بت المناصير من طرف تاج السر جبريل

من طرف **ودالبلد** الإثنين 31 مايو 2010, 3:26 pm

شوف النخيل متكى يتمايل تقول سكران
وقت شاف البنيه اب قوام ممدود شبيهة ظبية الوديان
نظراته تطعن فى القليب ذى لدغة الثعبان
ياعبير فواح يفوق فى ريحتو للكافور ومسك الهند والريحان
فتشت سما..فتشت ارض.. وفى كل مكان
دى الما لقيتو مثيله لا فى الانس لا فى الجان
بنية" فى ديار منصور عجيبة" خالقه الرحمن
دى العجينه خليطه بين اللؤلؤ والمرجان

من طرف **خالد عابدين** الإثنين 31 مايو 2010, 3:54 pm

ياخينا أيه الابداع ده ، لكن النضمي ده دحين ماكبرنا عليهو ؟(دا إذا كانت جديدة )

شاعر المناصير الكبير علي ود سلمان لما خلاص كبر وشاف الحسان واتذكر زمن الشباب ، قال :-
ياكريم مني أبعدن
وزالن المابتجددن
وأوعدنا بي حور جنات عدن
(قد تكون غير ومرتبه ولا أذكر الباقي )
الأجمل في قصيدتك يا دفعة .. إنك وقفت على الاطلال ثم دخلت في الوصف