المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اتربيت علي الدفيق وجقمة موية طينية

+3
بلسم
ود القيايل
ahmed alkhabir
7 مشترك

اذهب الى الأسفل

اتربيت علي الدفيق وجقمة موية طينية Empty اتربيت علي الدفيق وجقمة موية طينية

مُساهمة من طرف ahmed alkhabir الإثنين 18 أبريل 2011, 2:29 pm

جئت سادتي من اناس اذاا ما بلغ شافعهم العامين ومشي علي رجليه قالوا له :- امشي العب في التمر فمارست الصيد وانا صغير قبل ان ادخل المدرسة وكان التمر والبحر هو ملعبنا ومطعمنا حيث تعلمنا ان نطعم انفسنا من الدفيق والسمك الصير النئ او المشوي علي الشوك وما نجد في الجروف والزراعة من عجور وطماطم وودوم وما بقي بين الجريد والكمروق من تمر وكرموش من محصول العام السابق ، وكنا نجد متعة عظيمة في هذه الاشياء ، اذكر اني صنعت اول جبادة لي من خيط طاقية قديمة وكان فيها سنارتين فقط علاهما الصدأ واول رمية طعمتها بالدقيق المخلوط بالدوم وشركتها بالقرب من جبادة اخي الاكبر وفي زحمة لعبي في الطين مع اترابي نسيتها ، وبعد الغداء في البيت كنت قاعد في ضل العصر احاول ان اصنع لوري من الصفيح القديم حينما دخل اخي الكبير جاري في الجبابيد وهو يحمل دبسي زرقاء ضخمة وقد التف بها حبل جبادتي التي فشلت في اول امتحان وقطعتها الدبسي ولكنها اشتبكت مع جبادة اخي الذي هضم حقوق ملكيتي للدبسي وثرت ثورة عظيما من اجل حقوق البوليتاريا ولكن كانت السلطة عظيمة ومجلس الامن الذي هو امي كان منشغلا بحقوق الحيوان وقش البهائم ومعها الايدي العاملة من اخوني واخواتي الكبار اما حلف الاطلسي الذي هو ابي فربما كان في تلك اللحظة مشغول بتامين مصادر الغذاء لذلك لم يهتم احد بهذه الاحتجاجات الشعبية الصغيرة ، تركت هذه الحادثة اثرا عظيما في نفسي وبسببها تعلمت فتل حبال الليف التي تربط بها الاغنام وكنت ابعها بالقرش والمليم لتوفير المال اللازم لشراء الجبابيد والشراك التي نصيد بها الطيور ومن لا يملك قوته لايملك قراره ، كنا نتسلق الاشجار والنخيل بحثا عن فراخ القمري التي نقوم بالاستيلاء عليهاونربيها بانفسنا حتي تكبر ثم نقطع رقابها بايدينا ونشويها علي النار ، دائما تكون لدينا كبريتة وملح وشطة في التمر او في شق حجر ، وحين لا نجد الكبريت نشعل النار من البابور بتاع الموية عن طريق بعر الحمير حيث تضع البعرة علي فوهة العادم حتي تشتعل ثم تفعل بها ما تشاء ، وبهذه الطريقة كنا نضمن اننا سناكل متي ما اردنا واكلنا اشياء كثيرة حتي الهرهش وهي حيوان زاحف صغير يشبه الورل لكنه صغير في حجمه وكنا نذبحه بالمنجل ونغمض اعيننا ونقذف الراس بعيدا وهذه الطقوس كنا نقوم بها لان الهرهش اذا قام بعضك فلن يتركك حتي يسمع صياح حمار الخلاء
هذه الاشياء علمتنا الاستقلالية والاعتماد علي النفس
تعلمت السباحة قبل دخول المدرسة كنت العب بمركب شراعي من كمروقة عريضة صنعت لها شراع من قطع الملابس القديمة التي يمسح بها الزيت الراجع من البابور وكنت مباريها بالحجرة عندما ابتعدت عن الشاطي خجت في الماء لامسك بها وكان المكان هاوية تحت الماء ولم يكن هناك من بد غير ان اسبح ووجت نفسي اسبح من دون مقدمات وصرت بعدها اسبح لمسافات طويلة الي الجزائر الصخرية او نسبح لكي نحضر الحطب والاشياء الطافية التي يجلبها الفيضان
كنا نعشق النيل عشقا ليس له حدود ناتي اليه قبل شراب الشاي في الصباح الباكر لكي نسانق الجبابيد وبعد الفطور الي صلاة العصر ثم بعد المغرب لكي نبيت الجبابيد
عشنا مع النيل بمتعته وخرافاته وبت البحر وعبد البحر والتماسيح التي كنا نشم رائحتها القوية ونهرب ولم ار في حياتي تماساحا الا بعد ان صرت شابا
في الشتاء نخفف من تعاملنا مع النيل ونتجه الي الصحراء والوديان والخيران ونخرج بلوارينا المصنوعة من الصفيح نملاها بالقش ونحرق جحور الصبار ( الثعالب ) او نصنع لها شرك الفرنيب لم يكن في قرتنا مساحة خالية لنلعب فيها كرة القدم لذا استعضنا عنها بالعاب اخري مثل لعبة الدوم او قفيات او لعبة الشد ولعب الطاب في التمر والعاب الليل الكدك والرمي حراسا وشليل وغيرها من العاب الصغر


نواصل


عدل سابقا من قبل ahmed alkhabir في الثلاثاء 19 أبريل 2011, 5:53 pm عدل 1 مرات
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ود القيايل الثلاثاء 19 أبريل 2011, 2:08 pm

الخبير سلامات
ياريت ياجنا ماوقفت
سرد جميل لأمكنه جميله
بس ماوريت القارئ اسم تلك البلده التي احتضنت هذه الذكريات التي تحكي عظمه الانسان والبكان
واصل يالخبير عن الدميري وحروس الطير والتناقير وقعدات العصير وعن الصيد والجروف
حتما ماكتبته في وجدان كل منصوري فكتاباتك سنقرأها لأطفالنا الذين أتلفت عقولهم مطاردات توم وجيري وطمست هويتهم (فله) واخواتها وكسر عنفوانهم الحكواتي الذي لايملك من الحكاوي ألا اسمها
ليتك تواصل وتغوص في التفاصيل
ود القيايل
ود القيايل
عضو نشيط
عضو نشيط

احترام قوانين المنتدى : 100

عدد المساهمات : 198
نقاط : 25480
تاريخ التسجيل : 01/08/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الثلاثاء 19 أبريل 2011, 3:38 pm

شكرا الاخ ودالقبايل علي تشريف البوست
انها حياة كل من تربي في المناصير وكل منصوري ربما عاشها بنفس التفاصيل او اكثر جمالا
وهناك فعلا توجد عبقرية في الانسان والمكان
والاجمل ما تلك القري الطاهرة انها تقدم الي العالم اناس دواخلهم بيضاء ونفوسهم ابية وعزيمة لا تلين
شكرا علي المرور واثراء البوست
وهذه دعوة للجميع ليكتبوا عن طفولتهم المبكرة وذكرياتهم في البلد والمدارس والناس والحياة والارض والنيل
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف بلسم الثلاثاء 19 أبريل 2011, 5:19 pm

تشكر اخى الخبير
على ذكريات الطفولة
وياريت ياريت الماضى يعود يوما
بجد حيات كل منصورى عاشه مع اقرانه
تسلم كتير وصل فى سرد الزكريات
ودمت بخير تقبل مرورى
بلسم
بلسم
عضو متميز
عضو متميز

احترام قوانين المنتدى : 100

عدد المساهمات : 611
نقاط : 25786
تاريخ التسجيل : 15/12/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الثلاثاء 19 أبريل 2011, 7:41 pm

شكرا الاخت بلسم علي المرور والكلمات الجميلة المشجعة

نواصل

من الاشياء الراسخة في الذاكرة الكرامات وكانت متعددة منها كرامة الحب ودي يعملوها بي عيش المريق مع اللحم ودائما ماتكون في بداية موسم الصيف ، الناس يدفعوا الشيرنق ويشتروا الخروف ويعملوا الكرامة في الزراعة او تحت شدرة فوق درب السلطان والرجال والاطفال ياكلوا في محل الكرامة ويشيلوا لي النسوان في البيوت ويكشحوا منها في الزراعة والبوغة الجديدة قربانا لانجاح الموسم الزراعي

في ايضا كرامة كنا نسميها كرامة عرروروك ، ودي تقوم بها حلة معينة او مجموعة من الحلال ، يضبحوا الخروف ويوزعوه علي الحلة وكل زول يعمل اكلو ويجيبوا في محل معين بعد المغرب بعد الاكل الناس تدعو دعاء جماعي لطرد البلاء ، بعد داك يقومو الجنوي يصرخوا عرورروك عورروووورروك ويجروا حتي الحلة التانية ودا عشان يطردوا البلاء والارواح الشريرة الي الحلة التانية التي تعمل نفس الشئ وهكذا والحلة التي لا تعمل كرامة عروووررروك اذا حصلت فيها أي حاجة الناس يقول دا بي سبب انهم ما عملوا الكرامة ، مرات تكون في امراض منتشرة برضو يعملوا كرامة جماعية ، او البابور يتعطل طوالي او في مرض في الزراعة وهكذا .

من الحاجات التي يحبها الجنوي الشريك بتشديد الراء أي نصب الشراك للطيور ، طبعا في شريك للحوت وفي شريك للطير ، الطير في منو طيور موسمية تجي في موسم الدميرة مثلا وفي طيور تكون موجودة طول السنة ، من الطيور الموسمية القيرقدونة وهي طائر صغير ياتي مهاجر في اسراب في موسم الدميرة مع بداية شراد البحر أي انحساره ، وكنا نغني لها :-

القيرقدون يا الحاجة

بحرك شرد يا الحاجة

دودك رقد يا الحاجة

وكنا نصطادها احيانا بالعشرات ونذبحها باليد تمسك الراس وتجبدو بي يدك لامن تقطعو ووتخلي دمها ينقط علي الشركة حتي تقبض مرة اخري ،

هناك ايضا العلج وهو طائر جميل ومتكبر وصيده اصعب من القيرقدونة وهو انواع منها علج الحومري والكودري والبارقيط وعلج الصعيد وعلج ابعلامة ، مرات تقضي يومك كلو واحتمال تقبض علج واحد واحتمال ما تقبض شي ،

كذلك الترتار الذي يوجد غالبا في الاراضي المحاذية للصحراء وهو طائر مسكين لحمه قليل وفتران ، كنا نغني له :-

الترتار ود مديني

ياكل الدودي السميني

الدودي دي طبعا الطعم الذي يغري كل الطيور المذكورة اعلاه وهي يرقة توجد في البتق وهو القش او القصب الذي ينمو مرة اخري بعد حش المريق ، اما الزرازير والقمري والدباس فالطعم يكون من حب المريق الذي يلين بالماء ويخرم بالابرة او الشوك ويوضع كطعم ، الزرازير والقمري طبع متواجدة طول السنة ، اما الدباس وهو طائر من فصيلة القمري منو نوع يكتر في موسم الدميرة في شهر تسعة وعشرة تلقاهو في التقي جمع تقاة بكميات كبيرة ، واذكر مرة جات مطر فيها تلج في شهر عشرة وحشكت الدباس في التقي وغلبو يطير وقبضناهو بي ايدينا بي كميات كبيرة ،
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الثلاثاء 19 أبريل 2011, 8:46 pm

تنبيه هام
اي زول تلاقيهو كلمة ما يفهم معناها عليه البحث عنها في قاموس ابو حنة اللغوي
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الثلاثاء 19 أبريل 2011, 9:09 pm



هنا قصيدة جميلة للشاعر التونسي المبدع ابو القاسم الشابي صاحب القصيدة المشهورة اذا الشعب يوما اراد الحياة التي الهبت نيران الثورة في البلدان العربية وقصيدته الجنة الضائعة ليست بعيدة عن موضوع البوست فارجو ان تنال اعجابكم

الجنة الضائعة لابو القاسم الشابي


كم من عهود عذبة في عدوة الوادي النضير
فضية الأسحار مذهبة الأصايل والبكور
كانت أرق من الزهور ومن أغاريد الطيور
وألذ من سحر الصبا في بسمة الطفل الغرير
قضيتها ومعي الحبيبة لا رقيب ولا نذير
إلا الطفولة حولنا تلهو مع الحب الصغير
أيام لم نعرف من الدنيا سوى مرح السرور
وتتبع النحل الأنيق وقطف تيجان الزهور
وتسلق الجبل المكلل بالصنوبر والصخور
وبناء أكواخ الطفولة تحت أعشاش الطيور
مسقوفة بالورد والأزهار والورق النضير
نبني فتهدمها الرياح فلا نضج ولا نثور
ونعود نضحك للمروج، للزنابق والغدير
ونخاطب الأصداء وهي ترف في الوادي المنير
ونعيد أغنية السواقي وهي تلغو بالخرير
ونظل نركض خلف أسراب الفراش المستصير
ونمر ما بين المروج الخضر في سكر الشعور
نشدو ونرقص كالبلابل للحياة وللحبور
ونظل ننثر للفضاء الرحب والكون الكبير
مافي فؤادينا من الأحلام أو حلو الغرور
ونشيد في الأفق المخضب من أمانينا قصور
أزهى من الشفق الجميل ورونق المرج الخضير
وأجل من هذا الوجود وكل أمجاد الدهور
دوما تدللها الحياة بكل أنواع السرور
وتبث فينا من مراح الكون ما يغوي الوقور
فنسير ننشد لهونا المبعود في كل الأمور
ونظل نعبث بالجليل كمن الوجود وبالحقير
بالسائل الأعمى وبالمعتوه والشيخ الكبير
بالقطة البيضاء بالشاة الوديعة بالحمير
بالعشب بالفنن المنور بالسنابل بالسفير
بالرمل بالصخر الحطم بالجداول بالغدير
واللهو والعبث البريئ الحلو مطمحنا الأخير
ونظل نقفز أو نثرثر أو نغني أو ندور
لا نسأم اللهو الجميل وليس يدركنا الفتور
فكأننا نحيا بأعصاب من المرح المثير
وكأننا نمشي بأقدام مجنحة تطير
أيام كنا لب هذا الكون والباقي قشور
أيام تفرش سبلنا الدنيا بأوراق الزهور
وتمر أيام الحياة بنا كأسراب الطيور
بيضاء لاعبة مغردة مجنحة بنور
وترفرف الأفراح فوق رؤوسنا أنا نسير
آه توارى فجري القدسي في ليل الدهور
وفنى كما يفنى النشيد الحلو في صمت الأثير
أو آه قد ضاعت علي سعادة القلب الغرير
وبقيت في وادي الحياة الجهم أدأب في المسير
وأدوس أشواك الحياة بقلبي الدامي الكسير
وأرى الأباطيل الكثيرة والمآثم والشرور
وتصادم الأهواء بالأهواء في كل الأمور
ومذلة الحق الضعيف وعزة الظلم القدير
وأرى ابن آدم سائرًا في رحلة العمر القصير
ما بين أهوال الحياة وتحت أعباء الضمير
متسلقًا جبل الحياة الوعر كالشيخ الضرير
دامي الأكف ممزق الأقدام مغبر الشعور
هالته أشباح الظلام وراعه صوت القبور
ودوي إعصار الأسى والموت في تلك الوعور
ماذا جنيت من الحياة ومن تجاريب الدهور؟
إلا الندامة والأسى واليأس والدمع الغزير
هذا حصادي من حقول العالم الرحب الخطير
هذا حصادي كله في يقظة العهد الأخير
قد كنت في زمن الطفولة والسذاجة والطهور
حيا كما تحيا البلابل والجداول والزهور
لا نحفل الدنيا تدور بأهلها أو لا تدور
واليوم أحيا مرهق الأعصاب مشبوب الشعور
متأجج الإحساس أحفل بالعظيم وبالحقير
تمشي على قلبي الحياة ويزحف الكون الكبير
هذا مصيري يا بني ....فما أشقى المصير
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف خالد عابدين الخميس 21 أبريل 2011, 1:21 pm

واصل ياخبير
في سرد الزكريات
ومابين حصاية البرتيت والسقاي الجاري والصوح والكير واللقينين وجرف الوعر وحاج بشير وخوير وراق حتى مشرع ألبل _ ذكريات تستحق هذا التوثيق الرائع
شكرا وتقبل مروري


خالد عابدين
خالد عابدين
Admin
Admin

احترام قوانين المنتدى : 100

عدد المساهمات : 2564
نقاط : 32387
تاريخ التسجيل : 22/03/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الخميس 21 أبريل 2011, 4:46 pm

شكرا الاخ خالد علي المرور لا يهمك كان داير تنداح البيت بيتك والبوست بوستك
وشكرا علي الكلام الحلو والبلد فعلا زمان كانت حاجة تانية في حنيتا وطبيعة الناس وطبيعة الطبيعة والبحر الكان بحر وال.............. عاد نقول شنو ونخلي شنو
كانت عندنا بلد ضيعناها وترانا الليلة نبكي عليها
غاتو الله يلزم الصبر
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الخميس 21 أبريل 2011, 4:57 pm

العيد في البلد :-

في احد الايام دوي صوت فنان رهيب وتردد صداه بين جنبات الحلة من البحر الي الجبال ، كان صوتا نديا وجميلا ياتي من جهة البحر وهرعت الحلة كلها الي البحر وكان الفنانين في ذلك الزمان يتنقلون بالمراكب واصوات الغناء يتردد صداها مع الامواج والشواطئ المحفوفة بالنخيل فتزيد روعة وشجنا في احد المرات جاء الفنان عيسي بروي في مركب وهو يغني منصوري موووقد نااااار انا من اعز ديااار وكان ماشي حفلة في الحيبة والبحر دميري والعيش غرقان والناس كلها اتقلعت عند البحر عشان تحييهو ، المهم وصل اهل الحلة التمر ووجدوا احد الصبية الصغار وهو يغني في ماسورة البابور ويشدو بهذا اللحن الجميل .

اسباب اساي وسر بكاي العيد يمر
للناس فراااح وانا لى تراااح من حالى كور
الناس تقوم تمرووق تحوم قبل الفجر


جوفي اتحرااق انا ما مرااق حدى العصر
بين هاااش وباااش انا داامعي راااش لازم الصبور
الطير نضاام رشاا النغم فوق التمر
شوف يا رفيق كاام بي ضيق العيد فقور
شيشك بشيش لو ليااا ريش كوت ليك ازر
كوت عااد بجيك واتهنا بيك طول العمر
انا حالى حالى ما في بال مشغول كتر
بي زول نجااع لى ما رجاع من كم تشوور
لى مافي زول يهدي ويقول ياخداا الأجور


الي اخر الغنية . اصغت الحلة في صمت رهيب الي هذا الصوت الشجي وكانه ياتي من عالم اخر ، حينما انتبه الفتي خجل وسكت وكانه قد اتي منكرا ولم يسمعه احد يغني بعدها ولو فعل لكان له شأن عجيب .

المهم كان العيد في الحلة كما في كل الحلال المجاورة له شنة ورنة ، في العيد يرجع المسافرين ، وما اكثر ترحال اهل الشمال في ذلك الزمان ، وفي عودتهم تعم الحلة الحاجات الجديدة من ملابس وحلوي وغيرها ، كنا نترقب المراكب في ايام القطر واللواري عندما يحين العيد ، وحينما تاتي المراكب او اللواري يجروا الشفع يلاقوها عشان يدوا الخبر وياخدوا البشارة وكان الحلة اذا عاد احد ابنائها من سفر فهو ابن الحلة كلها فيعم الفرح علي الناس كلهم .

نمشي العيد :-

تبدأ تجهيزات العيد بتفصيل الجلالايب من بدري وكانت اغلبها من الدبلان والتيترون والاحذية شقياني او شدة تجرح كرعيك اثناء مباركة العيد ، وكذلاك تبدأ النساء في تجهيز الكعك والحلويات ، صباح العيد كنا نصحو مبكرين لتوزيع زكاة الفطر ، والتي تكون غالبا من القمح او الذرة ، وبعد ذلك الحمام في البحر ، وطبعا اليوم داك ما في زول يمشي علي جبادة ، ونلف الحلة كلها نسلم علي كبار السن والقواعد من النساء ، واعفو مننا وعافين منكم والكلام الجميل ، ثم الصلاة في العدوي وبعدها دائما يكون في مديح سواء من القادرية او الختمية الذين لديهم تنظيم اسمه الشباب ومن اناشيدهم :-

شئ لله يا حسن يا سلطانا الزمن

او :- شئ لله يا ميرغني نااظرة

يا امان الخايووفين ( الخائفين ) نااظرة

وكانو يؤدونها بايقاع مع خطوات عسكرية جميلة

لاحقا صارت هناك مهرجانات رياضية وثقافية تقوم بها مراكز الشباب

نواصل في العيد
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف mustafa omer Elhassan الخميس 21 أبريل 2011, 5:12 pm

الاخ العزيز الخبير
جزاك الله خيرا
لقد قرات هذا البوست الرايع اكثر من مره
وتزكرت تلك الايام الجميله مع سردك المموثق العزب
لوعاد الشباب هل تعود الديار كما كانت والناس برضوا
اتغيرو ما عادو هم من نعرفهم الحنان الدفاق اصبح محله الجفوه
تظل تلك الزكريات محفوره في وجداننا كل ما نتزكرها نزف الدم
بدلا عن الدمع
واصل ابداعك وتميزك اخي الخبير كلنا اذان صاغيه
mustafa omer Elhassan
mustafa omer Elhassan
ملـــــكي
ملـــــكي

احترام قوانين المنتدى : 100

عدد المساهمات : 2024
نقاط : 31400
تاريخ التسجيل : 19/10/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الخميس 21 أبريل 2011, 7:40 pm

شكرا الاخ مصطفي علي المرور والمؤازرة
تسلم وتقبل خالص الود
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ود القيايل الجمعة 22 أبريل 2011, 1:32 pm

الخبير سلامات
سرد جميل لواقع كان جميلا
نفس المشاعر والمشاوير والاحاسيس في كل بيت وفي كل حله
كأنك ولدت وترعرعت في كل تلك القري
لك التقدير
واصل الفواصل
ود القيايل
ود القيايل
عضو نشيط
عضو نشيط

احترام قوانين المنتدى : 100

عدد المساهمات : 198
نقاط : 25480
تاريخ التسجيل : 01/08/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف انتصار حجازي الجمعة 22 أبريل 2011, 3:11 pm

الله يديك العافية
يا احمد الخبير
سرد جميل لزمن جميل ومكان جميل
لأروع ناس



واصل وبالتفصيل
متاااااااابعين معك

وكان الحلة اذا عاد احد ابنائها من سفر فهو ابن الحلة كلها فيعم الفرح علي الناس كلهم

فعلا المناصير كدا بالذات فى البلد
كانهم بيت واااحد
الله يديم الحنين والتواصل بين الناس
انتصار حجازي
انتصار حجازي
مشرف
مشرف

الأوسمة مشرف منتدى المرأة والأسرة

احترام قوانين المنتدى : 100

عدد المساهمات : 1668
نقاط : 28227
تاريخ التسجيل : 19/01/2011

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف هاشم علي الجزولي السبت 23 أبريل 2011, 3:55 am

والله ياالخبير اقرأ كلامك أصدقك اشوف عمايلك اتحير
السبب ياالخبير يوم الرحله العصير والنفر في الداره يهز طربا وشوقا الي أيام لاتزال متأصله فيه وتجري فيه مجري الروح وحتي حازم ما قصر اما اخوك فكان امره عجبا اعني شقيقك وانت ياالخبير لم تحرك ساكنا ؟؟؟
كده ياالخبير تكون قريب من الزول الابس السديري وده بسببو (سواها تصوير )
انت مالك وقت عشت في البلد مع ام قريدون وعمت في الجروف ولعبت مع العيال في الهويد ونطيت القرو البخليك ماتتحرك مع الطنبور الطنبور الخلي محمد علي نصر الدين يتململ وتقلبو القعده
هاشم علي الجزولي
هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 30798
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الإثنين 25 أبريل 2011, 2:21 pm

شكرا للاخ ود القبايل
وشكرا للاخت انتصار
وشكرا للاخ هاشم
شايفك يا هندسة موجوع خلاص اني ما قاعد اشارك في الغناء وكدة واقول حاجة انا في مرات كنت بعمل فيها فنان الرابطة وكنت بدق الطنبور وبغني لما يكون السوق كاشف ههههه !!!!
المهم هسي بقيت ما عندي انترريست ما عارف ليه !!
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الإثنين 25 أبريل 2011, 2:50 pm

نواصل في شتات الزكريات
وداير اتكلم شوية عن فصول السنة في البلد وكيف كنا نتعامل معاها نحنا الدرافين في ذلك الزمان الذي .........
اولا
الخريف
بداية الخريف طبعا في نهاية شهر ستة وبداية سبعة ، نحس بالخريف في ريح الجنوب الصباحية المشبعة بالرطوبة والله الجنوب دي لما تلفحك الصباح وانت قاعد في ضل الصباح ترمل في الجبابيد ولا مشدد ماشي مشرع البل تقرع ولا تجيب لك قش حتي تشعر بي عظمة
كمان الجنوب دي بشارة بي انو البحر حا يمشي يعني تقوم من الصباح كرفت زيفة الجنوب اقرب زول جنبك تقول ليهو البحر ماشي بدون ماتمشي تشوف البحر والكلام دا برضو ينطبق علي الهواء الحار البجي من الجنوب بعد الضهر في موسم الدميرة
اها البحر يادوب بدأ يتحرك من تحت والحروم يحشن في اللوبا والمريق نجضان متكي فوق التناقير ورواكيب الطير بقت مهجورة لانو الطيرخلاص شبع والحب بقي قوي وفي شوية غنم ترعي في الكاويق بتاع اللوبا وتشوف شفع يعوم ويفجكوا بي تيبان اماتم البحشن في القش
طبعا مشية البحر الاولي بكون فيها سمك مبالغة يعني بالهدم تلم سمك كتير خلاص وريحة العطاريب تبق من سلات الصير والعر واحلي حاجة الشلمبايي لما تتسلت فوق المراع ويكون عندك شطة وملح خاتيهم في الراكوبة الطير اها الشلمبايي دي بعد تتسلت فيها دهن ابيض طاعم يسيل عليها ...........
عليك الله يا ود القبايل ما سويت لك المغصة ؟؟؟ ارجي الراجيك انت شفت حاجة الا انزلك البلد
نرجع لي بشاير الخريف وما ننسي التمر يادوب بدا يسوي المعصود وتلقي في تمرات بالعدد وعارفينهن الشفع النجاض تلقاهن ممعصدات بدري وطبعا المعصود الاولاني حاجة عجيبة
ووفي تمر تلقي اهلو زربوه بالشوك برضو ما بنخليهو
خلاص اللوبا حشوه والغنم رعن الكاويق والكردي والبحر جاي زاحف لا فوق وبدا يغرق في العيش ومرات يقولولك البحر ياكل في اليابس يعني ماشي سريع وما في نز قدامو ومرات يجي ابدر من مواعيد مثلا اذكر مرة البحر اتحرك يوم 18/6 وغرق العيش غراق شديد خلاص ووقعنا في حتيل شديد خلاص لامن ضهرك يبقي زي جلد الورر من نقل القصب المليان موية وحشرات وقندول
نواصل في الدميرة والخريف
حلا الخريف حلا
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف ahmed alkhabir الأربعاء 27 أبريل 2011, 6:56 pm

الخريف لسع
من اهم مظاهر الخريف الكبت
الكبتة او العاصفة المظلمة دي من الحاجات الكانت تمثل تغيير شديد في طبيعة البلد طبعا لانو الكبتة مرات بتجي وراها المطر او الهواء الذي يحت التمر يعني الكبتة دي كدة كدة ربحاني معانا
مرة جات كبتة مكبوتة يعني ظلام ما بتشوف اصبعك وكان فيها سحاب ملون ويتقلب اسود واحمر واصفر ونحنا قلنا القيامة قامت وكان البحر دميرة وطلبة المتوسطة في نص البحر في مركب الخشب الكبيرة اول يوم ماشيين الداخلية وشايلين عناقريبن ومراتبن وحاجاتن لما الكبتة وقعت البحر هم ركزوا في الحجرة ومرقوا لكن الحاجات راحت فيها
في اللحظة ديك ابوي كان بقرع في الموية في مكان بعيد من البابور لكن مشي وقف البابور عن طريق جدول الموية يعني مباري موية الجدول من الحوض لغاية البابور ثم الماسورة لغاية الشرر الاحمر المارق من العادم ووقف البابور
نواصل في الدميرة
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27555
تاريخ التسجيل : 19/04/2010

الرجوع الى أعلى الصفحة اذهب الى الأسفل

اتربيت علي الدفيق وجقمة موية طينية Empty رد: اتربيت علي الدفيق وجقمة موية طينية

مُساهمة من طرف بلسم الأربعاء 27 أبريل 2011, 7:24 pm

تسلم اخى الخبير
كتر خيركتير واصل
ونحن منتظرين الدميرة
كلماتك ترجعنا البلد على طول
ودمت بخير اخى
تقبل مررورى
ونحن منتظرين المزيد
بلسم
بلسم
عضو متميز
عضو متميز

احترام قوانين المنتدى : 100

عدد المساهمات : 611
نقاط : 25786
تاريخ التسجيل : 15/12/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى