اليوم في الدامر البشير قال: بحيرة المناصير، مجرد نطق كلمة المناصير فرحني من المغصة العلينا

شكرا باشمهندس
فكره جميله
ان نطلق اللسان على ذكر محليه بحيره المناصير لتكون اسما عاميا على لسان الكل
ودعهم يقولون محليه البحيره فى الاوراق الرسميه

صديق عبدالله علي أبوحنة كتب:زمان قلنا ليهم مروي دي مليانة شهرة لى حلقا... سموهو سد المناصير لأن نسبتنا من المهجرين67.5
قالو لا
بعد أثبتنا محلية البحيرة
قلنا ليهم سموها محلية المناصير
قالوا لاجهوية
هسه ده إسم حلو نطقو الريس بي خشمو.عايزين نتمسك بيهو( بحيرة المناصير)
لو طرحناه للمسؤولين والوالي في الدامر
هل حا يقبلوه!
شايف المتحدثين قبل الريس
الوالي والمعتمد
ذكروا محليات الولاية كلها وقالوا محلية البحيرة بس ما زادوها
لما جاء الريس ذكر محليات الولاية كلها وقال: محلية بحيرة المناصير
عايزين نتمسك بي كلمة الريس دي؟ لنثبت لى نفسنا حاجة

صدقا لكلامك ناس كتيره تحدثوا معي وقالوا لي البحيره هي بحيره جبل اولياء ولابحيره سد مروي فقلت له هي بحيره جبل أولياء ( فجبل أولياء افضل )فلماذا لابكون اسمها في الاوراق الرسميه محلية بحيره المناصير كاملا حتي يكون الاسم واضحا ولايكون شبة للتلاعب وياحبذا لوتكونت لجنة سريعة حادبة من ادارة المنتدي لمعالجة هذا الامر سريعا مع الجهات الرسميه ( المعتمد ,وكل من له صله رسميه بالموضوع وأنا من جهتي يمكن أن اوصل هذا الامر للمعتمد شفاهة ولكن يحتاج للمتابعه . ولكم الشكر

(الحاج شرف) كتب:شكرا باشمهندس
فكره جميله
ان نطلق اللسان على ذكر محليه بحيره المناصير لتكون اسما عاميا على لسان الكل
ودعهم يقولون محليه البحيره فى الاوراق الرسميه

ده كلام تقولوا ياالحاج اخوي