروى بهذا البوست تذكرت أبيات نظمها شاعرنا الكبير على ود سلمان فى الشرق الذى يبدو أنه كان متيماً فيه :-

إن شاء الله الشرق دايمن ملمات
إمن بيى فرح وإمن فلان مات
أشوف زولى السمح نايرالخديدات

لكم تحياتى وتقبلوا مرورى ،،،

النفر
V.i.P
V.i.P

احترام قوانين المنتدى : 100

عدد المساهمات : 3225
نقاط : 20477
تاريخ التسجيل : 08/06/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 18 يوليو 2011, 5:10 pm

هسي دي بسوي يا أميرة علي صارت فارغة مفرغة من الشياطين بفضل الله
وينك يا أميرة علي بت بسوي فاقدنك إن شاء الله سلامة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف خالد عابدين في الإثنين 18 يوليو 2011, 5:52 pm

يا أخوانا!!!

أب حنة ده منتظرينو بي هنا وقلنا يمكن وصل وخلاص عملنا تجهيزات اللقاء الاسري
يقوم يبنقرلنا بي غادي !!!

توصل بالسلامة






أنت الزائر رقم لمواضيعي


خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19008
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 18 يوليو 2011, 8:10 pm

هانت ياريس..
والله ما راضين يفكوني.. وعندي رصيد شهرين ما راضين يدوني منو غير عشرة ايام.. لكن صدقني يا ريس...هانت بس دعواتكم.. وأول ما أتحرك من مطار ابوظبي أنتم اول من يعلم...
كان عندي نية زيارةأعضاء المنتدى بالمملكة وأني أجي بالبر أفاجئهم ولكن تعدلت للطيران...
دعواتكم بس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:12 am

(وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَـٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّـهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ ) صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:15 am

(وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَن يَسْتَمِعِ الْآنَ يَجِدْ لَهُ شِهَابًا رَّصَدًا )
صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:16 am

.( أَلَمْ تَرَ أَنَّا أَرْسَلْنَا الشَّيَاطِينَ عَلَى الْكَافِرِينَ تَؤُزُّهُمْ أَزًّا )
صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:18 am

١.( وَكَذَٰلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنسِ وَالْجِنِّ يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورًا وَلَوْ شَاءَ رَبُّكَ مَا فَعَلُوهُ فَذَرْهُمْ وَمَا يَفْتَرُونَ )
صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:20 am

.( وَإِذَا جَاءَهُمْ أَمْرٌ مِّنَ الْأَمْنِ أَوِ الْخَوْفِ أَذَاعُوا بِهِ وَلَوْ رَدُّوهُ إِلَى الرَّسُولِ وَإِلَىٰ أُولِي الْأَمْرِ مِنْهُمْ لَعَلِمَهُ الَّذِينَ يَسْتَنبِطُونَهُ مِنْهُمْ وَلَوْلَا فَضْلُ اللَّـهِ عَلَيْكُمْ وَرَحْمَتُهُ لَاتَّبَعْتُمُ الشَّيْطَانَ إِلَّا قَلِيلًا )
صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:23 am

(قَالَ عِفْرِيتٌ مِّنَ الْجِنِّ أَنَا آتِيكَ بِهِ قَبْلَ أَن تَقُومَ مِن مَّقَامِكَ ۖ وَإِنِّي عَلَيْهِ لَقَوِيٌّ أَمِينٌ )
صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 4:25 am

( وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ ۖ وَأَسَلْنَا لَهُ عَيْنَ الْقِطْرِ ۖ وَمِنَ الْجِنِّ مَن يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَن يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ ﴿١٢﴾ يَعْمَلُونَ لَهُ مَا يَشَاءُ مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ ۚ اعْمَلُوا آلَ دَاوُودَ شُكْرًا ۚ وَقَلِيلٌ مِّنْ عِبَادِيَ الشَّكُورُ ﴿١٣﴾ فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَىٰ مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ ۖ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ ﴿١٤﴾ ) صدق الله العظيم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف اميره الحومرى في الثلاثاء 19 يوليو 2011, 5:30 am

امسك فى الايات القرانيه دى قوى خليها تبعد عنك الشواطيين وامورك تسهل وتمرق لى قادى وتزور اهلك وحبايبك
بس والله العشره يوم دى شويه خلاص تشعتف روحك بس وتجى
والله يوصلك بالسلامه

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11926
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الثلاثاء 19 يوليو 2011, 11:51 am

تمام يا أميرة... مسكت في الآيات دي
مرة أخ عزيز من المنبر ونحن على الماسنجر.. هو عايز يرسل لى رسالة.. وكل مرة يرسلها ولاتصل... يرسلها ولاتصل!
فاحترت في الأمر فقلت ليهو( هيي بسم الله... الرحمن الرحيم.... الرسالة دي يكون ختفا شيطان والله شنو!)
فردو كان جاهز فقال لى( عشان تاني ما تتكلم عن الشياطين في المنتدى؟)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الأربعاء 20 يوليو 2011, 8:58 pm

بسوي دي أعرف فيها ناس إدريس ود لحامي..
مشيت ليها وأنا طفل عمري ست سنوات مع واحد قريبنا بي أمي من ناس المهوة إسمو( ود ملكي) توفي في أواخر الستينات.. رسلني ابوي معاه عشان أجيب قروش معداية مركب كان عملها أبوي لى مركب ابراهيم العوني.. في العوناب.. ومن هناك جيت براى.. فوق ضهر حمارتي..وأنا طفل لم أدخل المدرسة.. شايفين عوين البلد زمان الحياة تنجضن كيف؟
موش براي
معظم الأطفال في سننا كانوا كدة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 05 سبتمبر 2011, 6:19 pm

الخبر الأكيد بيجيبوا الحاج من بسوي إن شاء الله..
إدريس ود لحامي من بسوي. بيقدرني شديد كان.. مرة وأنا طفل قاعد مع أبوى في المركب في مشرع شري.. إدريس ود لحامي أداني اب قرشين ابيض .. عمرى كان زي اربع سنوات كدة..هسي دي بدعو ليهو وهو في برزخو .. ربنا يكرمه ببركة القرشين الأداني ليهن.. (والله يضاعف لمن يشاء ، والله واسع عليم) شوف كرم ربنا جلا وعلا.. خرج عن المضاعفة الى الوسع والعلم الكامل بدون حصر.. لزمة الآية تقول كدة وهي فاصلة الخطاب الرباني... خرج عن الحصر في إكرام خلقه، وهو أكرم من كل كريم..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: شيطان بـَـسـْوِ ي

مُساهمة من طرف صديق عبدالله علي أبوحنة في الإثنين 09 يوليو 2012, 5:12 pm

ود المناصير قال في شيطان في خشم القربة بي يطلع الدهب.. يوريك مكان الدهب.. ومرافق للشيطان شيخ يتابع خطوات الشيطان.. حتى كمان لو الشيخ اشار بكنز تحت بيت زول يهدموا بيت الزول طوالي ويبدو يفتشوا. عشان ثقة في الشيطان والشيخ..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى