المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

من رميات الفنان المرحوم ودالحوري

+3
م بروي
سلمان عقيد النعوفابى
خالد عابدين
7 مشترك

اذهب الى الأسفل

من رميات الفنان المرحوم ودالحوري Empty من رميات الفنان المرحوم ودالحوري

مُساهمة من طرف خالد عابدين الإثنين 17 مايو 2010, 5:36 pm

ما بتدوم الخيرا ما دام
أخدي مشوارك يا جدي الشام
بي بعيد تديني السلام
بنخاف لابد نتلام
في العبوس الخيرا ما دام

*************

يا قلُب مالَك تقول وَحْ
ويا وجع في سيدك نبَحْ
يا الدِفيفِيق الما وضح
لا إتغملْ لا شكوك سِبح
طيرو فوق العرجون نبح
************
يا قلب مالك بِتـَهِم
ترعى غنم إبليس تقسِّم
ربي كان قاسملَك قسم
في جنينة أم المون تشم
زي أم عجباً ما بيتم
ريدا زي عارية الهدم
ليلة تفرق وليلة تلم
في الشِتيل الشايل مِترَدم
سيدو فَسلان رامي الهِدم
عِن قُعاد الضُل يحرِّم
*************
من صغير تبيت جِنيْ
حالي عُشرة وراضي والديْ
ما بيقولو لي الجيران أفيْ
إتقلَبْ جاي الجرِح نيْ
إتقلَبْ جاي الجمُر حيْ
داير أدُق طمبوري النِقيْ
ما بيونسني الليل شوي
داير أوصِّفا سمحة الزي
يا الولوف..أنا حِن علي
قلبي في كرعين الحِدي
وإنتا نايم وأنا جمري حي
**************
أنا من صغير فوق الهانة والميل
فرشي نار وغُتاي المَلِيل
ليّا درَّت وعَتمت قبيل
ما حلبتها فأمري بستيل
*************
النفس يا حوري أطربا
والهِِمُوم مِنّك بعدا
والحِمول فوق سِيدا أسندا
*************
قلبي حافظ لي مِن مشا
البِسوِّي الخير بيلقا
والبِسوِّي الشر بيرجا
مالي ومال الهم مِتِل دا
************
يا كريم تديني الصبُر
يا لطيف تديني الصبُر
والثبات في كل الأمُر
النفِس غشّاشة و تضُر
المكتوب من الله يمُر
جنبها إبليس حافر مَقُر
شركو لي وكت الموت يضُر
يا الرسول من طبّاتُو كُر
الليلة حلوة وباكر المُـر
************
يا القلوباب أرفعوا الكف
ويا الفريعاب أرفعوا الكف
أقروا ياسين وكتِّروا التَف
الكويريق الما خلف
واليعوم تالاك إنزقف
حالي يا ست الريد وقف
وإنتي ليه ربطِك معاي مرق بف
****************
أنا يا قِشيش وادي الكُربِكان
الشِرِب بالنجمة رويان
عوّج أَلبِل وفقََّّع الضان
كل ما إتلقى في بكان
مرَّة كِلوة ومرَّة مُصران
فرّقتنا الماليها امان
كل واحداً بقى في بكان
************
إنتا يا إبليس لا تِتقَمِش
لا يغُرك عَجَب النَفِس
وإن لِقِيتلَك خير غادي أمش
نِحنا وإيّاك لا نِتهَبِش
ما بخليك ياك يا تبش







خالد عابدين
خالد عابدين
Admin
Admin

احترام قوانين المنتدى : 100

عدد المساهمات : 2564
نقاط : 32382
تاريخ التسجيل : 22/03/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty رد: من رميات الفنان المرحوم ودالحوري

مُساهمة من طرف سلمان عقيد النعوفابى الجمعة 21 مايو 2010, 1:23 am

الاخ ود عابدين دا كلام جميل وزى انت عايز تلقى الكرة فى الملعب ،وانا شخصيا ارى ان جزء من القصيدة او الرمية فيها نفس السيد ود الحسين ،كما سمعت من قبل ان الراحل البروف عبد الله الطيب ذكران الشاعر الذى قال:

انقلب جاى الجرح نى

وانقلب جاى الجمر حى

قال انه معذب عذاب شديد وهى ابيات بليغة
سلمان عقيد النعوفابى
سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 32979
تاريخ التسجيل : 01/04/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty رد: من رميات الفنان المرحوم ودالحوري

مُساهمة من طرف م بروي الأحد 23 مايو 2010, 7:15 pm

سلام شديد أيها الرائعين(2)
كلام في غاية الروعه وفعلاً ياسلمان يشبه كلام ودالحسين. بالله طوالي شميت ريحة المغمول المعمول سبحي والواحد كل مرة يأكلو منو واحدي..ياسلام
أنا بحب الشعر البسيط غير المعقد والمتكلف
شوف هنا ما قاله أحد الشعراء
لوما بشوفك في المنام...ما نمت مدة ما حييت
ولوما عشم رؤياك صباح...من نومي أبداً ما صحيت
بالرغم من كل الجمال الفي البيتين ديل إلا أنني
لو قارنتهم معى كلام أخونا عبد الله محمد خير الله يرحمه
(حلات ليلاً معاك مادرنا يصبح
وحلات صبحاً تكون إنت المصبح)
أنا بفضل كلام عبدالله للبساطه وجمال السهل الممتنع
يديكم العافية
م بروي
م بروي
كبار الشخصيات
كبار الشخصيات

احترام قوانين المنتدى : 100

عدد المساهمات : 2592
نقاط : 32367
تاريخ التسجيل : 24/04/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty ود الحورى

مُساهمة من طرف nader nor elhadi ali الإثنين 05 يوليو 2010, 6:42 pm

ياقشيش ام سيح وام سرح
المطرو سوت قتح القمح
يالمبنى كفيلو انطرح
انا غلبى شن بديك ياسمح
..
ياقشيش امات سنى
التعلو كبه من العصر حى
الشباب رغبو مابدوم لى
ديل مبادى العينى ياخى
........
والله ياستاذ كلام يقوم النفس شدت ماسمح
nader nor elhadi ali
nader nor elhadi ali
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 632
نقاط : 26888
تاريخ التسجيل : 28/06/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty رد: من رميات الفنان المرحوم ودالحوري

مُساهمة من طرف بت الماحى الإثنين 30 أغسطس 2010, 8:35 am

مشكور كتير أخى خالد عابدين و لو انها جات متأخرة , يعطيك ال عافية
و ما قصرت تب و الله
بت الماحى
بت الماحى
عضو فعال
عضو فعال

احترام قوانين المنتدى : 100

عدد المساهمات : 136
نقاط : 25287
تاريخ التسجيل : 15/08/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty رد: من رميات الفنان المرحوم ودالحوري

مُساهمة من طرف مونتارى الثلاثاء 31 أغسطس 2010, 7:05 pm

الله من دى الكلام يا القلوباب أرفعوا الكف
ويا الفريعاب أرفعوا الكف
أقروا ياسين وكتِّروا التَف
الكويريق الما خلف
واليعوم تالاك إنزقف
حالي يا ست الريد وقف
وإنتي ليه ربطِك معاي مرق بف.. شكر يامدير
مونتارى
مونتارى
عضو متميز
عضو متميز

احترام قوانين المنتدى : 100

عدد المساهمات : 501
نقاط : 26275
تاريخ التسجيل : 15/06/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty رد: من رميات الفنان المرحوم ودالحوري

مُساهمة من طرف خالد عابدين الثلاثاء 31 أغسطس 2010, 7:35 pm

الاعزاؤء
سلمان
م بروي
نادر
بت الماحي
مونتاري

سعدت بمروركم على الابيات الرائعة للمرحوم عبدالكريم الحوري
خالد عابدين
خالد عابدين
Admin
Admin

احترام قوانين المنتدى : 100

عدد المساهمات : 2564
نقاط : 32382
تاريخ التسجيل : 22/03/2010

الرجوع الى أعلى الصفحة اذهب الى الأسفل

من رميات الفنان المرحوم ودالحوري Empty رد: من رميات الفنان المرحوم ودالحوري

مُساهمة من طرف عباس محمد الإثنين 30 أبريل 2012, 5:28 pm

المعذرة على المرور المتاخر
كلام سلس وبسيط ومعبر
تسلم ياريس
عباس محمد
عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 29512
تاريخ التسجيل : 27/07/2010
العمر : 50

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى