المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

نداء الي جميع اعضاء المنتدي للانضمام الي جمعية الابواب للثقافة والفنون

استعرض الموضوع السابق استعرض الموضوع التالي اذهب الى الأسفل

نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ahmed alkhabir في الأربعاء 15 ديسمبر 2010, 7:09 pm

بسم الله الرحمن الرحيم
وبه نستعين
وبعد
هذا نداء عام الي كل المناصير وخاص الي كل اهل المنتدي لاجل تكوين جمعية ثقافية تحت الموجهات ادناه:-
الاسم :- انا اردت ان يكون اسمها جمعية الابواب للثقافة والفنون ، اسميتها علي مملكة الابواب التي كانت قديمة في ديارنا ، للثقافة والفنون اي تهتم بنشر وتعزيز فنوننا وتراثنا وثقافتنا واثارنا .... الخ ، ربما تري الجمعية العمومية الاولي تغيير الاسم الي اسم اخر يتفق عليه الجميع
النشاط ميادينه وكيفيته :- لكي تؤدي الجمعية رسالتها لابد ان تكون لها ليلة ثقافية شهرية في العاصمة ويمكن ان تنتقل الي الولايات ،هذه الليلة تكون للشعر والغناء والتعارف والتواصل الاجتماعي وتكون بتذاكر مقدرة تذهب ايراداتها لدعم قضايا التعليم ودعم اتحاد طلاب المناصير بالجامعات ، كما يمكن تنظيم قوافل ثقافية الي المنطقة واقامة الانشطة الثقافية بالجامعات واقامة المعارض وكل مايتصل بهذا المجال .
الهيكل الاداري :- لابد ان يكون لها هيكل اداري متمرس بالعمل الطوعي يتم هيكلته وتكوينه حسب الجمعية العمومية وحسب اقتراحات اعضاء المنبر
موعد تكوين الجمعية :-
اخر موعد لتاسيس الجمعية الثقافية :- هو يوم الجمعة 24 ديسمبر القادم بعون الله
الباب مفتوح للاقتراحات والتوجيهات والابتكار ات والحذف والاضافة
ودمتم جميعا

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف هاشم علي الجزولي في الأربعاء 15 ديسمبر 2010, 11:34 pm

الخبير الفكره عاوزه بلوره وترتيب وتفكير الا اني اشم فيها رائحه القبليه والتعصب للعنصر هناك فرق بين ان تبحث لتوضيح الحقائق خاصه اذا هناك هضم لهذه الحقوق اما تكوين رابطه او جسم للفن وربطه بقبيله اعتقد ان الفن يساهم فيه الجميع وهو عالمي وكل منطقه لها طابعها المميز وخاصيتها الفنيه لذا ممكن تشير الي منطقه المناصير في هذه الناحيه ضمن مجموعه أذ ان هناك تقارب شديد بين فن المناصير والشايقيه فهنا ممكن تتحدث عن اسهامات المناصير التي يحاول الاخرين ان يجيروها لمصلحتهم وينسبوها لهم وهنا تأتي جهه لتوثيق كما هي الان الفكره الموجوده في المنتدي ولكن اتفق معك الي حد في ناحيه التاريخ فنحن الان معروفين كمناصير ولكن انت تحدثت عن اسم الابواب كمقترح وعندما كانت مملكه الابواب لم يكن عنصر المناصير موجود بمعني ان الابواب سابقه لعرب المناصير وكان اجدادنا في ذلك الوقت يدينون بالدين المسيحي وقبل الابواب كانت هناك فتره ماقبل الميلاد وكان اجدادنا موجودين
لذا اري ان هذا الجانب هو الذي يحتاج للبحث في كل الجوانب الثقافيه والتاريخيه ولي ملاحظه اخيره علي الموعد المقترح وهو 24 من ديسمبر وهناك تاريخ قريب منه جدا وهو تاريخ له مابعده لذا اري تجميد الموضوع الي مابعد التاسع من يناير موعد الاستفتاء بعد ذاك التاريخ يمكن ان تتطور الاحداث ونغادر في جماعات كما يغادر الاخوه الجنوبين الان ويمكن ان نسترجع تاريخ مملكه الابواب ونطلق عليها ولايه الشلال الرابع مملكه الابواب ونعمل أستفتاء لاختيار الملك وأرشح حازم وأبو مصطفي حازم لمنصب الملك وابو مصطفي ولي العهد

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17458
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ahmed alkhabir في الخميس 16 ديسمبر 2010, 3:05 pm

شكرا يا هندسةعلي الاضافات والاقتراحات
الغريبة يا يا هندسة انا لاحظت انو من مفارقات واقع المنطقة الثقافي انو ناس الجزائر المحسوبين علي العنصر النوبي اكثر ابداعا وامتاعا في الشعر العربي من العناصر المحسوبة علي العرب في القبلي !!!!!!!!!!!
المهم
انا قصدت بالجمعية انها تنفذ الاقتراحات التي تخص النشاط الثقافي الذي يطرح في هذا المنتدي ، لانو في اقتراحات جميلة طرحت عبر هذا المنبر ومازالت محلك سر ، مثلا تكريم الفنان عيسي بروي ، اما عن الاسم فما عندي فيهو مشكلة فهو متروك للجمعية العمومية التي ستقوم بتاسيس الجمعية ، بخصوص الابواب والعهد المسيحي بعد ماجعفر ميرغني قال انو سيدنا موسي من النوبة انا خايف نطلع يهود عديل !!!!!!

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ابو مصطفى في الخميس 16 ديسمبر 2010, 4:17 pm

الاخ الخبير اقولك شنو والله فكرة حلوة لكن نحن الان فى موضوع يبلع هذه الجمعية فى بطنه وهو المنتدى نفسه ممكن تكون فيه مليون حاجة وما فى مشكله نحن الان بصدد تنفيذ كل المقترحات الحلوة داخل المنتدى وبرامجه العملية ومافى مشكلة لكن الزمن بتاعك بقى زى شغل الاستفتاء بتاع حكومة السودان ( يعنى ضيق شديد ) فالجمعية هامة جدا ونرجو ان تساهم معانا فى القافلة حقة العطلة الصيفية بكل اجندتها وبرامجها ؟؟؟ وهذه حاجة
والحاجة الثانية اقتراح الخال هاشم ؟؟؟ مقبول اقتراحك يا هندسة لكن فى حاجة لازم تعرفها هى انا وحازم الموية والنار لا يجتمعان مع بعض ؟؟؟؟


تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ahmed alkhabir في الخميس 16 ديسمبر 2010, 4:51 pm

شكرا يا الطيب علي المرور والتفاكر
انت عارف انو ميزة الاجسام البي تكون مهيكلة بي هياكل ادارية محددة بتكون في قدرة علي الحركة والابداع وفي مسئولية وفي محاسبة ، مافي مشكلة ادارة الجمعية ممكن تكون من داخل المنتدي ويكون في كنترول اوسع من ادارة المنتدي ، المنتدي فعلا حرك الامور، لكن دايرين التخصص والالتزام دايرين ناس يتطوعوا ويلتزموا يحركوا الشغل الثقافي مثلا وناس يحركوا الشغل الطبي وناس يحركوا الشغل الرياضي، ميزة الجمعيات والتنظيمات انو بيكون في برنامج محدد وعندو مدي زمني يتنفذ فيهو ، يعني الان قد تلقي زول في المنتدي متحمس لي شغل ، لكن حماسو دا قد يستمر لي اسبوع واحد ويفوت منك وما تقدر تقوليهو تعال اشتغل لانوما في حاجة رابطاهو معاك ما في جسم اداري وما تحمل مسئولية
المهم
نواصل

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ابو مصطفى في الخميس 16 ديسمبر 2010, 8:01 pm

الخبير اقولك قرب تعال وما تبتعد مالو كلامك سمح تب لكن انت بشخصك جرب كون قريب من ادارة المنتدى دى وقوليهم الحاصل شنو وعاوزين تسوا شنو ؟؟؟؟ وانت قايلهم من هم ؟؟؟؟ سلمان والحاج ويسن وخالد والرشيد ؟؟ عاين للناس ديل كويس والله يذكرونى اغانى الربوع ؟؟ اندر يا ربوع سودانا ؟؟ ونعودلك تانى بعد اسبوع ؟؟ هم كن قريب منهم وشوف خططهم وبرنامجهم كيف ؟؟؟ وممكن انت وجمعيتك تشوتوا معاهم وكان لقيت الناس ديل يلعبوا فى برشلونة وانت فى الدورى المحلى تعال مارق من المبارة؟؟؟؟ وكان لقيت المستوى والموية جارية مافى جدول دايرلوا كادان او نضافة نجيلة وخضارك سوف يشرب بى جدولهم اصلك لا ترجع وازرع معاهم نامت نشوف اخرتها ؟؟؟؟

لك شكرى وودى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف خالد عابدين في الخميس 16 ديسمبر 2010, 8:22 pm

نضم صوتنا اليك اخي الخبير وجاهزين لكل ماهو يساعد على ايصال صوتنا بكل الطرق المتاحة والممكنة - كما ذكرت من احياء للتراث وتواصل للاجيال والتوثيق بمختلف انواعه وذلك لا يكون الا بمثل هذا العمل - والذي لابد له منه التخطيط السليم والاعداد الجيد

بس يوم 24 ده جاء يجري تب يالخبير وبراك شايف الناس أغلبها تقرأ وتتخارج








أنت الزائر رقم لمواضيعي


خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19038
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف يس مصطفي في الخميس 16 ديسمبر 2010, 9:55 pm

مشكور اخونا الخبير انا عايز اعرف انت بديت ولً لسع يعني في لكلكه اسمها التسجيل والنصاب والمسجل للجمعيات والامور ال..انت المرحله دي فتها ولً ياداب ماشي عليها شايفك محدد زمن وكده يعني بعدين الفكره ممتازه بس عايزين جكه




الرجـــــــال مواقف والمواقـــف تصنـع الرجال

يس مصطفي
نائب المدير العام
نائب المدير العام

الأوسمة مشرف المنتدى الاسلامي

احترام قوانين المنتدى : 100

عدد المساهمات : 1273
نقاط : 15620
تاريخ التسجيل : 04/05/2010
العمر : 38

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف محمد عمر محمد في الجمعة 17 ديسمبر 2010, 5:09 am

شكرا الخبير .مقترح جميل بس طول بالك شويه .انا مع قيام الجمعيات المتخصصه لكى يجد كل شخص المجال الذى يناسبه .وانت راجل اديب اكيد تقدر تقدم عمل جميل يفيد المناصير ثقافيا .واعتبرنى عضو معتمد معاك بس اخول كسلان شويه ويحب مقاييس الرسم .(ذكرتنى ايام شمبات يالخبير .).

محمد عمر محمد
عضو متميز
عضو متميز

احترام قوانين المنتدى : 100

عدد المساهمات : 659
نقاط : 13194
تاريخ التسجيل : 20/08/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف هاشم علي الجزولي في الجمعة 17 ديسمبر 2010, 5:32 am

الاخ الخبير ذكر ان هناك ملاحظه وهي ان اهل الجزائر المحسوبين علي العنصر النوبي اكثر مشاركه في اللغه العربيه والشعر من الوجه القبلي الذي يعتبر اكثر عروبه تعم اهل الجزائر اكثر ابداعا في كل شيء في الشعر والفن الا ان حكايه العنصر النوبي الغالب فيهم أكثر من الوجه القبلي لااعنقد ان هذه المقوله صحيحه فعندما اتي العرب الي منطقه المناصير كان دخولهم لها عبر صحراء بيوضه وكانوا يمتهنون الرعي وكانوا علي الوديان وادي اب سباع وادي الكريكان وادي الهريوب وادي العتنوب ومن هذه الوديان بدأ تداخلهم مع السكان الاصليين الموجودين علي النيل وتحديدا مناطق الجزائر وكمثال انا شخصيا وجل ( العدارقه في سور ) اهلنا من العتنوب مختلطين بسكان سور الاصليين النوبه كما ان والده حسن عثمان وسلومي الذي توفي قبل أشهر قليله امهم مباشره واسمها الستيه من عرب الكلاب
لذا عندما ذكر الاخ صديق اب حنا ان هناك قرابه بيني وبين اهل زوجته انما ترجع هذه القرابه الي العتنوب اما قولك انك خائف نطلع يهود اقرب ناس الي العرب هم اليهود الا اننا اكثر عراقه من اليهود والعرب وارجو ان لايريط الاسلام باالعرب الاسلام دين لكل البشريه وليس خاص لعنصر معين ولقد كرم القران اللغه العربيه وكرم الانسان كأنسان ولقد استغل الدين في امور كثيره خطأ ولااود ان استرسل في هذا واعود الي نقطه سوف اتحدث عنها لاحقا وسبق ان تطرقت اليها وتذكرت هذا عندما قلت انك خائف نطلع يهود تشير الابحاث الاخيره التي اكتشفت في منطقه المناصير وتحديدا جزيره دربي لقد تم اكتشاف قبر لبقره مدفونه بطريقه معينه توحي الي انهم كانوا يقدسون الابقار يعني مثل الهندوس وهذه الفتره قد تكون الفتره التي ذكرت ( بقره بني اسرائيل صفراء فاقعه لونها تسر الناظرين ) كانت في دربي

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17458
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف هاشم علي الجزولي في الجمعة 17 ديسمبر 2010, 5:42 am

أبو مصطفي المويه والنار تجمعهم السلطه السلطه هي الوحيده القادره علي جمع المتناقضات والله ياأبو مصطفي تخيل نفسك ولي العهد وانك عندك سلطه يبقي لي تكون زول صعب خلاص وبأنفعالاتك دي تودر اخرتك تب اي زول يقول كلام غير كلام ولي العهد يحاسب ويقدم للمحكمه كيف يجرؤ اي من كان علي التعقيب علي كلام ولي العهد الميمون حقظه الله وابقاه ذخرا للمسلمين وان للارض اوتاد خصهم الله بخصائص فهم المقربون وكذلك اولياء الله الصالحين ولقد رايت رؤبا يا ولي العهد وعند السؤال عتها وجدت ان هذه الرؤيا تعطيك الملك مع طول العمر وحسن الخاتمه انشأ الله ( ويقوم ابو مصطفي يصدق وخلاص يركب مكنه ولي امر المؤمنين وتعال شوف )

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17458
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ahmed alkhabir في الأحد 19 ديسمبر 2010, 4:36 pm

شكرا لكل الذين اثروا النقاش
الباشمهندس ثقافة هاشم الجزولي والريس خالد والاخ ابو مصطفي والاخ يس والاخ محمد عمر .
نبدأ اولا بالاخ يس الذي ذكر ملاحظة مهمة وهي تسجيل الجمعية والاشكاليات التي تعترض مثل هذه الامور لدي السلطات الرسمية ، وانا اعي تماما مدي صعوبة تسجيل الجمعية ، لكن دا موضوع ممكن نشوف ليهو معالجة ، مثلا مثلا يعني نحنا بقي عارفين انو دي جمعية لكن رسميا نقول منبر ، او مربد ثقافي مثلا وطبعا هم ما حا يعرفوا ليك مربد دي زاتا شنو ، اما بخصوص كلام الريس عن التاريخ فانا هسي بقترح ساكت والخيط والابرة في ايد اهل المنتدي . الاخ محمد عمر والله اشتهينا ايام زمان والجامعة وشمبات ودار الاتحاد وايام الثورية ، الكلام دا طبعا ما قديم شديد طبعا عشان الناس ما يفتكرونا عواجيز وكده ، قبل تلات ولا اربع سنين ،وقلت مقياس الرسم كيف ؟؟، وكيف يتناسب مع حبل الصبر ، نرجع لي موضوعنا الثقافة ياناس الثقافة ، بجيكم راجع

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف mustafa omer Elhassan في الأحد 19 ديسمبر 2010, 8:27 pm

