كاتبني وين وعند ياتو شيخ..!!..

مشكور ود الفكي لكن دي خلاص اتبهلت ياخوي وكمان مسمنو الامبراطور الحمد لله البقينا ناس طنابير
الغريب في الامر معجبين ومعجبات بالالاف وكلهم شباب الله يستر عليك يابلد

الأديب .. الرائع .. ود الفكي .. سلامة العودة والأوبة .. وينك يا راجل ؟
شكرا على الموضوع وطريقة التناول الرائعة
وطبعا الجماعة ديل اصبحوا ملاك الفضائيات حتى تلك التي كانت تسمى الطاهرة
احد فناني الطمبور قال لي ان موعد قد ضرب لهم للتسجيل في احدى القنوات ولما ذهبوا تم الإعتذار لهم لأن زوجة احد الوزراء فرضت على القناة فنان من إياهم .. تصور ؟
لك الله يا بلدي

شكرا دكتور ..ضقت طعم الريد كتير ...؟؟؟؟؟؟؟؟؟؟؟؟؟؟؟؟؟؟؟..قديما قال الشاعر ولاعايز بعد حبك احب تانى ....شفت الفرق .....ياخى هو قايل نفسوا بيشرب فى شاى والا عصير .داهيه تلف طه وتلف شاعروا معاهوا.

الأرباب ود الفكى عوداً حميداً لمنتداك ومالك يا أخى كشحتا لينا كشح الهوا وخليتنا بايتين القوا _ شكراً يارائع وأنت تطل علينا وتمتعنا بكتاباتك الرائعة _

لك تحياتى وودى ،،،

شكرا يا ود الفكي
أنا غايتو مشاط الرجال ده! ما يعجبني تب...
الراجل مفروض يكون راجل.. ويخلي صفات الأنوثة للنساء ولى مرتو..
الراجل داير مرتو أنثى بكل ماتحمل هذه الكلمة من معنى
والمرة دايره راجلا راجل بكل ماتحمل هذه الكلمة
ما شفتا يس مصطفى بشير
قال ليك الحمدلله البقينا ناس طنابير
أخ توووف.. راجل يتمشط!!!

موضوع رائع جدا
يا حليل الفن المحترم
الله يرحمك يا عثمان حسين
فى واحد قال حا يجى يوم نقول يا حليل زمن الفن المحترم زمن حنان بلوبلو
اجيال وراء اجيال

الرجل المختفي ودالفكي حمدلله علي العودة لمنتداك والله فقدناك
احييك علي علي هذا الموضوع الرائع لاشك بأن كل شي في بلادنا يسير من سييء إلي اسؤ حتي الفن الجميل والشعر الراقي قد ذهب الي الماضي يحكي انو الفنان مصطفي سيدأحمد مشي حفلة في قرية من قري شندي ومن المعروف إنو المرحوم كانت اغانيه ذات معاني غائرة وموسيقي طويلة واثناء الفنان يغني الناس بقت تتوسوس الفنان ده جابو من وين وناس اخرين ياخي عرضة ودلوكة مافي ولاحتي زول قام يبشر علي الفنان مافي اخر حاجة قام واحد سكران بشر علي الفنان مصطفي سيداحمد وقال والله غناك ماعجبنا لكن ابشر فوق شنبك الكبير ده

ود الفكى ... والكلام مازال عن الفن الهابط
امس جيرانا كان عندهم حفلة فنانه صوتها شين مبتزلة تقول:
الشحم دا واللحم دا...........
اغنيه جديده معروفه استحى من اكملها

بعد وفاة الفنان مصطفى سيد احمد ظهر محمود عبد العزيز فى بداياته فى التلفزيون . علق واحد من معجبين مصطفى سيد احمد (جنس الغنى دا ما زاتو الكتل مصطفى ) لاحظ مصطفى سيد احمد فى ناس عندها راى فى غناه ذى الجعلى البشر عشان شنبو بس. ولاحظ محمود عبد العزيز لو قارناهو بالاولاد الجداد ديل نلقا غناهو محترم الى حد ما.
يا حليل زمن الجلابيه بيضاء مكويه يا حبيبي بيسحروك ليا
اجيال وراء اجيال

والله ياود الفكى كلام فى محلو
انا قايتو كلامك ده كيفنى 44قيراط
ولو عندى سلطه بس احلقو صلعه
ديل ناس قرايتى راحت

حمدا للسلامه بن الرباطاب البار
وعودا حميدا بين اهلك المناصير
اظنك سمعت بجية صاحبك
وخايفنا نشتكيك ليهو ؟
انت يشتكوك لي منو زاتو ماني عارفين ؟
غايتو نتمني ان لاتنقطع وان تتلفح الصحة توب جراري