المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

ملاح الـتِـرْ بيـقة

استعرض الموضوع السابق استعرض الموضوع التالي اذهب الى الأسفل

ملاح الـتِـرْ بيـقة

مُساهمة من طرف صديق عبدالله علي أبوحنة في الأحد 14 نوفمبر 2010, 10:04 pm

التـِربـيقه : ملاح ويكة تخين .. يضاف اليه المرق.. وغالباً ما يعمل في البكيات زمان.. ولكنه انقرض الآن.. كان يؤكل في قدح الحراز.. هل فيكم واحد ضاق ملاح تربيقة في قدح حراز!!! يديها طعم خاص قدح الحراز؟
لما جابونا اللجنة في مدرسة شري الإبتدائية وعمرنا سبع سنوات عشان يقبلونا في سنة أولى إبتدائي.. كان يومها البكاء بتاع علي ود عبد الله ود عبدول راجل عمورة.. من قرية الدمورة.. والد عبدالله علي عبد الله غشينا البكاء الصباح دغش فطرنا بي ملاح تربيقة في قدح حراز.. والناس الماشين لجنة القبول بأولادهم مشوا.. بعد ما دفعوا القدح.. والقدح معظمو عيش؟؟ موش قروش.. والبيدفع فلوس يدفع ريال أو شلن... أتذكر أبوي كان دفع ريال.. يطلق في منديلو جنبي..
ود عبدول بكاهو كان عام1963.. هو يوم قبولنا في أولى إبتدائي بمدرسة شري الأولية. وما أحلى ملاح التربيقة في قدح الحراز..
التربيقة تكون دراشة كدة.. عشان الحريم في البكا . بيجمعوا فنادك الحلة كلها ويقعدوا يدقوا ولكثرة ويكة البكا ما بتنطحن ناعمة.. لكن طاعمة في درشتا دي.. لأنها معظمها ويكة جروف خضرااا.. ما كان في ويكة بي تجينا من الصعيد

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ملاح الـتِـرْ بيـقة

مُساهمة من طرف ابو مصطفى في الأحد 21 نوفمبر 2010, 4:00 pm

حليل ناس زمان والزمن زين ؟؟ حليل ملاح التربيقة وقدح الحراز ؟؟؟ اتذكر هذه الاشياء تماما ولى وقتا قريب كان عندنا قدح حراز كبير خالص قافلين بيه كر البهم والظاهر عليه مع عملية الفتح والقفل للكر تهشم ولم نكن نعرف قيمته حتى الان ؟؟؟ يا ليتنى احتفظت به ذلك العملاق النادر ؟؟؟؟


تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18309
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: ملاح الـتِـرْ بيـقة

مُساهمة من طرف صديق عبدالله علي أبوحنة في الثلاثاء 14 يونيو 2011, 1:05 am

قدح الحراز يدي التربيقة طعم خاص يا ابومصطفى

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31695
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى