العاملون بالدهب العشوائي يتجهون الي المناصير ؟؟
+5
عبد الغني نصر الدين
هاشم علي الجزولي
النذير العوناب
حازم
عادل شرري
9 مشترك
صفحة 1 من اصل 1
العاملون بالدهب العشوائي يتجهون الي المناصير ؟؟
اتجه الناس الذين يعملون في الدهب في مناطق ابوحمد الي منطقة جورا في خلاء المناصير وتشير الاخبار الواردة من هناك ان الدهب وجد بكميات كبيرة والعربات تتجه الي هذه المنطقة بصورة كبيرة جدا ؟؟؟؟؟
عادل شرري- عضو ذهبي
- احترام قوانين المنتدى :
عدد المساهمات : 1209
نقاط : 28479
تاريخ التسجيل : 14/05/2010
رد: العاملون بالدهب العشوائي يتجهون الي المناصير ؟؟
سلام الاخ عادل شرري
ومشكور علي الخبر المفرح وربنا يعوض اهلنا مافقدوه وامبقي كدي نشوف لينا جهاز GBX 4500 وجوراء جاك زول ...
لكن ياعادل مازالت قبقة والكرو تتصدر قائمه مناطق التسالي والخلايا
لك ودي ثانيه
حازم
ومشكور علي الخبر المفرح وربنا يعوض اهلنا مافقدوه وامبقي كدي نشوف لينا جهاز GBX 4500 وجوراء جاك زول ...
لكن ياعادل مازالت قبقة والكرو تتصدر قائمه مناطق التسالي والخلايا
لك ودي ثانيه
حازم
حازم- V.i.P
- احترام قوانين المنتدى :
عدد المساهمات : 862
نقاط : 27454
تاريخ التسجيل : 19/07/2010
رد: العاملون بالدهب العشوائي يتجهون الي المناصير ؟؟
الاخ عادل جزاك الله خير .
لكن يا حازم الما عندو ضهر يندقه عل بطنو ؟
اسع ان لقينا الجهاز اعل ما بيصادرو مننا . لكن بنمشى انشاء الله نقربل بالصاج . ويلا جورا طوالى .
لكن يا حازم الما عندو ضهر يندقه عل بطنو ؟
اسع ان لقينا الجهاز اعل ما بيصادرو مننا . لكن بنمشى انشاء الله نقربل بالصاج . ويلا جورا طوالى .
النذير العوناب- عضو متميز
- احترام قوانين المنتدى :
عدد المساهمات : 421
نقاط : 26491
تاريخ التسجيل : 13/06/2010
العمر : 40
رد: العاملون بالدهب العشوائي يتجهون الي المناصير ؟؟
سلام كاتب البوست عادل
الاخ النزير والله مشتاااقين اه الانفصال خليتوه ؟
خلاص بقيتو علي الدهب قرقرقرقر ( زي ماقال ود الفكي)
طبعا ياالنزير قصه المصادره قرار ارتجالي اتخذته شرطه ولاية نهر النيل ولكن بعد مداولات في المجلس التشريعي للولايه عدل هذا القرار أو قل ألغي بأغلبيه .. والفضل يرجع لصاحب الاقتراح المنصوري عضو المجلس التشريعي ذو الفهم الراقي وودالبلد الاصيل الذي عرف ان غالبيه العاملين في التعدين العشوائي ابناء جلدته هو الاستاذ علي خليفه عسكوري والتحيه له ولتلك البلده التي انجبته ( كبنه الحنان منساب)
لك ودي اخي النزير واخدلك خفسه ولاتخشي شيء بس كتر من العدس والبصل والشعيريه واهم شيء الخيمه تكون واسعي
كنت عاوز اهبشك أل خايف الجماعه يقولوا ( نحنا مااااقلنالكم ماتحاولوا انحراف البوست عن مساره ) الشيء تقول (...........)
لك العتبي كاتب البوست الاخ عادل شرري .
والسلام حازم
الاخ النزير والله مشتاااقين اه الانفصال خليتوه ؟
خلاص بقيتو علي الدهب قرقرقرقر ( زي ماقال ود الفكي)
طبعا ياالنزير قصه المصادره قرار ارتجالي اتخذته شرطه ولاية نهر النيل ولكن بعد مداولات في المجلس التشريعي للولايه عدل هذا القرار أو قل ألغي بأغلبيه .. والفضل يرجع لصاحب الاقتراح المنصوري عضو المجلس التشريعي ذو الفهم الراقي وودالبلد الاصيل الذي عرف ان غالبيه العاملين في التعدين العشوائي ابناء جلدته هو الاستاذ علي خليفه عسكوري والتحيه له ولتلك البلده التي انجبته ( كبنه الحنان منساب)
لك ودي اخي النزير واخدلك خفسه ولاتخشي شيء بس كتر من العدس والبصل والشعيريه واهم شيء الخيمه تكون واسعي
كنت عاوز اهبشك أل خايف الجماعه يقولوا ( نحنا مااااقلنالكم ماتحاولوا انحراف البوست عن مساره ) الشيء تقول (...........)
لك العتبي كاتب البوست الاخ عادل شرري .
والسلام حازم
حازم- V.i.P
- احترام قوانين المنتدى :
عدد المساهمات : 862
نقاط : 27454
تاريخ التسجيل : 19/07/2010
رد: العاملون بالدهب العشوائي يتجهون الي المناصير ؟؟
التحية لكاتب البوست عادل .
الله يديك العافى اخى حازم . اكان كدى ننبلنا جهاز ونقوم . يا اما غطى معانا ويا كمان لحقنا زراعة العدس .
الله يديك العافى اخى حازم . اكان كدى ننبلنا جهاز ونقوم . يا اما غطى معانا ويا كمان لحقنا زراعة العدس .
النذير العوناب- عضو متميز
- احترام قوانين المنتدى :
عدد المساهمات : 421
نقاط : 26491
تاريخ التسجيل : 13/06/2010
العمر : 40
رد: العاملون بالدهب العشوائي يتجهون الي المناصير ؟؟
زراعه العدس او زراعه الشمار ( أصلو حجه طير الشمار كلو من ناس أمري الطوال قالوا سوقو يرقد المال أسقي دورين ما أشوف خضار ) اه يا النذير وحازم انا خائف يبقي عليكم زي االغنا الفوق ده لكن كان بقيتو علي الدهب في المناصير انا بوريكم محله الا عودي راكب
هاشم علي الجزولي- V.i.P
- احترام قوانين المنتدى :
عدد المساهمات : 1704
نقاط : 30798
تاريخ التسجيل : 19/04/2010
رد: العاملون بالدهب العشوائي يتجهون الي المناصير ؟؟
السلام عليكم ورحمة الله وبركاته يا ابن عمي وانا اسف ما رديت عليك سابقا لأني اعددت ردين سابقين وقد ضاعوا عني ما عارف السبب شنو؟ على اي حال لك الشكر والتقدير على هذا الخبر السار جدا بس بالله عليك كم من ابناء شرري شغال الآن في الدهب؟ نتمنى التوفيق للجميع وانشاء الله تكون لهم فاتحة خير. والله يحبس عنهم العوارض والحسد.
عبد الغني نصر الدين- عضو ذهبي
- احترام قوانين المنتدى :
عدد المساهمات : 1126
نقاط : 27903
تاريخ التسجيل : 15/07/2010
رد: العاملون بالدهب العشوائي يتجهون الي المناصير ؟؟
قول ياهندسه واكيد عودك راكب .
انا علي الجهاز والعربيه واللازم منه ؟ الاخ النزير تشوف التايه والاداره ؟
انا علي الجهاز والعربيه واللازم منه ؟ الاخ النزير تشوف التايه والاداره ؟
حازم- V.i.P
- احترام قوانين المنتدى :
عدد المساهمات : 862
نقاط : 27454
تاريخ التسجيل : 19/07/2010
رد: العاملون بالدهب العشوائي يتجهون الي المناصير ؟؟
شكرا عادل شررى--
والظاهر نحنا كلنا ماشين الدهب فى خلانا --وشايف الاتفاق ماشى كويس بين هاشم وحازم---
ودايما هاشم يقول ليكم جبالنا دى ماتستهينوا بيها --وزى ما قال شاعرنا فضل :
مكنوز الضهب قى محلو صلصل وكلكل--
بعدين ياهاشم وحازم --من زمان يقال فى دهب فى جبال القعملى ولكنه فى شكل خزن ومسكونة واهلى هناك قالوا عندما
يأتوا مارين بالقرب من جبال القعملى يسمعوالصفقة والطمبور فى السماء (يكون الجماعة عندهم عرس وعاكلنها)--
كدى شوفوا التاية تتوافق تحدد يوما--
والظاهر نحنا كلنا ماشين الدهب فى خلانا --وشايف الاتفاق ماشى كويس بين هاشم وحازم---
ودايما هاشم يقول ليكم جبالنا دى ماتستهينوا بيها --وزى ما قال شاعرنا فضل :
مكنوز الضهب قى محلو صلصل وكلكل--
بعدين ياهاشم وحازم --من زمان يقال فى دهب فى جبال القعملى ولكنه فى شكل خزن ومسكونة واهلى هناك قالوا عندما
يأتوا مارين بالقرب من جبال القعملى يسمعوالصفقة والطمبور فى السماء (يكون الجماعة عندهم عرس وعاكلنها)--
كدى شوفوا التاية تتوافق تحدد يوما--
عدل سابقا من قبل سلمان عقيد النعوفابى في الإثنين 11 أكتوبر 2010, 9:15 pm عدل 1 مرات
سلمان عقيد النعوفابى- اداري
- مشرف المنتدى الاجتماعي
احترام قوانين المنتدى :
عدد المساهمات : 2615
نقاط : 32984
تاريخ التسجيل : 01/04/2010
رد: العاملون بالدهب العشوائي يتجهون الي المناصير ؟؟
وييييينك ياهندسه خوفك كلام سليمان الصفقه والطمبور يازول سو الصفقه دنقير وماتشيل هم امبقي عندهم عرس بي نعديهو معاهم ونقضي غرضنا ما الامور تحتاج للمسايسه والمباصره
انا جادي بس حدد الاحداثي (GPS)
انا جادي بس حدد الاحداثي (GPS)
حازم- V.i.P
- احترام قوانين المنتدى :
عدد المساهمات : 862
نقاط : 27454
تاريخ التسجيل : 19/07/2010
رد: العاملون بالدهب العشوائي يتجهون الي المناصير ؟؟
الاخوة حازم والنذير وهندسة والاستاذ سلمان وابن عمي عبد الغني بركة بالطلة لكم التحية وشكرا علي المرور
ياحازم وهندسة انا اخبرتكم بالخبرعن الدهب عودي معاكم انشاء الله في التاية والادارة مع النذير ؟
لكم ودي
ياحازم وهندسة انا اخبرتكم بالخبرعن الدهب عودي معاكم انشاء الله في التاية والادارة مع النذير ؟
لكم ودي
عادل شرري- عضو ذهبي
- احترام قوانين المنتدى :
عدد المساهمات : 1209
نقاط : 28479
تاريخ التسجيل : 14/05/2010
رد: العاملون بالدهب العشوائي يتجهون الي المناصير ؟؟
يبدو أن جورا.. دخلت عهدها الذهبي
.............
اي عمل في التنقيب هنالك سوف يعمر المنطقة ويجعلها سوق.. ويجعل عرب المناصير يرجعوا كلهم لتلك المناطق
............................
يا أخوانا يا سلمان.. في زول عندو فكرة عرب المناصير لسه مستوطنين في ساني والعرفة وجورا.. والله رحلوا.. وهل قاعدين ينزلوا سوق النعوفاب والله خلوه
.............
اي عمل في التنقيب هنالك سوف يعمر المنطقة ويجعلها سوق.. ويجعل عرب المناصير يرجعوا كلهم لتلك المناطق
............................
يا أخوانا يا سلمان.. في زول عندو فكرة عرب المناصير لسه مستوطنين في ساني والعرفة وجورا.. والله رحلوا.. وهل قاعدين ينزلوا سوق النعوفاب والله خلوه
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45035
تاريخ التسجيل : 14/07/2010
رد: العاملون بالدهب العشوائي يتجهون الي المناصير ؟؟
الاخوان سلمان وحازم وعادل وصديق تحيه طيبه اولا ياصديق الحمدالله ان وفقنا في حفر بئر في اب حمد قبل ثلاثه سنه لهذا الغرض وبحمده تعالي اتت غرضها تماما وهي بئر ارتوازي وتعمل بواسطه مولد كهربائي واذا اردت الاطلاع عليها ادخل جوجل والاحداثيات هي 35.53 18 N
32 22.6 E
وأبشرك ياصديق الحمد الله البلد فوق العدد ماشي في زياده والبئر تقع في وادي اب سباع باالقرب من جبل البارنجو وليست بعيده من جبل حبيش وهي علي مسافه كيلو من برتي و12 كيلو من جبل الغيناب بخصوص البلد والدهب اه واه الحديث ذو شجون اليوم كان معي واحد نتفاكر لمده ساعتين في الطريقه التي تجعل اهلنا ان لايخرجوا من المولد بلا حمص بعد ان تم تحديد المناطق التي بها الذهب بشكل قاطع وهي في المناصير وسوف يتم العمل بواسطه شركات اذ ان الذهب موجود علي مسافه تترواح من 5 أمتار الي 20 متر يعني ليست باالطريقه التقليديه وسوف تكون البدايه في منطقه نصب الحصان وهناك جبل اب نحل ايضا هناك مناطق مستهدفه لكن كل الدراسات تشير الي ان احتياطي الذهب في منطقه نصب الحصان كميات كبيره ودرجه نقاوه ممتازه اما جبل اب نحل ده فيه الاغلي من الذهب علي العموم سوف نسكت الي حين ولد ختمنا حديثنا (الله موجود وهو المستعان)
اما عن وجود الجن والدلوكه في جبل القعملي والعرس الواحد لو بطلع بي حاجه ياسلمان المجازفه ما بطاله لكن خايقين ينطبق علينا ( الجن بيندواه كعبه الاندرابه ) غايتو ياحازم لو داير احداثيات نصب الحصان حسب اخر استكشاف ( في شهر 7 و8 2010 ) ما عندي مانع لكن الموضوع يكون اكثر فائده لو فكر المناصير بطريقه تجاريه ذات بعد استراتيجي ويكون ذلك بتكوين شركه قابضه تكون موجوده في المناشط الاستثماريه القادمه في التعدين والسمك ومواد البناء وباالمناسبه السمك ومواد البناء ليست محتاجه الي راس مال كبير وعائدها سريع مواد البناء هناك الرخام ولتكن البدايه بعمل المحاجر وبيع الخام وشويه شويه الي ان نصل الي مرحله القطع والتشكيل وباالمناسبه ياسلمان جبل القعملي فيه 350 الف طن من السراميك ( المصدر الدراسه الالمانيه ) ومن يريد الاطلاع عليها
فهي
Technical cooperation project No 7570380
Sudanese german exploration project Technical report
لكن للاسف هنا محل الكجار ياحازم وسلمان غايتو هناك هجمه منظمه ومرتبه كنت طمعان في ان يستفيد المناصير لكن ؟ علي العموم هناك محاولات لانستطيع البوح بها في هذا المنتدي وسوف نجتهد ويكون ذلك بتنوير الناس والضغط علي المحليه والولايه لاعضاء الالويه للمناصير اما المناصير فهي في طور التغيير لتكون اكبر منطقه جاذبه
32 22.6 E
وأبشرك ياصديق الحمد الله البلد فوق العدد ماشي في زياده والبئر تقع في وادي اب سباع باالقرب من جبل البارنجو وليست بعيده من جبل حبيش وهي علي مسافه كيلو من برتي و12 كيلو من جبل الغيناب بخصوص البلد والدهب اه واه الحديث ذو شجون اليوم كان معي واحد نتفاكر لمده ساعتين في الطريقه التي تجعل اهلنا ان لايخرجوا من المولد بلا حمص بعد ان تم تحديد المناطق التي بها الذهب بشكل قاطع وهي في المناصير وسوف يتم العمل بواسطه شركات اذ ان الذهب موجود علي مسافه تترواح من 5 أمتار الي 20 متر يعني ليست باالطريقه التقليديه وسوف تكون البدايه في منطقه نصب الحصان وهناك جبل اب نحل ايضا هناك مناطق مستهدفه لكن كل الدراسات تشير الي ان احتياطي الذهب في منطقه نصب الحصان كميات كبيره ودرجه نقاوه ممتازه اما جبل اب نحل ده فيه الاغلي من الذهب علي العموم سوف نسكت الي حين ولد ختمنا حديثنا (الله موجود وهو المستعان)
اما عن وجود الجن والدلوكه في جبل القعملي والعرس الواحد لو بطلع بي حاجه ياسلمان المجازفه ما بطاله لكن خايقين ينطبق علينا ( الجن بيندواه كعبه الاندرابه ) غايتو ياحازم لو داير احداثيات نصب الحصان حسب اخر استكشاف ( في شهر 7 و8 2010 ) ما عندي مانع لكن الموضوع يكون اكثر فائده لو فكر المناصير بطريقه تجاريه ذات بعد استراتيجي ويكون ذلك بتكوين شركه قابضه تكون موجوده في المناشط الاستثماريه القادمه في التعدين والسمك ومواد البناء وباالمناسبه السمك ومواد البناء ليست محتاجه الي راس مال كبير وعائدها سريع مواد البناء هناك الرخام ولتكن البدايه بعمل المحاجر وبيع الخام وشويه شويه الي ان نصل الي مرحله القطع والتشكيل وباالمناسبه ياسلمان جبل القعملي فيه 350 الف طن من السراميك ( المصدر الدراسه الالمانيه ) ومن يريد الاطلاع عليها
فهي
Technical cooperation project No 7570380
Sudanese german exploration project Technical report
لكن للاسف هنا محل الكجار ياحازم وسلمان غايتو هناك هجمه منظمه ومرتبه كنت طمعان في ان يستفيد المناصير لكن ؟ علي العموم هناك محاولات لانستطيع البوح بها في هذا المنتدي وسوف نجتهد ويكون ذلك بتنوير الناس والضغط علي المحليه والولايه لاعضاء الالويه للمناصير اما المناصير فهي في طور التغيير لتكون اكبر منطقه جاذبه
هاشم علي الجزولي- V.i.P
- احترام قوانين المنتدى :
عدد المساهمات : 1704
نقاط : 30798
تاريخ التسجيل : 19/04/2010
رد: العاملون بالدهب العشوائي يتجهون الي المناصير ؟؟
غايتو يا اخونا اب حنه اثبت علميا وبالاحداثيات والتكنولوجيا والكلام الكبار بتاع المهندسين داك انو جورا منطقة غنية .
وبعدين :
اى زول ما لقى خانه يقدم طلب لينا كادارة حازمة .
اى زول جهازو يقبضوه منو يضرب لينا لانو عندى صاحبى قال لى
امشى ولا تخشى الا الله . قرقرقر
ويلا اخوانا نحنا عدينا على بونى . والله يسهل .
وبعدين :
اى زول ما لقى خانه يقدم طلب لينا كادارة حازمة .
اى زول جهازو يقبضوه منو يضرب لينا لانو عندى صاحبى قال لى
امشى ولا تخشى الا الله . قرقرقر
ويلا اخوانا نحنا عدينا على بونى . والله يسهل .
النذير العوناب- عضو متميز
- احترام قوانين المنتدى :
عدد المساهمات : 421
نقاط : 26491
تاريخ التسجيل : 13/06/2010
العمر : 40
رد: العاملون بالدهب العشوائي يتجهون الي المناصير ؟؟
نحتاج لقعده معاك ياهندسه عشان الاحداثيات ..
اما بخصوص الابعاد غير ابراسين في حاجات تانيه بس الاحداثيات
اما بخصوص الابعاد غير ابراسين في حاجات تانيه بس الاحداثيات
حازم- V.i.P
- احترام قوانين المنتدى :
عدد المساهمات : 862
نقاط : 27454
تاريخ التسجيل : 19/07/2010
رد: العاملون بالدهب العشوائي يتجهون الي المناصير ؟؟
اليوم علمت ان هنالك حركة دوؤبة فى اتجاه جورا والبناطين ماكفت الناس المنتقلين من ابوحمد والكرو فى اتجاه جورا--
وحتى ان بعضهم وبسبب زحمة البناطين اتوا عن طريق كبرى الدامر--
ام اهلنا العرب ياصديق الغالبية العظمى منهم غادروا المنطقة فى اتجاه الشريك وغيرها من المناطق المجاورة--حتى اصبح اهلنا النعوفاب يسافرون للرباطاب للبكيات والاعراس وغيرها من المناسبات-
والبعض الى الشايقية--وياريت يكون هذا بمثابة فتح جديد وخير لتلك المنطقة والمناصير عموما --
ياحازم الشىء سمح فوق حرو عشان كدى جد فى موضوع التاية والجهاز والعربية--انا غايتو بى ضراعى بس--
وحتى ان بعضهم وبسبب زحمة البناطين اتوا عن طريق كبرى الدامر--
ام اهلنا العرب ياصديق الغالبية العظمى منهم غادروا المنطقة فى اتجاه الشريك وغيرها من المناطق المجاورة--حتى اصبح اهلنا النعوفاب يسافرون للرباطاب للبكيات والاعراس وغيرها من المناسبات-
والبعض الى الشايقية--وياريت يكون هذا بمثابة فتح جديد وخير لتلك المنطقة والمناصير عموما --
ياحازم الشىء سمح فوق حرو عشان كدى جد فى موضوع التاية والجهاز والعربية--انا غايتو بى ضراعى بس--
سلمان عقيد النعوفابى- اداري
- مشرف المنتدى الاجتماعي
احترام قوانين المنتدى :
عدد المساهمات : 2615
نقاط : 32984
تاريخ التسجيل : 01/04/2010
رد: العاملون بالدهب العشوائي يتجهون الي المناصير ؟؟
الدهااااااااااابه سلاماااااااااااات
يا اخوانا العطلة كتلتنا وقرفنا حتى فى الجهاز ما اديتونا طريقة شوفولنا كافتيريا فى جوراء ولا راكوبة انشالله نعالج ضربة الشمس بى جرام ولا اى حاجة...دمتم سالمين غانمين بالذهب يا اغلى منه
يا اخوانا العطلة كتلتنا وقرفنا حتى فى الجهاز ما اديتونا طريقة شوفولنا كافتيريا فى جوراء ولا راكوبة انشالله نعالج ضربة الشمس بى جرام ولا اى حاجة...دمتم سالمين غانمين بالذهب يا اغلى منه
خال ابرار- اداري
- مشرف المنتدى العلمي
احترام قوانين المنتدى :
عدد المساهمات : 1005
نقاط : 27919
تاريخ التسجيل : 20/04/2010
رد: العاملون بالدهب العشوائي يتجهون الي المناصير ؟؟
والله يا ود عيسى الكشب بتاعك والمكنات دى ذاتو علاج .
