مصيبة ... منو المسئول عن الاغاني الهابطة ؟؟!!!

مصيبة ... منو المسئول عن الاغاني الهابطة ؟؟!!!

--------------------------------------------------------------------------------

... حوالي الساعة العاشرة مساء ... الهدوء يعم المكان ... السكون ... الهواء الصافي ... وانا متحرك داخل المنزل ... سمعت صوت فنان ...بداء بعيد ... وشوية شوية ... بدا يتضح ..حفلة قريبة ... يعني حانسمع غناء حلو ... وفجاة .. سمعت حاجة قريبة ... الفنان ... يغني ... ما حا تصدقوا ... بقول ... وحياة ديني وايماني ...أركويت سمحة عاجباني ... يا خي حريقة تحرقك ... وتحرق أركويت معاك ... ده شنوووووووووو .. يا نااااااس ...وجد ... إّدا كان عندي صوت ... كان مشيت أديتو ... جلدة معتبرة ... ده ... شنو ... الوسخ ده ... في شنوووووو ... اما الصوت ... اجاركم الله .. لو ما ... سمو المكان ... والمقام ... كان شبهتو ... بي واحد من الحيوانت المحترمة ... اجاركم الله ...تاني وتالت ... المهم كمل وصلتوا ... وجات بعدو واحدة ... اخير زولنا ...غناها كلو ... آآآآآآآآآآآآآآآآآآيواااااااااااااااااااا ... وووووووووووووووووين الناااااااااااااااس ... بعدين عوضية والامنية ... والنجدة ... ووووووووووو... إنتو دي حفلة ... ولا قسم شرطة ... والمصيبة بجيك صوت صفير النااااااااااااااس ... وتفاعلاتهم ... لحد غريب ... بقيت اتسال ... في شنوووووووووو ... وين المشكلة والعلة ...حكيت الحصل لي واحد من الاخوة ... ما استغرب وقال ... لي ... الناس في الحفلات ما بنتبهوا ولا بشتغلوا ... بي منو بغني شنوووووووووو... ديل عايزين يمرقوا الجواهم ... بس ... انت ذاتك لو كنت معاهم يمكن تهجج ... وما تشتغل بالحاجات دي ... معقولة يا ناس ... نصل للمرحلة دي ... انا كنت من المدافعين وما زلت ... عن الغنى بتاعنا ... وكلماتو المليانة ...والحانوا العجيبة الدافية ... وبقارن بينو وبين بعض الغنا العربي ... الفارغ .. والما فيهو شيء ... بقول بعض ... المهم ... في شنووووووووووووو... عايزين نعررررررررررف ... وبعدين الفن ده موهبة ... ولا بقى وظيفة ...وروناااااااااااااااااااااااااااااااا ....

طبعا ياسيد اسامة الناس على دين ملوكهم حيث ارتوى الملوك من اموال الناس بالدين فلا ضير ان يغنى بدينة لمدينة اركويت

دا المشروع الحضاري ... فهم وتطبيق ...
يا أسامة .. خليك من أغاني هابطة ... مرام كيف ... الشيماء كيف .. وطفل مدني كيف ..
وموية النار كيف ؟؟؟ ودي حاجات والله بطلنا نقرأ جرايد بسببها
يا أخي دا المجتمع الذي سعى إليه أطفال أنابيب الإنقاذ ..
وبعدين خليك من الحفلات ... التلفزيون القومي بقى ملطشة .. وبرنامج الطيب عبد الماجد خير دليل تلقى الضيوف في قامة القدال وحميد والفنان نكرة ... والكريمات بقت عند المذيعين الرجال عينك عينك
وقنوات خليعة وهابطة ... وبرامج مملة ..
وهاك مني حاجة غريبة ... فنان طمبور مشهور حدد له ولفنان آخر موعد للتسجيل معه بالنيل الأزرق
وعند ذهابهم وجدوا البرنامج إتغير !!!
أتدرون لماذا ؟ زوجة أحد الوزراء الكبار فرضت على القناة فنان من إياهم والقناة أطاعت !!!!!! ورجع أصحابنا مكسوفين ..!!!!!!!!!!!!!!!! مش حاجة تكسف ...

ياود المناصير انت خليك من ده رايك شنو في برنامج اغاني واغاني لمقدمه السر قدور ؟؟