المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

لعبة دنان الطرور

استعرض الموضوع السابق استعرض الموضوع التالي اذهب الى الأسفل

لعبة دنان الطرور

مُساهمة من طرف صديق عبدالله علي أبوحنة في الأربعاء 12 يناير 2011, 5:51 am

دنان الطرور الأسود.. فقري خلاص. عندو جنس قرصة حارة خلاص.. يقدد رصاص عرش البيت والمرق.. خاصة إذا عرش البيت شقيق تمر..
لكن المناصير وهم سادة بناء الجالوص فقد فكروا لهذه الآفة الضارة مبكراً.. واخترعوا وسيلة لهذه الحشرة الضارة.. وهي مسح زيت رجوع البوابير على رصاص العرش.. .. لكن مرة مرة كدة تلقى دنان فقري.. يقد الطرورة..
شرح لعبة دنان الطرور
تجيب صفيحة موية تكفيها على ضهرا.. وتضع الدنان عليها ومن فوقو علبة كدة صغيرة بحيث ما تعمكوا شديد.. والدنان يحاول من تحتها الطيران ولا يستطيع.. فيظل يصدر صوتاً وأزيزاً محببا للأطفال..
( شوف أولاد الزمن ده يلعبوا بي شنو؟ ونحن كنا نلعب بي شنو؟)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف ود القيايل في الأربعاء 12 يناير 2011, 6:12 pm

غايتو ياود ابحنه عندك جنس حكاوي ؟
زي ماقال بعض الاخوه بتخيلك لابس عراقي بلدي ومرشوع زيت رجوع وتعافر ليك في بابور ولالنشي المهم تعافر والناس جنبك يتونسوا ويقولولك كدي خلوا تعال افطر العوين دايرين القداحي قمت غسلت يديك بي جاز عشان مليانات زيت رجوع الظاهر الفونيه مفوتي
خيال كدي ماعارف ليه
وتقبل محبة ود القبايل ليك عشان كتاباتك طاعمي ونضمك اظنو طاعم لاني ماسمعتو بس فريتو القرو الينفخ العدو ( دحين عندك تفسير للقرو دي باقي سامعه كتير وتتوارالي ؟
انا من شفت العنوان فرحت قلت ود ابحنه ريحنا من اشتري لي ياابوي لعبات بتاعات كميوتر ؟
بس اشيل وانسخ ؟
باقي هني يصلن مقبصات ومغزلنات ( دا لللعبات )

ود القيايل
عضو نشيط
عضو نشيط

احترام قوانين المنتدى : 100

عدد المساهمات : 198
نقاط : 12120
تاريخ التسجيل : 01/08/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف نورالهادى في الخميس 13 يناير 2011, 2:29 am

الباشمهندس صديق تحياتى ليك وللاسرة الكريمة
وذى ما قال اخونا ودالقبايل كتاباتك طاعمة وبما انه الموضوع عن لعبة دنان الطرور فى برضو يا صديق دنان العشر على ما اظن او الشجر لونه اخضر على اصفر كدى ونعمل بيهو لعبة الساقى اقول ليك حاجة انا سأترك لك الشرح عشان يكون الموضوع طاعم .
تقبل مرورى

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26488
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف سلمان عقيد النعوفابى في الخميس 13 يناير 2011, 2:59 am

شكرا الاخ الصدوق--انت الحاجات دى قاعد تبحتا من وين--
اتذكر الدنان يوضع كما ذكرت على صفيحة وكانت تقرببا بتاعت جاز ابيض ناصعة البياض او زيت خشنة وغبشى --
وكنا نقبض الدنا بقطعة من القماش --ونتحاشى القرصة الحارة ومن ثم نحمله للصفيحة-
اما دنان الشجر او القش زى ماذكر الاخ الهادى وهو اصفر اللون مبرقط بالاخضراشبه بجرادة العشر --تقبض دنانين وتخلع رجل كل واحد حيث تنفصل من الفخذ وتوضع شوكة شدر (سنط)فى مكانها --مع احضار قصبتين واحدة تكون افقية والتانية مثبتة عليها بشكوكة ايضا ويكون الدانان مثبتان على اطرافها ويقومان بالحركة فى محاولة للطيران--فتصبح اللعبة فى شكل مروحة -حيث يحرك الدنانان القصبة الافقية بسرعة --ويكون الواحد مننا ممسكا بالقصبة الراسية --ايام-------------






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19624
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف سلمان عقيد النعوفابى في الخميس 13 يناير 2011, 3:22 am

عفوا صديق --بعد ان علقت --وجدت الموضوع الاخر --دنان الطلح--






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19624
تاريخ التسجيل : 01/04/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف صديق عبدالله علي أبوحنة في الخميس 13 يناير 2011, 6:19 am

ولاد عقيد شكرا على المرور بي جاي..
سلمان تعليقك جيد.. وهو موجود بي هناك..
............
ود القبايل.. يا رجل يا ظريف.. يا نكتة.. قل الكلام القلتو صاح.. كنا ملانين زيوت .. وشغله..
وتعليقاتك ممتازة .. ليهن حق الناس يفتشوا عنك.. أنت غضافة حقيقية للمنبر لاتغيب ياخي..
ابوك كام ملء السمع والبصر.. واختلطنا معه كثير في شرري وغيرها زمان مع والدنا.. يبدو لى ما إنشاوفنا في الخرباني دي.. لكن أنا والمرحوم علي عمر ود القبايل عليه الرحمة تعاصرنا في الدراسة.ز رجل بحق كان مونس وظريف.. وطيب وطوالي باسم.. له الرحمة.. شكرا ليك على التداخل بي جاي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف الفكى احمد في الخميس 13 يناير 2011, 6:44 am

شكرا أخونا صديق الحنونى ، بالله حكاية الدنان دى نكتها من وين
أكيد اليوم داك وقع فى عينك دنان على الطاير ، وللا بلكدم ديك
مافيها دنانين ؟ وعندى إضافه بسيطه لوسمحت وهى لما الدنان
يفتر من الزنين كنا نشيلوا بى صفيحتو ونختوا فى الهجيرى وبمجرد
احساسو بالسخانه يبدأ المسكين فى الزنين مره تانيه ، وحالنا آخر
كيف كمن يستمع إلى أغانى من الإذاعه ...

الفكى احمد
V.i.P
V.i.P

احترام قوانين المنتدى : 100

عدد المساهمات : 1979
نقاط : 16668
تاريخ التسجيل : 24/06/2010

الرجوع الى أعلى الصفحة اذهب الى الأسفل

رد: لعبة دنان الطرور

مُساهمة من طرف صديق عبدالله علي أبوحنة في الثلاثاء 14 يونيو 2011, 1:00 am

مسكين دنان الطرور

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى