نــِـزيلْ الـمـُــطـْرَق

.. وفي الأعراس عندنا عادة، فى العصر فى يوم العرس، هنالك عادة حينما يسير العريس آلي دار عروسه، يجلس العريس علي سرير، وفوقه برش مزركش، وتأتي الأمات والخالات لتضع الضريرة والدهن علي رأس العريس، وفي يده الصوت وبيمينه السيف وكل ناس العرس من نساء ورجال يتحلقون حوله كعادة معظم أهل السودان، وتربط للعريس ( المطرق أو الشف) ولكن لا يوضع في عنقه وإنما يظل علي شعره مع الضريرة، ولا يدلي في عنقه إلا بهدية قيمة، وغالباً ما تكون نخلة، ولا يهديها أي شخص، وإنما يهديها خال العريس أو عم العريس، وعندما يأتي خال العريس أو عمه ليفك خيط المطرق ليدليها في رقبته، يقول ود أختي ألما ساهل، خالك دلي المطرق ليك، بي تمرة ود لقاي، الفوق حرف الخور،هولك وهول جناك، عفوياً لله والرسول) هنا ينطلق الزغاريد، وتفرح الأم.. وتتناقل البلد الخبر، ويقولوا خال السرور يا يمة نزل لي ود أختو المطرق بي ود لقاي الماها تمرة خمج..وأحياناً يتأخر تنزيل المطرق في رقبة العريس، ربما كان من الأسر الفقيرة، أو خاله وعمه من البخلاء، وكلما تأخر تنزيل المطرق، كلما بكت والدة العريس وتأثرت بأن يكون ليس له خال أوعم أو بفعل بخل أو خلافه. وكلما تأخر تنزيل المطرق ، كلما أشرأب الناس بأعناقهم نحو المطرق ورقبة العريس وخاصة النساء .

هذه العادة عند المناصير أين ما حلوا بل أثروا في غيرهم وتبنوها معهم فأبن عمي بالرباطاب في طهوره نزل له الشف العمدة اسحق الملاوي ( من عمد الرباطاب) بتمرة ود لقاي علي القيف وقد أصبحت الان مجموعة هي وبناتها و يأكل منها هو ووليداته

الاخ الباشمهندس السلام
لك كل الود ياهندسه
الكلام الكبار كبار ده
الوليدات الصغار ديل ماشافوهو
اتحفنا وعرف هذه الاجيال بالماضى التليد
نزيل المطرق ومد الصوت

ها ها محمد مجد الدين قلت لى كيف؟ الكلام الكبار كبار.. والقديم قديم..
فعلا الوليدات ديل محتاجين يعرفوهم بيهو
............
محمد حبيب بشير. أيوه هي عادة منصورية جيدة..

من طرف **ابو مصطفى** الثلاثاء 02 نوفمبر 2010, 4:27 pm

المطرق اليدوك بيها خمس جلدات فوق صلعتك العاملة زى الزلقونية ؟؟؟ والله انت قديم قدم الكسرى ؟؟؟ طيب انت ما تورى الناس الشف ذاتو هو شنو والمطرق هى شنى وعريسكم زمان كان يقعد بى دلكته وحنته اربعين يوم ما يستحم ؟؟؟؟؟؟؟؟

ابو مصطفى

عريس يقعد اربعين يوم ما يتبرد دي ما شفناها يا أبومصطفى.. ولاجات علينا لافوق.. يطرشني.. إلا يكون عندكم إنتو في الجزاير..
طيب ده يصلي كيف ده؟ وخاصة إنو عريس..!!
نحن العريس عندنا يستحم في اليوم مرتين.. ويتبرد في البحر مرتين في اليوم الصباح بدري يقوم يشيل بشكيرو ويقع البجر ( جو) بي دلكتو وحنتو..
شايف عريس ناس لافوق نضيف كيف.؟ ويصلي الأوقات الخمسة حاضري.. يطرشنا يا ابومصطفي عريس اربعين يوم ما يستحم ده حالتو تكون كيف؟خاصة إنو عريس.. خت تحتا خطيين... يا زول يا ابو مصطفى...الليلي مالك!!

من طرف **ابو مصطفى** الثلاثاء 02 نوفمبر 2010, 8:16 pm

والله يا صديق زمن المطرق والشف ناس الجزائر اصلهم كلهم ناس مريسة هو لايبقى العريس سكران الاربعين ؟؟؟ انا ما جبت حاجة من عندى لكن مرة وانا شافع اسمع الناس الكبار يتكلموا فى العرس زمان فواحد قال انا من عرست لى حولى ما اشتغلت ؟؟؟ ما اصلا زمان الحياة بسيطة وما مكلفة لكن اسع الواحد يعرس وثلاثة يوم تلقاه جارى الشغل ويشهق ما يلحق غايتو حليل زمان وزمن المطرق والشف ؟؟؟؟

تحياتى
ابو مصطفى

أوع يكون عادة نزييل المطرق انتهت؟

نــِـزيلْ الـمـُــطـْرَق

نــِـزيلْ الـمـُــطـْرَق

رد: نــِـزيلْ الـمـُــطـْرَق

رد: نــِـزيلْ الـمـُــطـْرَق

رد: نــِـزيلْ الـمـُــطـْرَق

رد: نــِـزيلْ الـمـُــطـْرَق

رد: نــِـزيلْ الـمـُــطـْرَق

رد: نــِـزيلْ الـمـُــطـْرَق

رد: نــِـزيلْ الـمـُــطـْرَق