المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ألحقنا يا أبو حنة

3 مشترك

اذهب الى الأسفل

ألحقنا يا أبو حنة Empty ألحقنا يا أبو حنة

مُساهمة من طرف almansory@ooty السبت 26 فبراير 2011, 3:26 pm

يقول الشاعر الفذ حسونة الذي عاش في العصر التركي عن (ضرار) مزارع نشط يلتمس النجاح من خلال مضاعفة الجهد والعرق :
من أب رنات غرب دنالك السوق
خدرة السيدا ما خمالا (ماروق)
يا الداير المدن وما داير الذوق
من درب الميري أطلعلي لافوق
إلي أن يقول :-
ماشفتوا العصفة كيف سولا (فاشوق)
درعولا اللس تيلة بنات فوق
فكلمات ماروق وفاشوق عربت عن النوبية بزيادة القاف ....
وفي قصيدة أخري يقول الشاعر حسون :-
من جديد ما بأمن إنسان
في اللحم (كجنت )اللسان
فكلمت كجنت نوبية دنقلاوية - تعني الكراهية .
وفي قصيدة ثالثة : يقول الشاعر :-
جا احمد للفطور شايلوا اباسيق
يفسخ ماشي مالي جيبوا دفيق
أباسيق مفردها : ابسيقه وهي الحبل المفتول - دفيق فاسد التمر الني ....
وتقول مهيرة بت عبود في بطل من ابطال الشايقية وقد شارك في معركة كورتي ضد الدخيل التركي :
الليلة العقيد في الحلة متمسكن
في نص التراب شوفنو (مجكن)
أصل الكلمة (جكي) وهي نوبية دنقلاوية - وتعني العصر والضغط بشدة و(مجكن) بفتح التشديد وتخفيف النطق تعني الامتلاء من العصر - يقولون - البقر جكن القصب - أي ضغطت عليه بأرجلها عصراً حتي صار مدروساً ..
ويقول الشاعر الشعبي :-
يارب ياكريم تديني فيقه
اللقرن الموية وأدي أم زين تاويقة
يقولون فلان يتاوق - من المتاوقة - نوبية دنقلاوية تعني التلصص في النظر .
ويقول الشاعر ايضاً:-
الجزيري العاصرة الشرق
يا العليك النيل مندلق
لا بجابق لا بورق
دار احش من من حد العرق
بجابف - من الجابيق بالدنقلاوية النوبية - تعني تخفيف كثافة قصب الذرة الني بقطع الهزيل من القصب والصغير منه .
ويقول الشاعر :-
ساقيتنا الكبيرة الكانت أُرِّق
نكافح نزرعا ويقولوا كُرِّق
فكلمتا أُرِّق وكُرِّق الاولي من إنطلاق البهائم بعد الحصاد (المسره) بلا رقيب أو راعي - والثانية تعني عيش الذرة المريض وكلتاهما دنقلاوية نوبية .
وهنالك الكثير من الكلمات الكثيرة التي نجدها في الشعر الشايقي وفي أحاديثنا اليومية ....
وأيضا نجد تأثير الحضارة النوبية علي منطقة الشايقية في اللهجة فقط بل تعدي ذلك علي كثير من أوجه حياتنا المكتنزة بإسلوب حياة النوبيين ... ونرجع هذا الامر في البدء الي الارض إذ إن البيئة كانت هي الوعاء الذي شكل هذه الحياة النوبية في بلاد الشايقية ... واذا سأل سائل كيف يكون ذلك ؟ نقول أن النوبيين عاشوا قرونا طويلة باجسادهم وعاداتهم وتقاليدهم فوق هذه المساحة الجغرافية في السودان (حضارة نبتة) فأختلط سلوكهم بالبيئة ناساً ومساكن فمنازل الشايقية كانت قبل هذه المنازل الطوبية الاسمنتية اشبه مايكون بمساكن النوبيين جيرانهم من جهة الشمال . وهذا ناتج من إختلاطهم مع الدناقلة في مهنة البناء (طيانة) نقلت لهم عبر هؤلاء اشكال المعمار النوبي مع بعض التحوير محاكاة لهم في طريقة بناء المساكن.





الكلام دا منصوري ولا شايقي ???????
almansory@ooty
almansory@ooty
عضو نشيط
عضو نشيط

احترام قوانين المنتدى : 100

عدد المساهمات : 188
نقاط : 25692
تاريخ التسجيل : 29/06/2010
العمر : 35

الرجوع الى أعلى الصفحة اذهب الى الأسفل

ألحقنا يا أبو حنة Empty رد: ألحقنا يا أبو حنة

مُساهمة من طرف صديق عبدالله علي أبوحنة الإثنين 28 فبراير 2011, 7:04 pm

زولنا المنصوري
دخلتني في ورطة.. ها هاها
كلام فيهو منصوري وفيهو شايقي..
أنا قاع اتخارج من المسائل دي وأقول اصلو القبيلتين مفتوحات على بعض..
وقاعد اتخارج اقول .( ممكن تقول الرباطابي أو الجعلي..ود أعمى بحكم الجور... لكن ما ممكن تقول الشايقي ود أعمي.. لأنو اقرب من كدة في كل شئ.. وده الشئ الجاب لينا سرقة بعض تراثنا.. التشابه الشديد للغاية في الحالة المزاجية بين الشايقية والمناصير. مع اختلافات أخرى دقيقة نعرفا نحن عن الشايقية.ليه الشايقية ما سرقوا تراث الرباطاب مثلاً!!!! ليه!! لأنه موية عرقو مقلوبة شرق.. مقلوبة كتر لابيشبهنا ولابيشبه الشايقية.. مع كامل التقدير لأهلنا الرباطاب الذين تربطنا بهم أواصر القربى والجور...)
أنا نظرتي وحدوية أكثر من انها انفصاليه.. لمصالح مشتركة.. وطبيعية فيها الكثير. نعرف للشوايقة كثير من عيوبهم.. بالطبع جايك راجع يا المنصوري عشان افسر الكلام القلتو لو في واحد ما عرف معناه.. تسلم
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 45030
تاريخ التسجيل : 14/07/2010

الرجوع الى أعلى الصفحة اذهب الى الأسفل

ألحقنا يا أبو حنة Empty رد: ألحقنا يا أبو حنة

مُساهمة من طرف ahmed alkhabir الإثنين 28 فبراير 2011, 7:33 pm

شكرا الدكتور وشكرا ابحنة
انا راي برضو نكف عن هذا الكلام وحكاية سرقونا وسرقوا تراثنا ، قبل سنوات كنت استمع لعبد المطلب الفحل وكان يتكلم عن التراث الشايقي واتصل عليه بالهاتف واحد منصوري وقال ليه انتو سرقتوا تراثنا !!!!!!!!! لكن عبد المطلب الفحل ردعليه بكل هدوء وقال ليهو :- المناصير ماقاعدين يقولو البكاء بحرروه اهلوا .

اي بمعني انك لو عندك تراث حول تنشرو وتوثقو بي نفسك ، وفعلا كان الموقف بايخ جداً .
خالص الود
تخريمة
لكن والله يا دكتور لقيتك ماساهل انا كنت قايلك زول مصطلحات علمية وكدة Laughing
ahmed alkhabir
ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 27550
تاريخ التسجيل : 19/04/2010

الرجوع الى أعلى الصفحة اذهب الى الأسفل

ألحقنا يا أبو حنة Empty رد: ألحقنا يا أبو حنة

مُساهمة من طرف almansory@ooty الخميس 03 مارس 2011, 6:13 pm

كالعادة مافي غريب تمييز مستمر
تسلم يا ابو حنة وما قصرت والشوايقة ولاد عمنا في النهاية بس الموضوع كان ملخبطني شوية

الخبيرلقيتني كيف ؟؟؟؟؟؟
تسلم كتير وما تحرمنا من إبداعاتك
almansory@ooty
almansory@ooty
عضو نشيط
عضو نشيط

احترام قوانين المنتدى : 100

عدد المساهمات : 188
نقاط : 25692
تاريخ التسجيل : 29/06/2010
العمر : 35

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى