المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

استعرض الموضوع السابق استعرض الموضوع التالي اذهب الى الأسفل

يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

مُساهمة من طرف صديق عبدالله علي أبوحنة في الإثنين 06 يونيو 2011, 5:57 am

طبعاً قلنا حكاية حلاقة المارينز دي بي حذافيرا عملوها لينا جدودنا زمان بس ما كان عندهم .(جل) كنا نهرب منها نمشي حلاق المدينة في كريمة أو عطيرة.. تقعد فوق كرسى تطمس فيهو كلك وانت عمرك سبع سنوات والله عشرة. يربطوا ليك الفوطة فوقا يتحتا الصوف..والكولونيا 555 الشبراويشي. والبودرة للفقها.. ومكنة ناعمة ومكنة خشنة والمقص آخر حاجة ويقول ليك نعيماً وتديهو عطية مزين ريال..ويفتح ليك المسجل. ومعلق الصالون كلو صور..ناس عبد الحليم حافظ وأم كلثوم وأسمهان. وصور ناس عبود وشهداء الجمعية التأسيسية وعبد الفضيل الماظ.. تتثقف..الصوالين زمان كانت متعة موش زي الصوالين هسه..أما حلاقة ( الكاريه) اللي هى بي تشبه المارينز هسه. فكان جدك يقعدك فوق حجر..برة جنب الخلوة.. ويجيب توريق الحلاقة. أو الموس ديك البي تشبه موس الطهار بتشديد الهاء.. البي يسنوها على جلد وينفخ فيها( كهه) لمان تموت ويكرشا على قطعة جلد..ويحكوا ليك فقهتك بي صابونة فنيك حمرة وراء أضانك لمان تحرقك في مسيمعك خلف اللضان والصابون يخر لامن يدخل تحت رقبة القميص ومعاهو الصوف.. ومافي مناظر أمامك تستمتع بيها تقلل عليك وطأة الموس الميتة. اللهم إلا منظر حمارة عايرة أو عز مطلوقة.وكل ماجرحك جرحه كمد ليك عليها سفة سعوط... وكل ماجات مرة نازلة الجرف شايلة قفتا الحاج فتح خشمو يتونس معاها وينساك.. والخازوق كان جات الزلال قالت يا حاج. حقتك مافيها سفة تيديني سفة عاد القعدة تطول وكان اتململتا ينهروك وبعد الحلاقة تنتهي يقولوا ليك يلا اجر أقع في البحر غسل الصوف دا...والبحر يوسخك زيادة موية دميرة عكرة ريط.. مقطعة تزيدك غبشة.. هسه طوروا حلاقة الكارية وعملوها مارينز...
صديق عبدالله علي أبوحنة
كبار الشخصيات









عدد المساهمات: 1518
نقاط: 6144
تاريخ التسجيل: 14/07/2010





عدل سابقا من قبل صديق عبدالله علي أبوحنة في الإثنين 06 يونيو 2011, 8:15 pm عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

مُساهمة من طرف سلمان عقيد النعوفابى في الإثنين 06 يونيو 2011, 6:01 pm

يالصدوق –كل ما نقول الصدوق دا اداها صنة مالو-- تانى تظهر وتطلع لينا من بيت الكلاوى –ايام زمان –ايام الطفولة والشباب –

الناس رجعت للكارى الما معروف للكثيرين –تابعتك فى موضوعك ومن كثرت اندماجى معاهو كادت ان تجرحنى الموس-واسع الا اقوم اخد لى طمسة فى البحر من اكولة الصوف-

وزمان كانت تسمى ايضا الزيانى (الحلاقة)-وحاج الماحى قال فى ابجاها حوانا:

من مزدلفة نجمع لى حصانا

وفى منى العيد والزيانا

الان ياصديق منو من اعضاء المنتدى قد حلق كارى زمان-

وفى نفس المنحى كان زمان المشاط للحريم والمصطلح المعروف انذاك (الجندير)وله طقوسه وقعداته وايامه –ايضا يارتى هل من العضوات هنالك من حضرن ذلك الزمن--دنيا






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19619
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

مُساهمة من طرف صديق عبدالله علي أبوحنة في الإثنين 06 يونيو 2011, 8:03 pm

في ناس كتار في المنتدي ده حلقو كاري
أمسك
1 الحاج شرف الدين
2 خالد عابدين
3 الفكي أحمد الفكي
4 الفكي محمد جيب الله عضو في المنتدى
5 حازم
6 مصباح
7 محمد بروي
8 حسين النافعابي
9 عبد الغني
..........
قلت لى من شدة ما عشت مع الزياني كادت الموس تجرحك؟؟؟؟؟؟؟ ها ها ها
وغيرو وغيرو يا زول هي كتار

وفي واحدات اتمشطن( هويدا)
المشاط كان نوعين للحريم يا سلمان لو تذكر
من 40 سنة ولى تحت يتمشطن( فقيرية)... هي البتولة حلاتا يا زولا.. هي البتولة الراس فقيرية.. هي البتولة الجبنة متكية.. هي البتولا
حلاتا يا زولا
هي البتولا
أم جات هللولا
والعجايز يتمشطن ( سادر وارد) مافي عجوز كانت بتتمشط فقيرية.. ولابت بتتمشط سادر وارد .. يضحكوا فيها..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

مُساهمة من طرف هويدا ابوشعر في الثلاثاء 07 يونيو 2011, 2:16 pm

ابدا ابحنة ما حصل
وفى الوقت الحالى المشاط من احدث التسريحات نشروها الزنوج الامريكان حتى فى احدث محلات التجميل بامريكيا تحجز قبل يوم للمشاط لانه يستغرق على الاقل نصف يوم

بعدين خالد عابدين والفكى احمد ما تدخلهم مع الناس الكبار ديل

هويدا ابوشعر
عضو فضي
عضو فضي

احترام قوانين المنتدى : 100

عدد المساهمات : 949
نقاط : 12432
تاريخ التسجيل : 21/04/2011

الرجوع الى أعلى الصفحة اذهب الى الأسفل

رد: يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

مُساهمة من طرف صديق عبدالله علي أبوحنة في الثلاثاء 07 يونيو 2011, 4:33 pm

عارفك يا هويدا ما بتكوني اتمشطتي. بس قلتا أدخلك في الصورة ساكت
لكن أميرة الحومري ممكن تكون حضرت عهد المشاط
لأنو عبد الله على الحومري كان الدفع القدامنا في ابوحمد الوسطي وكان يقول إنو عندهم حبوبتهم تمشط..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا أخوانا..حلاقة الكاري بتاعة المناصير الزمان يحلقوها لينا، موش هي نفسها حلاقة المارينز هسي دي

مُساهمة من طرف صديق عبدالله علي أبوحنة في الثلاثاء 14 يونيو 2011, 1:20 am

الكاري والمارينز واحد

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31670
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى