الـحَـنـْـجُورَه

قطعناها من القاموس وجبناها دخلناها في بيت التراث.. عشان كلمي طاعمي. لازم ضهرا يكون مكشوف هنا
الحـَنـْـجُـوره : هي شرنقة الدودة.. وغالباً دودة قصب المريق...
وكنا نرقصها ونلعب بها ونقول:
الحنجورة يا بتي
الرقيص من وين جبتي
جبتو من محومااد أخوى
البينقنق الطنبور

هههههههههههههه
اتذكرتها
بعدين الحنجورة مابتتلقي في القصب الاخضر (البتق)
غالبا ماتتلقي في القصب الشبه يابس (المعوبس ) بعد الحش وبعد (الهبر)
وكنا نفرح جدا لما نلقاها - لونا بني داكن فوق - بني فاتح مع حزوز تحت تقريبا
بعدين مابتنفع للشريك زي الدودي - عشان هي مابتتربط

السؤال : تكون شرنقة ياتو حشرة الحنجورة دي

شكرا باشمهندس صديق

دي مش البي تشبه ام الدقيرات ؟؟؟

خالد
ماهي شرنقة الدودي البي نشرك بيها للكروري في الشركة وللعلج. طبعا الشريك ذاتو نوعين.. في طيور تأكل الدود وفي طيور تاكل الحب..متل الدباس والقمري.. ذاتو كنا نفتش حبة المريق الغليدي نبلها ونقدها بي خيت بالإبري ونسويها في الشركة..
مرات في دود نلقاهو في شجر السيال.. مرات تحت شجر السيال تحت الحجار التحتو يلبد. دودي كدي زي خدرااا دي برضو نشرك بيها
........... أها زي ما إنت قلتا يا خالد لونها بني وتوجد في القصب المعوبس.. تشبه الرصاصة بتاعة البندقية جيم ثري
.........
قلتا لي كيف يا الخبير..
جايز والله تشبه أم الدقيرات.. تشبه راس أم الدقيرات من قدام.. اي دقيرات الطين. لما تجي تسلو من ضنبو من الطين الك جنب حجيرة البحر..

هي ترقص كيف؟؟؟
نمسكها من قعرا من تحت البي يشبه قعر طلقة البندقية وتمسكها بي أصبعين. تقعد تتبرم من راسا الرقيق داك المن فوق.ز وتتحرك بسرعة في حركة تشبه الرقيص تماما..
شوف بالله زمان نحنا كنا نلعب بي شنو؟ واولاد الزمن ده يلعبوا بي شنو؟
سيقا
لعبات موبايلات
لعبات الكترونية
وغيرو وغيرو..

اخير السكات اصلو خالد عابدين منتظرني ( وحقيره حقيره )

هاشم علي الجزولي كتب:
اخير السكات

ده كلام سليم

أخوي الرشيد كدي اخير ( الله يقدرنا علي خشمنا ) جماعتك روحهم محرقاهم انا عارفهم هم مابزيدو من ثلاثه الا فيهم واحد متسبب تب وبعدين مدير كبير نقول شنو حكم القوي علي الضعيف

ياخبير ام الدقيرات ذاتها بتشبه شنو ؟ده عشان هاشم والرشيد...انا زول جبابيد وشريك كروريات .

شفت زولك انا ماقلت ليك نحن الكروري نعرفه والعلج كذلك وام غريدون لكن الحناجير ديل ماسمعنا بيها ولابنعرفها انا في فهمي الحناجير ديل ناس
أم تشيبه الحناجير او الحنجوره باالاسكريم زي السماء للواطه مافي شيء يلمهم ( يتلموا ناس المؤتمر الوطني مع الحركه الشعبيه ولا يتلاقوا الحنجوره والشعله الايسكريميه الا في افلام الكرتون

يازول الحناجير ديل في شرري موجودين أسأل منهم عادل شرري وصديق الحناجير جمع حنجاري
اما ناس كريمه ديل مابعرفهم

العلما اختلفوا في الحنجورة