لماذا دوما تتكسر احلامنا الجميله وافكارنا الخلاقه
هل هي الامكانات وضعفها
ام هي الدوافع الكبيره اكثر من اللازم
ام هو عدم التخطيط والتسرع
انا قبل ايام قرات للهمام ابومصطفي دعوه لكي نساهم في التخفيف عن اهلنا
واليوم دعوه للجمعيه ثقافيه
وهنالك دعوه لانشاء منظمه مطروحه من قبل هذا المنتدي
واخرين يتكلمون عن دار لابناء المناصير بالعاصمه
كل ذلك ممكن
لاني اري همة عاليه
لذلك لابد من وجود جسم واحد الكل تحت لوائه
الجسم موجود وهو المنتدي
اللجنه التنفيذيه موجوده وهي لجنة المنتدي
والجمعيه العموميه موجوده اعضاء المنتدي
يتم الدعوه لاجتماع عام
المدعون ابناء المناصير في المناصب الكبيره في الدوله ورجال الاعمال
المطلوب مساهمتهم من اجل المناصير بلدي وايضا المشاوره في الجسم الذي سوف يتم تسجيله
المطلوب من هذا الجسم
-الدار
-النشاط الثقافي والاجتماعي والرياضي
-رعاية الطلاب المتفوقين
-تمويل الدراسات العليا
-توظيف الخريجين


mustafa omer Elhassan
ملـــــكي
ملـــــكي

احترام قوانين المنتدى : 100

عدد المساهمات : 2024
نقاط : 18060
تاريخ التسجيل : 19/10/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف محمد عمر محمد في الإثنين 20 ديسمبر 2010, 4:23 am

شكرا الرائع الخبير .نقول ياليت ايام الشباب تعوديوما .....اتمنى ان تستمر فى هذه الفكره ونحن معك .نريد ان تظهر امكاناتك الادبيه والمخزون الموجود من زمن بربر والجرائد الحائطيه والادب الروسى .صدقنى نحن عيبنا بنستخف باشيائنا ...

محمد عمر محمد
عضو متميز
عضو متميز

احترام قوانين المنتدى : 100

عدد المساهمات : 659
نقاط : 13194
تاريخ التسجيل : 20/08/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ahmed alkhabir في الإثنين 20 ديسمبر 2010, 2:35 pm

شكرا للاخ مصطفي عمر الحسن الذي قدم اقتراحا جميلا
و وشكرا لمحمد عمر بس حاجة صغيرة داير انبه ليها انا داير الجمعية دي تقوم بالاهداف القلتها في بداية البوست وبالاضافات والاقتراحات التي يضيفها الاعضاء عشان يكون في جسم قوي ومتعصب وانا اشدد علي متعصب دي ، الجسم دا تكون مهمته اكتشاف المبدعين الناشئين ومؤازرتهم ويؤسس لشغل ثقافي يحمل سمات المنطقة وفي نفس الوقت نستفيد من اعراض هذا الابداع الجانبية في حاجات تانية ، واما غير هذا علي الصعيد الشخصي لم يعد في العمر ما يكفي البدايات الجديدة .

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ابو مصطفى في الإثنين 20 ديسمبر 2010, 8:07 pm

شكرا كل الاخوة المتداخلين واخص الاخ الخبير على الفكرة الجميلة وسبق ان كنت ما فاهمك ؟؟ وحكاية الهيكلة دى حقيقة ادارة المنتدى براها ما بتقدر على الشغل دا وبالتالى لابد من هيكلة الموضوع وتحريكه حتى يرى النور ومن هنا اضم صوتى عبركم والله الموفق ؟؟؟؟


تحياتى

ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف محمد عمر محمد في الثلاثاء 21 ديسمبر 2010, 4:56 am

شكرا الخبير .ياخى قول بسم الله يادوب العمر ابتدا .والنبوه كانت فى عمر الاربعين يعنى لسع باقى ليك عشره سنين منها .مالك يازول داير تخوفنا .اين الGREAT EXPECTATION....

محمد عمر محمد
عضو متميز
عضو متميز

احترام قوانين المنتدى : 100

عدد المساهمات : 659
نقاط : 13194
تاريخ التسجيل : 20/08/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف ahmed alkhabir في الثلاثاء 21 ديسمبر 2010, 8:14 pm

شكرا الاخوان الطيب ومحمد عمر
علي العموم انا اعتقد جازما ان اي برنامج غير متصل بهذا المنتدي لن ينجح النجاح المنشود ، انا فهمي للشغل دا انو كل الاجسام المقترحة دي تخرج من هذا المنتدي ، حيث يبقي له الكنترول في النهاية ، بعد دا لاجل النظام والتنظيم نجي نشوف كيف يتم اخراج هذه الامور ،
الاخ محمد عمر اكمال لحديثك انا بحاول ادفع في اتجاه انو الناس تتبني الشغل المؤسس والمهيكل والمؤطر بقوانين ولوائح ولا يرتبط باشخاص
تحياتي للجميع

ahmed alkhabir
سوبر
سوبر

الأوسمة

احترام قوانين المنتدى : 100

عدد المساهمات : 762
نقاط : 14215
تاريخ التسجيل : 19/04/2010

الرجوع الى أعلى الصفحة اذهب الى الأسفل

رد: نداء الي جميع اعضاء المنتدي للانضمام الي جمعية الابواب للثقافة والفنون

مُساهمة من طرف هاشم علي الجزولي في الأحد 16 يناير 2011, 2:47 am

السيد احمد الخبير حكايه العمر راح وزي ماقال محمد عمر انتو يادوب بديتو ومال نحن او انا اقول شنو ياود الخبير والي الان مازلت استمتع بالكتابه خاصه الشعريه منها وزي ما دائما بقول لي الرشيد شنو انت طوالي تكتب في الشعر الغزلي لابد ان يكون تفكيرك في المستقبل وتستمع باالحياه رغم المرارات ولكن لابد من هزيمتها مهما طال السفر وهنا تاتي الثقه في النفس والتي هي المفتاح الاساسي والرئيسي لقهر المستحيل
اعود لموضوع البوست شايف ان الروح همدت عليه اقترح ان يتحول العمل الي جمع مواد في هذه الفتره لحين البدايه الفعليه ولو كانت متأخره لخمسه اعوام قادمه اهم شيء في هذا الموضوع هو الماده والان ومن خلال المتابعه في هذا المنتدي هناك مواد بدأت تتجمع ممكن مع بعض الاشخاص المبدعين والمهتمين بهذا الجانب ان تبدأ معهم عمل توثيقي وفيهم مجموعه جيده منهم اخونا سلمان العقيد والابن نادر ونور الهادي والباشمهندس صديق وحتي اعطيك مثال علي روح المثابره الان هناك قصائد انزلها في البوست تحت عنوان خاطره وتخيل في هذا المنتدي هذه المجموعه حصيله فتره بدأت منذ عام 1980 يعني 31 سنه ولازلت اقرا الشعر واستمتع به جدا واجمل شيء عندما يشاركك الاخرون او تحس بأنك قدمت حاجه اعجبت الاخرين هذا اجمل احساس
يكون شعوري واحساسي في القمه عندما يرد واحد من المنتدي علي بعض الابيات التي اعجبته وهنا اتجه الي النوعيه المرغوبه من الشعر حسب ذوق القاريء وهناك محمد عمر وابو مصطقي والبعض من الجنس الاخر
الخلاصه من هذا السرد ان العمل ممكن يبدأ منذ فتره مبكره وتظهر نتائجه لاحقا وكما قال الشاعر في وصف الخمر المعتقه والتي اخذت زمن في التخزين والتي اريد ان يكون العمل ينفس هذه الصوره معتق وله نكهه
دع لباكيها الديارا وانف بالخمر الخمارا
واشربنها من كميت تدع الليل نهارا
بنت عشر لم تعاين غير نار الشمس نارا
لم تزل في قعر دن مشعر زفتا وقارا
ثم شجت فأدارات فوقها طوقا فدارا

المعني انها بنت عشر وانا طلبت بنت خمس وانت لازلت شاب صغير السن وكما ذكرت لك استفرق جمع ما اكتبه في هذا المنتدي من هذه القصائد 31 سنه

هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 17458
تاريخ التسجيل : 19/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى