الى ساري الليل وابو مصطفى وسامي احمد

الأخوه الأفاضل قلب المناصير النابض وكما تعلمون قد تقرر في العام الماضي جمع جلود الأضاحي ، ولكن باءت المساعي بالفشل ولكل عمل لابد من قاده فأنتم اهل لذلك وعليه : نتقدم بالمقترح الأتي :
تبني هذه الفكره بأسرع مايمكن وجمع جلود الاضاحي والتبرع بثمنها لاهل ساني . نأمل الا يخيب عشمنا فيكم ونعلم انه لن يخيب الا لطارئ
ولكم جزيل الشكر !

ذكر محمد علي نصرالدين في موضوع جلود الاضاحي في قسم الاشتراكات
دا موضوع مهم لانو يمس المال واى وسيلة لجمع المال الناس لازم تفعلها وتقيف الف احمر وموضوع الاشتراكات يبدو انو مالقيتو ليهو حل وحسب تجاربى الشخصية فى الجمعيات جمع الاشتركات من اصعب الاعمال ونحن فى جمعية شررى اتبعنا اساليب كتيرة وفشلنا عشان كدة لازم من بدائل اخرى لجمع المال وجلود الاضاحى دا مشروع جاهز بس داير ليهو شوية همة ونشاط وعلشان نكون عمليين اقترح الاتى

اولا تحديد مناديب فى كل منطقة لجمع الجلود

ثانيا كل عضو يوضب الجلد كويس ويملحه حتى لايتعفن وتسليمه للمندوب

ثالثا/وممكن المناصيرغير الاعضاء يساهموا بجلودهم ودى مهمة المندوب لكى يشرح لهم الغرض جمع الجلودا

رابعا/انا مستعد اجمع الجلود من المناديب وكمان جيرانى طوالى تجار جلود ممكن اسوقها ليهم

خامسا اسال الله ان يوفق الجميع لهذا العمل


اولا : تحديد المناديب في المناطق ذات الكثافة السكانيه (مثلا مندوب لمنطقه ام عشر والشقيلاب ,مندوب للكلاكلات , مندوب للازهري والسلمه وسوبا , مندوب الصحافه , مندوب اركويت ,مندوب الشجرة والعزوزاب والاماب )
يعني (6)مناديب لمنطقه الخرطوم
المناديب حسب التسلسل اعلاه
1-ابورزان اوودمحمود
2-النجومي
3-هاشم خليفه
4-شوفو زول في الصحافه
5-عثمان خليفة صحن
6-د معتصم
وشوفوا لينا مناديب لمنطقة بحري وامدرمان
أنا شخصيا مستعد لتجميعها من المناديب المنطقه الجنوبيه وتسليمها الخال محمد علي نصرالدين
بس يتم الاتفاق علي المناديب مسبقا وتاكيدهم


المندوب في المنطقة أهم حاجه
تحديد المندوب والاتفاق عليه مسبقا هو روح نجاح هذا المشروع
والا......فلا تعشموا في اي عمل بدونه

تشكر الاخ ساري الليل علي هذه الهمة العالية وفي انتظار الاخ سامي ان لم يكن مسافرا فلن يقصر .ولكن يبدو ياساري الليل ان معظم الاعضاء مشغوليين بالترتيبات للسفر وكل له عذره . وكان املنا في هذا الموضوع خاصة كما ذكرت ان محمد علي تكفل بعرضه لجيرانه.وامل الا ينقطع العشم .فقط مطلوب مندوبين ومتطوعين .

مطلوب مناديب في لكل المناطق في العاصمة المثلثة

والا فالموضوع اعلاه ,,,, نعتبره فاشل للاسف

الاخ ساري الليل نشكر همتك العالية ونامل الا تلين واجمع كما وعدت حتى يكون نموذجا يحتذى به . وكلنا عشم في نجاح هذا المشروع لكن مشغوليات الاعضاء خاصة اداري المنتدي وجمعهم للامصال وهم ينوون السفر جزاهم الله خيرا . واعتقادنا ان هذا الامر لا يكلف كثيرا فقط يحتاج لمتجردين .ولكن للاسف كل الدلائل تشير الى ما ذكرت ... اين انت ياسامي السامي ؟؟؟

انا قلت اى زول يقوم يجهز جلد ضحيته وبعد داك الجمع ساهل بس كيف يكون جاهز ؟؟؟؟؟؟؟؟؟
يعنى تشق الجلد وتديه ملح وقرض وتشروا يقعد مية سنة بعد داك نقوم نجمع الجلود بى عربية من الناس ؟؟؟؟؟؟؟؟


تحياتى
ابو مصطفى

هذه فكره جميله ولكن من الصعب تنفيزها لا الاعضاء مساكنهم متباعده محتاجه الى امكانيات ومتطوعين كى يتمكنوا من تنفيذ هذه المهمه لان اطراف العاصمه بعيده واقلب المناصير فى اطراف العاصمه شمالاوجنوبا مثل هذا العمل يجهز له منذ فتر ه كافيه وتحديد المهام حسب تجمع الاعضاء ولكم الشكر اجزله