قرى وحلال المناصير

اقترح على أن يكون هذا البوست خاص بتوثيق قرى وحلال المناصير
اي أن يقوم كل واحد بذكر معلومات توثيقية عن منطقته الصغيرة في المناصير
الموقع:
الأسر (خشم البيوت):
معالم مميزة
شخصيات
إلخ..

دا الكلام يادكتور ---وهذه طريقة مميزة خاصة وان المنتدى يضم اعضاء من معظم قرى المنطقة—حتى لو لم يكن كذلك فهم جيران لقرى اخرى –اما خشم البيوت فمعنا العلامة صديق عبد الله الذى يعرف الكثير عنها وقد قرأت له فى(سودانيز اون لاين) موضوع فى هذا الشأن حيث ذكر مايقارب المئتين وخمسين من خشوم البيوت للمناصير—
اكرر اقتراح موفق وطريقة جيدة للتوثيق--

شكرا سلمان واعتبر هذه موافق من المشرف وابدأ ببلدي
الفقرة - كبنة
واحدة من قرى كبنة تبعد عن المدارس حوالي 3 كيلو متر شمالا
على الضفة الغربية للنيل يحدها من الجنوب قرية النواوير والحسناب ومن الشمال قرية الحلة
يقع قصادها من الشرق المنطقة ما بين النقعة والكراع
اشتهرت بالمسجد حيث تضم المسجد الأول في منطقة كبنة طبعا كان هناك مسجد واحد في كبنة هو مسجد الفقرة
سكان قرية الفقرة يلتقون جميعهم في جد واحد هو ود حجازي (محمد حجازي) المدفون في السادة
هناك ثلاثة اسر تشكل قرية الفقرة (طبعا اولاد عم لزم ) هم:
1- اسرة حاج قيلي ومنهم المرحوم محمد حاج قيلي والمرحوم عثمان حاج قيلي وربنا يطول في أعمار أعمامنا علي حاج قيلي وأحمد حاج قيلي ويرد غربة عمنا عيسى حاج قيلي
2- وأسرة سيداحمد ومنهم المرحوم طيفور سيداحمد (التاجر المعروف) والمرحوم حجازي سيداحمد والمرحوم عبدالله سيداحمد (والد شهيد اللجنة محمد عبدالله سيدأحمد) والمرحوم علي سيداحمد والمرحوم بابكر سيداحمد والمرحوم مصطفي سيداحمد
3- اسرة المرحوم الحسن ود العمدة وطبعا ديل اولاد بنت الدقير محمد حجازي يعني والدة العمدة واخوانه من قرية الفقرة.

طبعا بقية اعمامنا من أولاد محمد حجازي في قريتي الحليلة (ومنهم محمد حجازي وعمر المحامي) وقرية حوش فرنيب (أولاد قمر الدين محمد حجازي)
ارجو من ابناء الفقرة كبنة بالمنتدى (صالح والكباني) تصحيحي إن أخطأت

لا اعرف لكن كنت اميل الي تعريف المنطقه او الحله من ناحيه الموقع فقط وترك الاسماء لاننا كلنا اسره واحده عندي احساس حكايه ذكر الاسماء تعطي انطباع ليس ولابد فيه خط رمادي

اشكرك يا باشمهندس على المداخلة
طبعا كل الناس في المناصير أهل بحق وحقيقة ليست مسألة وجدانية واسع انا لو بحت شوية القاك قريبي .. والله ما قعدت مع منصوري إلا لقيتو قريبي .. والكلام ده عام يمكن تطبقه على كل زول (هناك تصاهر كبير بين المناصير)
عشان كده اطمنك انو ما في أي خط رمادي في ذكر الاسماء بل قد يكون فيه دعوة لصلة الأرحام طبعا بالإضافة لجانب توثيق الشخصيات المنصورية بالموقع والنسب (بالصورة والصوت)
ونحنا المناصير نرى في كل منصوري عز لنا ولا شنو والله حتى مناصير كردفان انا تعرفت عليم واعتبر فيهم عز لينا
وبعدين مسألة الأسماء دي أرى من الأهمية بما كان وكما تعلم قإن البحث في هذا المجال وتوثيقه يعتبر من البحوث العلمية المقدرة (مثال كتاب عون الشريف )
اسمح لي أن أدعو وبشدة لتوثيق الانساب والأسماء
ونخلي سلمان كمشرف على هذا الجزء يضبط الخطوط الرمادية والتفلتات خاصة إن هذا الجزء من المنتدى يهتم بالتوثيق فأي جانب يجنح عن هذا الخط يجب أن يعالجه المشرف

هذا الموضوع عدى عليه قريب السنه لكن هو موضوع مهم شديد اعتقد اهميته مثل قاموس المناصير الذى يوثق ثقافة وحياة المناصير وهذا الباب يوثق خريطة المناصير القديمة واصول وانساب المناصير. واعتقد ان هذه المعلومات هى الآن حاضره فى ذاكرة الكثيرين ولكن من يحفظها لابنائنا واحفادنا . ونشكر استاذنا دكتور حجازى لهذا الطرح القيم واستغرب ان لا يرى هذا المشروع الضخم النور لانه يمكن ان يكون الهدف الثانى لهذا المنتدى وبعدها نستطيع ان نقول عملنا منتدى مثمر ستستفيد الاجيال القادمه منه كثيرا وتعرف قبيلتها من خلاله.

ومثل ما ذكر سلمان اعضاء المنتدى يمثلون اغلب قرى المناصير ممكن نقسم منهم جزء
سلمان عقيد-النعوفاب
مصباح محمد مصباح - ام لقاديب
الحاج شرف الدين - بسوى
صديق الحنونى - الحنانين
حسن سليمان - صلحة
خالد عابدين -الحلة
ود بروى -فقاعة
فتح الرحمن محمد الحسن -الكراع
محمد سليمان -البرجوب
ابوعبيده صديق يس - بهية
كرم الله حامد - القناويت
عز الدين ضقولى - الضقوله
عبد الحفيظ النافعابى -القوز
همتكم حتى نوثق للمناصير

كدر
بكسر الكاف والدال تحدها من الغرب حوش فرنيب والمسراب ومن الشرق بهية وكروم ومن الجنوب بحر الهديمة يفصل بينها وبين شررى ومن الشمال الخوى فاصل بينها وبين ام لقاديب وفى زمن الدميره تكون جزيره.
تسكنها
1- اولاد حسن احمد ابوشعر
2-الفكى محمد جيب الله واولاده
3-اولاد خليفة الطاهر
4-ختم مصطفى السيد
5-سليمان عبد الدائم واولاده
6-محمد الخير ملغوم واولاده
هنالك بعض العوائل لا اتذكرها
وهى منطقة حجرية قديما حبوبتنا عرسوها فى سور وحنت لكدر وسور ما دخلت راسها فانشدت تقول:
[u]

ابورميلة
قبلها في النيل الحيبة الشرقية وبعدها الكراع
وغربها الغابة والسعداب والكنيسة
كما تتمتع بمساحات قبلها وبعدها اي تبعد عن الحيبة والكراع
وهي قرية كبيرة مقسمة لسبع حلال في شكل اسر وهي
من الناحية الشمالية
1/العبابيد او الجمورة وديل ناس [الجميري وحمدجمرة]
2/الرجوبة وديل ناس [ابورجب وودحليب وعبدالعظيم]
3/الهبورة وديل ناس [الهبر ومنهم الاستاذ المرحوم جبريل عثمان خميس]
4/العقبة او الشداب وديل ناس[العجيباب اولاد عجيب واولاد نصر]
ودي هي اكبر حلة في ابورميلة وتتوسطها كما يوجد بها المسجد
5/الغنانيين وديل ناس [ الحسين علي معلوم والجبارين]
6/ الهبارمة وديل ناس [جودابي والدروساب والعقدة ]
7/ المتيرة وديل ناس[اولاد حماد واولاد بابكر ودنصيريي]
وهي قرية معروفة بذلك الجبل العالي [جبل ابورميلة] وصالح ابورميلة

موضوع جميل للتوثيق شكرآ حجازي على الفكرة

فريق البشيراب:
فريق صغير داخل الحمداب في كبنة
من الضفة الغربية للنيل تحديدآ (قصاد الكراع)

يحده من الشمال حوش (عبد الله)منزل الأستاذ عبد الخير آدم مدير كبنه الثانويه الحمداب ومن الجنوب الحسناب حلة العضو بت الحسناب

1.منزل الوالد عيسى حمدانه
والد الأعضاء خال ابرار(محمد) وalmansory@ooty (المقداد)
2. منزل المرحوم العم محمد علي بشيرابي (فريد)
والد العضو البشيرابي
3.منزل الخير عوض الكريم والد العضو أحمد الخير
4.منزل خليفة قسم السيد
5.منزل علي عوض الكريم
6.منزل نعمان عوض الكريم
7.منزل سليمان عوض الكريم

تبعد اقل من كيلومتر من منزل المدير خالد عابدين كبنه (العيساب)
وليست (الحله) يا الأخت نوره

من المعالم الرئيسية : دكان الوالد عيسى حمدانة ربنا يطول في عمره

نتمني ياحجازي البوست دا مايقيف عشان نعرف المناصير كلها من ام سفاية الي برتي
ومحتاجين لو في زول كتب القري كلها بالترتيب
كما اعتقد اننا نحن القبيلة الوحيدة في الشمال المحددة اي حدودها واضحة بجبال ومعالم ثابتة
بس ياريت لو في زول يورينا كم يبلغ طول منطقة المناصير علي النيل
ويقارن بينها والقبايل المجاورة
يلا ياكبار ورونا ناس عمنا حجازي وعمنا صديق والناس الخلف الكواليس

كدر
بها مواقع اثرية ترجع الى مملكة النوبه القائمة بشمال السودان قبل الاسلام وايضا بها مناطق سياحية مثل شلال الهديمة وجرف ام طويل .
وقد انجبت كدر :
1- اول حكمدار سكة حديد سودانى محمد احمد ابو شعر والذى تعرض لحادث قتله فى شبابه .
2- اوائل المهندسين المناصير
سليمان حسن ابو شعر
صديق حسن ابو شعر
3- من اوائل اساتذة الثانوى
جمال الدين الفكى جيب الله
4-طبيب المناصير الذى يعمل بشرى حاليا حامد حسن ابو شعر

نشكر شبابنا فى الهند ظهر الدين والمقداد. وهذا الموضوع مهم شديد ولو ممكن نفصل الاسر اكثر ذى ما قال دكتور حجازى فهو شئ من البحوث العلميه المقدره

الاٌمباى
يحدها من الجنوب وادى ام سلم ومن الشمال قرية الطاهراب بداية القناويت ويقابلها بالشرق التكارنة.
يسكنها:-
النجوماب
1-اولاد على عبدالرحمن النجومى
2-اولاد الخير عبد الرحمن النجومى
3-اولاد احمد عبد الرحمن النجومى
4-ختم الطاهر
5- سليمان العندى واولاده
6- ابراهيم حرجولى واولاده