عمدة المناصير الشهيد نعمان ودقمـــــــــــر

بسم الله الرحمن الرحيم
قال تعالى (وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ * يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ ) صدق الله العظيم
نبدأ التوثيق بإذن الله لأعلام ورجلات ونساء المناصير في هذا المنتدى .

نعمـــــــــــــــــان ودقمـــــــــــر

ورد في التراث الشعبي للمناصير عن العمدة نعمان ودقمر للاستاذين الباحثين الطيب محمد الطيب وعبدالسلام سليمان عليهما الرحمة الآتي:

يحسب الشيخ نعمان ودقمر من أبرز رجالات المناصير في مجال الحكم والحرب وولد بالسلمات ونال تعليما يسيرا ومن بعد عين حاكما بحياة والده الشيخ سليمان ودقمر وكان والده يرعاه ويقومه حتى استوى عوده وسار سيرة حسنة بقومه .
وهو قائد المناصير في معركة الدبة الثانية بتاريخ 29/6/1884 وقد قال عنه الأنقيب ليشعل نار حماسته قبل المعركة :

لبسوك المحفل ضــفير
وسيروك باليوم العديل
لاتكشش فوق الحفـــير
ولاتخت عيب للمناصـير
وحد الله واضرب عديل

وعندما سمع ذلك هز سيفه وقال قولته المشهورة ( أنا أبوك ياسليمان ،أخت عيب للمناصير أنا ؟)
وبدأت المعركة وتحصن الترك بحصنهم المسمى القيقر ودارت معركة طاحنة وكان الاتراك يضربون المحاربين بالرصاص ولما ضاق الناس بالامر واشتد كربهم وتعسر عليهم اقتحام القيقر ، اشعل نعمان ود قمر النار في عمامته واقتحم القيقر ودارت معركة رهيبة انجلت والنصر لم يحالف الوطنيين وخرج بعضهم منها خروجا غير كريم (هروب ) وكان الشيخ نعمان ودقمر ضمن شهداء ذلك اليوم وقد صور شاعر الشايقية حسونة ذلك اليوم بقوله :

الله من رمنتولا في الكرد
منو شيخ العامراب شـــــرد
ودكنيش جدع المفضـــــض
وخت سوطين فوق اب غرد
جابو خبر الشوم في الـــبلد
أماني يانعمان ماك ولــــــد
هد كبد القيقر رقــــــــــــد

ونواصل ........
ونامل من الجميع الاضافة باي معلومة صحيحة حتى ولو سطرين كمايقول الاخ سلمان

شكرا الاخ سلمان علي هذا الابداع والله العمدة نعمان دا المفروض يكون بطل قومي للسودان كله وزي ما قال الباحث عبد الرحيم ان العمدة نعمان هو اول فدائي في تاريخ السودان

شكرا الاخوه الاعضاء علي هذا الموضوع الشيًق 0ولكن يازعيم الابيات الاولي قراءت للبرفسور عوضه في احدي الصحف منسوبه لابنه النعمان ود قمر ؟

الاخ /خالد:- لك التحية والود ونشيد بجهدكم ومثابرتكم للتوثيق للعمدة النعمان ود قمر مفخرتنا وعزنا على مدار التاريخ00وحقا انه لفارس لا يشق له غبار وعلم فى راسه نار وقد سجل ببطولاته تاريخنا بأحرف من نور 00وشكرنا موصول الاخوة المتداخلين 0وسيروا فى التوثيق وعين الله ترعاكم 000

أخوكم /عثمان النفر

اذا كان الابيات منسوبه لحسونه وهو من نوري 0 يعني الجماعه ديل من زمان عندهم درجه عاليه من الدبلماسيه 0 كونه قام يتحريض النعمان علي القتال وترك الاخرين

حلوة يا يسن دي
هههههههههههههههه

شكرا حالد وانت تثبت حقائق تاريخيه غائبه
يوم عوى الرمتونق فى الكرد
ودكنيش جدع المفضفض
وسمعريت فى التقنق لبد
ود ...... فو جبره سند
ود الحاج سعد
خت سوطين فوق ابغرد
قالوا هاك يادرب ابوحمد
جابو خبر الشؤوم فى البلد
امانى يالنعمان ماك ولد
هده كبد القيقر رقد
بالمناسبه عبدالرحبم قال ودحيسونه منصورى
اما ابكى بت نعمان الفتاه
وجزى شعرك واملى واطه
بت ابوك ما ولدت مره
هده كبد القيقر رمه
خاطب بت نعمان الحمست ابوها باتلبيات الذكرتها انت ياستاذ
ويكفى المناصير شرفا انو اول فدائى
لكن ياجماعه من يملك مراجع ينزلها لينا لانو فى اختلاف فى المعركه ذاتها هل كانت ايمان بالمهديه او فزعه للشايقيه .بعد ما صار الاتراك يغتصبون النساء .لكن من معظم المناصير يعتقدون انها فزعه .ارجو ياستاذ جمع تاريخ نعمان وبعده سليمان ودنعمان ودقمر قاتل استورت فى ام ديويمه والذى قتل فى معركه المرين بابى حمد .

تشكز الأخ نادر على المرور والإضافة الهامة وياريت كل من يعرف معلومة يضيفها حتى يكتمل التوثيق وفي إنتظار إضافات بقية الأخوة خاصة الأساتذة نور الهادي صاحب الفكرة وسلمان النعوفابي

اقترح علي الابن نادر نور الهادي وخالد عابدين ان يتصلوا باالاخ نعمان سليمان قمر لاعطائكم المريد بغرض التوثيق خاصه وهو موجود في السودان هذه الايام

يا سبحان الله ..
شوف الظلم دا وصل وين ؟
ظلم الحقوق والظلم الإعلامي والظلم التاريخي
السلم التعليمي بتاع ناس محي الدين صابر وبتاع ناس سبدرات والسلم التعليمي المتغير الحالي كل هذه السلالم أغفلت تاريخ هذا الرجل ومجاهدات المنطقة إلا فيما ندر
فرجل بهذا الحجم والقوة والشجاعة لو كان في بلد أخر لنصب له آلاف النصب ولدرست حياته وتاريخه للأجيال
ولكن ... الله غالب

الاخ خالد صاحبي ده اتصل بي باالامس وهو فعلا مشغول وسوف يسافر الي الابيض والمناصير الا انه سوف يحضر الي في هذا الاسبوع وسوف اخبره وافيدك كما ان الطيب اتصل به وابدا الموافقه هي فعلا كما ذكرت عامل الزمن والمشغوليه

الاخوه الاعزاء فى المنتدى لكم شكرى وتقديرى على هذا المجهود المقدر

الله .. الله ... وينك من زمان يا استاذ عمر بابكر
سرد تاريخي شيق يجعل الناس تربط ماضيها التليد بحاضرها المعاش تستنطق التاريخ وتستخرج الدرر والدروس والعبر علها تكون عونا لنا لرتق النسيج الإجتماعي والمضي قدما بإعادة المناصير موحدة بربها .. موحدة متماسكة برجالها

يديك العافية الاخ خالد والنعمان ودقمر هو جد والدتي ويعتبر اول سوداني ينفذ عملية استشهادية باقتحامه للحصن ومات عزيزا ليعيش غيره
وله بطولات كثيرة ولكن التاريخ ظلمه وظلم المنطقة بكاملها

حتى لا ننسى ...

لقد حان الوقت لكي يظهر التاريخ الحقيقي تاريخ مواقف وبطولات المناصير

هذا زمان البحث عن الحقيقة الغائبة

فمطلوب منا الاجتهاد

لكم الشكر و انتم تؤرخون لجدنا الرجل القامه الشامخه واعانكم الله علي اظهار الحقائق, لدي سؤال وهو: سليمان ود قمر الذي قتل الجنرال ستيورت18/9/1884 هل هو ابن نعمان ود قمر الذي مات في معركة الدبة الثانية.في 29يونيو 1884م
تقبلوا تحباتي
فاطمه سليمان علي الامين\ كندا

ودالبلد كتب:العمدة سليمان ود العمدة نعمان استشهد بمعركة جبل المقيرن بالقرب من ابوحمد ويقال ان هذا الجبل كان هو الحد الفاصل بين اراضى المناصير والرباطاب

الاخت فاطمة سليمان نزلت اهلا وحللت سهلا
ومرحبا بك بين اهلك. والدار دارك

اخونا عمر بابكر سرد متسلسل وحقائق ثابتة
لك التحية يارايع علي المعلومات القيمة

مشكلتنا انه اغلب الذين كتبوا عن تاريخ المناصير لم يكونوا مناصير بل لم يكونوا سودانيين حتي والسرد الذي تم سرده عن حادثة ام دويمة يدل علي ذلك

ورد في كتب التاريخ اسم ودعثمان والحقيقة انه (عثمان علي عيسي صالح)الشهير بالكتابي والقصة وقد سمعتها من والدي الذي سمعها من والده وعن جده

وسبق ان تحدثت عنها في المنتدي في مكان اخر وهي باختصار انه بعد ان تعطلت الباخرة ونزل استيورت ومن معه وتم استضافته في الخلوة وتم الارسال للعمدة وان من دبر لمقتل استيورت هو الكتابي وبعد تمت قصة الجمال المعروفة وكان قد اعطي خادمه سيف او ساطور وقال له عندما اغمز لك عند تقديم القهوة اقطع راسه وكان بعض الرجال قد تم توزيعهم ليتخلصوا من الذين في الباخرة وبعد مقتل استيورت حصل اشتباك وتم قتل جميع من معه الا المترجم مصري الجنسية نطق بالشهادتين فخلو سبيله

اما سليمان ودقمر هو اخو نعمان ودقمر وليس ابنه

نعمان ود قمر احد ابطال السودان وكما اسلفت هو اول استشهادي سوداني فهل سقط من التاريخ سهوا او عمد

فهنك من هم اقل منه بطولة ومقاما ظل يمجد وتملا سيرته الكتب

يبدو ان التهميش منذ ذاك الزمن

فاطمه سليمان علي الامين كتب:لكم الشكر و انتم تؤرخون لجدنا الرجل القامه الشامخه واعانكم الله علي اظهار الحقائق, لدي سؤال وهو: سليمان ود قمر الذي قتل الجنرال ستيورت18/9/1884 هل هو ابن نعمان ود قمر الذي مات في معركة الدبة الثانية.في 29يونيو 1884م
تقبلوا تحباتي
فاطمه سليمان علي الامين\ كندا

ودالبلد كتب:العمدة سليمان ود العمدة نعمان استشهد بمعركة جبل المقيرن بالقرب من ابوحمد ويقال ان هذا الجبل كان هو الحد الفاصل بين اراضى المناصير والرباطاب

سليمان ود قمر اخو نعمان ود قمر

ولنعمان ود قمر ابن اسمه سليمان ايضا

ود المناصير كتب:حتى لا ننسى ...

حتى لا ننسى

رحم الله نعمان ود قمر عمدة المناصير وفخرها واسكنه الفردوس الاعلى

إنا لله وإنا اليه راجعون