النذير العوناب- عضو متميز
- احترام قوانين المنتدى :
عدد المساهمات : 421
نقاط : 26491
تاريخ التسجيل : 13/06/2010
العمر : 40
رد: العاملون بالدهب العشوائي يتجهون الي المناصير ؟؟
هوووووووووووى يا اخوانا نحن فى هظارنا دا لامن تتكسر القزازى دحين نتوكل . من دوبنو ما انطحن ربع فى الطاسى .
وياحازم كلم الهندسة بانو النذير رئيس التايى . وكل من يعمل شنكبة عنكبة يعرض نفسو
للاكل الا ان يكون عندو نصيب فى الجهاز او العربيه ( الفيتو) .
*** لكن الدكتور نجيييييييض يعالج بالدهب
. ( لو تجى عندك مقص يديك هايوسين والله بى وقيه ترضى ) . خليك من الصداع بى حبة . والملاريا بى جرام . ووووو............. حظك يا ود عيسى البخت دا يخلق مع الزول من يومو . والخير ينادى بعضو .
وياحازم كلم الهندسة بانو النذير رئيس التايى . وكل من يعمل شنكبة عنكبة يعرض نفسو
للاكل الا ان يكون عندو نصيب فى الجهاز او العربيه ( الفيتو) .
*** لكن الدكتور نجيييييييض يعالج بالدهب
. ( لو تجى عندك مقص يديك هايوسين والله بى وقيه ترضى ) . خليك من الصداع بى حبة . والملاريا بى جرام . ووووو............. حظك يا ود عيسى البخت دا يخلق مع الزول من يومو . والخير ينادى بعضو .
النذير العوناب- عضو متميز
- احترام قوانين المنتدى :
عدد المساهمات : 421
نقاط : 26491
تاريخ التسجيل : 13/06/2010
العمر : 40
رد: العاملون بالدهب العشوائي يتجهون الي المناصير ؟؟
ياهندسه نحن منتظرين الاحداثي والنزير شايفو جاهز وسليمان وكمان الدكتور ذاتو جاهز وماتنسي يادكتور تشيل معاك (ابار ) زي ماقال الشاعر عثمان النفر .
حازم- V.i.P
- احترام قوانين المنتدى :
عدد المساهمات : 862
نقاط : 27454
تاريخ التسجيل : 19/07/2010
رد: العاملون بالدهب العشوائي يتجهون الي المناصير ؟؟
صح يا اخوانا الداير الغِنى يعمل حساب لى فقروا ؟ كيييييييف ؟
النذير العوناب- عضو متميز
- احترام قوانين المنتدى :
عدد المساهمات : 421
نقاط : 26491
تاريخ التسجيل : 13/06/2010
العمر : 40
رد: العاملون بالدهب العشوائي يتجهون الي المناصير ؟؟
اذهبو حيث شئتم فان خراجكم سياتينا
نتوكل ونعمل خيمه تحصيل فى طريق جوراء
نتوكل ونعمل خيمه تحصيل فى طريق جوراء
(الحاج شرف)- اداري
- مشرف المنتدى العام
احترام قوانين المنتدى :
عدد المساهمات : 1785
نقاط : 30414
تاريخ التسجيل : 22/04/2010
مواضيع مماثلة
» مابين ود المناصير وبت المناصير..كالذي بين كبنة وبرتي
» من ود المناصير الى اهل الروعه فى منتدى المناصير بلدي
» اليوم في الدامر البشير قال: بحيرة المناصير، مجرد نطق كلمة المناصير فرحني من المغصة العلينا
» هام وعاجل اتحاد طلاب المناصير يقيم حفل تكريم لطلاب المناصير المشاركين في الدورة المدرسية
» ماذا في الصحف السودانية عن الإعتصام
» من ود المناصير الى اهل الروعه فى منتدى المناصير بلدي
» اليوم في الدامر البشير قال: بحيرة المناصير، مجرد نطق كلمة المناصير فرحني من المغصة العلينا
» هام وعاجل اتحاد طلاب المناصير يقيم حفل تكريم لطلاب المناصير المشاركين في الدورة المدرسية
» ماذا في الصحف السودانية عن الإعتصام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى